bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 10
2 Chronicles 10
Lahu Bible Edited © Thailand Bible Society and Bible Society of Myanmar, 2010, 2020.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
Yawˇbaoˍ lehˬ, jawˇmawˇ ve aˉ yaˇ hta‸ yuˬ tuˬ Sheˍhkenˍ venˇ lo kʼai leh, awˬ na hpawˇ teˇ tawn lo chehˇ ve Iˉsaˍreˍlaˆ chaw hkʼa peu-eˬ oˇ kaˬ lo hpawnˬ laˬ ve yoˬ.
2
Eˇjiˇtu‸ mvuhˇmiˬ lo hpaw-e taˍ peu ve Yeˍyawˇbaoˍ lehˬ, awˬ lawn chi hta‸ gʼa kaˇ ve teˇ yanˇ aˉ hkʼaw lo kʼaw‸ la ve yoˬ.
3
Hkʼe te leh, Iˉsaˍreˍlaˆ chaw teˇ hpaˍ Yeˍyawˇbaoˍ hta‸ htawˇ kuˬ yuˬ peuˬ hkʼaw‸ nawˉ, Sheˍhkenˍ venˇ lo kʼai leh, Yawˇbaoˍ hta‸ chi hkʼe kʼoˆ piˇ ve yoˬ.
4
Nawˬ pa Sawˉla‸monˍ lehˬ, ngaˬ hui hta‸ kanˉ hehnˇ chaweh nyiˉ te tcuh laˇ ve yoˬ. Nawˬ ngaˬ hui hta‸ kanˉ chi taw taw maˇ kʼaw‸ te tcuh laˇ ve kʼo, ngaˬ hui nawˬ uˉ peunˍ ve hawˉ chehˇ tuˬ yoˬ, teh‸ yawˇ hta‸ kʼoˆ piˇ ve yoˬ.
5
Oˇ htaˇ Yawˇbaoˍ lehˬ, Shehˆ nyi ponˬ peuˬ hkʼaw‸ nawˉ nawˬ hui ngaˬ geh teˇ pawˆ kʼaw‸ laˬ-o‸. Oˇ htaˇ heh‸ ngaˬ hkʼaˬ hkʼe dawˇ taˍ ve nawˬ hui hta‸ kʼoˆ laˇ tuˬ yoˬ, teh‸ yawˇ hui hta‸ kʼoˆ piˇ ve yoˬ. Hkʼe te leh, yawˇ hui hpoˆ kʼo‸-e ve yoˬ.
6
Jawˇmawˇ Yawˇbaoˍ lehˬ, yawˇ awˬ pa Sawˉla‸monˍ awˬ co-e htaˇ ka‸ dawˇ hkʼaˇ piˇ shehˍ hpaˇ te chehˇ ve chaw mawˇ teˇ hpaˍ hta‸ kuˬ yuˬ leh, Chaw oˇ ve teˇ hpaˍ hta‸ ngaˬ hkʼaˬ hkʼe kʼoˆ hkʼaw‸ piˇ cawˇ le, teh‸ yawˇ hui hta‸ na nyi ve yoˬ.
7
Yawˇ hui kʼaw‸ yaw hkʼaw‸ leh kʼoˆ ve, Nawˬ yawˇ hui hta‸ na sha ve tawˇ yaw piˇ leh, yawˇ hui lawˬ ve hkʼe te piˇ ve kʼo, yawˇ hui nawˬ ve tawˇ hta‸ hkʼa deh‸ na yuˬ tuˬ yoˬ, teh‸ yawˇ hta‸ kʼoˆ piˇ ve yoˬ.
8
Ya‸ hkʼaˇ, yawˇ lehˬ chaw mawˇ teˇ hpaˍ dawˇ hkʼaˇ piˇ ve hta‸ maˇ ha‸ yuˬ. Yawˇ geh teˇ geh uiˍ taˆ la leh, chi beu‸ yawˇ hta‸ dawˇ hkʼaˇ piˇ shehˍ hpaˇ te chehˇ ve yaˇ nehˬ teˇ hpaˍ geh kʼaw‸ kʼai ve yoˬ.
9
Nawˬ hui hkʼaˬ hkʼe kʼoˆ laˇ tuˬ le. Chaw oˇ ve teˇ hpaˍ hta‸ ngaˬ hkʼaˬ hkʼe gʼa kʼaw‸ kʼoˆ piˇ tuˬ le, teh‸ yawˇ hui hta‸ na nyi ve yoˬ.
10
Yawˇ hui kʼaw‸ yaw hkʼaw‸ leh kʼoˆ ve, Yawˇ hui hta‸ chi hkʼe kʼoˆ piˇ-oˆ. Ngaˬ ve la‸ naw lehˬ, ngaˬ paˍ ve caw‸ cehˍ nyi a‸ kehˉ htu jaˇ ve yoˬ.
