bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 31
2 Chronicles 31
Lahu Bible Edited © Thailand Bible Society and Bible Society of Myanmar, 2010, 2020.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Pawehˇ te peuˬ ve teˇ yanˇ, Iˉsaˍreˍlaˆ chaw hkʼa peu-eˬ Yuˇda‸ venˇ teˇ hpaˍ lo kʼai leh, Aˍsheˍraˆ gʼuiˬsha ma ve shaˉ ho‸ teˇ hpaˍ, da‸ kehˬ ve haˉ pui hkuiˉ daw teˇ hpaˍ leh buiˇshaˆaˉnaˆ chaw hui ve tuˉ tanˇ kuiˬ teˇ hpaˍ hta‸ te luˬ te sheˆ piˇ ve yoˬ. Yawˇ hui lehˬ, Beˍyaˍmenˍ mvuhˇmiˬ, Eˇhpaˍrenˍ mvuhˇmiˬ leh Maˍnaˍseˍ mvuhˇmiˬ teˇ hpaˍ hkʼaw lo htawˇ oˇ hkʼe te piˇ taˉ peuˬ hkʼaw‸ nawˉ, a shu yawˇ ve yehˬ lo kʼo‸-e ve yoˬ.
2
Jawˇmawˇ Heˍzaˍkiˆ lehˬ, paw hkuˇ leh Leˍviˆ chaw teˇ hpaˍ hta‸ awˬ liˇ awˬ hkʼaˇ kʼaw‸ gu teh piˇ leh, bon yehˬ hkʼaw kanˉ te tcuh ve yoˬ. Yawˇ hui gʼa te cawˇ ve kanˉ teˇ hpaˍ lehˬ, Gʼuiˬsha hta‸ tuˉ tanˇ ve, oˉ kʼoˍ pui htaˇ sheh kʼai piˇ ve leh, bon yehˬ hkʼaw kʼa muiˬ hkawˇ kʼa ve, chi teˇ hpaˍ hpeh‸ ve yoˬ.
3
Jawˇmawˇ lehˬ, teˇ shawˉ teˇ hpeu‸ le tuˉ tanˇ kuiˬ hkʼaw maˇ kʼoˆ, shinˉ nyi htaˇ maˇ kʼoˆ, ha pa tawˬ htaˇ te ve pawehˇ hkʼaw maˇ kʼoˆ, Gʼuiˬsha ve awˬliˇtawˇhkawˇ li‸ daw hkʼaw bvuh‸ taˍ ve awˬ nu ve pawehˇ teˇ hpaˍ hta‸ te htaˇ maˇ kʼoˆ, yawˇ ve ceˇ caˬ teˇ hpaˍ hkʼaw ve nuˇ leh yawˬ teˇ hpaˍ hta‸ yuˬ tawˆ leh tanˇ piˇ chehˇ ve yoˬ.
4
Chi hkʼoˆ ka‸, jawˇmawˇ lehˬ paw hkuˇ leh Leˍviˆ chaw teˇ hpaˍ Gʼuiˬsha ve awˬliˇtawˇhkawˇ li‸ daw hkʼaw bvuh‸ taˍ ve awˬ ceuˬ teˇ hpaˍ hta‸ hkʼa biˇ te kʼai gʼa tuˬ, Yeˍruˆsaˍlehnˍ venˇ yaˇ teˇ hpaˍ hta‸ yawˇ hui awˬ pon loˍ ve caˇ tuˬ dawˬ tuˬ teˇ hpaˍ yuˬ veu laˇ piˇ tcuh ve yoˬ.
5
Oˇ htaˇ, venˇ yaˇ teˇ hpaˍ lehˬ a shu yawˇ ve caˬ shiˍ, a pehˉ meuˇ gʼuiˬ, shaˍlonˍ chu, pehˇ gʼuiˬ, awˬ nu ve caˇ tuˬ dawˬ tuˬ teˇ hpaˍ, leh yawˇ hui geh cawˬ ve mawˇ teˇ chi pun teˇ pun ve hta‸ bon yehˬ lo yuˬ laˬ ve yoˬ.
