bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 35
2 Chronicles 35
Lahu Bible Edited © Thailand Bible Society and Bible Society of Myanmar, 2010, 2020.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Jawˇmawˇ Yawˇshiˆ lehˬ, Gʼuiˬsha hta‸ taˍ uiˍ taˍ mvuh ve hkʼaw, Yeˍruˆsaˍlehnˍ venˇ hkʼaw Paˍsaˍhkaˍ pawehˇ te ve yoˬ. Awˉ lawˉ peuˇ ve teˇ ha pa 14 nyi teˇ nyi htaˇ, yawˇ lehˬ Paˍsaˍhkaˍ pawehˇ te tuˬ to nuˇ to shaˆ teˇ hpaˍ hta‸ tiˇ pehˍ ve yoˬ.
2
Bon yehˬ hkʼaw kanˉ te chehˇ ve paw hkuˇ teˇ hpaˍ hta‸ htawˇ, a shu yawˇ ve kanˉ hta‸ hkʼa deh‸ te tuˬ yawˇ awˬ gʼaˇ piˇ ve yoˬ.
3
A shu yawˇ awˬ to hta‸ chiˇ a‸ taˍ ve Leˍviˆ chaw teˇ hpaˍ hta‸ htawˇ, yawˇ chi hkʼe kʼoˆ piˇ ve yoˬ. Daˍviˆ ve yaˇ jawˇmawˇ lonˉ Sawˉla‸monˍ te taˍ ve ka ti‸ shaˉ caˆ ta kʼoˍ hta‸ bon yehˬ hkʼaw yuˬ keu taˍ-o‸. Ta kʼoˍ chi hta‸ nawˬ hui taˆ toˇ chehˇ tuˬ maˇ loˍ. Nawˬ hui lehˬ, Gʼuiˬsha ve awˬ ceˬ leh, Iˉsaˍreˍlaˆ chaw teˇ hpaˍ ve awˬ ceˬ gʼa te ve yoˬ.
4
Jawˇmawˇ Daˍviˆ leh jawˇmawˇ Sawˉla‸monˍ awˬ hkʼaˇ gu taˍ ve hkʼe, nawˬ hui te cawˇ ve kanˉ hta‸ te tuˬ, a shu yawˇ ve chaw hta‸ shawˍ leh bon yehˬ hkʼaw chehˇ taˍ-o‸.
5
Bon yehˬ hkʼaw lo oˉ kʼoˍ ca pui la ve Iˉsaˍreˍlaˆ chaw hui hta‸ nawˬ hui ga piˇ gʼa tuˬ hkʼa deh‸ gu taˍ-o‸.
6
Nawˬ hui lehˬ, Paˍsaˍhkaˍ pawehˇ te tuˬ awˬ pon, yawˬ leh aˉ che‸ teˇ hpaˍ hta‸ gʼa tiˇ pehˍ tuˬ yoˬ. Chi hta‸ pa taw, nawˬ hui a shu yawˇ awˬ to hta‸ da‸ tuˬ kehˬ tuˬ te taˍ leh, Gʼuiˬsha Moˉseˍ hta‸ cuˇ leh piˇ laˇ taˍ ve tawˇ teˇ hpaˍ hta‸ nawˬ hui ve awˬ viˉ awˬ nyi Iˉsaˍreˍlaˆ chaw teˇ hpaˍ hkʼa deh‸ gʼa‸ te hpeh‸ tuˬ, tuˉ tanˇ tuˬ teˇ hpaˍ hta‸ hkʼa deh‸ gu taˍ-o‸, teh‸ yawˇ hui hta‸ kʼoˆ piˇ ve yoˬ.
7
Paˍsaˍhkaˍ pawehˇ hkʼaw chaw yaˇ teˇ hpaˍ yehˇ tuˬ awˬ pon, jawˇmawˇ Yawˇshiˆ lehˬ yawˇ ve ceˇ teˇ hpaˍ hkʼaw, yawˬ ehˉ leh aˉ che‸ 30,000, leh nuˇ paˍ lonˉ 3,000 hkeh tanˇ piˇ ve yoˬ.
