bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 25
2 Chronicles 25
Lahu Bible Edited © Thailand Bible Society and Bible Society of Myanmar, 2010, 2020.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
1
Aˍmaˍziˆ jawˇmawˇ tanˬ te htaˇ, yawˇ ve a sha‸ 25 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ 29 hkʼaw‸ uˉ peunˍ ve yoˬ. Yawˇ ve awˬ e lehˬ, Yeˍruˆsaˍlehnˍ venˇ yaˇ Yuˇdanˍ hpeh‸ ve yoˬ.
2
Yawˇ lehˬ, Gʼuiˬsha nyi ma cawˇ ve kanˉ hta‸ tiˉ te ve yoˬ. Ya‸ hkʼaˇ, nyi ma pfuhˇ leh te ve maˇ heˆ.
3
Yawˇ jawˇmawˇ hpeh‸ la peuˬ hkʼaw‸ nawˉ, yawˇ ve awˬ pa hta‸ tiˇ pehˍ piˇ ve ma‸ poˍ lonˉ teˇ hpaˍ hta‸ yawˇ kʼaw‸ tiˇ pehˍ piˇ ve yoˬ.
4
Ya‸ hkʼaˇ, yawˇ lehˬ ma‸ poˍ lonˉ oˇ ve teˇ hpaˍ ve yaˇ teˇ hpaˍ hta‸ maˇ tiˇ pehˍ piˇ. Moˉseˍ ve awˬliˇtawˇhkawˇ awˬ hkʼaw lo kʼoˆ taˍ ve Gʼuiˬsha ve tawˇ chi teˇ hkawˇ hta‸ yawˇ hkʼa deh‸ na yuˬ ve yoˬ. Yaˇ teˇ hpaˍ te ya‸ ve venˇbaˆ awˬ tan, awˬ pa awˬ e hta‸ maˇ gʼa tiˇ pehˍ. Awˬ pa awˬ e te ya‸ ve venˇbaˆ awˬ tan, yaˇ teˇ hpaˍ hta‸ maˇ gʼa tiˇ pehˍ. Te ya‸ ve chaw teˇ gʼaˇ hta‸ ceh tiˉ gʼa tiˇ pehˍ ve yoˬ, teh‸ kʼoˆ taˍ ve yoˬ.
5
Jawˇmawˇ Aˍmaˍziˆ lehˬ, Yuˇda‸ chaw leh Beˍyaˍmenˍ chaw awˬ hkʼaw lo a sha‸ nyiˇ chi hkʼaw‸ awˬ hkʼoˆ ve hawˉ hkʼaˆ paˍ hkʼa peu-eˬ ve hta‸ shaw hpoˆ leh, chaw teˇ hinˉ gʼaˇ awˬ hkʼoˆ ma‸ poˍ teˇ gʼaˇ, chaw teˇ ha gʼaˇ awˬ hkʼoˆ ma‸ poˍ teˇ gʼaˇ leuˆ teh piˇ taˍ ve yoˬ. Hkʼe te leh, yawˇ geh ma‸ yaˇ 300,000 gʼaˇ cawˬ ve yoˬ. Yawˇ hui lehˬ cheuˬ ve ma‸ yaˇ teˇ hpaˍ hpeh‸ leh, gehˇ leh htanˬ tuˬ teˇ hpaˍ hta‸ hkʼa deh‸ yehˇ puiˉ ve yoˬ.
6
Chi hkʼoˆ ka‸, yawˇ lehˬ Iˉsaˍreˍlaˆ ma‸ yaˇ 100,000 gʼaˇ hta‸ htawˇ hpu 1,000 cawehˬ piˇ leh ngaˍ taˍ ve yoˬ.
7
Ya‸ hkʼaˇ, tcuh kaˍ paˍ teˇ gʼaˇ jawˇmawˇ geh kʼai leh, yawˇ hta‸ chi hkʼe kʼoˆ piˇ ve yoˬ. Iˉsaˍreˍlaˆ ma‸ yaˇ teˇ hpaˍ hta‸ bawˆ da‸ kuiˬ lo taˇ shiˍ kʼai. Gʼuiˬsha lehˬ, chaw chi teˇ hpaˍ geh maˇ chehˇ.
