bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 33
2 Chronicles 33
Lahu Bible Edited © Thailand Bible Society and Bible Society of Myanmar, 2010, 2020.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Maˍnaˍseˍ lehˬ, Yuˇda‸ mvuhˇmiˬ hta‸ tanˬ uˉ peunˍ htaˇ, yawˇ ve a sha‸ 12 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ 55 hkʼaw‸ uˉ peunˍ ve yoˬ.
2
Yawˇ lehˬ, aˬ sho-eˬ Iˉsaˍreˍlaˆ chaw hui Hkaˍnanˍ mvuhˇmiˬ hkʼaw lo‸ la htaˇ, Gʼuiˬsha gʼa‸ kʼoˬ piˇ taˍ ve chaw oˇ ve teˇ hpaˍ ve oˉ kʼoˍ pui ve awˬ liˇ teˇ hpaˍ hta‸ gʼa‸ te leh, Gʼuiˬsha hta‸ te ya‸ jaˇ ve yoˬ.
3
Yawˇ ve awˬ pa Heˍzaˍkiˆ te luˬ piˇ taˍ ve awˬ nu ve gʼuiˬsha teˇ hpaˍ ve bon yehˬ hta‸ kʼaw‸ gu te ve yoˬ. Baˍlaˆ gʼuiˬsha hta‸ tuˉ tanˇ kuiˬ teˇ hpaˍ hta‸ htawˇ kʼaw‸ gu te leh, meu‸ keu shiˍ teˇ hpaˍ hta‸ oˉ kʼoˍ pui chehˇ ve yoˬ.
4
Gʼuiˬsha hta‸ oˉ kʼoˍ pui kuiˬ bon yehˬ hkʼaw lo, awˬ nu ve gʼuiˬsha teˇ hpaˍ hta‸ tuˉ tanˇ kuiˬ teˇ hpaˍ te teh taˍ ve yoˬ.
5
Bon yehˬ awˬ baˬ hpawˇ ve nyiˇ bawehˇ hkʼaw lo htawˇ, yawˇ lehˬ meu‸ keu shiˍ teˇ hpaˍ hta‸ tuˉ tanˇ kuiˬ te teh taˍ ve yoˬ.
6
Yawˇ ve yaˇ teˇ hpaˍ hta‸ yuˬ leh, Hiˆnonˍ lawˬ hkʼo‸ hkʼaw tuˉ tanˇ piˇ ve yoˬ. Yawˇ lehˬ, faˍ te ve cuˇ yiˍ hta‸ henˇ leh, mawˉ paˍ sheˍ paˍ hui hta‸ awˬ chawˇ te ve yoˬ. Yawˇ Gʼuiˬsha hta‸ te‸ ya‸ jaˇ leh, Gʼuiˬsha nyi ma zuhˆ tuˬ te ve yoˬ.
7
Yawˇ lehˬ, bon yehˬ hkʼaw lo shaˉ ho‸ teˇ maˬ teh taˍ ve yoˬ. Bon yehˬ hta‸ caˉ da‸ leh, Gʼuiˬsha Daˍviˆ leh yawˇ ve yaˇ paˍ Sawˉla‸monˍ hta‸ chi hkʼe kʼoˆ piˇ taˍ ve yoˬ. Iˉsaˍreˍlaˆ mvuhˇmiˬ hkʼa peu-eˬ hkʼaw, ngaˬ hta‸ oˉ kʼoˍ pui kuiˬ Yeˍruˆsaˍlehnˍ venˇ chi hta‸ ngaˬ leuˆ yuˬ taˍ ve yoˬ.
8
Iˉsaˍreˍlaˆ chaw teˇ hpaˍ, ngaˬ ve tawˇ leh Moˉseˍ yawˇ hui hta‸ piˇ taˍ ve awˬliˇtawˇhkawˇ hkʼa peu-eˬ ve hta‸ na yuˬ chehˇ ve kʼo, yawˇ hui ve awˬ puˍ awˬ pi hui hta‸ ngaˬ piˇ taˍ ve mvuhˇmiˬ chi hkʼaw, ngaˬ yawˇ hui hta‸ gʼa‸ kʼoˬ piˇ tuˬ ve maˇ heˆ, teh‸ Gʼuiˬsha kʼoˆ taˍ ve yoˬ.
