bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 26
2 Chronicles 26
Lahu Bible Edited © Thailand Bible Society and Bible Society of Myanmar, 2010, 2020.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Oˇ ve hkʼaw‸ nawˉ, Yuˇda‸ chaw teˇ hpaˍ lehˬ a sha‸ teˇ chi hkaw‸ hkʼaw‸ tiˉ gaˬ sheˍ ve Awˇziˆ hta‸ yawˇ awˬ pa awˬ tan jawˇmawˇ kʼaw‸ te tcuh ve yoˬ.
2
(Aˍmaˍziˆ suh peuˬ hkʼaw‸ nawˉ, Awˇziˆ lehˬ Eˇlaˆ venˇ hta‸ kʼaw‸ bawˆ yuˬ leh, awˬ suhˉ teˇ pawˆ kʼaw‸ gu te ve yoˬ.)
3
Awˇziˆ jawˇmawˇ hpeh‸ la htaˇ, yawˇ ve a sha‸ teˇ chi hkaw‸ hkʼaw‸ gaˬ peuˬ leh, Yeˍruˆsaˍlehnˍ venˇ hta‸ 52 hkʼaw‸ uˉ peunˍ ve yoˬ. Yawˇ ve awˬ e lehˬ, Yeˍruˆsaˍlehnˍ venˇ yaˇ Yeˍhkawˇliˆ hpeh‸ ve yoˬ.
4
Yawˇ ve awˬ pa hkʼa shuˍ, yawˇ htawˇ Gʼuiˬsha nyi ma cawˇ ve kanˉ hta‸ tiˉ te ve yoˬ.
5
Yawˇ hta‸ dawˇ hkʼaˇ piˇ shehˍ hpaˇ bon hpawˇ shinˉ hpawˇ ve saˍla‸ Zaˍhkaˍriˆ a sha‸ te‸ chehˇ sheˍ ve teˇ co-e, yawˇ lehˬ Gʼuiˬsha ve kanˉ hta‸ ka ti‸ yeˬ ve hkʼaw te chehˇ ve yoˬ. Hkʼe te leh, Gʼuiˬsha yawˇ hta‸ awˬ bon na‸ piˇ ve yoˬ.
6
Awˇziˆ lehˬ, Hpiˇliˇtiˆ chaw hui hta‸ ma‸ ca bawˆ da‸ kʼai ve yoˬ. Yawˇ lehˬ, Gaˍtaˆ venˇ, Yaˍneˍ venˇ leh Aˍshoˆ venˇ chi teˇ hpaˍ ve lanˇ venˇ hta‸ dawˆ paˆ leh, Aˍshoˆ venˇ awˬ paˇ leh Hpiˇliˇtiˆ mvuhˇmiˬ hkʼaw ta‸ yehˬ teˇ hpaˍ kʼaw‸ te ve yoˬ.
7
Gʼuiˬsha lehˬ, yawˇ hta‸ Hpiˇliˇtiˆ chaw, Guˇraˆbaˍlaˆ venˇ hkʼaw chehˇ ve Aˍraˆ chaw leh Meˍniˆ chaw hui hta‸ ma‸ bawˆ gʼaˇ piˇ lawˬve yoˬ.
8
Aˍmawˇniˆ chaw hui lehˬ, Awˇziˆ hta‸ awˬ hkawnˍ keu piˇ leh, yawˇ ve awˬ meh Eˇjiˇtu‸ mvuhˇmiˬ lo hkʼa gaˬ bvuhˬ kʼai ve yoˬ.
9
Awˇziˆ lehˬ, Yeˍruˆsaˍlehnˍ venˇ hkʼaw cawˬ ve Awˬ ceˍ kʼaweh‸ taˍ meu‸ hpe‸, Lawˬ hkʼo‸ taˍ meu‸ hpe‸ leh lanˇ venˇ kʼaw‸ lehˍ cawˬ ve chehˇ kuiˬ chi teˇ hpaˍ lo, ta‸ yehˬ teˇ hpaˍ te keu leh, Yeˍruˆsaˍlehnˍ venˇ hta‸ yeˬ la piˇ lawˬ ve yoˬ.