8
Nawˬ yawˇ hui hta‸ ngaˍ taˍ ve pa taw, nawˬ awˬ gʼaˇ uiˍ la tuˬ yoˬ, teh‸ dawˇ chehˇ ve laˇ. Ya‸ hkʼaˇ, ma‸ bawˆ gʼaˇ ve leh shonˇ ve lehˬ, Gʼuiˬsha ve la‸ sheh hkʼaw cawˬ ve yoˬ. Gʼuiˬsha lehˬ, nawˬ hta‸ canˇ paˍ teˇ hpaˍ ve la‸ sheh hkʼaw chiˇ a‸ laˇ tuˬ yoˬ, teh‸ yawˇ hta‸ kʼoˆ piˇ ve yoˬ.
9
Aˍmaˍziˆ tcuh kaˍ paˍ hta‸ na nyi leh kʼoˆ ve, Hkʼe te kʼo, ngaˬ yawˇ hui hta‸ piˇ taˍ peuˬ ve hpu oˇ ve hkʼaˬ hkʼe te tuˬ le, teh‸ yawˇ hta‸ na nyi ve yoˬ. Tcuh kaˍ paˍ kʼaw‸ yaw hkʼaw‸ leh kʼoˆ ve, Gʼuiˬsha nawˬ hta‸ oˇ ve a‸ kehˉ leuˉ leh kʼaw‸ piˇ laˇ hpeh‸ ve yoˬ, teh‸ yawˇ hta‸ kʼoˆ piˇ ve yoˬ.
10
Hkʼe te leh, Aˍmaˍziˆ lehˬ ngaˍ taˍ ve Iˉsaˍreˍlaˆ chaw oˇ ve teˇ hpaˍ hta‸ a shu yawˇ ve chehˇ kuiˬ lo kʼaw‸ kʼo‸-e tcuh ve yoˬ. Yawˇ hui lehˬ, Yuˇda‸ chaw hui hta‸ nyi ma zuhˆ jaˇ ve hkʼaw kʼaw‸ kʼo‸-e ve yoˬ.
11
Aˍmaˍziˆ lehˬ, yawˇ ve ma‸ yaˇ teˇ hpaˍ hta‸ shiˍ veu leh, Aˉ leh‸ lawˬ hkʼo‸, lo kʼai ve yoˬ. Oˇ kaˬ lo yawˇ hui Eˇdonˍ chaw hui hta‸ bawˆ da‸ leh, Eˇdonˍ chaw 10,000 gʼaˇ hta‸ tiˇ pehˍ piˇ ve yoˬ.
12
Yawˇ hui lehˬ, awˬ nu ve Eˇdonˍ chaw teˇ meunˍ gʼaˇ hta‸ htawˇ hpeh gʼa leh, Sheˍlaˆ venˇ paˇ lo cawˬ ve haˉ hpawˇ hkʼoˆ ca‸ ce piˇ ve yoˬ. Hkʼe te leh, yawˇ hui hkʼa peu-eˬ haˉ hpawˇ ce suh peuˬ sheˬ ve yoˬ.
13
Awˬ yanˇ oˇ ve awˬ hkʼaw lo, Aˍmaˍziˆ kʼaw‸ kʼo‸-e tcuh taˍ ve Iˉsaˍreˍlaˆ ma‸ yaˇ oˇ ve teˇ hpaˍ lehˬ, Saˍmaˍriˆ venˇ leh Beˍtawˇronˍ venˇ awˬ kaˍ lo cawˬ ve Yuˇda‸ venˇ teˇ hpaˍ hta‸ ca bawˆ-e leh, Yuˇda‸ chaw 3,000 gʼaˇ hta‸ tiˇ pehˍ piˇ leh, hpu shi mawˇ jeˬ maˇ maˇ yuˬ kʼai ve yoˬ.
14
Aˍmaˍziˆ lehˬ, Eˇdonˍ chaw hui hta‸ bawˆ gʼaˇ taˉ leh kʼaw‸ la htaˇ, yawˇ hui ve shaˉ ho‸ teˇ hpaˍ hta‸ yuˬ kʼaw‸ la leh, oˇ ve teˇ hpaˍ hta‸ oˉ kʼoˍ pui ve yoˬ. Sha hawnˉ teˇ hpaˍ htawˇ tuˉ tanˇ piˇ ve yoˬ.
