bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 7
2 Chronicles 7
Lahu Bible Edited © Thailand Bible Society and Bible Society of Myanmar, 2010, 2020.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
1
Jawˇmawˇ Sawˉla‸monˍ bon lawˬ peuˬ ve teˇ yanˇ, mvuhˇ naw ma hkʼoˆ lo aˬ miˍ ce ya‸ la leh, tanˇ taˍ ve tuˉ tanˇ tuˬ teˇ hpaˍ hta‸ to‸ baˬ sheˬ ve yoˬ. Bon yehˬ hkʼaw lo htawˇ, Gʼuiˬsha ve awˬ me‸ awˬ hponˇ ba chehˇ taˍ ve yoˬ.
2
Bon yehˬ hkʼaw lo, Gʼuiˬsha ve awˬ me‸ awˬ hponˇ ba chehˇ taˍve pa taw, paw hkuˇ teˇ hpaˍ bon yehˬ hkʼaw lo‸-e maˇ hpeh‸ ve yoˬ.
3
Mvuhˇ naw ma hkʼoˆ lo aˬ miˍ ce ya‸ la leh, bon yehˬ hkʼaw Gʼuiˬsha ve awˬ me‸ awˬ hponˇ ba chehˇ taˍ ve hta‸ Iˉsaˍreˍlaˆ chaw teˇ hpaˍ gʼa mawˬ ve teˇ yanˇ, yawˇ hui miˬ chaˇ hkʼoˆ boˆ taˍ leh Gʼuiˬsha hta‸ oˉ kʼoˍ pui ve yoˬ.
4
Oˇ ve hkʼaw‸ nawˉ, Sawˉla‸monˍ leh Iˉsaˍreˍlaˆ chaw hkʼa peu-eˬ Gʼuiˬsha hta‸ tuˉ tanˇ piˇ ve yoˬ.
5
Jawˇmawˇ lehˬ, nuˇ 22,000 hkeh leh, yawˬ 120,000 hkeh tuˉ tanˇ piˇ ve yoˬ. Hkʼe te leh, yawˬ hui bon yehˬ Gʼuiˬsha hta‸ chiˇ a‸ piˇ ve yoˬ.
6
Paw hkuˇ teˇ hpaˍ lehˬ, yawˇ hui awˬ pon gu taˍ piˇ ve chehˇ kuiˬ lo huˉ chehˇ taˍ ve yoˬ. Yawˇ hui lehˬ, jawˇmawˇ Daˍviˆ awˬ hkʼaˇ gu piˇ taˍ ve hkʼe, tinˍ teˇ hpaˍ yuˬ taˍ leh, Yawˇ ha‸ pehnˇ ve teˇ ceuˬ co co yeˬ chehˇ ve yoˬ, teh‸ kʼoˆ ve kʼa muiˬ hkawˇ hta‸ kʼa chehˇ ve yoˬ. Chaw hkʼa peu-eˬ tu huˉ chehˇ htaˇ, paw hkuˇ teˇ hpaˍ behˬ heh ma meuˆ ve yoˬ.
7
Sawˉla‸monˍ lehˬ, tuˉ tanˇ kuiˬ gʼuˇ suhˍ lo cawˬ ve bawehˇ lonˉ hta‸ htawˇ da‸ kehˬ tuˬ te leh, oˇ kaˬ lo htawˇ Gʼuiˬsha hta‸ tuˉ tanˇ piˇ ve yoˬ. Awˬ lawn kʼo, tuˉ tanˇ tuˬ chi ma ma ve hta‸ kuiˇ yuˬ te taˍ ve tuˉ tanˇ kuiˬ hkʼoˆ lo ceh tiˉ tuˉ tanˇ maˇ daw ve pa taw yoˬ.