8
Yawˇ ve a ma‸ lonˉ teˇ hpaˍ htawˇ, chaw yaˇ teˇ hpaˍ, paw hkuˇ teˇ hpaˍ leh Leˍviˆ chaw teˇ hpaˍ awˬ pon loˍ ve hkʼe yehˇ tuˬ ve ceˇ teˇ hpaˍ tanˇ piˇ ve yoˬ. Bon yehˬ hkʼaw awˬ hoˉ te chehˇ ve paw hkuˇ lonˉ Hiˇlaˍhkiˆ, Zaˍhkaˍriˆ leh Yeˍheˍlaˆ hui lehˬ, paw hkuˇ teˇ hpaˍ hta‸ yawˬ ehˉ leh aˉ che‸ 2,600 hkeh leh, nuˇ paˍ lonˉ 300 hkeh tanˇ piˇ ve yoˬ.
9
Leˍviˆ chaw hui ve awˬ hoˉ awˬ naˬ Kawˇnaˍniˆ, Sheˍmaˍyaˆ leh yawˇ ve awˬ nyi paˍ Naˍtaˍ neˍlaˆ, Haˍshaˍbiˆ, Yeˍlaˆ leh Yawˇzaˍbaˆ hui htawˇ, Leˍviˆ chaw teˇ hpaˍ hta‸ yawˬ ehˉ leh aˉ che‸ 5,000 leh nuˇ paˍ lonˉ 500 hkeh tanˇ piˇ ve yoˬ.
10
Paˍsaˍhkaˍ pawehˇ caˇ tuˬ awˬ pon loˍ ve awˬ ceuˬ hkʼa peu-eˬ hta‸ gu peuˬ hkʼaw‸ nawˉ, paw hkuˇ leh Leˍviˆ chaw teˇ hpaˍ lehˬ, jawˇmawˇ kʼoˆ piˇ taˍ ve hkʼe a shu yawˇ ve chehˇ kuiˬ lo chehˇ taˍ ve yoˬ.
11
Yawˬ leh aˉ che‸ teˇ hpaˍ hta‸ tiˇ pehˍ peuˬ hkʼaw‸ nawˉ, Leˍviˆ chaw teˇ hpaˍ awˬ guiˬ kʼuˉ hkʼeh‸ baˬ leh, paw hkuˇ teˇ hpaˍ lehˬ awˬ suhˍ yuˬ leh tuˉ tanˇ kuiˬ hta‸ hpeh‸ pfuhˍ piˇ ve yoˬ.
12
Oˇ hkʼe te peuˬ hkʼaw‸ nawˉ, Moˉseˍ ve awˬliˇtawˇhkawˇ li‸ daw hkʼaw bvuh‸ taˍ ve hkʼe, Gʼuiˬsha hta‸ tuˉ tanˇ piˇ tuˬ, yawˇ hui chaw yaˇ teˇ hpaˍ hta‸ ceˇ pehˬ piˇ ve yoˬ.
13
Leˍviˆ chaw hui lehˬ, awˬ liˇ awˬ hkʼaˇ cawˬ ve hkʼe, shaˍ oˇ ve teˇ hpaˍ hpaˍ hta‸ piˬ leh, teˇ hpaˍ hpaˍ hta‸ mu‸ hkʼu hkʼaw keu caˉ peuˬ hkʼaw‸ nawˉ, chaw yaˇ teˇ hpaˍ hta‸ pehˬ caˍ piˇ ve yoˬ.
14
Oˇ hkʼe te peuˬ hkʼaw‸ nawˉ, Leˍviˆ chaw hui lehˬ, yawˇ hui awˬ pon leh Aˍronˍ awˬ ceuˬ awˬ hkʼaˇ paw hkuˇ teˇ hpaˍ awˬ pon, caˇ tuˬ kʼaw‸ gu ve yoˬ. Awˬ lawn kʼo, paw hkuˇ teˇ hpaˍ lehˬ mehˆ muiˉ naˆ la htaˇ hkʼa gaˬ, tuˉ tanˇ tuˬ teˇ hpaˍ gʼa tuˉ tanˇ chehˇ ve pa taw, te caˇ te dawˬ yanˇ maˇ cawˬ.