6
Yuˇda‸ mvuhˇmiˬ hkʼaw chehˇ ve chaw teˇ hpaˍ htawˇ, a shu yawˇ ve ceˇ caˬ teˇ hpaˍ hkʼaw ve teˇ chi pun teˇ pun leh, awˬ nu ve la‸ shawnˍ maˇ maˇ yuˬ laˬ leh Gʼuiˬsha hta‸ ca tanˇ piˇ la ve yoˬ.
7
Ha pa shehˆ maˬ teˇ maˬ hta‸ tanˬ leh, tanˇ tuˬ oˇ ve teˇ hpaˍ bon yehˬ lo gaˬ la ve yoˬ. Ha pa suhˍ maˬ teˇ maˬ gaˬ htaˇ, bon yehˬ hkʼaw tanˇ taˍ ve mawˇ teˇ hpaˍ biˇ sheˬ ve yoˬ.
8
Jawˇmawˇ Heˍzaˍkiˆ leh yawˇ ve a ma‸ lonˉ teˇ hpaˍ, tanˇ taˍ ve mawˇ oˇ ve teˇ hpaˍ hta‸ gʼa mawˬ htaˇ, Gʼuiˬsha ve bon leh yawˇ ve chaw teˇ hpaˍ ve bon hta‸ chiˇ mvuh ve yoˬ.
9
Jawˇmawˇ lehˬ, tanˇ taˍ ve mawˇ chi teˇ hpaˍ awˬ lawn paw hkuˇ leh Leˍviˆ chaw hui hta‸ na nyi ve yoˬ.
10
Oˇ htaˇ, Zaˍdoˆ ve awˬ ceuˬ awˬ hkʼaˇ paw hkuˇ lonˉ Aˍzaˍriˆ jawˇmawˇ hta‸ chi hkʼe kʼoˆ piˇ ve yoˬ. Chaw yaˇ teˇ hpaˍ la‸ shawnˍ chi ma ma yuˬ veu laˇ ve pa taw, ngaˬ hui caˇ maˇ peuˬ ve awˬ hkʼoˆ, awˬ leuˉ ka‸ cawˬ sheˍ ve yoˬ. Chi hkʼe hpeh‸ la ve lehˬ, Gʼuiˬsha yawˇ ve chaw teˇ hpaˍ hta‸ awˬ bon na‸ piˇ taˍ ve pa taw yoˬ, teh‸ jawˇmawˇ hta‸ kʼoˆ piˇ ve yoˬ.
11
Jawˇmawˇ tawˇ piˇ leh, yawˇ hui lehˬ bon yehˬhkʼaw lo bawehˇ teˇ hpaˍ kʼaw‸ gu te ve yoˬ.
12
Oˇ hkʼe te peuˬ hkʼaw‸ nawˉ, tanˇ taˍ ve mawˇ teˇ hpaˍ hta‸ oˇ kaˬ lo kʼaw‸ yuˬ keu leh ha‸ shaˉ taˍ ve yoˬ. Yawˇ hui lehˬ, Leˍviˆ chaw Kawˇnaˍniˆ hta‸ mawˇ ha‸ shaˉ shehˍ hpaˇ te tcuh leh, yawˇ ve awˬ nyi paˍ Sheˍmiˆ hta‸ yawˇ hta‸ ga piˇ paˍ te tcuh ve yoˬ.
13
Yawˇ huiˉ maˬ awˬ hawˉ lo kanˉ te tuˬ ve Leˍviˆchaw teˇ chi gʼaˇ hta‸ htawˇ leuˆ yuˬ taˍ ve yoˬ. Yawˇ hui lehˬ, Yeˍheˍlaˆ, Aˍzaˍriˆ, Naˍhaˆ, Aˍsaˍheˍlaˆ, Yeˍriˍmoˆ, Yawˇzaˍbaˆ, Eˇleˍlaˆ, Iˉsaˍmaˍhkiˆ, Maˍhaˆ leh Beˍneˍyaˆ hui hpeh‸ ve yoˬ.