15
Yawˇ chi hkʼe te ve pa taw, Gʼuiˬsha nyi ma zuhˆ jaˇ leh, tcuh kaˍ paˍ teˇ gʼaˇ hta‸ yawˇ geh kʼai tcuh ve yoˬ. Tcuh kaˍ paˍ kʼoˆ ve, A shu yawˇ ve chaw hta‸ nawˬ ve la‸ sheh hkʼaw htaiˍ hkʼaw‸ piˇ tuˬ te maˇ gʼa ve Eˇdonˍ chaw hui ve shaˉ ho‸ hta‸ aˬ hto‸ ma pa taw nawˬ oˉ kʼoˍ pui chehˇ ve le, teh‸ Aˍmaˍziˆ hta‸ na nyi ve yoˬ
16
Oˇ htaˇ Aˍmaˍzi‸ lehˬ, Jawˇmawˇ hta‸ dawˇ hkʼaˇ piˇ shehˍ hpaˇ te tuˬ, ngaˬ hui nawˬ hta‸ hkʼaˬ htaˆ leuˆ yuˬ taˍ ve le. Nawˬ ta‸ iˉ chehˇ taˍ-o‸. Maˇ heˆ kʼo, ngaˬ nawˬ hta‸ tiˇ pehˍ laˇ tuˬ yoˬ, teh‸ tcuh kaˍ paˍ hta‸ kʼoˆ piˇ ve yoˬ. Oˇ htaˇ tcuh kaˍ paˍ oˇ ve lehˬ, Nawˬ ngaˬ ve tawˇ hta‸ maˇ na leh chi hkʼe te taˍ peuˬve pa taw, Gʼuiˬsha nawˬ hta‸ ciˍ yanˍ laˇ tuˬ ve hta‸ chi beu‸ ngaˬ shiˍ taˍ peuˬ, teh‸ jawˇmawˇ hta‸ kʼoˆ piˇ taˉ leh tawˆ kʼai ve yoˬ.
17
Oˇ ve hkʼaw‸ nawˉ, jawˇmawˇ Aˍmaˍziˆ leh yawˇ ve dawˇ hkʼaˇ piˇ shehˍ hpaˇ teˇ hpaˍ, Iˉsaˍreˍlaˆ mvuhˇmiˬ hta‸ ca bawˆ tuˬ jehˬ da‸ ve yoˬ. Hkʼe te leh, yawˇ lehˬ Yeˍhuˆ ve awˬ hawehˍ, Yeˍhawˇshaˆ geh lo yawˇ ve chaw hta‸ hpehˇ peu leh yawˇ hta‸ ca bawˆ la tuˬ ca hto piˇ tcuh ve yoˬ.
18
Hkʼe te leh, jawˇmawˇ Yeˍhawˇshaˆ yawˇ hta‸ chi hkʼe kʼaw‸ kʼoˆ hkʼaw‸ feu piˇ ve yoˬ. Teˇ pawˆ htaˇ, Leˍbaˍnonˍ hkʼaw hkʼoˆ lo cawˬ ve aˉ chuˇ buiˇ teˇ maˬ lehˬ, htawˇ cehˬ lonˉ teˇ cehˬ hta‸, Nawˬ ve yaˇ miˇ ngaˬ ve yaˇ paˍ hta‸ ka piˇ-oˆ, teh‸ kʼoˆ piˇ ve ceˇ. Oˇ htaˇ, haiˬ ve to nuˇ to shaˆ teˇ hkeh oˇ kaˬ lo hpanˍ kʼai cawˇ leh, aˉ chuˇ buiˇ oˇ ve hta‸ naˆ nehˆ sheˬ ve ceˇ.
19
Aˍmaˍzi‸-oˬ, chi beu‸ nawˬ lehˬ, Eˇdonˍ chaw hta‸ bawˆ gʼaˇ ve pa taw, nyi ma uiˍ chehˇ ve yoˬ. Nawˬ ve yehˬ hkʼaw lo ta‸ iˉ gawˬ lehˍ chehˇ taˍ leh, awˬ me‸ awˬ hponˇ yuˬ chehˇ-oˆ. Aˬ hto‸ ma pa taw, nawˬ sho‸ sha‸ tuˬ ve awˬ ceuˬ hta‸ heuˆ gaˇ ve le. Oˇ hkʼe te ve kʼo, nawˬ leh nawˬ ve chaw teˇ hpaˍ tiˉ gʼa hkanˍ tuˬyoˬ, teh‸ Aˍmaˍziˆ hta‸ kʼaw‸ kʼoˆ hkʼaw‸ feu piˇ ve yoˬ.
