bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 32
2 Chronicles 32
Lahu Bible Edited © Thailand Bible Society and Bible Society of Myanmar, 2010, 2020.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Jawˇmawˇ Heˍzaˍkiˆ lehˬ, Gʼuiˬsha hta‸ ka ti‸ yeˬ ve hkʼaw kanˉ oˇ ve teˇ hpaˍ hta‸ te chehˇ ve teˇ yanˇ, Aˍsuˇriˆ jawˇmawˇ Seˍnaˍhkaˍriˆ Yuˇda‸ mvuhˇmiˬ hta‸ ca bawˆ la ve yoˬ. Yawˇ lehˬ, Yuˇda‸ mvuhˇmiˬ hkʼaw cawˬ ve ta‸ yehˬ teˇ hpaˍ hta‸ caw hoˆ taˍ leh, lanˇ venˇ hta‸ dawˆ paˆ tuˬ tawˇ piˇ chehˇ ve yoˬ.
2
Seˍnaˍhkaˍriˆ lehˬ, Yeˍruˆsaˍlehnˍ venˇ hta‸ htawˇ ca bawˆ la tuˬ ve hta‸ Heˍzaˍkiˆ gʼa shiˍ ve teˇ yanˇ,
3
yawˇ ve ma‸ poˍ lonˉ teˇ hpaˍ geh jehˬ da‸ leh, Seˍnaˍhkaˍriˆ Yeˍruˆsaˍlehnˍ venˇ lo gaˬ la htaˇ yawˇ hui iˉ kaˆ maˇ gʼa dawˬ tuˬ, iˉ kaˆ gʼuiˬ hkʼaˇ hta‸ yuˬ fiˍ taˍ tuˬ jehˬ cheˆ ve yoˬ.
4
Hkʼe te leh, ma‸ poˍ lonˉ teˇ hpaˍ lehˬ, chaw moˍ lonˉ hta‸ shiˍ veu leh, iˉ kaˆ gʼuiˬ tuˇ teˇ hpaˍ je‸ duˇ keu leh, iˉ kaˆ maˇ gʼa tawˆ la tuˬ te ve yoˬ.
5
Jawˇmawˇ lehˬ, lanˇ venˇ teˇ hpaˍ hta‸ htawˇ kʼaw‸ gu leh, ta‸ yehˬ teˇ hpaˍ kʼaw‸ te keu ve yoˬ. Miˆlawˇ ta‸ yehˬ hta‸ htawˇ kʼaw‸ gu te leh, la‸ caˉ teˇ hpaˍ htawˇ maˇ maˇ kʼaw‸ te keu taˍ ve yoˬ.
6
Yawˇ lehˬ, venˇ hkʼaw chehˇ ve hawˉ hkaˆ paˍ hkʼa peu-eˬ ve hta‸ venˇ taˍ meu‸ hpe‸ paˇ lo kuˬ hpawnˬ leh, yawˇ hui hta‸ chi hkʼe kʼoˆ piˇ ve yoˬ.
7
Nyi ma ha‸ hanˉ te chehˇ-oˆ. Aˍsuˇriˆ jawˇmawˇ leh yawˇ ve ma‸ moˍ hta‸ taˇ kawˆ. Yawˇ a‸ kehˉ ngaˬ hui awˬ gʼaˇ uiˍ ve yoˬ.
8
Yawˇ lehˬ, chaw yaˇ ve kanˇ paˆ ceh tiˉcawˬ ve yoˬ. Ya‸ hkʼaˇ, ngaˬ hui hpawˇ lo Gʼuiˬsha chehˇ taˍ ve yoˬ, teh‸ yawˇ hui hta‸ kʼoˆ piˇ ve yoˬ. Chaw yaˇ teˇ hpaˍ lehˬ, jawˇmawˇ ve tawˇ oˇ ve hta‸ gʼa kaˇ ve pa taw, nyi ma awˬ gʼaˇ cawˬ la ve yoˬ.
9
Oˇ ve hkʼaw‸ nawˉ maˇ maw maw, Seˍnaˍhkaˍriˆ lehˬ, Laˍhkiˇshaˆ venˇ hkʼaw chehˇ taˍ leh, Heˍzaˍkiˆ leh Yeˍruˆsaˍlehnˍ venˇ yaˇ teˇ hpaˍ hta‸ chi hkʼe ca kʼoˆ piˇ tcuh ve yoˬ.