8
Sawˉla‸monˍ leh Iˉsaˍreˍlaˆ chaw teˇ hpaˍ lehˬ, suhˍ nyi hkʼa gaˬ Aˉ po kʼo pawehˇ hta‸ te ve yoˬ. Awˬ na hpawˇ Haˍmaˆ kʼaˍ le‸ leh, awˬ hawˉ hpawˇ Eˇjiˇtu‸ miˬ tcuhˉ lo hkʼa gaˬ, hkʼaˬ ti chi ti lo chehˇ taˍ ve Iˉsaˍreˍlaˆ chaw teˇ hpaˍ hpawnˬ gaˬ la taˍ ve yoˬ.
9
Yawˇ hui lehˬ, bon yehˬ chiˇ a‸ ve pawehˇ hta‸ suhˍ nyi hkʼa gaˬ te leh, Aˉ po kʼo pawehˇ hta‸ suhˍ nyi kʼaw‸ caˉ te ve yoˬ. Awˬ leh teˇ nyi htaˇ, yawˇ hui hoˆ pawehˇ hta‸ htawˇ te ve yoˬ.
10
Awˬ hkʼaw‸ nawˉ teˇ nyi, ha pa suhˍ maˬ teˇ maˬ, nyiˇ chi shehˆ nyi teˇ nyi htaˇ, Sawˉla‸monˍ lehˬ Iˉsaˍreˍlaˆchaw hui hta‸ a shu yawˇ ve chehˇ kuiˬ lo kʼaw‸ kʼo‸-e tcuh ve yoˬ. Gʼuiˬsha lehˬ, Iˉsaˍreˍlaˆ chaw, Daˍviˆ leh Sawˍla‸monˍ hui hta‸ awˬ bon na‸ piˇ taˍ ve hta‸ yawˇ hui gʼa mawˬ ve pa taw, ha lehˬ jaˇ ve yoˬ.
11
Jawˇmawˇ Sawˉla‸monˍ lehˬ, yawˇ dawˇ cheˆ taˍ ve hkʼe bon yehˬ lonˉ leh yawˇ ve hawˉ yehˬ hta‸ te peuˬ hkʼaw‸ nawˉ, mvuhˇ hpeu‸ htaˇ Gʼuiˬsha yawˇ geh teˇ pawˆ kʼaw‸ laˬ leh, yawˇ hta‸ chi hkʼe kʼoˆ piˇ ve yoˬ.
12
Nawˬ ve bon lawˬ hkawˇ hta‸ ngaˬ gʼa kaˇ peuˬ. Ngaˬ hta‸ tuˉ tanˇ laˇ kuiˬ bon yehˬ lonˉ chi ve hta‸ ngaˬ ha‸ yuˬ ve yoˬ.
13
Ngaˬ miˬguiˬ hkʼoˆ lo mvuhˇ yeˬ maˇ laˬ piˇ ve awˬ yanˇ htaˇ maˇ kʼoˆ, awˬ shiˍ awˬ nu teˇ hpaˍ hta‸ paˉ ce‸ caˇ baˬ tcuh piˇ chehˇ htaˇ maˇ kʼoˆ, ngaˬ ve chaw teˇ hpaˍ hkʼoˆ lo naˬ beuˬ gaˬ la tcuh piˇ htaˇ maˇ kʼoˆ,
14
yawˇ hui ngaˬ geh bon lawˬ leh, a shu yawˇ ve venˇbaˆ hta‸ dawˇ hpfuhˆ ve kʼo, ngaˬ yawˇ hui ve venˇbaˆ hta‸ hpehˇ piˇ leh, yawˇ hui ve mvuhˇmiˬ hta‸ kʼaw‸ uiˍ la da‸ la piˇ tuˬ yoˬ.
15
Ngaˬ lehˬ, bon yehˬ chi hta‸ ha‸ shaˉ taˍ leh, choˬ kaˬ lo lawˬ hkawˉ ve awˬ hkawˇ teˇ hpaˍ hta‸ na yuˬ laˇ tuˬ yoˬ.
