bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 7
2 Kings 7
Gussi (EBIBILIA ENCHENU) 2020
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
1
Elisha akamoiraneria, “Igwa ring’ana ri’Omonene. Aya naro Omonene agoteba: Ankio, engaki buna eye obosie obonuke bw’engano ebitita bibere nabionigwe ase rigori ri’esekeli eyemo, na obw’esairi ebitita bine ase esekeli eyemo, agwo ase egeita gia Samaria.”
2
Erio omotang’ani bw’abarwani esegi, oyio omoruoti egenete, agatebia omonto oria o Nyasae, “Nonya Omonene omonyene are koigora ebibao bia igoro, egento ekio tigekonyara koba.” Korende omonto oria o Nyasae agateba, “Aye noyarore namaiso ao, korende tokoria endagera eyio.”
3
Bono abanto bane barwarete oborwaire bwa ukoma mbarenge agwo ase egesoero ki’egeita. Barabwo bagatebania, “Ninki gekogera toikaranse aiga goika tokwe?
4
Toise goteba ng’a tosoe omochie ime, enchara nereo, nabo torakwe; na toise goikaransa aiga, boigo ntokwe. Ase ayio togende goika ase egetwori ki’Abasiiria. Kobaratotige, tobe moyo, ntogenderere koba moyo; kobaratoite ntobe twakure.”
5
Bakaimoka mambia ense etarakiamoka, bakagenda ase egetwori ki’Abasiiria, korende ekero baigete ase omochakano bw’egetwori keria bakanyora ng’a monto taiyo.
6
Omonene ogerire omoganda bw’abarwani esegi b’Abasiiria baigure ebititiro bie chigari, ne chibarasi, na eriogi ri’omoganda omonene bw’abarwani esegi. Ase ayio konya batebanirie, “Ekeene, omoruoti bw’Abaisraeli osabire abaruoti b’Abahiti na baria b’Abamisiri bache gotorwania.”
7
Erio bagatama ense etarakiamoka, bagatiga chiema chiabo, ne chibarasi chiabo, ne chitigere chiabo; bagatiga negetwori, bagatama ase ogotooria obogima bwabo.
8
Ekero abanto baria barwarete oborwaire bwa ukoma baigete ase omochakano bw’egetwori bagasoa ase eema eyemo, bakaria endagera na konywa, bakabogoria chifeta, ne chitahabu, ne chianga, bakagenda bagachibisa. Naende bakairana, bagasoa ase eema ende, bakabogoria ebinto korwa aroro, bakagenda nabirobio bakabibisa.
9
Erio bagatebania, “Aya tari aro amaronge togokora. Rituko ria rero neri’amang’ana amaya. Onye togokira na koganya goika bokie, ekeene, egesusuro ngetonyore. Ase ayio, inchuo togende, totebie abanto b’enyomba y’omoruoti amang’ana aya.”
10
Bakagenda, bakarangeria abarendi b’egeita ki’omochie, bakabatebia, “Iga twagenda ase egetwori ki’Abasiiria, twanyora ng’a monto onde tario nonya noyomo, gose titoigweti riogi ria monto; twanyora chibarasi chisibire, ne chitigere boigo, ne chiema chiteneine buna bachitigete.”
11
Erio abarendi b’egeita bakararia amang’ana ayio nonya ngoikera ase enyomba y’omoruoti.
12
Na omoruoti akaimoka botuko, agatebia abasomba baye, “Tiga mbatebie egento Abasiiria barobeirie mamincha yaito. Bamanyire ng’a intwe igo tore nenchara; ase ayio basokire korwa ase egetwori bagendire kwebisa orosana batoboere, barengereretie ng’a ekero togosoka korwa ase omochie batobwate tore moyo, naende basoe omochie bayobwate.”
13
Oyomo bw’abasomba baye agateba, “Tiga totome abanto bagende boyie chibarasi isano korwa ase echio chitigarete ase omochie, baroote tomanye amang’ana buna are. Emechando erabanyore abanto abwo tekoba emebe kobua ey’abwo batigarete ase omochie, gose ey’Abaisraeli bonsi basiririe obogima bwabo.
14
Ase igo bagachora abanto babere bakariina chigari chiare kong’uswa ne chibarasi, na omoruoti akabatoma gochia koroota abarwani esegi b’Abasiiria.”
15
Ase ayio bakababwatia goika Yorodan, bakarora chianga na ebinto binde Abasiiria batugutete inchera ekero barenge gotama. Abanto baria batometwe bakairana, bagatebia omoruoti amang’ana ayio.
16
Abanto ba Samaria bakagenda bagasakora egetwori ki’Abasiiria. Ase ayio obosie obonuke bw’engano ebitita bibere bokaoonigwa ase esekeli eyemo, na obw’esairi ebitita bine ase esekeli eyemo, buna Omonene atebete.
17
Bono omoruoti konya ochorire omotang’ani oria bw’abarwani esegi, ere omonyene egenete, abe omorendi bw’egeita. Abanto bakamotindachera agwo ase egeita goika agakwa, buna omonto oria o Nyasae atebete ekero omoruoti achete asare.
18
Nigo abete buna omonto oria o Nyasae atebetie omoruoti, “Engaki buna eye ankio agwo ase egeita gia Samaria obosie bw’esairi ebitita bine na bioonigwe ase esekeli eyemo, na obosie obonuke bw’engano ebitita bibere ase esekeli eyemo.”
19
Omotang’ani oria bw’abarwani esegi nigo airaneretie omonto oria o Nyasae, agateba, “Nonya Omonene omonyene are koigora ebibao bia igoro, ayio takonyara koba.” Omonto oria o Nyasae nigo amoiraneretie, “Aye noyarore namaiso ao, korende tokoria endagera eyio.”
20
Ayio agakoreka asare, na abanto igo bamotindacherete agwo ase egeita, agakwa.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25