10
Ngaˬ, Aˍsuˇriˆ jawˇmawˇ lonˉ Seˍnaˍhkaˍriˆ lehˬ, aˬ hto‸ ma pa taw nawˬ hui nyi ma uiˍ chehˇ ve awˬ lawn hta‸ shiˍ gaˇ ve yoˬ.
11
Nawˬ hui ve Gʼuiˬsha lehˬ, nawˬ hui hta‸ ngaˬ ve la‸ sheh hkʼaw lo ponˬ laˇ tuˬ yoˬ, teh‸ Heˍzaˍkiˆ nawˬ hui hta‸ kʼoˆ maˍ piˇ chehˇ ve yoˬ. Heˍzaˍkiˆ nawˬ hui hta‸ heˍ laˇ chehˇ ve yoˬ. Nawˬ hui meu‸ suh kaˆ suh tuˬ yoˬ.
12
Yawˇ lehˬ, Gʼuiˬsha ve bon yehˬ leh tuˉ tanˇ kuiˬ hta‸ te luˬ piˇ chehˇ leh, Yeˍruˆsaˍlehnˍ venˇ lo tiˉ oˉ kʼoˍ gʼa ca pui la ve yoˬ, teh‸ Yuˇda‸ chaw hui hta‸ kʼoˆ piˇ chehˇ ve yoˬ.
13
Ngaˬ ve awˬ puˍ lonˉ teˇ hpaˍ leh chi beu‸ ngaˬ awˬ to, awˬ nu ve mvuhˇmiˬ teˇ hpaˍ hta‸ hkʼaˬ hkʼe te piˇ taˍ peuˬ ve hta‸ nawˬ hui maˇ shiˍ laˇ. Yawˇ hui ve gʼuiˬsha teˇ hpaˍ, yawˇ hui hta‸ ngaˬ ve la‸ sheh hkʼaw lo ponˬ piˇ tuˬ te gʼa-aw laˇ.
14
Yawˇ hui ve gʼuiˬsha oˇ ve teˇ hpaˍ yawˇ hui hta‸ ngaˬ hui ve la‸ sheh hkʼaw lo hkʼaˬ htaˆ ponˬ piˇ gʼa jaw le. Hkʼe kʼo, aˬ hto‸ ma pa taw nawˬ hui ve gʼuiˬsha ka‸ nawˬ hui hta‸ ponˬ laˇ gʼa tuˬ yoˬ, teh‸ dawˇ chehˇ ve le.
15
Heˍzaˍkiˆ oˇ hkʼe kʼoˆ laˇ chehˇ ve tawˇ hta‸ taˇ na. Chaw ceuˬ hkʼaˬ ve teˇ ceuˬ ve gʼuiˬsha ka‸, yawˇ ve chaw teˇ hpaˍ hta‸ Aˍsuˇriˆ jawˇmawˇ ve la‸ sheh hkʼaw ponˬ piˇ tuˬ te maˇ gʼa. Nawˬ hui ve gʼuiˬsha htawˇ, nawˬ hui hta‸ ponˬ laˇ gʼa tuˬ ve maˇ heˆ taˬ, teh‸ yawˇ hui hta‸ kʼoˆ feu piˇ ve yoˬ.
16
Aˍsuˇriˆ ma‸ poˍ lonˉ teˇ hpaˍ htawˇ, Gʼuiˬsha leh yawˇ ve awˬ ceˬ paˍ Heˍzaˍkiˆ hta‸ maˇ shawˍ maˇ caˆ kʼoˆ ve yoˬ.
17
Aˍsuˇriˆ jawˇmawˇ bvuh‸ feu laˇ ve li‸ oˇ ve lehˬ, Iˉsaˍreˍlaˆ ve Gʼuiˬsha hta‸ hpaˬ maˉ piˇ jaˇ ve yoˬ. Li‸ oˇ ve hkʼaw chi hkʼe bvuh‸ taˍ ve yoˬ. Awˬ nu ve chaw ceuˬ teˇ hpaˍ ve gʼuiˬsha lehˬ, yawˇ hui hta‸ ngaˬ ve la‸ sheh hkʼaw ponˬ piˇ tuˬ te maˇ gʼa. Heˍzaˍkiˆ ve gʼuiˬsha htawˇ, yawˇ ve chaw teˇ hpaˍ hta‸ ngaˬ ve la‸ sheh hkʼaw lo ponˬ piˇ maˇ gʼa taˬ, teh‸ bvuh‸ taˍ ve yoˬ.
