Jeremiah 50 — Lugbara (E’yo Siza Alatararu Munguniri BIBLIA)

1E’yo Yehovani ’yole Babuloni pisi angu ’ba Kalideyaa ’diyiniri be nabi Yeremia ma tisiri:

2Emi olu e’yoni suru ’diyi ma eselia, emi eku e’yoni, emi ’ba bendera uru, emi eku e’yoni, emi oci tu, emi ’yo kini: ’Du Babulonini ’bo, Beli isu drinza ’bo, Merodaki oro asi otiza be. Wura erini inzizaru ’diyi isu drinza ’bo, wura erini ’bani inzile ’diyi ovu asi otiza be.

3A’disiku suru azini enga angu landraleruria a’di ’dizu eri be, eri nga eri ma angu ’ba ovuzu andruru, ’ba ’azini ngani ovu alenia ku; yi apa ’bo, ’ba piyi anyapa be tualu.

4O’du ’dayisi azini ewu ’dasi, Yehova ’yo ra, anzi Israelini nga emu ra, yi’i tualu anzi Yudani be; yi nga mu geri yinia awu be, azini yi nga Yehova Mungu yiniri ndru.

5Yi nga e’yo Zionini zi yini yi ma mile feria eli vuleru, kini, Emi emu, emi eci emi Yehova be, aziza ’dani ’dani ’ba drini ngazu avizu ani korisi,

6’Ba mani ovu ndra kabilo avipi ’diyi; ’ba yi ocepi ’diyi fe ndra yini abazu ra, yi oja yi kalaa oni dria; yi mu oni vusi oni were vusi, yi avi pari yini lazuri ca.

7’Ba dria yi isupi ’diyi nya yi ra, ari’ba yini ’yo ra kini, Ama ezani ku, a’disiku yini e’yo ezale Yehova pari e’yo liza kiliururini ovuzuri vurisi, adani Yehova asi teza yi ma a’bipiniri’i.

8Emi apa Babuloni ma aliarisi, emi ma fu ’ba Kalideyaa ’diyi ma anguarisi, emi ma ovu ekile ndriago anyapa o’biru ma driliarile.

9A’disiku emi ndre, ma nga suru ambo ambo yi okupi tualu ’diyi ma asi enga emuzu Babuloni ma ruaa, engazu angu andralerua; te yi nga yi oti ngonde omba ’bazu eri ruaa; yi nga eri ’du engazu ’dasi. ’Ye yini nga ovu ekile ’ba ombaru a’di ma e’yo nipi turi ma ’yele, aluni ngani emvi pirini ku.

10Te Kalideyani nga ovu afa opazale; ’ba dria eri ma afa opapi ’diyi nga tra ra, Yehova ’yo ra.

11Emi ’ba awita mani ma afa opapi ’diyi la, emini ovule ayikosirisi, emini ovule nyona be, emini ’yele aka ekile tikari a’buza anya oropirile, emini wule akanya okporu diyilerisi,

12emi alu alu ma andripi nga ovu drinzasi tu, yi emi osipiri nga aba aba. Emi ndre, eri nga ovu suru ndu ndu ’diyi ma vutia vivileru, angu a’wiru cinya beriru.

13Adra Yehovanirisi eri nga ovu tokoru, eri nga ovu andruru dria dria; ’ba dria alipi Babuloni ageiari nga osu osu, yi nga oli li tisi osutasi, dra maturu erini dria ’diyi ma e’yosi.

14Emi ’ba osu nzopi ’diyi la, emi oti emi ngonde Babuloni ma ageia kuru, omba ’bazu eri be; emi gbi eri ra, emi ku ’ye ku, erini ezale Yehova vurisi.

15Emi o’be ali cere eri ma ageiasi kuru, fe i ngulupi ’bo; abi erini okporu ’diyi asu yi va ’bo, eri anzu eri ma abi kaliru va ’bo. Brini ovule arioti ofeza Yehovanirisi: emi nda arioti ofeza eri ma ruaa fo, emi ’ye eri vu alu indi ekile erini ’yelerile.

16Emi ja ’ba ori ripiri pi ma dri Babuloniarisi ra, ’ba eli ’dupi ewu anya lozurisiri be; yini ovule urisi ’ba ’ba inzapiri ma seisirisi, yi dria alu alu nga yi oja mvi yi o’dipia, ’ba dria alu alu nga apa yi vile angua ra.

17Israelini ovu kabilo ovupi erezaruri; kami dro eri ra. Opi Asuriari nya eri okonini, vilerisi Nebukadreza opi Babulonia ’diri nye erima falara.

18E’yo ’disi Yehova asikari ongulumuruni Mungu Israeliniri ’yo ’dini: Emi ndre, ma nga panga onzi fe opi Babuloniari pi dri angu erini be, mani panga onzi fele opi Asuriaari dririle.

19Te ma nga Israelini eji dika nyamuko inia, eri nga iribi nya Karimeli pi ma dria Basani be, asi erini nga tra oni Efiraimua ’diyi ma dria, azini Gileadi ma alia indi.

20O’du ’dayisi, azini ewu nderisi, Yehova ’yo ra, yi nga e’yo onzi Israelini nda ra, te eri nga ovu yo; yi nga ezata Yudani nda ra, te yi ngani isu ku; a’disiku ma nga ’ba mani kule jolokoru ’diyi ma ezata wu ra.

21Emi tu omba ’bazu angu Merataimuari be, adani eri be, azini ’ba ovupi Pekodia ’diyi be. Emi ofu yi, yi ma dri jazu teketeke ra, Yehova ’yoni, emi ’ye ekile e’yo dria mani azile emi tiarile.

22O’duko ombani eri angu nde ma alia ci, awu dri jaza amboruni be!