9
Maˍnaˍseˍ lehˬ, Gʼuiˬsha gʼa‸ kʼoˬ piˇ taˍ ve chaw oˇ ve teˇ hpaˍ a‸ kehˉ haiˬ jaˇ leh, Iˉsaˍreˍlaˆ chaw hui hta‸ ya‸ kʼaw sheh ya‸ piˇ ve yoˬ.
10
Gʼuiˬsha lehˬ, Maˍnaˍseˍ leh Yuˇda‸ chaw teˇ hpaˍ hta‸ shaˍ ti‸ piˇ ve htawˇ, yawˇ hui venˇbaˆ maˇ dawˇ hpfuhˆ.
11
Chi hta‸ pa taw, Gʼuiˬsha lehˬ Aˍsuˇriˆ jawˇmawˇ hta‸ ca bawˆ la tcuh ve yoˬ. Yawˇ hui Maˍnaˍseˍ hta‸ sho caˆ yuˬ hpeh leh Baˍbuˍlonˍ mvuhˇmiˬ lo shiˍ kʼai ve yoˬ.
12
Yawˇ oˇ hkʼe gʼa hkanˍ ve teˇ nyi, nyi ma kʼaw‸ nuˇ la leh Gʼuiˬsha geh kʼaw‸ hpfuhˆ kʼaw‸ la ve yoˬ.
13
Gʼuiˬsha lehˬ, Maˍnaˍseˍ ve bon lawˬ hkawˇ hta‸ na yuˬ leh, yawˇ hta‸ Yeˍruˆsaˍlehnˍ venˇ lo kʼaw‸ kʼo‸-e tcuh ve yoˬ. Oˇ htaˇ Maˍnaˍseˍ lehˬ, Gʼuiˬsha chi ve awˬ tehˬ awˬ na ve Gʼuiˬsha hpeh‸ ve hta‸ shiˍ la ve yoˬ.
14
Oˇ ve hkʼaw‸ nawˉ, Maˍnaˍseˍ lehˬ Giˇhonˍ iˉ kaˆ lawˬ paˇ lo te leh awˬ na hpawˇ Ngaˇ taˍ meu‸ hpe‸ lo hkʼa gaˬ, Awˇhpeˍlaˆ teh‸ kʼo ve chehˇ kuiˬ lo cawˬ ve lanˇ venˇ hta‸ kʼaw‸ gu kawˍ mvuh piˇ ve yoˬ. Yawˇ lehˬ, Yuˇda‸ mvuhˇmiˬ hkʼaw cawˬ ve hkʼa deh‸ gu taˍ ve venˇ teˇ hpaˍ hkʼaw, ma‸ poˍ lonˉ teˇ venˇ teˇ gʼaˇ chehˇ tcuh taˍ ve yoˬ.
15
Bon yehˬ hkʼaw lo yawˇ teh taˍ ve awˬ nu ve shaˉ ho‸ teˇ hpaˍ hta‸ yawˇ yuˬ baˬ leh, hkʼaw hkʼoˆ lo leh awˬ nu ve chehˇ kuiˬ teˇ hpaˍ lo yawˇ te teh taˍ ve tuˉ tanˇ kuiˬ teˇ hpaˍ hta‸ htawˇ, yuˬ baˬ ve yoˬ. Awˬ ceuˬ chi teˇ hpaˍ hta‸ yawˇ venˇ baˬ lo yuˬ kʼoˬ piˇ ve yoˬ.
16
Gʼuiˬsha hta‸ oˉ kʼoˍ pui kuiˬ lo teh taˍ ve tuˉ tanˇ kuiˬ hta‸ htawˇ yawˇ kʼaw‸ gu te leh, oˇ ve awˬ hkʼoˆ lo Gʼuiˬsha hta‸ tuˉ tanˇ piˇ ve yoˬ. Gʼuiˬsha hta‸ ceh tiˉ oˉ kʼoˍ pui tuˬ, yawˇ Yuˇda‸ chaw teˇ hpaˍ hta‸ tawˇ piˇ ve yoˬ.