18
Aˍsuˇriˆ ma‸ poˍ lonˉ teˇ hpaˍ lehˬ, Yeˍruˆsaˍlehnˍ venˇ yaˇ teˇ hpaˍ hta‸ kawˆ ve nyi ma cawˬ la piˇ leh, awˬ gʼaˇ nuˇ kʼai piˇ lawˬ tuˬ, yawˇ hui Heˍbrehˇ hkawˇ ka‸ yaw leh ho piˇ ve yoˬ. Oˇ hkʼe te ve kʼo, yawˇ hui Yeˍruˆsaˍlehnˍ venˇ hta‸ hkʼa sha sha-ehˬ bawˆ gʼa tuˬ dawˇ taˍ ve yoˬ.
19
Iˉsaˍreˍlaˆ chaw hui ve Gʼuiˬsha hta‸ htawˇ, awˬ nu ve gʼuiˬsha teˇ hpaˍ hkʼe shawˍ leh, hkʼa mvuhˇ hkʼa na kʼoˆ guiˇ ve yoˬ.
20
Oˇ htaˇ, jawˇmawˇ Heˍzaˍkiˆ leh Aˍmoˆ ve yaˇ, tcuh kaˍ paˍ Iˉsaˍyaˆ hui Gʼuiˬsha geh bon lawˬ ve yoˬ.
21
Gʼuiˬsha lehˬ, mvuhˇ naw ma tcuh yaˇ teˇ gʼaˇ hta‸ peu laˇ leh, Aˍsuˇriˆ ma‸ poˍ ma‸ yaˇ teˇ hpaˍ hta‸ tiˇ pehˍ piˇ ve yoˬ. Hkʼe te leh, Aˍsuˇriˆ jawˇmawˇ ya‸ taw jaˇ leh kʼo‸-e ve yoˬ. Teˇ nyi htaˇ, yawˇ lehˬ yawˇ ve gʼuiˬsha ve bon yehˬ hkʼaw chehˇ taˍ ve teˇ yanˇ, yawˇ ve yaˇ teˇ hpaˍ laˬ leh yawˇ hta‸ tiˇ pehˍ piˇ ve yoˬ.
22
Hkʼe te leh, Gʼuiˬsha lehˬ jawˇmawˇ Heˍzaˍkiˆ leh Yeˍruˆsaˍlehnˍ venˇ yaˇ teˇ hpaˍ hta‸ Aˍsuˇriˆ jawˇmawˇ Seˍnaˍhkaˍriˆ leh awˬ nu ve canˇ paˍ teˇ hpaˍ ve la‸ sheh hkʼaw ponˬ piˇ ve yoˬ. Yawˇ lehˬ, Yuˇda‸ chaw teˇ hpaˍ hta‸ gawˬ lehˍ chehˇ tcuh piˇ ve yoˬ.
23
Chaw maˇ maˇ Yeˍruˆsaˍlehnˍ venˇ lo laˬ leh, Gʼuiˬsha hta‸ maˇ kʼoˆ, Heˍzaˍkiˆ hta‸ maˇ kʼoˆ, la‸ shawnˍ teˇ hpaˍ yuˬ veu laˇ piˇ ve yoˬ. Oˇ ve teˇ nyi hta‸ te leh, awˬ nu ve chaw ceuˬ teˇ hpaˍ Heˍzaˍkiˆ hta‸ taˍ uiˍ taˍ mvuh piˇ ve yoˬ.
24
Awˬ yanˇ oˇ ve hkʼaw, jawˇmawˇ Heˍzaˍkiˆ naˬ jaˇ leh aˬ laˬ hkʼe suh ve yoˬ. Yawˇ Gʼuiˬsha geh bon lawˬ leh, yawˇ kʼaw‸ na-e la tuˬ Gʼuiˬsha yawˇ hta‸ awˬ heˆ teˇ maˬ maˍ piˇ ve yoˬ.
25
Ya‸ hkʼaˇ, yawˇ lehˬ Gʼuiˬsha yawˇ hta‸ te piˇ taˍ ve kanˉ teˇ hpaˍ awˬ pon Gʼuiˬsha hta‸ maˇ chiˇ mvuh ve awˬ hkʼoˆ, nyi ma uiˍ chehˇ ve pa taw, Gʼuiˬsha nyi ma zuhˆ ve awˬ ceuˬ Yuˇda‸ mvuhˇmiˬ leh Yeˍruˆsaˍlehnˍ venˇ awˬ hkʼoˆ lo gaˬ la ve yoˬ.