10
Yawˇ lehˬ, mvuhˇmiˬ hkʼaˬ ti chi ti lo, ta‸ yehˬ teˇ hpaˍ kʼaw‸ te keu leh, gʼuiˬ po maˇ maˇ kʼaw‸ duˇ ve yoˬ. Awˬ lawn kʼo, hkʼaw hkʼoˆ lawˬ hkʼoˆ lo yawˇ ve ceˇ caˬ cawˬ maˇ jaˇ ve pa taw yoˬ. Yawˇ lehˬ, muiˬ caˇ ve kanˉ hta‸ nyi ma pfuhˇ ve pa taw, chaw yaˇ teˇ hpaˍ hta‸ a pehˉ meuˇ hko te tuˬ, leh miˬ tawˬ kuiˬ lo ti mi te caˇ tuˬ awˬ gʼaˇ piˇ ve yoˬ.
11
Yawˇ lehˬ, ma‸ yaˇ htawˇ hkʼa biˇ hu taˍ ve yoˬ. Ma‸ yaˇ teˇ hpaˍ ve caˇ lanˇ hta‸ yawˇ ve ceˇ leˇ lonˉ Yeˍlaˆ leh Maˍseˍyaˆ hui gʼawˆ yuˬ taˍ ve yoˬ. Yawˇ huiˉ maˬ lehˬ, jawˇmawˇ ve a ma‸ lonˉ Haˍnaˍniˆ hawˉ lo chehˇ leh kanˉ te chehˇ ve yoˬ.
12
Yawˇ ve ma‸ yaˇ teˇ hpaˍ hta‸ awˬ hoˉ te chehˇ ve ma‸ poˍ lonˉ 2,600 gʼaˇ cawˬ ve yoˬ.
13
Yawˇ ve ma‸ yaˇ hkʼa peu-eˬ, 307,500 gʼaˇ cawˬ ve yoˬ.
14
Awˇziˆ lehˬ, yawˇ ve ma‸ yaˇ teˇ hpaˍ hta‸ gehˇ teˇ hpaˍ, htanˬ tuˬ teˇ hpaˍ, sho uˉ tcuhˍ teˇ hpaˍ, sho veu‸ kʼaˇ teˇ hpaˍ, hkaˆ leh hkaˆ ce teˇ hpaˍ leh hawˉ ma leh haˉ pui shiˍ teˇ hpaˍ hkʼa deh‸ ca piˇ taˍ ve yoˬ.
15
Yeˍruˆsaˍlehnˍ venˇ hkʼaw lo, yawˇ ve la‸ caˉ te shehˍ hpaˇ teˇ hpaˍ lehˬ, hkaˆ ce bawˆ peu tuˬ leh haˉ pui shiˍ lonˉ teˇ hpaˍ baˬ ce kuiˬ teˇ hpaˍ hta‸ lanˇ venˇ hkʼoˆ lo te teh taˍ ve yoˬ. Gʼuiˬsha yawˇ geh chehˇ ve pa taw, yawˇ awˬ gʼaˇ uiˍ la leh, yawˇ ve awˬ meh hkʼaˬ ti chi ti lo bvuhˬ kʼai ve yoˬ.
16
Jawˇmawˇ Awˇziˆ lehˬ, awˬ gʼaˇ uiˍ la ve pa taw, nyi ma htawˇ uiˍ la ve yoˬ. Yawˇ chi hkʼe hpeh‸ la ve pa taw, gʼa luˬ gʼa sheˆ ve yoˬ. Yawˇ bon yehˬ hkʼaw lo‸-e leh, Gʼuiˬsha hta‸ sha hawnˉ tuˉ tanˇ piˇ ve yoˬ. Yawˇ chi hkʼe te ve lehˬ, Gʼuiˬsha hta‸ maˇ shawˍ maˇ caˆ te ve yoˬ.
