bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 25
2 Kings 25
Gussi (EBIBILIA ENCHENU) 2020
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Ase omwaka o kianda, rituko ria ikomi ri’omotienyi o ikomi bw’okogamba kwa Nebukadinesaro omoruoti o Babeli, ere amo nabarwani baye bonsi b’esegi bagacha korwania Yerusalemu; bakayonaaria na bakaagacha orwaki rw’ogwekengera koyoetanana.
2
Igo omochie oria okaba onaaririe goika omwaka o ikomi nomo bw’okogamba gwa Zedekia omoruoti.
3
Ase rituko ria kianda ri’omotienyi o kane enchara ekaba enene mono ase omochie oria goika endagera ekabora kegima ase abanto b’aroro.
4
Erio chindwaki chi’omochie chikabochorwa, na abanto bonsi b’esegi bagatama botuko, bagaetera egeita kiarenge gatigati ye chindwaki ibere, ang’e nomogondo bw’omoruoti, nonya Abakalidayo banaaretie omochie chinsemo chionsi. Bakagenda gochia ase Ekerubo Ekiomo.
5
Abarwani esegi b’Abakalidayo bakabwatia Zedekia omoruoti, bakamoikeera agwo ase ense omweya ya Yeriko ekero abarwani baye bonsi b’esegi konya bamotigire baserebekanire.
6
Erio bakabwata omoruoti bakamoira ase omoruoti o Babeli agwo Ribula, nere akamonachera ekina.
7
Bagaita abana ba Zedekia agwo ase amaiso aye, erio bakamokonora amaiso, bakamosiba ne chingatare, bakamoira Babeli.
8
Ase rituko ria gatano na kabere ri’omotienyi o gatano ase omwaka o ikomi na kianda bw’okogamba kwa Nebukadinesaro, omoruoti o Babeli, Nebusaradani, oyorenge omoteneneri bw’abarendi na omosomba bw’omoruoti o Babeli, agacha Yerusalemu.
9
Ere agasamba enyomba y’Omonene na enyomba y’omoruoti, ne chinyomba chionsi chia Yerusalemu; agasamba kera enyomba enene.
10
Abarwani esegi bonsi b’Abakalidayo, baria barenge amo nomoteneneri oria bw’abarendi, bagatagora chindwaki chiaetanaine Yerusalemu.
11
Nebusaradani omoteneneri bw’abarendi, agoosa na koira abanto aba konya batigaire ase omochie, na bonsi aba konya berure ase oyogokorera omoruoti o Babeli, akaira nabatigari bonsi b’omoganda.
12
Korende omoteneneri oria bw’abarendi agatiga abanto bande baria barenge abataka mono, b’ense eria babeereo, babe bagokora emeremo ase emegondo y’emesabibu na gokora emeremo y’okorema.
13
Abakalidayo bakabuna chisiiro chi’etaai chiria chiarenge ime ase enyomba y’Omonene, na ebibekerero bi’ebituba, na egetuba keria ekenene keroisirie korwa ase etaai, ebiarenge ase enyomba y’Omonene, Kobabibunire, bikaba ebing’ese, bakaira chitaai chiria chionsi Babeli.
14
Boigo bakaira chindogio, na ebichiko, na ebinachi, na ebitaabo bi’ogosambera ubani, na ebikorero bionsi bie chitaai biarenge gokorerwa emeremo ase hekalu.
15
Bakaira ne chindogio chi’okorenta omorero, amo ne chisani. Omoteneneri oria bw’abarendi akaira ebinto bionsi bie chitahabu na ebie chifeta.
16
Chitaai chie chisiiro chiria ibere, na echi’egetuba keria ekenene, na echi’ebibekerero biria bi’ebituba, ebinto ebio bionsi Sulemani aroisetie ase enyomba y’Omonene, tibiarenge korengeka.
17
Obotambe bw’esiiro eyemo nigo bwarenge obw’amaboko ikomi na atano na atato, na igoro ase esiiro egesure gi’etaai nkiarengeo; obotambe gochia igoro bw’egesure keria nigo bwarenge obw’amaboko atato. Egechanga na emegwekano y’amakomomanga biaetanaine egesure keria. Bionsi nigo biaroisirie korwa ase chitaai. Esiiro ya kabere nigo yarenge egwekaine eria entang’ani, yaetananirie nebichanga.
18
Omoteneneri oria bw’abarendi akaira Seraya, omokuani omonene, na Sefania, omokuani o kabere, na abarendi b’egesieri batato.
19
Naende akaira korwa ase omochie oria omonto oyomo orenge omoteneneri bw’abarwani esegi, na abanto batano b’ekegambero ki’omoruoti abanyoretwe ase omochie ime; na omoriki bw’abarwani esegi, oria orenge gokora omobaro bw’abanto b’ense eria amo nabanto emerongo etano nomo b’ense eria abanyorekanete ase omochie ime.
20
Nebusaradani, omoteneneri bw’abarendi, akababwata, akabaira ase omoruoti o Babeli agwo Ribula.
21
Omoruoti o Babeli akabaitera aroro agwo Ribula, ase ense ya Hamati, bagakwerao. Igo Abayuda bakarusigwa ase ense yabo bakairwa ase obosomba.
22
Nebukadinesaro, omoruoti o Babeli, akabeka Gedalia, mosinto bw’Ahikamu o Safani, akaba okogambera abanto batigarete ase ense y’Abayuda.
23
Ekero abatang’ani bonsi b’abarwani esegi, amo nabanto babo, baigwete ng’a omoruoti o Babeli ochorire Gedalia agambere ense eria, bakagenda asare agwo Misipa. Abagendeteo nabwo aba: Isumaeli, mosinto o Netania, na Yohanani, mosinto o Karea, na Seraya, mosinto o Tanahumeti korwa Netofa, na Yasania, omomura bw’omonto o Maaka, amo nabanto baye.
24
Gedalia agatiana ase abateneneri baria amo nabanto akabatebia, “Timoiroka ase engencho y’abatang’ani b’Abakalidayo; menya ase ense eye, mokorere omoruoti o Babeli, na amang’ana nabo arabe amaya asemore.”
25
Korende ase omotienyi o gatano na kabere Isumaeli, mosinto o Netania, bw’Elisama bw’enyomba y’omoruoti, agacha amo nabanto ikomi, agaaka Gedalia, akamoita. Boigo agaita Abayuda na Abakalidayo baria barenge amo nere agwo Misipa.
26
Erio abanto bonsi, abake na abanene, amo nabatang’ani b’abarwani esegi bakaimoka, bagatama gochia Misiri, ekiagera bairogete Abakalidayo.
27
Ase omwaka oria Ewili‐Merodaki, omoruoti o Babeli, achagete kogamba akaba namabera ase Yehoyakini, omoruoti bw’Abayuda, akamosibora korwa ase echela. Ayio nigo akoregete ase rituko ri’emerongo ebere na gatano na kabere, omotienyi o ikomi na kabere, ase omwaka bw’emerongo etato, na gatano na kabere nyuma Yehoyakini omoruoti bw’Abayuda goosirwe,
28
Ewili‐Merodaki agakwana amang’ana ’obwororo nere, naende akamoa amasikani amanene kobua ayio aete abaruoti bande barenge amo nere agwo Babeli.
29
Ase igo Yehoyakini akaonchoreria chianga chiaye chi’obosibwa, na kera rituko ase obogima bwaye bwonsi akaba okoragera nomoruoti.
30
Omoruoti akamoa endagera yaye, na kera egento kiaganeirie ase kera rituko ase obogima bwaye bwonsi.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25