26
Ya‸ hkʼaˇ, awˬ hkʼaw‸ nawˉ Heˍzaˍkiˆ leh Yeˍruˆsaˍlehnˍ venˇ yaˇ teˇ hpaˍ venˇbaˆ dawˇ hpfuhˆ ve pa taw, Heˍzaˍkiˆ a sha‸ te‸ chehˇ ve teˇ co-e Gʼuiˬsha lehˬ, Yuˇda‸ chaw hui hta‸ maˇ kʼaw‸ ciˍ yanˍ piˇ ve yoˬ.
27
Chi teˇ pawˆ jawˇmawˇ Heˍzaˍkiˆ paw sha jaˇ leh, chaw hkʼa peu-eˬ yawˇ hta‸ taˍ uiˍ taˍ mvuh ve yoˬ. Yawˇ lehˬ, mawˇ ha‸ shaˉ kuiˬ yehˬ lonˉ te leh, yawˇ ve hpu, shi, haˉ pui shehnˉ, sha hawnˉ, htanˬ tuˬ, leh awˬ nu awˬ hpfuhˇ hkʼaˆ ve mawˇ teˇ hpaˍ hta‸ ha‸ shaˉ taˍ ve yoˬ.
28
Chi hkʼoˆ ka‸, yawˇ lehˬ yehˬ teˇ hpaˍ kʼaw‸ te leh, yawˇ ve caˬ shiˍ, a pehˉ meuˇ gʼuiˬ leh shaˍ lonˍ chu hta‸ ha‸ shaˉ taˍ ve yoˬ. Yawˇ ve nuˇ leh yawˬ teˇ hpaˍ awˬ pon htawˇ, hkawˆ teˇ hpaˍ te taˍ ve yoˬ.
29
Gʼuiˬsha lehˬ, yawˇ hta‸ nuˇ leh yawˬ maˇ maˇ cawˬ la piˇ ve pa taw, yawˇ venˇ awˬ suhˉ laiˉ venˇ hta‸ kʼaw‸ te ve yoˬ.
30
Jawˇmawˇ Heˍzaˍkiˆ lehˬ, Giˇhonˍ iˉ kaˆ lawˬ kʼaˉ hta‸ Yeˍruˆsaˍlehnˍ venˇ hkʼaw shawˍ keu ve yoˬ. Yawˇ hkʼa te ve kanˉ hkʼa peu-eˬ uiˍ la da‸ la ve yoˬ.
31
Yuˇda‸ mvuhˇmiˬ hkʼaw hpeh‸ la ve anˇ law‸ law‸ ve awˬ ceuˬ teˇ hpaˍ hta‸ ca nyi tuˬ, Baˍbuˍlonˍ jawˇmawˇ teˇ hpaˍ awˬ tan te shehˍ hpaˇ hui hta‸ hpehˇ peu laˇ ve lehˬ, Heˍzaˍkiˆ ve nyi ma hta‸ Gʼuiˬsha lawˇ nyi gaˇ ve pa taw yoˬ.
32
Jawˇmawˇ Heˍzaˍkiˆ hkʼa te ve kanˉ hkʼa peu-eˬ, Aˍmoˆ ve yaˇ tcuh kaˍ paˍ Iˉsaˍyaˆ ve li‸ daw leh, Yuˇda‸ jawˇmawˇ leh Iˉsaˍreˍlaˆ jawˇmawˇ teˇ hpaˍ ve li‸ daw hkʼaw bvuh‸ keu taˍ ve yoˬ.
33
Heˍzaˍkiˆ suh-e leh, shu yawˇ hta‸ jawˇmawˇ teˇ hpaˍ ve tuˍ kuiˬ awˬ na paˉ hpawˇ lo tuˍ piˇ ve yoˬ. Yawˇ suh-e htaˇ, Yuˇda‸ chaw leh Yeˍruˆsaˍlehnˍ venˇ yaˇ hkʼa peu-eˬ, yawˇ hta‸ chiˇ uiˍ chiˇ mvuh piˇ ve yoˬ. Hkʼe te leh, yawˇ ve yaˇ paˍ Maˍnaˍseˍ yawˇ awˬ tan jawˇmawˇ kʼaw‸ te ve yoˬ.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36