11
Ngaˬ pa lehˬ, nawˬ hui hta‸ hawˇ ve mawˇ taˆ tcuh ve yoˬ. Ngaˬ lehˬ oˇ ve a‸ kehˉ leuˉ leh hawˇ ve mawˇ taˆ tcuh laˇ tuˬ yoˬ. Ngaˬ pa lehˬ, nawˬ hui hta‸ gawˇ taˍ yuˬ jaw‸ laˇ ve yoˬ. Ngaˬ nawˬ hui hta‸ iˉ mvuhˇ hta‸ jaw‸ ve shaˍ guiˬ caˆ yuˬ jaw‸ laˇ tuˬ yoˬ, teh‸ yawˇ hui hta‸ kʼoˆ piˇ-oˆ, teh‸ yawˇ hta‸ kʼoˆ piˇ ve yoˬ.
12
Shehˆ nyi ponˬ peuˬ hkʼaw‸ nawˉ, Yeˍyawˇbaoˍ leh awˬ nu ve Iˉsaˍreˍlaˆ chaw hkʼa peu-eˬ, jawˇmawˇ Yawˇbaoˍ geh kʼaw‸ hpawnˬ laˬ ve yoˬ.
13
Jawˇmawˇ lehˬ, chaw mawˇ teˇ hpaˍ dawˇ hkʼaˇ piˇ ve hkʼe maˇ te leh, yaˇ nehˬ teˇ hpaˍ kʼoˆ ve hkʼe chaw oˇ ve teˇ hpaˍ hta‸ tawˇ hehnˇ chaweh yaw piˇ ve yoˬ.
14
Yawˇ kʼoˆ ve, Ngaˬ pa lehˬ nawˬ hui hta‸ gawˇ taˬ yuˬ jaw‸ laˇ ve yoˬ. Ngaˬ nawˬ hui hta‸ iˉ mvuhˇ hta‸ jaw‸ ve shaˍ guiˬ caˆ yuˬ jaw‸ laˇ tuˬ yoˬ, teh‸ yawˇ hui hta‸ kʼoˆ piˇ ve yoˬ.
15
Gʼuiˬsha lehˬ, Shiˉlonˍ venˇ hkʼaw chehˇ ve tcuh kaˍ paˍ Aˍhiˇyaˆ hta‸ cuˇ leh, Neˍbaˆ ve yaˇ Yeˍyawˇbaoˍ hta‸ kʼoˆ piˇ taˍ peuˬ ve tawˇ biˇ la piˇ lawˬ ve yoˬ. Chi hta‸ pa taw, jawˇmawˇ lehˬ Iˉsaˍreˍlaˆ chaw hui ve tawˇ hta‸ maˇ na yuˬ piˇ ve yoˬ.
16
Jawˇmawˇ yawˇ hui ve tawˇ hta‸ maˇ na yuˬ piˇ ve hta‸ chaw moˍ lonˉ gʼa mawˬ ve teˇ yanˇ, yawˇ hui ga hpoˆ kuˬ leh kʼoˆ ve, Daˍviˆ leh yawˇ ve yehˬ yaˇ kʼa yaˇ teˇ hpaˍ luˬ suh sheˆ suh piˇ-oˆ. Ngaˬ hui awˬ pon yawˇ hui aˬ hto‸ ma te laˇ taˍ ve le. Iˉsaˍreˍlaˆ chaw hui-oˬ, hkeu‸, ngaˬ hui aˉ hkʼaw lo kʼaw‸ kʼo‸-e veuˬ. Yawˇbaoˍ yawˇ hkʼaˇ yawˇ chehˇ taˉ piˇ-oˆ, teh‸ kʼoˆ ve yoˬ.
17
Hkʼe te leh, Iˉsaˍreˍlaˆ chaw teˇ hpaˍ Yawˇbaoˍ hta‸ kʼaw‸ hpfuhˆ leh, Yuˇda‸ chaw hui ve mvuhˇmiˬ hta‸ ceh tiˉ uˉ peunˍ tuˬ yawˇ hta‸ oˇ kaˬ lo teh taˉ piˇ ve yoˬ.
18
Oˇ ve hkʼaw‸ nawˉ, Yawˇbaoˍ lehˬ kanˉ nyi paˍ awˬ hoˉ Aˍdawˇniˍranˍ hta‸ Iˉsaˍreˍlaˆ chaw hui geh kʼai peu ve yoˬ. Ya‸ hkʼaˇ, yawˇ hui yawˇ hta‸ haˉ pui baˬ pehˍ piˇ ve yoˬ. Oˇ htaˇ, Yawˇbaoˍ iˉ mvuhˇ lawˬ ciˇ leh Yeˍruˆsaˍlehnˍ venˇ lo hpaw kʼo‸-e ve yoˬ.
19
Oˇ ve teˇ nyi hta‸ te leh, Iˉsaˍreˍlaˆ chaw teˇ hpaˍ Daˍviˆ ve awˬ ceuˬ awˬ hkʼaˇ teˇ hpaˍ hta‸ kʼaw‸ hpfuhˆ ve yoˬ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36