15
Jawˇmawˇ Daˍviˆ awˬ hkʼaˇ gu taˍ ve hkʼe, Leˍviˆ chaw Aˍsaˆ awˬ ceuˬ awˬ hkʼaˇ kʼa muiˬ hkawˇ kʼa shehˍ hpaˇ Aˍsaˆ, Heˍmanˍ leh jawˇmawˇ ve tcuh kaˍ paˍ Yeˍduˆtonˍ hui lehˬ, yawˇ hui awˬ pon gu teh taˍ ve chehˇ kuiˬ lo chehˇ taˍ ve yoˬ. Leˍviˆ chaw hui lehˬ, bon yehˬ hta‸ shaw chehˇ ve chaw hui awˬ pon htawˇ caˇ tuˬ gu piˇ chehˇ ve pa taw, yawˇ hui awˬ tan chaw kʼaw‸ pa shaw tuˬ maˇ loˍ.
16
Jawˇmawˇ Yawˇshiˆ kʼoˆ piˇ taˍ ve hkʼe, Gʼuiˬsha hta‸ oˉ kʼoˍ pui tuˬ, Paˍsaˍhkaˍ pawehˇ te tuˬ leh Gʼuiˬsha hta‸ tuˉ tanˇ piˇ tuˬ ve awˬ ceuˬ chi hkʼa peu-eˬ hta‸ hkʼa deh‸ gu taˍ peuˬ ve yoˬ.
17
Iˉsaˍreˍlaˆ chaw teˇ hpaˍ lehˬ, suhˍ nyi hkʼa gaˬ Paˍsaˍhkaˍ pawehˇ hta‸ te chehˇ ve yoˬ.
18
Tcuh kaˍ paˍ Saˍmo-eˍlaˆ awˬ co-e htaˇ maˇ heˆ kʼo, chi taw taw uiˍ ve Paˍsaˍhkaˍ pawehˇ hta‸ yawˇ hui maˇ gʼa te sheˍ. Awˬ nu ve jawˇmawˇ teˇ gʼaˇ ka‸, chi teˇ pawˆ jawˇmawˇ Yawˇshiˆ, paw hkuˇ, Leˍviˆ chaw, Iˉsaˍraˍlaˆ chaw leh Yuˇda‸ chaw chi teˇ hpaˍ te ve Paˍsaˍhkaˍ pawehˇ hkʼe taw uiˍ ve pawehˇ lonˉ hta‸ maˇ te jaw sheˍ.
19
Pawehˇ chi ve hta‸ Yawˇshiˆ jawˇmawˇ te ve 18 hkʼaw‸ teˇ hkʼaw‸ htaˇ te ve yoˬ.
20
Jawˇmawˇ Yawˇshiˆ lehˬ, bon yehˬ awˬ pon loˍ ve mawˇ teˇ hpaˍ hta‸ gu te peuˬ hkʼaw‸ nawˉ, Eˇjiˇtu‸ jawˇmawˇ Neˍhkawˇ lehˬ, Uˉhpaˍraˆ iˉ kaˆ lawˬ paˇ lo cawˬ ve Kaˍhkeˍmeˆ venˇ hta‸ ca bawˆ la ve yoˬ. Yawˇshiˆ lehˬ, Eˇjiˇtu‸ jawˇmawˇ hta‸ bawˆ da‸ tuˬ tawˆ kʼai ve yoˬ.
