bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 2
2 Kings 2
Gussi (EBIBILIA ENCHENU) 2020
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
1
Ase engaki eria Omonene aganetie koira Elija igoro ase enchera y’ekerambauti, Elija na Elisha nigo barenge ase orogendo rwabo korwa Giligali.
2
Elija agatebia Elisha, “Aye beera aiga, ekiagera Omonene ontomire ngende Beteli.” Korende Elisha akamoiraneria, “Ekeene, buna Omonene are moyo, naende buna aye ore moyo, tinkogotiga.” Ase igo bagatirimboka, bakagenda Beteli.
3
Na aborokigwa b’ababani, abarenge agwo Beteli, bagacha ase Elisha, bakamoboria, “Inee! Nomanyete ng’a rituko ria rero Omonene nache aire omonene oo arue asore?” Ere akabairaneria, “Ee, namanyire ayio, korende inwe kira‐kiri.”
4
Naende Elija agatebia Elisha, “Aye beera aiga, ekiagera Omonene ontomire ngende Yeriko.” Korende Elisha akamoiraneria, “Ekeene, buna Omonene are moyo, naende buna aye ore moyo, tinkogotiga.” Ase ayio bakagenda Yeriko.
5
Aborokigwa b’ababani, abarenge agwo Yeriko, bagacha ase Elisha, bakamoboria, “Inee! Nomanyete ng’a rituko ria rero Omonene nache aire omonene oo arue asore?” Ere akabairaneria, “Ee, namanyire ayio, korende inwe kira‐kiri.”
6
Erio Elija agatebia Elisha, “Aye beera aiga, ekiagera Omonene ontomire ngende Yorodan.” Elisha akamoiraneria, “Ekeene, buna Omonene are moyo, naende buna aye ore moyo, tinkogotiga.” Ase ayio, aba babere bakagenda orogendo rwabo.
7
Aborokigwa b’ababani emerongo etano bakabatunyana, bagatenenera egeka aare, ekero baria babere bateneine ang’e na Yorodan.
8
Elija akaimokia egetambaa kiaye gi’okwambara agakeringania, erio agaaka amache na kerokio. Amache agaatananekana gochia ensemo na ensemo, goika baria babere bagaeta aase aakamoku, bakaamboka ng’umbu.
9
Ekero bambokire ng’umbu, Elija agatebia Elisha, “Boria egento ndanyare kogokorera ritang’ani ntararusigwa asore.” Elisha agateba, “Nagosabire, ong’e omoika oo ara kabere.”
10
Elija akamoiraneria, “Kwamboririe egento egekong’u. Korandore nkoirwa korwa asore, aye noyonyore, korende onye tokondora, rirorio takoba buna kwaboria.”
11
Buna barenge bagendererete ase orogendo rwabo, bakaba bagokwana amo, erio mobosokano egari y’omorero ne chibarasi chi’omorero chikabaatanana baria babere; na Elija akairwa igoro nekerambauti.
12
Elisha akarora ekero Elija akoirwa igoro, akarera, “Tata ominto! Tata ominto! Aye nigo ore ase Abaisraeli buna chigari na abariini chibarasi.” Nyuma y’ayio tarora Elija naende nonya ng’ake. Erio Elisha akarusia chianga chiaye, agachitandorana ebing’ese bibere,
13
na akaimokia egetambaa gi’okwambara ki’Elija keria kiagwete korwa asare, akairana, agatenena ase engegu ya Yorodan.
14
Agwo agaaka amache negetambaa keria gi’okwambara kiarwete ase Elija, akabora, “Ng’ai Omonene, Nyasae bw’Elija, are?” Na ekero aakire amache, amache agaatananekana gochia ensemo na ensemo. Elisha agaeta aase aakamoku, akaamboka ng’umbu.
15
Ekero aborokigwa b’ababani, baria barenge agwo Yeriko, bamoroche ore egeka egeke korwa asebare, bakabora, “Omoika bw’Elija nigo ore igoro ase Elisha.” Erio bakagenda komorotota, bagatung’ama inse, bakaumama ase obosio bwaye,
16
bakamotebia, “Rora intwe abasomba bao ntobwate abanto emerongo etano bare ne chinguru, twagosabire, tiga abanto abwo bagende barigie omonene oo. Ande gose omoika bw’Omonene nomoimokirie igoro, na omorutire ase egetunwa gete, gose ase rikura.” Elisha akabakania agateba, “Timobaisa kobatoma.”
17
Korende ekero bagendererete komoboria, ere akarosa, agateba, “Batome rende.” Barabwo bagatoma abanto emerongo etano, bagachia komorigia ase engaki y’amatuko atato, tibamonyora.
18
Bakairana, bagacha asare aase aganyete agwo Yeriko. Ere akabatebia, “Tinabakanetie ng’a timobaisa kogenda?”
19
Abanto b’omochie oria bagatebia Elisha, “Omochie oyo ore omuya, buna aye omonene oito oyoroche, korende amache areo namabe, ne riroba ri’ense eye tiriri kwama endagera.”
20
Elisha akabatebia, “Ndetera ebakuria enyia, mobeke omonyo ime.” Bakayerenta.
21
Erio akagenda ase ensoko y’amache, agaitera omonyo oria aroro, agateba, “Aya naro Omonene atebire: Nagwenirie amache aya; korwa bono na kogenderera amakweri gose okwama amarandi amaroro tibikorwa ase amache aya.”
22
Ase ayio amache aria akagwenigwa na akagenderera koba amaya goika rero iga, buna Elisha atebete.
23
Akarua aroro agwo, akagenda Beteli. Na ekero arenge ase orogendo rwaye, abana abamura abake bakarua ase omochie, bakamosekereria, bagaaka eriogi, bagateba, “Tiira gocha aa, aye nyaisio! Tiira gocha aa, aye nyaisio!”
24
Elisha akeonchora, na ekero abaroche, akabaragereria ase erieta ri’Omonene; ne chidubu ibere chiaberi chikarwa ase rinani, chigatandora abana baria abamura emerongo ene, na babere.
25
Korwa aase agwo agatiira, akagenda goika egetunwa gia Karimeli, naende korwa aroro akairana gochia Samaria.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25