14
Leˍviˆ chaw Iˉmaˍnaˆ ve yaˇ Kawˇraˆ lehˬ, bon yehˬ mvuhˇ nyi tawˆ hpawˇ lo cawˬ ve taˍ meu‸ hpe‸ hta‸ shaw shehˍ hpaˇ awˬ hoˉ hpeh‸ leh, shu ca tanˇ la ve mawˇ hta‸ ha‸ yuˬ paˍ leh kʼaw‸ pehˬ caˍ piˇ paˍ awˬ hoˉ htawˇ hpeh‸ ve yoˬ.
15
Paw hkuˇ teˇ hpaˍ chehˇ taˍ ve awˬ nu ve venˇ teˇ hpaˍ hkʼaw lo htawˇ, yawˇ hta‸ ga piˇ chehˇ ve Leˍviˆ chaw Eˍdenˍ, Miˆnaˍmenˍ, Yawˇsuˆ, Sheˍmaˍyaˆ, Aˍmaˍriˆ leh Sheˍhkaˍniˆ hui lehˬ, kanˉ te chehˇ ve Leˍviˆ chaw hui hta‸ caˇ tuˬ pehˬ caˍ piˇ chehˇ ve yoˬ.
16
Yawˇ hui lehˬ, bon yehˬ hkʼaw kanˉ te chehˇ ve a sha‸ 30 hkʼaw‸ awˬ hkʼoˆ ve Leˍviˆ chaw hkʼa peu-eˬ hta‸, a shu yawˇ te chehˇ ve kanˉ hta‸ nyi leh caˇ tuˬ pehˬ caˍ piˇ chehˇ ve yoˬ.
17
Bon yehˬ hkʼaw kanˉ te chehˇ ve paw hkuˇ teˇ hpaˍ lehˬ, a shu yawˇ ve awˬ ceuˬ awˬ hkʼaˇ hta‸ nyi leh awˬ moˍ te taˍ ve yoˬ. A sha‸ 20 hkʼaw‸ awˬ hkʼoˆ ve Leˍviˆ chaw teˇ hpaˍ lehˬ, kanˉ hta‸ nyi leh awˬ moˍ te taˍ ve yoˬ.
18
Chaw chi teˇ hpaˍ lehˬ, bon yehˬ hkʼaw awˬ yanˇ hkʼa biˇ kanˉ te chehˇ ve chaw teˇ hpaˍ hpeh‸ ve pa taw, yawˇ hui ve miˇ yaˇ teˇ hpaˍ hta‸ htawˇ caˇ lanˇ hkʼa deh‸ yuˬ taˍ ve yoˬ.
19
Aˍronˍ awˬ ceuˬ awˬ hkʼaˇ teˇ hpaˍ hta‸ piˇ taˍ ve venˇ teˇ hpaˍ hkʼaw chehˇ ve paw hkuˇ leh Leˍviˆ chaw teˇ hpaˍ hta‸ htawˇ, caˇ tuˬ hkʼa deh‸ pehˬ caˍ piˇ chehˇ ve yoˬ.
20
Yuˇda‸ mvuhˇmiˬ hkʼaw lo, jawˇmawˇ Heˍzaˍkiˆ lehˬ da‸ ve kanˉ leh Gʼuiˬsha nyi ma cawˇ ve kanˉ hta‸ tiˉ te ve yoˬ.
21
Yawˇ hkʼa te ve kanˉ hkʼa peu-eˬ uiˍ la da‸ la ve yoˬ. Awˬ lawn kʼo, yawˇ bon yehˬ awˬ pon te ve kanˉ maˇ kʼoˆ, Gʼuiˬsha ve awˬliˇtawˇhkawˇ hta‸ na yuˬ ve maˇ kʼoˆ, nyi ma awˬ tawˬ hkʼa gaˬ Gʼuiˬsha hta‸ ka ti‸ yeˬ ve hkʼaw te ve pa taw yoˬ.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36