bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Kings 3
2 Kings 3
Gussi (EBIBILIA ENCHENU) 2020
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 4 →
1
Ase omwaka o ikomi na gatano na gatato bw’okogamba kwa Yehosafati, omoruoti bw’Abayuda, Yoramu, mosinto bw’Ahabu, agachaka kogambera Abaisraeli, agwo Samaria, akagamba emiaka ikomi na ebere.
2
Yoramu agakora ayare amabe ase obosio bw’Omonene, nonya takorete buna ise na ng’ina bakorete, ekiagera narusetie esiiro y’enyasae Baali, eria ise aroisetie.
3
Korende nonya naboigo, igo abwatanete nebibe bia Yeroboamu, mosinto o Nebati, biria akorete akagera Abaisraeli bagakora ebibe; teatananete korwa ase birobio.
4
Bono Mesha, omoruoti o Moabu, nigo arenge omotugi bwe ching’ondi, na kera omwaka nigo arenge korua ebango ase omoruoti bw’Abaisraeli, chimanwa chie ching’ondi chilifu rigana erimo (100,000), naende amarionya e chimingichi chilifu rigana erimo (100,000).
5
Korende ekero Ahabu akure, omoruoti bw’Abamoabu akaanga koigwera omoruoti bw’Abaisraeli.
6
Ase engaki eria omoruoti Yoramu akarua Samaria, akaroberia Abaisraeli bonsi.
7
Akagenda, agatoma amang’ana gochia ase Yehosafati, omoruoti bw’Abayuda, agateba, “Omoruoti bw’Abamoabu bwangire konyigwera. Inee! Aye nogende amo nainche torwanie abanto ba Moabu?” Yehosafati akairaneria, “Ee, ningende amo naye, na abanto baane amo nabanto bao, ne chibarasi chiane amo ne chibarasi chiao.”
8
Naende akaboria, “Inee! Insemo ki toraetere kogenda?” Yoramu akairaneria, “Igo toraetere enchera y’erooro y’Edomu.”
9
Ase ayio omoruoti bw’Abaisraeli akagenda amo nomoruoti bw’Abayuda, na omoruoti bw’Abaedomu. Na ekero bagendire orogendo rw’ogosiongorokana ase amatuko atano na abere, amache akabora abarwani esegi amo ne ching’iti chiarenge kobatunyana.
10
Omoruoti bw’Abaisraeli agateba, “Obobe nobwaito! Omonene otorangeirie intwe abaruoti batato atobeke ase amaboko Abamoabu.”
11
Erio Yehosafati akaboria, “Inee! Omobani bw’Omonene tari aa toranyare koboria Omonene goetera asare?” Omosomba oyomo bw’omoruoti bw’Abaisraeli akairaneria, “Elisha, mosinto o Safati, nao are aiga, oria oumorete amache ase amaboko ’Elija.”
12
Yehosafati agateba, “Ring’ana ri’Omonene nigo rire amo nere.” Ase igo omoruoti bw’Abaisraeli, na Yehosafati, na omoruoti bw’Abaedomu bakagenda asare.
13
Elisha agatebia omoruoti bw’Abaisraeli, “Inki inde naye? Genda aye ase ababani ba iso na aba nyoko!” Korende omoruoti bw’Abaisraeli akamotebia. “Tinkogendao. Omonene nere otobekire intwe abaruoti batato ase amaboko Abamoabu.”
14
Elisha akabora, “Ekeene, buna Omonene bw’Emeganda are moyo, oria inche ngokorera, onye ntasigeti Yehosafati, omoruoti bw’Abayuda, anga tinarenge gwancha gokorora, gose gokorigereria.
15
Korende bono ndetere omobugia obokano.” Na ekero omobugia oria arenge kobugia obokano, chinguru chi’Omonene chigacha igoro y’Elisha,
16
na ere akabora, “Aya naro Omonene agoteba: Kunya chingoro chinyinge ase rigoko eri rikamoku.
17
Naende aya naro Omonene agoteba: Nonya timokorora omwaga, gose embura, rigoko eri nariichore amache, erinde monywe, inwe ne chiombe chiaino, ne ching’ondi chiaino.
18
Eke negento egeke ase Omonene; boigo nabeke Abamoabu ase amaboko aino.
19
Nainwe mobue emechie yabo egiteire chindwaki na kera omochie omuya, naende namoteme kera omote omuya; boigo motiche na gosaria chinsoko chionsi chi’amache na mosarie kera oboremo obuya namagena.”
20
Rituko ria kabere mambia, ekero ki’engaki y’okorua ekeng’wanso, amache agacha korwa ensemo y’Edomu, goika agaichora orogongo roria.
21
Ekero abanto bonsi ba Moabu baigwete ng’a abaruoti bachire korwana nabarabwo, bonsi abarenge ne chinguru kobogoria ebirwanero bakarangerigwa batang’ane bosio, abake na abanene.
22
Mambia chuni, ekero baimogete na erioba rikaoroka rikabara ase amache, Abamoabu bakarora amache arenge bosio bwabo are amabariri buna amanyinga.
23
Barabwo bagateba, “Aya namanyinga! Abaruoti baria barwanire barabwo ase barabwo na goitana. Ase ayio bono intwe Abamoabu, togende tosakore!”
24
Korende ekero Abamoabu bachete ase egetwori ki’Abaisraeli, Abaisraeli bakaimoka, bakabarwania goika abanto abwo bagatama korwa asebare. Abaisraeli bakagenderera kobatunyana gochia ase ense yabo bakabaita.
25
Bagatagora emechie yabo bagasaria kera oboremo obuya. Kera omonto akaruta rigena ase oboremo goika amagena akabotuba kegima. Bagaticha kera ensoko y’amache na bagatema kera omote omuya. Amagena oka agatigara ase omochie o Kiri‐Hariseti, na abanto barenge koruta chinduruche bakayoetanana, bakayoumokera.
26
Ekero omoruoti bw’Abamoabu aroche ng’a esegi yamobuire, akaira abanto amagana atano na abere babogoretie emioro, akagania amigererie gochia ase omoruoti bw’Abaedomu, korende tanyarete.
27
Erio akaira igoro ase orwaki omwana omomura oye omotangi, oria orenge gocha kogamba ase ribaga riaye, akamorua akaba ekeng’wanso ki’ogosambwa. Agwo Abaisraeli bakagechigwa bagatiga korwana, bakairana gochia ase ense yabo.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25