bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 9
2 Kings 9
Gussi (EBIBILIA ENCHENU) 2020
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 10 →
1
Elisha omobani akarangeria oyomo bwa’borokigwa b’ababani, akamotebia, “Esibe ekenema kiao norokini, obogorie echuba ere namaguta, ogende Ramoti o Gileadi.
2
Ekero oraike aroro origie Yehu, omwana omomura o Yehosafati, mosinto o Nimusi. Erio osoe ime, omotebie atenene atige abagisangio baye, omosoyie ase akanyomba ka ime.
3
Oimokie echuba ere namaguta akweakwa, oyaumorere omotwe oye igoro, okwane: Aya naro Omonene atebire: Nagoakire amaguta, obe omoruoti bw’Abaisraeli. Erio oigore egesieri, osoke otame; tobaisa gotebana.”
4
Ase ayio omobani oria omosae akagenda Ramoti o Gileadi.
5
Ekero aigete aroro akanyora abatang’ani b’abarwani esegi baikaransete kogamba, agateba, “Omonene, nimbwate amang’ana narentire asore.” Yehu akamoboria, “Nase ng’o ase egati ya intwe twensi obwate amang’ana?” Omobani oria akairaneria, “Nasore aye omochiki.”
6
Yehu akaimoka, agasoa enyomba, na omobani oria omosae akaumora amaguta aria igoro ase omotwe o Yehu, akabora, “Aya naro Omonene, Nyasae bw’Abaisraeli, agoteba: Inche nagoakire amaguta obe omoruoti bw’Abaisraeli, abanto baane.
7
Naye oraite osirie abanto b’enyomba y’Ahabu, omonene oo, erinde inche nyeruserie egesiomba ase Yesebeli, ekiagera ere aiterete amanyinga ’abasomba baane ababani, na ay’abasomba baane bonsi, inche Omonene.
8
Enyomba yonsi y’Ahabu goika esire erue aroro; inche ninsirie kera omonto omosacha korwa ase enyomba y’Ahabu, abasibire na abatasibiri ase Abaisraeli.
9
Ninkore ab’enyomba y’Ahabu buna ab’enyomba ya Yeroboamu, mosinto o Nebati, na buna ab’enyomba ya Baasa, mosinto bw’Ahiya.
10
Chisese nachiriere Yesebeli ase oboremo agwo Yesireeli, na monto onde takomotindeka.” Erio akaigora egesieri agatama.
11
Ekero Yehu asogete isiko, akagenda ase abasomba b’omonene oye, na barabwo bakamoboria, “Mang’ana ki? Nase ki omonto oria ebarimo achicha aa asore?” Yehu akabairaneria, “Inwe momanyete omonto oria ne chinkwana chiaye.”
12
Barabwo bakabora: “Ayio tari amaene; totebie bono.” Erio akabatebia, “Ere nigo antebia ng’a aya naro Omonene atebire: Inche nagoakire amaguta obe omoruoti bw’Abaisraeli.”
13
Ase obwango obwo kera omonto akarusia eanga yaye akayiaara ase ebiriinero, ayetache. Erio bakabugia ebitureri biabo, bakararia, “Yehu nere omoruoti!”
14
Yehu, Mosinto o Yehosafati o Nimusi, agakora omoroberio bw’ogoita Yoramu. Ase engaki eria Yoramu amo n’Abaisraeli bonsi nigo barendete agwo Ramoti o Gileadi ase engencho ya Hasaeli, omoruoti bw’Abasiiria.
15
Korende Yoramu omoruoti konya oiranire gochia ase Yesireeli korwarigwa chingoma chiria Abasiiria bamoagete, ekero agendete korwania Hasaeli, omoruoti bw’Abasiiria. Ase ayio Yehu agateba, “Onye ebi nabio ebirengererio biaino, rirorio timotiga omonto onde bwensi asoke korwa ase omochie gochia goteba amang’ana ayio agwo Yesireeli.”
16
Yehu akariina egari yaye, akagenda Yesireeli, ekiagera Yoramu nao arenge orwarete, na Ahasia, omoruoti bw’Abayuda konya ochiireo komorora.
17
Ekero omorendi oteneine ase omorobiri o Yesireeli atengerete, akarora ekeombe kia Yehu kegocha, agateba, “Narorire ekeombe ki’abanto.” Yoramu akamotebia, “Toma omonto ariine ebarasai, agende aumerane nabarabwo na kobaboria gose namang’ana ’omorembe babwate.”
18
Ase ayio omonto oria akariina ebarasi, akagenda koumerana nere, akamotebia, “Omoruoti nigo akoboria gose namang’ana ’omorembe obwate.” Yehu akamoiraneria, “Ninki ogokorera omorembe? Irana nyuma yane ontunyane!” Omorendi oria akaira amang’ana, agateba “Omonto oria otomwa naika asebare, korende tari koirana gocha.”
