bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Joshua 2
Joshua 2
Luganda (BIBU1) (BIBULIYA ENTUKUVU)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Awo Yoswa mutabani wa Nuunu n'asindika abakessi babiri mu kyama nga bava e Sittimu, n'abagamba nti: “Mugende mukette ensi, n'ekibuga Yeriko.” Ne bagenda, ne bayingira mu nnyumba ya malaaya ayitibwa Rakabu; ne basula omwo.
2
Amawulire ne gatuuka ku kabaka wa Yeriko nti: “Waliwo abasajja okuva mu Bayisirayeli abaayingidde wano ekiro okuketta ensi.”
3
Awo kabaka wa Yeriko n'atumira Rakabu, n'amugamba nti: “Fulumya abasajja abazze gy'oli ne bayingira mu nnyumba yo, kubanga bakessi, bazze kuketta nsi yonna.”
4
Naye omukazi n'addira abasajja n'abakweka; n'addamu nti: “Kituufu, abasajja bazze gye ndi; nabadde simanyi gye bavudde.
5
Wankaaki w'ekibuga yabadde ali kumpi okuggalwawo akawungeezi, abasajja ne bafuluma, simanyi gye baalaze. Mubawondere mangu, muyinza okubakwata.”
6
Naye yali abalinnyisizza waggulu ku nyumba, ng'abakwese mu bisubi bya kitaani bye yali ayanise eyo.
7
Abasajja ne babawondera nga bakutte ekkubo ery'oku misomoko gya Yorudani. Abaawondera bwe baafuluma, wankaaki n'aggalwa.
8
Abaali beekwese baba tebanneebaka, omukazi n'alinnya waggulu gye baali,
9
n'agamba nti: “Mmanyi Omukama abawadde ensi eno. Mutukubye entiisa; era bonna abali mu nsi eno batekemuse olw'okubeera mmwe.
10
Twawulira ng'Omukama bwe yakaliza Ennyanja ey'Ebiwuuwa ku lwammwe lwe mwava e Misiri, ne bye mwakola bakabaka ababiri Abaamori, emitala wa Yorudani, Sikoni ne Ogi be mwazikiriza obutalekaawo kantu.
11
Bwe twawulira kino, n'emitima gyaffe ne gitutekemuka, buli omu n'aggwaamu amaanyi olw'okubeera mmwe, kubanga Omukama Katonda wammwe ye Katonda mu ggulu waggulu ne mu nsi wansi.
12
Kale nno mundayirire mu linnya ly'Omukama nti nga nze bwe mbagiridde ekisa, nammwe bwe munaagirira ekisa ennyumba ya kitange; mumpe n'akabonero okukakasa
13
nga mugenda kutaliza kitange ne mmange, bannyinaze ne baganda bange, n'ebyabwe byonna bye balina, ate nga mulituwonya okufa.”
14
Abasajja ne bamuddamu nti: “Tusinzeewo obulamu bwaffe ku lulwo. Kasita tooyogere kye tukola, nga Omukama atuwadde ensi eno, tulikugirira ekisa era tulikuyisa na bwesigwa.”
15
Rakabu n'abakkiriza wansi n'omuguwa ng'abayisa mu ddirisa, kubanga ennyumba ye mwe yali asula yali yeeyunze ku bbugwe w'ekibuga.
16
N'abagamba nti: “Mukwate kkubo lya mu nsozi, ababawondera baleme kubasisinkana. Mwekweke eyo ennaku ssatu, okutuusa ababawondera lwe banadda, olwo mulyoke mugende.”
17
Abasajja ne baddamu nti: “Ffe ku lwaffe tetugenda kusibibwa kirayiro kino ky'otulayizza
18
wabula, nga lwe tuliyingira ensi, omuguwa guno omutwakaavu oliba ogusibye mu ddirisa mw'otuyisizza okutuserengesa; era nga ne kitaawo, nnyoko, bannyoko n'ab'oluganda lwo bonna nabo ng'obakuŋŋaanyirizza mu nnyumba yo.
19
Aliba afulumye mu nnyumba yo n'agenda mu luguudo n'akwatibwa, omusaayi gwe guliba ku mutwe gwe; ffe tetugenda kunenyezebwa. Naye bwe walibaawo akwatibwako ku abo abalibeera naawe mu nyumba, omusaayi gwe gulibeera ku mitwe gyaffe.
20
Kyokka bw'onooyogera kye tukola, tunaaba tetukyasibwa ndagaano gy'otulayizza.”
21
Ye n'addamu nti: “Kale kibeere nga bwe mugambye.” N'abasiibula, ne bagenda; n'asiba omuguwa omutwakaavu mu ddirisa.
22
Ne batambula, ne bagenda mu nsozi, ne babeera eyo ennaku ssatu, okutuusa abaabawondera lwe baakomawo, nga babanoonyezza wonna mu kkubo ne batabalaba.
23
Abasajja ababiri ne baddayo ne bakkirira olusozi, ne basomoka Yorudani ne bajja eri Yoswa mutabani wa Nuunu, ne bamubuulira byonna ebyabatuukako.
24
Ne bagamba nti: “Omukama atadde ensi eyo yonna mu mikono gyaffe; abatuuze baamu bonna batekemuse olw'okubeera ffe.”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24