bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 36
2 Chronicles 36
Lahu Bible Edited © Thailand Bible Society and Bible Society of Myanmar, 2010, 2020.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
1
Yuˇda‸ chaw teˇ hpaˍ lehˬ, Yawˇshiˆ ve yaˇ Yawˇhkaˆ hta‸ leuˆ yuˬ leh naˍ manˇ pfuhˍ piˇ peuˬ hkʼaw‸ nawˉ, yawˇ hta‸ jawˇmawˇ te tcuh ve yoˬ.
2
Yawˇhkaˆ jawˇmawˇ hpeh‸ la htaˇ, yawˇ ve a sha‸ 23 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ ha pa shehˆ maˬ uˉ peunˍ ve yoˬ.
3
Eˇjiˇtu‸ jawˇmawˇ Neˍhkawˇ yawˇ hta‸ hpeh yuˬ leh, Yuˇda‸ chaw hui hta‸ hpu 1,00 cawehˬ leh, shi 10 cawehˬ awˬ hkawnˍ keu tcuh ve yoˬ.
4
Neˍhkawˇ lehˬ, Yawˇhkaˆ ve awˬ nyi paˍ Eˇlaˍkenˍ hta‸ Yuˇda‸ jawˇmawˇ kʼaw‸ te tcuh taˉ leh, Yawˇhkaˆ hta‸ Eˇjiˇtu‸ mvuhˇmiˬ lo shiˍ kʼai ve yoˬ.
5
Yawˇyaˍkenˍ Yuˇda‸ jawˇmawˇ hpeh‸ la htaˇ, yawˇ ve a sha‸ 25 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ 11 hkʼaw‸ uˉ peunˍ ve yoˬ. Yawˇ lehˬ, Gʼuiˬsha hta‸ te ya‸ jaˇ ve yoˬ.
6
Hkʼe te leh, Baˍbuˍlonˍ jawˇmawˇ Neˍbuˍhkaˍneˍzaˍ Yuˇda‸ mvuhˇmiˬ hta‸ ca bawˆ la leh, Yawˇyaˍkenˍ hta‸ sho caˆ yuˬ hpeh peuˬ hkʼaw‸ nawˉ, Baˍbuˍlonˍ mvuhˇmiˬ lo shiˍ kʼai ve yoˬ.
7
Neˍbuˍhkaˍneˍzaˍ lehˬ, bon yehˬ hkʼaw cawˬ ve hpu shiˍ mawˇ jeˬ teˇ hpaˍ hta‸ htawˇ yuˬ kʼo‸-e leh, yawˇ ve hawˉ yehˬ hkʼaw keu taˍ ve yoˬ.
8
Yawˇyaˍkenˍ hkʼa te ve kanˉ hkʼa peu-eˬ, Iˉsaˍreˍlaˆ leh Yuˇda‸ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ. Hkʼe te leh, yawˇ yaˇ paˍ Yeˍhkawˇniˆ yawˇ awˬ tan jawˇmawˇ kʼaw‸ te ve yoˬ.
9
Yeˍhkawˇniˆ Yuˇda‸ jawˇmawˇ hpeh‸ la htaˇ, yawˇ ve a sha‸ 18 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ ha pa shehˆ maˬ leh 10 nyi uˉ peunˍ ve yoˬ. Yawˇ htawˇ Gʼuiˬsha hta‸ te ya‸ jaˇ ve yoˬ.
10
Mvuhˇ kaˆ ve awˬ yanˇ gaˬ la htaˇ, jawˇmawˇ Neˍbuˍhkaˍneˍzaˍ yawˇ hta‸ ca kʼaw‸ bawˆ la leh, Baˍbuˍlonˍ venˇ lo shiˍ kʼai piˇ ve yoˬ. Neˍbuˍhkaˍneˍzaˍ lehˬ, bon yehˬ hkʼaw cawˬ ve hpu shi mawˇ jeˬ teˇ hpaˍ hta‸ htawˇ kʼaw‸ yuˬ kʼai ve yoˬ. Yawˇ lehˬ Yeˍhkawˇniˆ ve aˉ shuˍ paˍ Zeˍdaˍkiˆ hta‸ Yuˇda‸ jawˇmawˇ kʼaw‸ te tcuh taˉ ve yoˬ.