19
Naende omonto o kabere omoriini ebarasi agatomwa agaika asebare, agateba, “Omoruoti nigo akoboria gose amang’ana omorembe mobwate.” Yehu akamoiraneria, “Ninki ogokorera omorembe? Irana nyuma yane, ontunyane!”
20
Naende omorendi oria akaira amang’ana, agateba, “Naika asebare, korende tari koirana gocha. Okogendia egari kwabo nigo konga buna okwa Yehu, mosinto o Nimusi, ekiagera ere nigo akominyokia egari buna ebarimo.”
21
Yoramu agateba, “Beka egari yane ang’e!” Barabwo bakabeka egari yaye ang’e. Erio Yoramu, omoruoti bw’Abaisraeli, na Ahasia, omoruoti bw’Abayuda, bakagenda, kera oyomo ase egari yaye, koumerana na Yehu. Barabwo bakaumerana nere agwo ase omogondo o Naboti, Omoyesireeli.
22
Ekero Yoramu aroche Yehu, akamoboria, “Yehu, nomorembe okorenta?” Yehu akairaneria, “Naki omorembe orakore obe, ekero obonyaka na oborogi obonge bwa Yesebeli nyoko bogendererete koba iga?”
23
Yoramu akaonchora egari yaye agatama, ogokurera Ahasia, “Ayee Ahasia, nigo totegire ase okong’ainwa!”
24
Erio Yehu akaruta omogwe ne chinguru chiaye chionsi, akarasa Yoramu gati y’amareko, na omogwe oria okarimera ime ase enkoro yaye, nere akagwa ime ase egari yaye.
25
Yehu agatebia Bidikari, omorwani oye ore komorenda, “Moimokie, omotugute ase omogondo o Naboti Omoyesireeli. Inyora ekero aye na inche toriinete chibarasi, togatunyana Ahabu ise, buna Omonene akwanete amang’ana mamincha yaye.
26
Omonene otebire iga: Ekeene, buna rituko ria igoro narora amanyinga a Naboti na ay’abana baye agoiterwa, ningoakanie egesiomba aiga ase oboremo obo. Ase ayio bono, moimokie momotugute ase omogondo oria buna Omonene atebete.”
27
Ekero Ahasia, omoruoti bw’Abayuda, aroche amang’ana aria, agatama gochia ase ensemo ya Beti‐Hagani. Yehu akamobwatia korwa nyuma, agateba, “Morase nere boigo!” Na ekero arenge ase egari yaye ime ogotiira gochia Guri, ang’e na Ibileamu, bakamorasa. Erio agatama goika Megido agakwera aroro.
28
Abasomba baye bakamobogoria ase egari, bakamoira Yerusalemu, bakamotindeka ase embeera yaye ase chisokoro chiaye chiatindegetwe, agwo ase Omochie o Daudi.
29
Ase omwaka o ikomi nomo bw’okogamba kwa Yoramu, mosinto bw’Ahabu, Ahasia, konya ochakire kogambera Abayuda.
30
Yehu akagenda Yesireeli, na ekero Yesebeli aigwete amang’ana ayio agasata amaiso aye na gochabera omotwe oye, akarigereria korwa ase ekebao.
31
Na buna Yehu abete ogosoa ase egeita, omokungu oria agakuura, “Aye Simuri, aye gwaitete omonene oo, mang’ana ki?”
32
Yehu akarigereria gochia ase ekebao, akaboria, “Ning’o ore ase ensemo yane? Ning’o?” Abasacha bagombaetigwe babere, gose batato, bakamorigereria gochia isiko.
33
Yehu akabatebia, “Tuguta omokungu oyio gocha inse aa!” Ase ayio bakamotuguta gochia inse; amanyinga aye agasiarokera enyasi amo ne chibarasi, Yehu akamotindachera inse ne chibarasi ne chigari.
34
Yehu agasoa nyomba, akaragera akanywa. Erio agateba, “Bono tindeka omokungu oyo oragereirie, ekiagera ere nigo arenge omosubati bw’omoruoti.”
35
Korende ekero bagendete komotindeka, tibanyorete gento kende ase omobere oye otatiga ekeore, na amagoro, na ebisanyi bi’amaboko aye.
36
Ekero bairanete, bagatebia Yehu amang’ana ayio, nere akabairaneria, agateba, “Eri ne ring’ana ri’Omonene riria akwanete goetera ase omosomba oye Elija Omotisibi: Agwo ase oboremo bore Yesireeli chisese nachirie omobere o Yesebeli.
37
Na omobere o Yesebeli okwete nobe buna esike igoro ase oboremo bore Yesireeli, goika monto onde tari orayomanyererie ng’a oyo nomobere o Yesebeli.”
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25