bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 12
2 Kings 12
Gussi (EBIBILIA ENCHENU) 2020
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
1
Ase omwaka o gatano na kabere bw’okogamba kwa Yehu, Yoashi agachaka kogamba, na akagamba emiaka emerongo ene agwo Yerusalemu. Ng’ina nigo arenge korokwa Sibia korwa Beeri‐Seba.
2
Yoashi agakora ayare amaronge ase amaiso ’Omonene ase amatuko aye onsi, ekiagera Yehoyada omokuani abete okomosemia.
3
Korende nonya naboigo, aase aimokererete igoro agosasimerwa tatagoretwe. Abanto bakagenderera korua ebing’wanso na gosambera ubani aroro.
4
Yoashi agatebia abakuani, “Chibesa chionsi chi’ebinto ebichenu chikorentwa ase enyomba y’Omonene, ne chibesa kera omonto arageire korua, ne chibesa chikoruegwa ase okobooria abanto koreng’ana ne rigori richikire, ne chibesa omonto akorua ase ogwancha,
5
tiga abakuani bachibogorie, kera oyomo korwa ase abanto baye. Erio barabwo baroiserie enyomba aande onsi eganirie koroisigwa.”
6
Korende ase omwaka bw’emerongo ebere na etato bw’okogamba kwa Yoashi omoruoti, abakuani tibaroisetie enyomba y’Omonene ase yatagogete.
7
Ase ayio Yoashi omoruoti akarangeria Yehoyada omokuani na abakuani bande, agakwana nabarabwo agateba, “Ninki kiagera motari koroisia enyomba aase yatagokire? Bono timobaisa korusia chibesa chinde chionsi korwa ase abanto, korende morente chibesa chiria mobwate, erinde eroiserigwe ase yatagokire.”
8
Abakuani bagancha ng’a tibagochia korusia chibesa chinde korwa ase abanto, naende ng’a tibagochia koroisia enyomba ase yatagokire.
9
Erio Yehoyada omokuani akarenta esanduku enkong’u akayebochora akabao ase ekemumeko kiaye, akayebeka mbarabare y’egesasimero ensemo y’okorio, ase abanto bare gosoera enyomba y’Omonene. Na abakuani baria barendete agwo ase egesieri ki’enyomba, akabeka ime ase esanduku eria chibesa chionsi chiarentetwe ase enyomba y’Omonene.
10
Engaki ende yonsi chibesa chiarenge koba chinyinge ime ase esanduku omoriki bw’omoruoti na omokuani omonene nigo barenge gocha kobara chibesa chiria chiare korentwa ase enyomba y’Omonene na gochibeka ime ase emebuko, naende bayeboa.
11
Ekero chibesa chiria chiarengirwe, nigo chiare koruegwa ase amaboko ’abanto baria batenenerete emeremo y’enyomba y’Omonene. Nabarabwo nigo barenge goakana ching’eria ase abasenia be chibao na abaagachi barenge gokora emeremo ase enyomba y’Omonene,
12
na abaagachi b’amagena na ababaachi amagena. Naende nigo barenge kogora chibao, na amagena asenirie, ase okoroiseria enyomba y’Omonene aase yatagogete. Chibesa echio nigo chiaruetwe ase kera egento kiaganeirie ase okoroiseria enyomba eria.
13
Korende korwa ase chibesa chiria chiarentetwe ase enyomba y’Omonene tibaroisetie chisani chie chifeta gose ebinachi, gose ebitaabo, gose ebirombeta, gose ebikorero binde bie chitahabu, gose ebie chifeta, ase enyomba y’Omonene,
14
ekiagera chionsi chiaruetwe ase abakori emeremo abarenge koroisia enyomba ase echio.
15
Abanto abwo barenge koegwa chibesa chiria tibarenge koborigwa koorokia omobaro, ekiagera barenge abegenwa.
16
Chibesa chiarenge koruegwa ase okorongeyia okomocha, na echio chiarenge koruegwa ase ekeng’wanso ki’ebibe tichiarentetwe ase enyomba y’Omonene; echio nigo chiabete echi’abakuani.
17
Ase engaki eria Hasaeli, omoruoti bw’Abasiiria, akagenda akarwania Gati, akayobua. Korende ekero Hasaeli aonchogete kogenda korwania Yerusalemu,
18
Yoashi, omoruoti bw’Abayuda, akaimokia ebiegwa bionsi biria Yehosafati, na Yehoramu, na Ahasia, chisokoro chiaye, abaruoti b’Abayuda, baatananete koba ebichenu, amo nebiegwa biaye omonyene bi’ogwancha, ne chitahabu chionsi chianyoretwe ase chikungo chi’enyomba y’Omonene na ey’omoruoti, Erio agatoma ebinto biria bionsi ase Hasaeli, omoruoti bw’Abasiiria. Erio Hasaeli agatiga Yerusalemu.
19
Bono amang’ana onsi igoro ya Yoashi, na aya onsi akorete, nigo arikire ase Ebuku y’ogokora kw’Abaruoti b’Abayuda.
20
Abasomba baye bagakora omoroberio bw’okomoita, bakamoitera ime ase enyomba yaye agwo Milo, agwo ase enchera ekogenda Sila.
21
Abasomba baye, Yosakari, mosinto o Simeati, na Yehosabadi, mosinto o Someri, aba nabwo bamoitete agakwa. Yoashi agatindekwa ase chisokoro chiaye chiatindegetwe agwo ase Omochie o Daudi, na Amasia, omwana oye omomura, akaba okogamba ase ribaga riaye.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25