11
Zeˍdaˍkiˆ Yuˇda‸ jawˇmawˇ hpeh‸ la htaˇ, yawˇ ve a sha‸ nyiˇ chi teˇ hkʼaw‸ gaˬ peuˬ leh, Yeˍruˆsaˍlehnˍ venˇ hta‸ teˇ chi teˇ hkʼaw‸ uˉ peunˍ ve yoˬ.
12
Yawˇ htawˇ Gʼuiˬsha hta‸ te ya‸ jaˇ leh, Gʼuiˬsha ve tcuh kaˍ paˍ Yeˍraˍmiˆ kʼoˆ piˇ ve tawˇ te hpaˍ hta‸ maˇ na yuˬ.
13
Zeˍdaˍkiˆ lehˬ, jawˇmawˇ Neˍbuˍhkaˍneˍzaˍ hta‸ kʼaw‸ hpfuhˆ ve yoˬ. Jawˇmawˇ Neˍbuˍhkaˍneˍzaˍ lehˬ, yawˇ hta‸ maˇ kʼaw‸ hpfuhˆ tuˬ, ponˬ laˬ htaˇ ka‸ Zeˍdaˍkiˆ hta‸ Gʼuiˬsha ve awˬ meh hkʼaw hkanˍ tcuh taˍ peuˬ ve yoˬ. Zeˍdaˍkiˆ lehˬ, venˇbaˆ maˇ dawˇ hpfuhˆ. Iˉsaˍreˍlaˆ ve Gʼuiˬsha geh maˇ kʼaw‸ hpfuhˆ kʼaw‸ la.
14
Chi hkʼoˆ ka‸, Yuˇda‸ chaw awˬ hoˉ awˬ naˬ teˇ hpaˍ, paw hkuˇ teˇ hpaˍ, leh chaw yaˇ teˇ hpaˍ htawˇ, awˬ nu ve chaw ceuˬ teˇ hpaˍ hkʼa shuˍ, shaˉ ho‸ hta‸ oˉ kʼoˍ pui leh, Gʼuiˬsha da‸ piˇ kehˬ piˇ taˍ ve bon yehˬ hta‸ cha‸ chiˆ tuˬ te ve yoˬ.
15
Gʼuiˬsha lehˬ, Yuˇda‸ chaw teˇ hpaˍ leh bon yehˬ hta‸ maˇ te luˬ gaˇ ve pa taw, yawˇ ve tcuh kaˍ paˍ teˇ gʼaˇ peuˬ teˇ gʼaˇ hta‸ hpehˇ peu leh yawˇ hui hta‸ shaˍ ti‸ piˇ tcuh ve yoˬ.
16
Ya‸ hkʼaˇ, yawˇ hui Gʼuiˬsha ve tcuh kaˍ paˍ teˇ hpaˍ hta‸ maˇ shawˍ maˇ caˆ te leh, yawˇ ve tawˇ hta‸ maˇ na yuˬ. Awˬ leh meuˇ gaˬ htaˇ, Gʼuiˬsha nyi ma zuhˆ ve hta‸ yawˇ hui teˇ gʼaˇ ka‸ ponˬ maˇ hpeh‸.
17
Hkʼe te leh, Gʼuiˬsha lehˬ Baˍbuˍlonˍ jawˇmawˇ hta‸ kuˬ yuˬ leh, yawˇ hui hta‸ ca bawˆ la piˇ ve yoˬ. Baˍbuˍlonˍ jawˇmawˇ lehˬ, Yuˇda‸ mvuhˇmiˬ hkʼaw chehˇ ve chaw haˉ paˍ teˇ hpaˍ hta‸ tiˇ pehˍ leh, bon yehˬ hkʼaw chehˇ taˍ ve chaw hui hta‸ htawˇ tiˇ pehˍ piˇ ve yoˬ. Yawˇ lehˬ, chaw mawˇ, yaˇ nehˬ, hawˉ hkʼaˆ, yaˇ miˇ, chehˇ sha ve chaw leh naˬ chehˇ ve chaw teˇ gʼaˇ hta‸ ka‸ maˇ ha kʼaˉ piˇ. Gʼuiˬsha lehˬ yawˇ hui hkʼa peu-eˬ ve hta‸ Baˍbuˍlonˍ jawˇmawˇ ve la‸ sheh hkʼaw chiˇ a‸ piˇ ve yoˬ.