16
Awˬ lawn kʼo, bon yehˬ chi lehˬ ngaˬ hta‸ oˉ kʼoˍ pui kuiˬ hpeh‸ la piˇ tuˬ ngaˬ leuˆ yuˬ leh, da‸ kehˬ piˇ taˍ peuˬ. Bon yehˬ chi hta‸ ngaˬ hkʼaˬ htaˆ ka‸ ha‸ shaˉ taˍ tuˬ yoˬ.
17
Nawˬ pa Daˍviˆ hkʼa shuˍ, nawˬ lehˬ ngaˬ ve awˬliˇtawˇhkawˇ teˇ hpaˍ hta‸ na yuˬ leh, ngaˬ te tcuh ve kanˉ teˇ hpaˍ hta‸ hkʼa deh‸ te chehˇ ve kʼo,
18
nawˬ pa Daˍviˆ hta‸ ngaˬ ka ti‸ te piˇ taˍ peuˬ ve hkʼe, yawˇ ve awˬ ceuˬ awˬ hkʼaˇ teˇ gʼaˇ peuˬ teˇ gʼaˇ Iˉsaˍreˍlaˆ mvuhˇmiˬ hta‸ gʼa uˉ peunˍ tuˬ yoˬ.
19
Ya‸ hkʼaˇ, nawˬ leh nawˬ ve chaw teˇ hpaˍ ngaˬ ve awˬliˇtawˇhkawˇ hta‸ maˇ na yuˬ leh, awˬ nu ve gʼuiˬsha teˇ hpaˍ hta‸ oˉ kʼoˍ pui ve kʼo,
20
ngaˬ nawˬ hta‸ piˇ taˍ peuˬ ve mvuhˇmiˬ chi hkʼaw lo, ngaˬ nawˬ hta‸ gʼa‸ kʼoˬ laˇ tuˬ yoˬ. Ngaˬ hta‸ oˉ kʼoˍ pui kuiˬ hpeh‸ la piˇ tuˬ, ngaˬ da‸ piˇ kehˬ piˇ taˍ ve bon yehˬ lonˉ chi hta‸ htawˇ, ngaˬ baˬ taˉ tuˬ yoˬ. Awˬ nu ve chaw ceuˬ teˇ hpaˍ lehˬ, bon yehˬ chi hta‸ hkʼa mvuhˇ hkʼa na kʼoˆ leh, maˇ shawˍ maˇ caˆ te tuˬ yoˬ.
21
Bon yehˬ chi ve lehˬ, chi beu‸ awˬ me‸ awˬ hponˇ uiˍ jaˇ ve yoˬ. Ya‸ hkʼaˇ, awˬ hkʼaw‸ nawˉ teˇ nyi gaˬ ve kʼo, oˇ kaˬ lo hkʼa hpanˍ kʼai ve chaw teˇ hpaˍ dawˇ maˇ tawˆ leh, Aˬ hto‸ ma pa taw Gʼuiˬsha lehˬ, mvuhˇmiˬ chi ve leh bon yehˬ lonˉ chi ve hta‸ chi hkʼe te piˇ ve le, teh‸ teˇ gʼaˇ leh teˇ gʼaˇ kʼoˆ da‸ tuˬ yoˬ.
22
Yawˇ hui kʼaw‸ yaw hkʼaw‸ leh kʼoˆ ve, Chaw chi teˇ hpaˍ lehˬ, yawˇ hui ve awˬ puˍ awˬ pi hui hta‸ Eˇjiˇtu‸ mvuhˇmiˬ hkʼaw lo shiˍ tawˆ la piˇ shehˍ hpaˇ yawˇ hui ve Gʼuiˬsha hta‸ baˬ taˉ leh, awˬ kaˍ awˬ nu ve gʼuiˬsha hta‸ oˉ kʼoˍ pui ve pa taw, Gʼuiˬsha yawˇ hui hta‸ chi hkʼe luˬ kʼai sheˆ kʼai piˇ lawˬ ve yoˬ, teh‸ kʼoˆ tuˬ yoˬ, teh‸ Gʼuiˬsha Sawˉla‸monˍ hta‸ kʼoˆ piˇ ve yoˬ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36