23Oni oyiru angu wudrikuru dria dizuri asi i, i nyozu ’doni! Babuloni oja i andruru suru ndu ndu ma eselia ’doni!

24Ma ga awi mini, ma bi mi ani ’bo, Babuloni la, mini nikokoru; isu mi ra, bi mi indi, mini omba ’bale Yehova berisi.

25Yehova zi pari ini afa ombani ma ta mbazuri ma tile ’bo, ofu afa erini ombani, adra erini ’bazu ’diyi ra, a’disiku Opi Yehova asikari ongulumuruniri ovu azi be ’yezu angu ’ba Kalideyaa ’diyiniri ma alia.

26Emi emu eri vu engazu kalati ziriria; emi zi jo erini afa ta mbazu ’diyi ma tile; emi odro eri nguru nguru, drini jazu teketeke; eri ma afa ma ace aluni ku.

27Emi oso ranya erini ’diyi dria, yi ma osi va pari yi osozuria. Candi yi dri, o’du yinirini ecale ’borisi, o’du yi andrizuri’i.

28’Ba nzupi apapi angu Babulo-ni niasi ’diyi ma o’duko, arioti ofeza Yehova Mungu amanirini ma e’yo oluzu Zionia, arioti ofeza hekalu erini ma e’yosiri.

29Emi omve ’ba osu be emuzu Babuloni ma ruaa, ’ba dria osu nzopi ’diyi. Emi ace eri kuru; emi ku ’ba aluni ma apa ku. Emi ofe eri dri ’yeta erini vusi, ekile e’yo dria erini ’yele ’borile etini ma ’ye eri ’dini alu indi; erini ndra afu ’yele Yehova vu, Mungu Alatararu Israeliniri vu ’borisi.

30E’yo ’disi karile erini nga o’de va gboko erini ma alia, azini ’ba erini ombaru ’diyi dria nga oji ciri o’du ’dasi, Yehova ’yo ra.

31Mi ndre, ma ovu omba ’bazu mi be, tini ’ba afu beri la, Opi Yehova asikari ongulumuruniri ’yo ra; te o’du mini eca ’bo, o’du mani ngazu mi andrizuri’i,

32Te ’ba afu beri nga aci parapara, nga e’de va, ’ba ngapi eri engapi uruni yo; azini ma nga aci edu aku erini amboru ’diyi ma alia, aci nde nga ’ba eri ma ageia ’diyi ove dria ra.

33Yehova asikari ongulumuruniri e’yo ’dini: Anzi Israelini ovu inzazaru tualu anzi Yudani be; ’ba yi obipi ati’baru ’diyi dria obi yi ’dani, yi ga yi truko si.

34’Ba yi Onzepiri ovu a okporu; runi Yehova asikari ongulumuruniri’i. Eri nga e’yo yini ma eti nze kilili, ’dini eri ma fe ava liza nyaku vu, te asi otiza ’ba Babulonia ’diyi dri.

35Sei ovu ’ba Kalideyaa ’diyi pi ma dria, Yehova ’yo ra, ’ba Babulonia ’diyi pie, ’ba opiru erini ’diyi pie, ’ba onduaru erini ’diyi pie!

36Sei ovu ’ba yi enyapi afusi ’diyi ma dria, yi nga eca azazaru ani! Sei ovu ’ba ombaru erini ’diyi ma dria, yi nga aba aba ani!

37Sei ovu akanya yini pi ma dria gari ombani yini pie, ’ba yi osapi eri eselia ’diyi pie, yi nga yi si okule ani Sei ovu lonyi erini ma dria, yi nga ovu oguzaru ani

38Etuka ka yi erini ma dria, yi erini nga nzu ani A’disiku eri ovu angu wura toko inzile inzi opale eguasi ’diyi vileri, ’ba nde ’diyi aza wura siribaru ’diyisi.

39E’yo ’disi anyapa asea ’diyi pi nga ovu ’dale ’balau pie, okondo pie; ’ba ngani ovu alenia dika ’dani ’dani ku, eri nga ovu ’ba kokoru a’bianzi ’vusi dria.

40Ekile Munguni Sodoma pi ogule Gomora pie, aku ageinia ’diyi pierile, Yehova ’yo ra, ’ba aluni ngani ovu ’dale ku, ’ba ma ori ngani la alenia ku.

41Mi ne, suru emu engazu woko andraleruria; suru amboru opi kakau pie enga yi ma asi wudrikuru ma kalatini asizuria.

42Yi ’du osu aju be; yi ovu yiki kokoru, asi ndriza yini yo. 0’duko yini no ekile yi mirinirile; yi nzu akanya dria, yi dria oti yi ekile ’bani yi otile ombaarile, omba ’bazu mi be, Babuloni zi la

43Opi Babuloniari eri e’yo kuza yini, dri erini aka ani aka aka; asi otiza bi eri, rua suza ekile oku mvaazoni e’dulerile.

44Mi ne, eri nga tu uru ekile kami engapi yi tiza Yoridanini ma afusirile omba ’bazu jo okporu be, te ma nga fe yi ma apa erisi ndru mbele; te ma nga ’ba mani peleri ’ba eri ma drilia. Te a’dini ovu maleni ya? A’dini nga ewu pe ma drini ya? ’Ba ocepi ngori eco pa sozaru ma driliani ya?

45E’yo ’disi mi eri e’yo amaza Yehovani, erini amale Babuloni ma ruaari, azini emi eri e’yo edeza erini edele ’yele angu ’ba Kalideyaa ’diyini ma ruaari indi: Ada, yi nga yi ose ’dale, kpere kabilo o’biru ma anzi nyiria; ada eri nga pari yini dri ’ba ndruru yi be tualu.

46O’duko Babulonini bizurisi nyakuni ya ya, awuni ovu erizaru ’ba juru ma eselia.