20
Ya‸ hkʼaˇ, Aˍmaˍziˆ maˇ na yuˬ. Awˬ lawn kʼo, yawˇ lehˬ Eˇdonˍ chaw hui ve shaˉ ho‸ hta‸ oˉ kʼoˍ pui ve pa taw, Gʼuiˬsha yawˇ hta‸ te luˬ piˇ tuˬ dawˇ cheˆ taˍ ve yoˬ.
21
Hkʼe te leh, jawˇmawˇ Yeˍhawˇshaˆ yawˇ ve ma‸ yaˇ teˇ hpaˍ hta‸ shiˍ laˬ leh, Yuˇda‸ mvuhˇmiˬ hkʼaw cawˬ ve Behˆseˍmehˆ venˇ hkʼaw lo, jawˇmawˇ Aˍmaˍziˆ hta‸ bawˆ da‸ ve yoˬ.
22
Aˍmaˍziˆ ma‸ bawˆ shonˇ leh, yawˇ ve ma‸ yaˇ hkʼa peu-eˬ a shu yawˇ ve chehˇ kuiˬ lo gʼuiˇ kʼo‸-e ve yoˬ.
23
Yeˍhawˇshaˆ lehˬ, jawˇmawˇ Aˍmaˍziˆ hta‸ hpeh yuˬ peuˬ hkʼaw‸ nawˉ, Yeˍruˆsaˍlehnˍ venˇ hkʼaw lo‸-e leh, lanˇ venˇ 400 shaw‸ hkʼe te luˬ piˇ taˉ ve yoˬ. Lanˇ venˇ oˇ ve lehˬ, Eˇhpaˍrenˍ taˍ meu‸ hpe‸ lo te leh, awˬ ceˍ kʼaweh‸ ve taˍ meu‸ hpe‸ lo hkʼa gaˬ hpeh‸ ve yoˬ.
24
Yawˇ lehˬ, hkʼa mawˬ ve hpu shi hkʼa peu-eˬ, leh bon yehˬ hkʼaw cawˬ ve mawˇ hkʼa peu-eˬ hta‸ Saˍmaˍriˆ venˇ lo yuˬ kʼo‸-e ve yoˬ. Chaw laiˉ gʼaˇ hta‸ htawˇ shiˍ kʼai ve yoˬ.
25
Yuˇda‸ jawˇmawˇ Aˍmaˍziˆ lehˬ, Iˉsaˍreˍlaˆ jawˇmawˇ Yeˍhawˇshaˆ a‸ kehˉ 15 hkʼaw‸ gʼa chehˇ maw ve yoˬ.
26
Aˍmaˍziˆ hkʼa te ve kanˉ hkʼa peu-eˬ, Yuˇda‸ jawˇmawˇ leh Iˉsaˍreˍlaˆ jawˇ mawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
27
Yawˇ Gʼuiˬsha hta‸ tanˬ hpfuhˆ ve teˇ nyi hta‸ te leh, Yeˍruˆsaˍlehnˍ venˇ hkʼaw yawˇ hta‸ tiˇ pehˍ piˇ tuˬ, shu hkʼawˇ jehˬ da‸ve yoˬ. Hkʼe te leh, yawˇ Laˍhkiˇshaˆ venˇ lo hpaw-e ve yoˬ. Ya‸ hkʼaˇ, canˇ paˍ teˇ hpaˍ yawˇ hkʼaˇ suh gʼa‸ yuˬ kʼai leh, yawˇ hta‸ oˇ kaˬ lo tiˇ pehˍ piˇ ve yoˬ.
28
Shu yawˇ hta‸ Yeˍruˆsaˍlehnˍ venˇ lo kʼaw‸ yuˬ hkʼaw‸ veu laˇ leh, Daˍviˆ ve venˇ hkʼaw tuˍ piˇ ve yoˬ.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36