bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 6
2 Kings 6
Gussi (EBIBILIA ENCHENU) 2020
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
1
Aborokigwa b’ababani bagatebia Elisha, “Rora aase aiga tomenyete inse y’oboteneneri bwao igo are aake mono asetore.
2
Tiga togende goika Yorodan, na kera oyomo ageche omote oyomo aroro, erinde toagachere enyomba aroro tokomenya.” Elisha akairaneria, “Genda!”
3
Oyomo obo akamotebia, “Koranche, ogende amo naintwe abasomba bao.” Elisha akamoiraneria, “Ee, ningende amo nainwe.”
4
Ase ayio akagenda amo nabarabwo, na ekero baigete Yorodan, bakagecha emete.
5
Korende ekero oyomo obo arenge kogecha omote, egesire kegasomoka korwa ase omote, gekagwa ase amache ime. Omonto oria akarera, “Obee, omonene one! Egesire eke nigo giasabetwe korwa ase omonto onde.”
6
Omonto oria o Nyasae akamoboria, “Ng’ai kiagwera?” Ekero omonto oria amworogetie aase aria, Elisha akanacha egete, agakeruta gochia imeo, akagera egesire keria kegacheng’enena amache igoro.
7
Erio akamotebia, “Keimokie!” Na omonto oria akarambora okoboko kwaye, agakeimokia.
8
Engaki eyemo ekero omoruoti bw’Abasiiria arenge korwana chisegi n’Abaisraeli, agasemania nabasomba baye, agachora aase gete akobeka egetwori kiaye.
9
Korende omonto oria o Nyasae agatoma amang’ana ase omoruoti bw’Abaisraeli, akamotebia, “Bwerende, tobaisa goetera aase aiga, ekiagera Abasiiria nao bakare.”
10
Na omoruoti bw’Abaisraeli agatoma abanto gochia aase aria omonto oria o Nyasae amotebetie ase okomokurera. Na omoruoti agetooria, tari engaki eyemo gose ibere, korende chinyinge.
11
Omoruoti bw’Abasiiria akaba oichanete ase ebirengererio biaye; akarangeria abasomba baye, akababoria, “Inee! Timokonyara gontebia monto ki ase egati yaito ore ensemo y’omoruoti bw’Abaisraeli?”
12
Oyomo bw’abasomba baye akamoiraneria, “Onde tari aa asetore, aye omoruoti omonene one, korende n’Elisha, omobani ore agwo ase Abaisraeli, nere ogotebia omoruoti bw’Abaisraeli amang’ana ogokwana ekero ore ase akanyomba kao g’okorara.”
13
Omoruoti agateba, “Genda morigie aase amenyete, erio ntome abanto bamobwate.” Bakamotebia ng’a naaria Dotani amenyete.
14
Ase igo omoruoti agatoma gochia aroro chibarasi, ne chigari, na omoganda omonene bw’abarwani esegi, na barabwo bagaika aroro botuko, bakanaaria omochie.
15
Ekero omosomba bw’omonto oria o Nyasae abogete mambia chuni, agasoka isiko, akarora omoganda oria bw’abarwani esegi, amo ne chigari ne chibarasi, agateba, “Obee, omonene one! Ninki togokora?”
16
Elisha agatebia omosomba oye, “Tibwoboa, ekiagera abwo bare amo naintwe nigo bare abange goetania baria bare nabarabwo.”
17
Erio Elisha agasaba, akabora, “Aye Omonene, nagosabire, ramokia amaiso aye, erinde arore.” Na Omonene akaramokia amaiso ’omosae oria, nere akarora chibarasi ne chigari chi’omorero nigo chiaichire ekegoro igoro, chietanaine Elisha.
18
Ekero Abasiiria bachete korwania Elisha, nere agasaba Omonene, akabora, “Nagosabire, oukorie abanto aba.” Ase ayio Omonene akabaukoria koreng’ana buna Elisha asabete.
19
Elisha agatebia abanto baria, “Eye tari ero enchera, na omochie tari oro oyo; intunyane, nainche nimborokie omonto oria mokorigia.” Erio akabatang’ana gochia Samaria.
20
Ase obwango boria basoete Samaria, Elisha akabora, “Aye Omonene, ramokia amaiso ’abanto aba, erinde banyare korora.” Omonene akaramokia amaiso abo, nabarabwo bakarora, bakenyora ng’a ngati‐gati ya Samaria baare.
21
Ekero omoruoti bw’Abaisraeli aroche abanto baria, akaboria Elisha, “Tata, ndaita abanto aba? Ndabaita?”
22
Elisha akairaneria, “Yaya, tobaita. Inee! Noite abanto gwosire nomoro oo gose nobota bwao? Bae endagera barie na amache banywe, erio bairane, bagende ase omonene obo.”
23
Ase igo omoruoti akabaroiseria omoyega omonene, na ekero bakoorire koria na konywa, akabaa ribaga, na barabwo bakagenda ase omonene obo. Abasiiria baria tibairanete naende nebiombe biabo korwania Abaisraeli.
24
Ekaba nyuma y’amang’ana ayio, Beni‐Hadadi, omoruoti bw’Abasiiria, akaroberia abarwani baye b’esegi, akagenda akanaaria omochie o Samaria.
25
Enchara enene yarenge agwo Samaria ekero keria bayonaaretie. Omotwe bw’etigere okaba okoonigwa ase rigori rie chisekeli chie chifeta emerongo etano na etato, na amabi ’amaruma aisanete agatita akamo ase chisekeli chie chifeta isano.
26
Ekero omoruoti bw’Abaisraeli arenge gotaara ase orwaki igoro, omokungu oyomo akarera asare, agateba, “Aye omoruoti, omonene one, inkonye!”
27
Omoruoti akamoiraneria, “Onye Omonene takogokonya, naki inche ndagokonye? Nkorwa ase ekeooreri, gose nkorwa ase egeteera gi’okomitera edivai?”
28
Naende akaboria omokungu oria, “Emechando yao nereri?” Omokungu oria akamoiraneria, “Omokungu nare aa tore komo agantebia: Rituko ria rero tiga torie omwana oo, na ankio torie oyone.
29
Ase ayio tokaiyeka omwana one tokamoria. Ne rituko ria kabere nkamotebia ng’a arente omwana oye tomorie, korende ere konya obisire omwana oye.”
30
Ekero omoruoti aigwete amang’ana ’omokungu oria, agatandora chianga chiaye. Ere nigo arenge gotaara ase orwaki igoro, na abanto barenge ang’e bakarora obegete chianga chie chigunia korwa ime ase omobere oye.
31
Na igo akabora, “Tiga Nyasae ang’e egesusuro bono na kogenderera onye omotwe bw’Elisha, mosinto o Safati, ogotigara igoro ase amareko aye rituko ria rero ritaraera.”
32
Elisha nigo aikaransete nyomba mwaye ime, na abagaaka nigo baikaransete amo nere. Bono omoruoti agatoma omonto korwa ase obosio bwaye atang’ane, korende ekero omonto oria ataraikao, Elisha agatebia abagaaka baria, “Mwarorire buna omoiti oria atomire omonto ache abutore omotwe one? Ekero omonto oria agocha mosieke egesieri, mokebwate bokong’u tabaisa gosoa nyomba. Inee! Ebititiro bi’amagoro ’omonene oye tibiri komotunyana?” Ekero agendererete gokwana nabarabwo, omotomwa oria agacha asare, agateba,
33
“Emechando eye nigo yarure ase Omonene. Ninki rende nganyete inyore korwa ase Omonene?”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25