17
Chaw yaˇ teˇ hpaˍ lehˬ, awˬ nu ve chehˇ kuiˬ teˇ hpaˍ lo tuˉ tanˇ piˇ chehˇ sheˍ ve htawˇ, yawˇ hui ve Gʼuiˬsha hta‸ ceh tiˉ tuˉ tanˇ piˇ chehˇ ve yoˬ.
18
Maˍnaˍseˍ hkʼa te ve kanˉ hkʼa peu-eˬ, yawˇ Gʼuiˬsha geh bon lawˬ ve awˬ lawn leh, Gʼuiˬsha ve tcuh kaˍ paˍ teˇ hpaˍ yawˇ hta‸ hkʼaˬ hkʼe kʼoˆ piˇ ve awˬ lawn hkʼa peu-eˬ, Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
19
Jawˇmawˇ ve bon lawˬ hkawˇ, Gʼuiˬsha yawˇ hta‸ hkʼaˬ hkʼe kʼaw‸ yaw hkʼaw‸ piˇ ve awˬ lawn, yawˇ venˇbaˆ maˇ dawˇ hpfuhˆ sheˍ htaˇ yawˇ te ve haiˬ ve kanˉ teˇ hpaˍ, leh yawˇ Aˍsheˍraˆ gʼuiˬsha ma ve shaˉ ho‸ hta‸ te leh oˉ kʼoˍ pui ve awˬ lawn chi hkʼa peu-eˬ, tcuh kaˍ paˍ teˇ hpaˍ ve raˍsaˍvanˍ hkʼaw bvuh‸ keu taˍ ve yoˬ.
20
Maˍnaˍseˍ suh-e leh, shu yawˇ hta‸ hawˉ yehˬ paˇ lo tuˍ piˇ ve yoˬ. Hkʼe te leh, yawˇ ve yaˇ paˍ Aˍmonˍ yawˇ awˬ tan jawˇmawˇ kʼaw‸ te ve yoˬ.
21
Aˍmonˍ Yuˇda‸ mvuhˇmiˬ hta‸ tanˬ uˉ peunˍ htaˇ, yawˇ ve a sha‸ 22 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ nyiˇ hkʼaw‸ uˉ peunˍ ve yoˬ.
22
Yawˇ ve awˬ pa Maˍnaˍseˍ hkʼa shuˍ, yawˇ htawˇ Gʼuiˬsha hta‸ te ya‸ jaˇ ve yoˬ. Yawˇ awˬ pa oˉ kʼoˍ pui jaw ve shaˉ ho‸ teˇ hpaˍ hta‸ yawˇ htawˇ oˉ kʼoˍ pui ve yoˬ.
23
Ya‸ hkʼaˇ, yawˇ ve awˬ pa venˇbaˆ dawˇ hpfuhˆ ve hkʼa shuˍ, yawˇ lehˬ venˇbaˆ maˇ dawˇ hpfuhˆ. Yawˇ ve awˬ pa a‸ kehˉ ka‸ haiˬ jaˇ ve yoˬ.
24
Aˍmonˍ ve ma‸ poˍ lonˉ teˇ hpaˍ yawˇ hta‸ kʼaw‸ hpfuhˆ leh, yawˇ hta‸ hawˉ yehˬ hkʼaw tiˇ pehˍ piˇ ve yoˬ.
25
Yuˇda‸ chaw teˇ hpaˍ Aˍmonˍ hta‸ tiˇ pehˍ ve ma‸ poˍ lonˉ teˇ hpaˍ hta‸ kʼaw‸ tiˇ pehˍ piˇ leh, Aˍmonˍ ve yaˇ Yawˇshiˆ hta‸ jawˇmawˇ kʼaw‸ te tcuh ve yoˬ.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36