21
Hkʼe te leh, Neˍhkawˇ yawˇ hta‸ li‸ chi hkʼe bvuh‸ piˇ ve yoˬ. Yuˇda‸ jawˇmawˇ-oˬ, chi teˇ pawˆ ngaˬ ma‸ ca bawˆ la ve lehˬ, nawˬ hta‸ maˇ caˉ da‸. Ngaˬ nawˬ hta‸ ca bawˆ la ve maˇ heˆ. Ngaˬ ve canˇ paˍ hta‸ ceh ngaˬ ca bawˆ la ve yoˬ. Chi hkʼe te tuˬ, Gʼuiˬsha ngaˬ hta‸ haˆ haˆ laˬ tcuh laˇ ve yoˬ. Gʼuiˬsha lehˬ, ngaˬ hpawˇ lo chehˇ taˍ ve yoˬ. Ngaˬ hta‸ taˇ tawˍ taˍ laˇ-oˆ. Nawˬ tawˍ taˍ laˇ chehˇ ve kʼo, yawˇ nawˬ hta‸ te luˬ laˇ tuˬ yoˬ, teh‸ li‸ bvuh‸ feu piˇ ve yoˬ.
22
Ya‸ hkʼaˇ, Yawˇshiˆ lehˬ Neˍhkawˇ hta‸ bawˆ tuˬ dawˇ cheˆ taˍ peuˬ ve yoˬ. Hkʼe te leh, Gʼuiˬsha Neˍhkawˇ hta‸ cuˇ leh kʼoˆ piˇ chehˇ ve tawˇ hta‸ yawˇ maˇ na yuˬ. Yawˇ veu‸ kʼaˇ peˍ leh Neˍhkawˇ hta‸ bawˆ da‸ tuˬ, Mehˆgiˇdoˍ miˬ tawˬ kuiˬ lo kʼai ve yoˬ.
23
Yawˇ hui bawˆ da‸ chehˇ ve teˇ yanˇ, jawˇmawˇ Yawˇshiˆ hta‸ hkaˆ ce heuˆ sheˬ ve yoˬ. Hkʼe te leh, yawˇ ve awˬ ceˬ paˍ hta‸, Ngaˬ hta‸ shiˍ hpaw-e laˇ-oˆ. Ngaˬ naˬ jaˇ peuˬ, teh‸ kʼoˆ piˇ ve yoˬ.
24
Hkʼe te leh, yawˇ hui yawˇ hta‸ iˉ mvuhˇ lawˬ hkʼaw chiˇ ya‸ leh, awˬ nu ve iˉ mvuhˇ lawˬ teˇ maˬ hkʼaw kʼaw‸ chiˇ keu peuˬ hkʼaw‸ nawˉ, Yeˍruˆsaˍlehnˍ venˇ lo yuˬ kʼaw‸ la ve yoˬ. Yawˇ oˇ kaˬ lo suh-e leh, shu yawˇ hta‸ jawˇmawˇ teˇ hpaˍ tuˍ kuiˬ lo tuˍ piˇ ve yoˬ. Yuˇda‸ chaw hkʼa peu-eˬ yawˇ suh ve hta‸ dawˇ haˍ leh paˆ hawˬ piˇ ve yoˬ.
25
Tcuh kaˍ paˍ Yeˍraˍmiˆ lehˬ, jawˇmawˇ Yawˇshiˆ awˬ pon dawˇ haˍ hkawˇ li‸ teˇ kʼoˆ bvuh‸ tawˆ taˍ ve yoˬ. Hkʼe te leh, Iˉsaˍreˍlaˆ chaw teˇ hpaˍ awˬ hkʼaw‸ nawˉ jawˇmawˇ teˇ hpaˍ suh-e htaˇ, Yeˍraˍmiˆ yuˬ tawˆ taˍ ve dawˇ haˍ hkawˇ chi hta‸ kʼa piˇ ve yoˬ. Kʼa mui hkawˇ chi hta‸ Dawˇ haˍ ve li‸ hkʼaw keu taˍ ve yoˬ.
26
Yawˇshiˆ hkʼa te ve kanˉ hkʼa peu-eˬ, leh yawˇ awˬliˇtawˇhkawˇ hta‸ hkʼaˬ ma na yuˬ ve awˬ lawn teˇ hpaˍ,
27
yawˇ kanˉ te ve awˬ hkuiˉ puiˍ te leh awˬ leh meuˇ hkʼa gaˬ ve awˬ lawn hkʼa peu-eˬ, Iˉsaˍreˍlaˆ leh Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36