18
Baˍbuˍlonˍ jawˇmawˇ lehˬ, bon yehˬ, hawˉ yehˬ leh ma‸ poˍ lonˉ teˇ hpaˍ ve yehˬ hkʼaw hkʼa cawˬ ve mawˇ hkʼa peu-eˬ hta‸ yuˬ leh, Baˍbuˍlonˍ mvuhˇmiˬ lo yuˬ kʼai ve yoˬ.
19
Yawˇ lehˬ, bon yehˬ leh Yeˍruˆsaˍlehnˍ venˇ hta‸ htawˇ aˬ miˍ tuˉ baˬ piˇ leh, lanˇ venˇ hta‸ htawˇ te luˬ piˇ ve yoˬ.
20
Cawˬ taˍ sheˍ ve Yuˇda‸ chaw hkʼa peu-eˬ hta‸ Baˍbuˍlonˍ mvuhˇmiˬ lo shiˍ kʼai leh, Paˇshaˇ mvuhˇmiˬ awˬ gʼaˇ uiˍ la ve awˬ yanˇ hkʼa gaˬ, yawˇ hui hta‸ awˬ ceˬ te tcuh ve yoˬ.
21
Hkʼe te leh, Gʼuiˬsha ve tcuh kaˍ paˍ Yeˍraˍmiˆ kʼoˆ taˍ ve tawˇ chi teˇ hkawˇ biˇ la ve yoˬ. Yawˇ kʼoˆ ve, Mvuhˇmiˬ chi ve lehˬ 70 hkʼaw‸ hkʼa gaˬ, gawˬ cu gawˬ pehˆ hpeh‸ chehˇ tuˬ yoˬ. Chi hkʼe hpeh‸ la ve lehˬ, chaw yaˇ teˇ hpaˍ da‸ kehˬ tuˬ maˇ te taˉ ve shinˉ nyi teˇ hpaˍ hta‸ kʼaw‸ da‸ kehˬ la piˇ tuˬ awˬ pon hpeh‸ ve yoˬ, teh‸ Yeˍraˍmiˆ kʼoˆ taˍ ve yoˬ.
22
Paˇshaˇ mvuhˇmiˬ hta‸ jawˇmawˇ Kuˇruˆ tanˬ uˉ peunˍ ve teˇ hkʼaw‸ htaˇ, Gʼuiˬsha lehˬ yawˇ ve tcuh kaˍ paˍ Yeˍraˍmiˆ hta‸ cuˇ leh kʼoˆ taˍ peuˬve tawˇ hta‸ biˇ la piˇ ve yoˬ. Hkʼe te leh, Gʼuiˬsha lehˬ Kuˇruˆ ve nyi ma hta‸ gu piˇ leh, yawˇ ve mvuhˇmiˬ hkʼaˬ ti chi ti lo li‸ chi hkʼe bvuh‸ feu tcuh ve yoˬ.
23
Chi ve lehˬ, Paˇshaˇ mvuhˇmiˬ ve jawˇmawˇ lonˉ Kuˇruˆ ve tawˇ hpeh‸ ve yoˬ. Mvuhˇ naw ma hkʼoˆ chehˇ ve Gʼuiˬsha lehˬ, ngaˬ hta‸ miˬguiˬ hkʼa peu-eˬ ve hta‸ uˉ peunˍ tuˬ kanˇ paˆ pe‸ laˇ leh, Yuˇda‸ mvuhˇmiˬ Yeˍruˆsaˍlehnˍ venˇ hkʼaw lo yawˇ ve bon yehˬ teˇ maˬ te tuˬ, kanˉ chiˇ a‸ laˇ taˍ ve yoˬ. Chi hta‸ pa taw, Gʼuiˬsha ve chaw hkʼa hpeh‸ ve teˇ gʼaˇ le le, chi beu‸ oˇ kaˬ lo kʼaw‸ kʼo‸-e hpeh‸ ve yoˬ. Nawˬ hui ve Gʼuiˬsha nawˬ hui geh chehˇ piˇ-oˆ, teh‸ li‸ bvuh‸ feu piˇ ve yoˬ.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36