bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 14
2 Kings 14
Gussi (EBIBILIA ENCHENU) 2020
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
1
Ase omwaka o kabere ase okogamba kwa Yehoasi, mosinto o Yehoahasi, omoruoti bw’Abaisraeli, Amasia, mosinto o Yoashi, omoruoti bw’Abayuda, agachaka kogamba.
2
Ere nigo arenge nemiaka emerongo ebere na etano ekero achagete kogamba, na akagamba emiaka emerongo ebere na kianda, agwo Yerusalemu. Ng’ina nigo arenge korokwa Yehoadini o Yerusalemu.
3
Amasia agakora ayare amaronge ase amaiso ’Omonene, korende nonya naboigo takorete buna Daudi, sokoro yaye, akorete. Nigo akorete onsi buna aya Yoashi ise akorete.
4
Aase aimokererete igoro agosasimerwa agatiga kobao; abanto bakagenderera korua ebing’wanso na gosamba ubani igoro y’aase aria.
5
Ekero oboruoti bwaye bwabete ne chinguru agaita abasomba baye baria baitete ise orenge omoruoti.
6
Korende taitete abana b’abaiti baria. Agakora koreng’ana namang’ana arikire ase Ebuku y’Amachiko a Musa ase Omonene achigete: “Abaibori tibagoitwa ase engencho y’ebibe bi’abana babo, gose abana tibagoitwa ase engencho y’ebibe bi’abaibori babo; korende kera omonto nigo arakwe ase ebibe biaye omonyene.”
7
Amasia agaita Abaedomu chilifu ikomi agwo ase Riranya ri’Enyancha y’Omonyo; akaira omochie o Sela ase okorwana esegi, akayoroka Yokiteli; naboigo okorokwa goika rero iga.
8
Erio Amasia agatoma abanto ase Yehoasi, omoruoti bw’Abaisraeli, oyorenge omwana o Yehoahasi, mosinto o Yehu, agateba, “Inchuo torigereranie obosio ase obosio!”
9
Na Yehoasi, omoruoti bw’Abaisraeli, agatoma amang’ana ase Amasia, omoruoti bw’Abayuda, akamotebia, “Rigeri erimo ria Lebanoni rigatoma amang’ana ase omocharake ore Lebanoni, rigateba: Ing’a omoiseke oo, omwana one omomura amonyuome. Erio eng’iti y’orosana ya Lebanoni egaeta aase agwo egatiringera inse rigeri riria.
10
Ekero kwabuire Abaedomu kwaenenire ase enkoro yao. Isaneka nobonene obwo, naende beera inka bwoo. Nase ki ogotubora emechando ebaise kogera ogwe aye amo n’Abayuda?”
11
Korende Amasia tanchete gotegerera. Ase ayio Yehoasi, omoruoti bw’Abaisraeli, akagenda koumerana nere, na igo ere na Amasia, omoruoti bw’Abayuda, bakarigererania obosio ase obosio ase okorwana esegi agwo Beti‐Semesi, omochie bw’Abayuda.
12
Abayuda bakabugwa n’Abaisraeli, bagatama, kera omonto gochia ase enka yaye.
13
Yehoasi, omoruoti bw’Abaisraeli, akabwatera Amasia, omoruoti bw’Abayuda, agwo Beti‐Semesi. Amasia nigo arenge mosinto o Yoashi bw’Ahasia. Yehoasi, omoruoti bw’Abaisraeli, akagenda Yerusalemu, agatagora orwaki rw’aroro ase obotambe bw’amaboko amagana ane, korwa Egeita gi’Efraimu goika Egeita gi’Ekoona.
14
Akaira chitahabu chionsi, ne chifeta, na ebikorero bionsi bianyorekanete ase enyomba y’Omonene, na ase chikungo chi’enyomba y’omoruoti, agoosa nabanto abarengeo. Erio akairana Samaria.
15
Bono amang’ana ande onsi Yehoasi akorete, na okobua kwaye, na buna arwanete esegi n’Amasia, omoruoti bw’Abayuda, nigo arikire ase Ebuku y’ogokora kw’Abaruoti b’Abaisraeli.
16
Yehoasi akarara ase chisokoro chiaye chiararete, agatindekwa agwo Samaria ase abaruoti b’Abaisraeli batindegetwe, na Yeroboamu, omwana oye omomura, akaba okogamba ase ribaga riaye.
17
Amasia, mosinto o Yoashi, omoruoti bw’Abayuda, akagenderera koba moyo emiaka ikomi na etano nyuma y’ogokwa kwa Yehoasi, mosinto o Yehoahasi, omoruoti bw’Abaisraeli.
18
Bono amang’ana ande onsi igoro y’Amasia nigo arikire ase Ebuku y’ogokora kw’Abaruoti b’Abayuda.
19
Abanto bagakora omoroberio agwo Yerusalemu bw’ogoita Amasia, korende ere agatama gochia Lakisi. Abanto bagatomwa gochia Lakisi, bakamoitera aroro.
20
Bakabogoria omobere oye ne chibarasi, bakayoira Yerusalemu, bakayotindeka aroro ase chisokoro chiaye chiatindegetwe, ase Omochie o Daudi.
21
Erio Abayuda bonsi bakabeka Asaria akaba omoruoti ribaga ri’Amasia ise. Asaria nigo arenge nemiaka ikomi na etano nomo ekero keria.
22
Ekero Amasia, omoruoti araire ase chisokoro chiaye chiararete, Asaria akaagacha Elati, naende akayoirania ase Abayuda.
23
Ase omwaka o ikomi na gatano bw’okogamba kw’Amasia, mosinto o Yoashi, omoruoti bw’Abayuda, Yeroboamu, mosinto o Yehoasi, omoruoti bw’Abaisraeli, agachaka kogamba agwo Samaria; ere akagamba emiaka emerongo ene nomo.
24
Agakora ayare amabe ase obosio bw’Omonene; teatananete korwa ase ebibe biria Yeroboamu, mosinto o Nebati, akorete akagera Abaisraeli bagakora ebibe.
25
Akairania orogongo rw’Abaisraeli korwa ase egesoero kia Hamati, goikera ase Enyancha y’Ekerubo Ekiomo koreng’ana buna Omonene, Nyasae bw’Abaisraeli, atebete goetera ase omosomba oye Yona mosinto bw’Amitai, omobani oria orwete Gati-Heferi.
26
Omonene nigo aroche emechando y’Abaisraeli ng’a nemenene mono, ngochia koera bare bonsi, omosomba na oyo tari omosomba, naende monto onde tarenge ogokonya Abaisraeli.
27
Korende Omonene konya tarateba ng’a nasirie erieta ri’Abaisraeli korwa ase ense. Ase ayio akabatooria goetera ase okoboko kwa Yeroboamu, mosinto o Yehoasi.
28
Bono amang’ana ande onsi igoro ya Yeroboamu, na aya onsi akorete, na okobua kwaye, na buna arwanete, naende buna airanetie Damesiki na Hamati ase Abaisraeli, emechie konya yabeire ey’Abayuda, nigo arikire ase Ebuku y’ogokora kw’Abaruoti b’Abaisraeli.
29
Yeroboamu akarara ase chisokoro chiaye chiarenge abaruoti b’Abaisraeli chiararete. Na Zakaria, omwana oye omomura, akaba okogamba ase ribaga riaye.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25