17
Oˇ htaˇ, paw hkuˇ lonˉ Aˍzaˍriˆ leh awˬ nu ve paw hkuˇ 80 gʼaˇ yawˇ geh kʼai leh, yawˇ oˇ hkʼe maˇ te tuˬ ca tawˍ taˍ piˇ ve yoˬ.
18
Yawˇ hui kʼoˆ ve, Awˇziˆ-oˬ, nawˬ Gʼuiˬsha hta‸ sha hawnˉ tuˉ tanˇ piˇ tuˬ ve a hkaw-anˬ maˇ cawˬ. Aˍronˍ awˬ ceuˬ awˬ hkʼaˇ paw hkuˇ teˇ hpaˍ ceh tiˉ chi ve hta‸ gʼa te ve yoˬ. Da‸ kehˬ ve chehˇ kuiˬ chi hkʼaw tawˆ kʼai-o. Nawˬ lehˬ, Gʼuiˬsha hta‸ te ya‸ jaˇ peuˬ. Yawˇ nawˬ hta‸ kʼaw‸ caˉ leh awˬ bon na‸ laˇ tuˬ ve maˇ heˆ, teh‸ yawˇ hta‸ kʼoˆ piˇ ve yoˬ.
19
Awˇziˆ lehˬ, sha hawnˉ tuˉ tanˇ piˇ tuˬ ve aˬ miˍ kawˆ faiˇ hta‸ vawˆ taˍ leh, tuˉ tanˇ kuiˬ paˇ lo huˉ taˍ ve yoˬ. Yawˇ lehˬ, paw hkuˇ teˇ hpaˍ hta‸ nyi ma zuhˆ jaˇ ve yoˬ. Oˇ htaˇ, kawˆ law‸ law‸ ve a naˍ teˇ ceuˬ yawˇ ve naˍ kʼaˍ pui hkʼoˆ lo hpeh‸ tawˆ la ve yoˬ.
20
Aˍzaˍriˆ leh awˬ nu ve paw hkuˇ teˇ hpaˍ kawˆ jaˇ ve hkʼaw jawˇmawˇ ve naˍ kʼaˍ pui hta‸ hpoˆ nyi taˍ leh, yawˇ hta‸ bon yehˬ hkʼaw gʼa‸ kʼoˬ piˇ ve yoˬ. Gʼuiˬsha yawˇ hta‸ ciˍ yanˍ piˇ ve pa taw, yawˇ bon yehˬ hkʼaw haˆ haˆ tawˆ kʼai ve yoˬ.
21
Jawˇmawˇ Awˇziˆ a sha‸ te‸ chehˇ ve teˇ co-e, a naˍ oˇ ve hta‸ pa taw maˇ da‸ maˇ kehˬ hpeh‸ la ve yoˬ. Yawˇ bon yehˬ lo teˇ pawˆ ka‸ kʼaw‸ kʼai maˇ gaˬ ve pa taw, yawˇ ve hawˉ yehˬ hkʼaw tiˉ chehˇ taˍ ve yoˬ. Yawˇ ve kanˉ hkʼa peu-eˬ htawˇ, yawˇ ve yaˇ paˍ Yawˇtanˍ hta‸ chiˇ a‸ piˇ leh te tcuh ve yoˬ.
22
Jawˇmawˇ Awˇziˆ hkʼa te ve kanˉ hkʼa peu-eˬ, Aˍmoˆ ve yaˇ tcuh kaˍ paˍ Iˉsaˍyaˆ ve li‸ daw hkʼaw bvuh‸ keu taˍ ve yoˬ.
23
Awˇziˆ suh-e leh, shu yawˇ hta‸ Daˍviˆ ve venˇ hkʼaw tuˍ piˇ ve yoˬ. Ya‸ hkʼaˇ, yawˇ a naˍ cawˬ ve pa taw, jawˇmawˇ teˇ hpaˍ ve tuˍ kuiˬ lo shu yawˇ hta‸ maˇ tuˍ piˇ. Hkʼe te leh, yawˇ ve yaˇ paˍ Yawˇtanˍ yawˇ awˬ tan jawˇmawˇ kʼaw‸ te ve yoˬ.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36