bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Jeremiah 6
Jeremiah 6
Lugbara (E’yo Siza Alatararu Munguniri BIBLIA)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
1
Emi nzu, emi pa emi, emi Benyamini anziyi la, emi fu Yerusalemuasi! Emi vu guka Tekoa, emi enga eceta Beti-hakeremu dria; a’disiku e’yo ewaru pini efule kalaa andraleruria dri jata amboru berisi.
2
Ma nga Zioni zi rua be ndrizaru e’yereri dri ja.
3
’Ba kabilo ocepi ’diyi nga emu eri vu kabilo yini be; yi nga boroko yini si eri ma ageia kuru, yi dria alu alu nga nya yi ma paria.
4
Emi ma ede emi a’di ’dizu eri be; erru enga, ama tu uru etu agaarisi! Eyawaye ama ye! etuni e’do ’de ’bo, endrilendri etu alani ’diyi se yi izu ’bo!
5
Emi enga, ama tu inisi, ama ma eza jo amboru erini ’diyi.
6
A’disiku Yehova asikari ongulumuruniri ’yo ’dini ’bo, kini: Emi ga pati; emi otro nyaku Yerusalemu ageia. ’Diri aku amani ngale coleri’i; kiri e’yo ’ba ’yepi okporuri ovu eri ma alia.
7
Ekile yini egale yi a’di aliarile, e’yo onzi aleniari ega ’dinile indi; ’ba eri o’duko egaijaniri pi dri jataniri be eri ma alia; azo pi bile be yi ma drilia ’dani.
8
Yerusalemu la, mi eri imbata fo, orindi mani kazu i awazu mi be ku; ma kazu mi ’bazu andruru ku, angu ’ba kokoruriru ku.
9
Yehova asikari ongulumuruniri ’yo ’dini: Yi nga ’ba acepi jolokoru Israelini ’diyi oti teketeke ekile ’bani pati raza zabibuni ma efi vile ’diyi otilerile; mi omvi mi dri dika afazu ma alia ekile ’ba zabibu ma efi otipirile.
10
Ma nga e’yo ’yo, nga e’yo eti nze a’di ma tia ka, dini yi ma eri ani ya? Mi ndre, bile yini ovu likokoru, yi econi ani erizaru ku; mi ndre, e’yo Yehovani oja i yi dri a’danaru, yi ovuni ayikosi erisi ku.
11
E’yo ’disi adra Yehovani ga ma alia tre; ma ande tu mani eri ogazu. Mi osu eri anzi ovupi geria ’diyi ma dria, karile yi okupi tualu ’diyi ma dria indi; te ’ba nga agupi bi oku erini be tualu, ’ba dezaru ’ba ovupi eli be tre ’diyi be indi.
12
Jo yini nga yi oja ’ba azininiru, amvu yini pie, oku yini pie tualu; a’disiku ma nga ma dri eju ’ba ovupi angu ndea ’diyi ma dria, Yehova ’yoni,
13
A’disiku engazu ’ba soroa ’diyi vu cazu ’ba amboru agapi ’diyi vu, yi dria alu alu fe ’ba azini ma afa ma li ma va yi tu; azini engazu nabi vu cazu ’ba edeta edepiri vu, yi dria alu alu ’ye inzosi.
14
Azini vini yi fe ’ba mani ’diyi ma bile ja ku ururu ’disi ’de ’yozu kini, Asi anzuru indi, asi anzuru indi, de tro ce isu asi anzuru ’de yo.
15
Yi ovu drinzasi yini e’yo onzikanyaru ngule onzi ’diyi ’yele ’borisi ya? Yo, yi ovuni drinza be alu kodikodini ku; yi ma andreti onyuni ku. E’yo ’disi yi nga o’de va ’ba o’depi ra ’diyi ma eselia; ewu mani yi cozurisi, ’ba nga yi o’be va,
16
Yehova ’yo ’dini: Emi so pa geria, emi lu, emi zi geri oku ’diyi, pari geri onyiruni ovuzuria; emi aci alenia, emi nga ava liza isu orindi emini dri ani. Te yi ’yo ra, Ama leni aci alenia ku.
17
Te ma o’ba ’ba angu tepi ’diyi emi drilia, ’yozu, Emi eri o’duko gukani fo! Te yi ’yo ra, Ama leni eri ku.
18
E’yo ’disi, emi eri, emi suru jururu ’diyi la, emi ’ba emi okupi tualu ’diyi la, emi ma ni e’yo ngapi eceapi yi ma eseliari.
19
Mi eri, mi wudrikuru la; mindre, ma nga e’yo ewaru eji ’ba ’diyi ma dria, ada, eri efi yi ma asisiliari, yini e’yo mani ’yole ’diyi erile kurisi; te yi ga azita mani si indi.
20
Obiese pi eca ma vu engazu Sebaa, ajinguru engapi angu ziriari be, a’di e’yosi ya? Ma a’ini afa feza emini vele ’diyi ku, edeta emini ’diyi feni ma dri ayiko ku.
21
E’yo ’disi, Yehova ’yo ’dini: Mi ndre, ma nga kumu o’ba suru ’diri ma drilia, atapi nga pa si ruania anzipi be tualu; ’ba aku ejeliari pi nga dri ja i agyi be.
22
Yehova ’yo ’dini: Mi ndre, ’ba azini ’diyi enga angu andraleruria, suru amboru nga enga angu ma kalatini asizuria.
23
Yi ’du osu pi aju be, yi ovu ’ba e’yo ’yepi asi onzisi yiki kokoru ’diyi, o’duko yini no mirile; yi aci akanya dria, yi dria alu alu oti yi ekile ’bani i otile omba aliarile, omba ’bazu mi be, mi Zioni zi la!
24
Ama eri e’yo kuza erini ra, dri amani aka aka; ocoko bi ama ekile oku mvaazoni e’duleri ma rua suzale.
25
Emi fu mu amvua ku, emi aci vini geria ku; a’disiku sei ari’bani eri ’dale uri fezu kala dria ma alia.
26
Suru mani ma zi la mi su koliba mi ruaa, mi ose mi ofuta ma alia; mi wu awu lulu gaza be ekile ’bani wule mva ili pilirurisirile, candi okangalikaru agapi rarisi; a’disiku ’ba dri japiri nga e’de ama dria rugbu,
27
Ma ’ba mi ovuzu ’ba e’yo o’bipiri, ’ba e’yo nipi milesiri, ’ba mani ma eselia, ’dini mi ma ni geri yini, ma o’bi eri indi ani.
28
Yi dria ovu ’ba mbupi ambosi ’diyi, yi aci dria ’ba o’dazu; yi ovu mele pi aya be, yi dria alu alu ’ye lokirisi,
29
Enyi kali driliari ava vu okposi, acini aya nderi nya teketeke; te yi o’bi eri ’bazu alaru ti, a’disiku yini ’ba onzi ’diyi onzele kurisi.
30
Omve yi dahabu zeni, a’disiku Yehova ga yi ’bo.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52