Joshua 15

Luganda (BIBU1) (BIBULIYA ENTUKUVU)

← Chapter 14 Jump to: Chapter 16 →

1Ekitundu bazzukulu ba Yuda kye baagabana mu masiga gaabwe nga kisimba ku nsi ya Edomu ne ku ddungu Zini ng'otunuulidde emaserengeta ddala eri emaserengeta.

2Ensalo zaabwe emaserengeta nga ziva ku kyondo eky'emaserengeta ku Nnyanja ey'Omunnyo,

3ne zigendera ddala okuyita wansi w'akasozi ke Akurabbimu, ne zeeyongerayo e Zini, ne zambuka okutuuka mu maserengeta ga Kadesi-Baruneya, ziizo ne ziyita ku Kezuroni, ate ne zambuka e Addari, ne ziweta okudda e Karuka;

4olwo ne zisala okulaga e Azumoni, ne zigwa ku Kiwonvu Misiri, ne zikoma ku Nnyanja Ennene. Ezo ze nsalo zaabwe emaserengeta.

5Ensalo ebuvanjuba ye Nnyanja ey'Omunnyo okutuuka ku Yorudani w'ayiira mu nnyanja. Ensalo ez'emambuka zitandikira ku kyondo ky'Ennyanja Yorudani w'ayiira mu nnyanja,

6ne zambuka ku Beti-Kogula, ne ziyita butereevu mu mambuka ga Beti-Araba, ne zambuka ku jjinja lya Bowani mutabani wa Rubeni;

7ne zambuka e Debiri okuva mu Kiwonvu Akori, ne zidda emambuka e Gilugali, ekitunuulidde akasozi k'e Adummimu akali mu maserengeta g'omugga. Awo ensalo ne ziraga ku Meeni-Semesi ne zikoma ku Eni-Rogeli.

8Awo ne zambuka nga zigoba Ekiwonvu Beni-Yinnomu, ku buserengeto obw'emambuka obw'ekibuga ky'Abayebusi, oba Yeruzaalemu. Bwe ziva awo ne zambuka ku ntikko y'olusozi ebuvanjuba bw'Ekiwonvu Yinnomu emambuka ddala ekiwonvu Refayimu we kikoma.

9Ne ziweta okuva ku ntikko y'olusozi ne ziraga ku luzzi lw'Ensulo z'e Nefutowa. Ne zijja bwe zityo okutuuka ku bibuga by'olusozi Efuroni, ne ziweta okulaga e Baala oba Kiriyati-Yewarimu.

10Okuva ku Baala zetooloola ku luuyi lw'ebugwanjuba okutuuka ku lusozi Seyiri, ne zikutula nga zigoba akaserengeto k'olusozi Yewarimu, oludda lw'emambuka, e Kesaloni, ne zikkirira e Beti-Semesi, awo ne ziraga e Timuna.

11Ne zigendera ddala ku buserengeto bwa Ekuroni obw'emambuka, awo ne ziweta okulaga e Sikkeroni, ne ziyita kumpi n'olusozi Baala, ne zigguka e Yabuneeli, ne zikoma ku Nnyanja Ennene.

12Olubalama lw'Ennyanja Ennene ebugwanjuba ye nsalo. Ezo ze nsalo okwetooloola abazzukulu ba Yuda mu masiga gaabwe.

13Yoswa ng'agoberera Omukama bye yali amulagidde, yaddira ekitundu ekimu eky'abazzukulu ba Yuda, kye kibuga Kiriyati-Aruba, oba Keburoni, n'akiwa Kalebu mutabani wa Yefunne. Aruba ye yali kitaawe wa Anaki.

14Kalebu n'agobamu Abaanaki abasatu abaalimu: Sesayi, Akimani ne Talumayi, bazzukulu ba Anaki.

15Eyo gye yava n'agenda alumba abantu ababeeranga Debiri. Debiri okusooka kyayitibwanga Kiriyati-Seferi.

16Kalebu n'agamba nti: “Omusajja anaalumba n'awamba Kiriyati-Seferi, nnaamuwa muwala wange Akusa abeere mukazi we.”

17Otunyeli, mutabani wa Kenazi, muganda wa Kalebu, n'akiwamba. Kalebu n'amuwa muwala we Akusa abeere mukazi we.

18Olumu Akusa bwe yajja ewa Otunyeli, bba n'amupikiriza asabe kitaawe ekibanja. Bwe yabuuka ku ndogoyi, Kalebu n'amubuuza nti: “Oyagala nkukolere ki?”

19Omuwala n'amuddamu nti: “Ngirira ekisa. Nga bwe wampa ettaka mu Negevu, mpeerako n'enzizi z'amazzi.” Bw'atyo Kalebu n'amuwa enzizi ez'engulu n'ez'emmanga.

20Buno bwe busika bw'ab'ekika ky'abazzukulu ba Yuda mu masiga gaabwe.

21Ebibuga by'ab'ekika ky'abazzukulu ba Yuda ebisembera ddala emaserengeta okwolekera ensalo ne Edomu mu Negevu byali: Kabuzeeli, Ederi ne Yaguri;

22Kina, Dimona ne Adada;

23Kedesi, Kazori ne Yitunani;

24Zifu, Telemu ne Bewaloti;

25Kazori-Kadata, Kiriyoti-Kezuroni, era ekiyitibwa Kazori,

26Amamu, Sema ne Molada;

27Kazari-Gadda, Kesumoni, ne Beti-Peleti;

28Kazari-Suwali, Beeriseba, ne Biziyotiya;

29Baala, Yiyimu ne Ezemu;

30Elutoladi, Kesili, ne Koruma;

31Zikulagi, Madumanna ne Sanusanna;

32Lebawoti, Silukimu, Ayini ne Rimmoni; byonna wamu, ebibuga amakumi abiri mu mwenda, ko n'ebyalo byabyo.

33Mu Sefela: Asutawoli, Zora ne Asuna;

34Zanowa, Eni-Gannimu, Tappuwa ne Enamu;

35Yarumuti, Adullamu, Soko ne Azeka;

36Saarayimu, Aditayimu, Gedera ne Gedero-Tayimu; bye bibuga kkumi na bina, n'ebyalo byabyo.

37Zenani, Kadasa, ne Migudali-Gaadi;

38Dilewani, Mizupa ne Yokuteeli;

39Lakisi, Bozukati ne Eguloni;

40Kabboni, Lakumasi ne Kitulisi;

41Gederoti, Beti-Dagoni, Naama ne Makkeda; bye bibuga kkumi na mukaaga n'ebyalo byabyo.

42Libuna Eteri ne Asani;

43Yefuta, Asuna ne Nezibu;

44Keyila, Akuzibu ne Maresa; bye bibuga mwenda n'ebyalo byabyo.

45Ekuroni, ebibuga byakyo n'ebyalo byakyo.

46Okuva ku Ekuroni okudda ebugwanjuba, byonna ebiriraanye Asudodi n'ebyalo byabyo;

47Asudodi, ebibuga byakyo n'ebyalo byakyo, Gaza, ebibuga byakyo n'ebyalo byakyo, okutuuka ku Kiwonvu Misiri ne ku lubalama lw'Ennyanja Ennene.

48Mu nsozi: Samiri, Yattiri ne Soko;

49Danna ne Kiriyati-Sanna, era ekiyitibwa Debiri,

50Anabu, Asutemo ne Animu;

51Goseni, Koloni ne Gilo; bye bibuga kkumi na kimu n'ebyalo byabyo.

52Arabu, Duma ne Esani;

53Yanimu, Beti-Tappuwa ne Afeka;

54Kamuta, Kiriyati-Aruba oba Keburoni, ne Ziwori; bye bibuga mwenda awamu n'ebyalo byabyo.

55Mawoni, Karumeli, Zifu ne Yutta;

56Yezureeli, Yokudewamu ne Zanowa;

57Kayini, Gibewa ne Timuna; bye bibuga kkumi n'ebyalo byabyo.

58Kalukuli, Beti-Zuru ne Gedori;

59Maarati, Beti-Anoti ne Elutekoni; bye bibuga mukaaga n'ebyalo byabyo; era ne Tekowa, Efurata, kati nga ye Beteleemu, ne Pewori, Etami, Kuloni, Tatami, Soresi, Karemu, Gallimu, Beteri ne Manaka; bye bibuga kkumi na kimu n'ebyalo byakyo.

60Kiriyati-Baali, oba Kiriyati-Yewarimu, ne Rabba; bye bibuga bibiri n'ebyalo byabyo.

61Mu ddungu: Beti-Araba, Middini ne Sekaka;

62Nibusani n'Ekibuga ky'Omunnyo ne Engedi; bye bibuga mukaaga n'ebyalo byabyo.

63Kyokka bazzukulu ba Yuda tebaasobola kugobawo Bayebusi ababeeranga mu Yeruzaalemu. N'okutuusa ku lunaku lwa leero Abayebusi mwebali mu Yeruzaalemu ne bazzukulu ba Yuda.

← Chapter 14 Jump to: Chapter 16 →