bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 2
2 Chronicles 2
Lahu Bible Edited © Thailand Bible Society and Bible Society of Myanmar, 2010, 2020.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
1
Jawˇmawˇ Sawˉla‸monˍ lehˬ, Gʼuiˬsha hta‸ oˉ kʼoˍ pui kuiˬ bon yehˬ teˇ maˬ leh yawˇ ve hawˉ yehˬ teˇ maˬ te tuˬ dawˇ cheˆ taˍ ve yoˬ.
2
Yawˇ lehˬ, suhˆ gʼawˬ tuˬ ve chaw 70,000 gʼaˇ leh, haˉ pui dawˆ paˍ 80,000 gʼaˇ ca taˍ ve yoˬ. Kanˉ nyi paˍ awˬ hoˉ 3,600 gʼaˇ hta‸ htawˇ leuˆ yuˬ taˍ ve yoˬ.
3
Oˇ ve hkʼaw‸ nawˉ, yawˇ Tuˇruˆ jawˇmawˇ Hiˆranˍ hta‸ li‸ chi hkʼe bvuh‸ feu piˇ ve yoˬ. Ngaˬ pa jawˇmawˇ Daˍviˆ hawˉ yehˬ te htaˇ, nawˬ yawˇ hta‸ keˍdaˍ cehˬ teˇ hpaˍ hawˇ piˇ jaw ve hkʼe, ngaˬ hta‸ htawˇ a ciˉ hawˇ laˇ-oˆ.
4
Ngaˬ lehˬ, ngaˬ ve Gʼuiˬsha awˬ pon bon yehˬ teˇ maˬ te gaˇ ve yoˬ. Bon yehˬ oˇ ve lehˬ da‸ kehˬ jaˇ ve chehˇ kuiˬ hpeh‸ leh, Gʼuiˬsha hta‸ oˉ kʼoˍ pui kuiˬ, sha hawnˉ tuˉ tanˇ kuiˬ, da‸ kehˬ ve hkaoˍmonˇ tanˇ piˇ kuiˬ, teˇ shawˉ teˇ haˉ le Gʼuiˬsha hta‸ oˉ kʼoˍ pui kuiˬ leh awˬ nu da‸ kehˬ ve awˬ nyi teˇ hpaˍ gaˬ htaˇ, Gʼuiˬsha hta‸ taˍ uiˍ taˍ mvuh piˇ kuiˬ hpeh‸ ve yoˬ. Iˉsaˍreˍlaˆ chaw teˇ hpaˍ hkʼaˬ htaˆ ka‸ chi hkʼe te tcuhˉ taˍ tuˬ yawˇ kʼoˆ laˇ taˍ peuˬ ve yoˬ.
5
Ngaˬ lehˬ, uiˍ jaˇ ve bon yehˬ lonˉ teˇ maˬ te tuˬ dawˇ nyi chehˇ ve yoˬ. Awˬ lawn kʼo, ngaˬ hui ve Gʼuiˬsha lehˬ, awˬ nu ve gʼuiˬsha teˇ hpaˍ a‸ kehˉ uiˍ jaˇ ve pa taw yoˬ.
6
Ya‸ hkʼaˇ, chaw teˇ gʼaˇ ka‸ yawˇ chehˇ tuˬ ve bon yehˬ hta‸ ca te gʼa tuˬ ve maˇ heˆ. Uiˍ jaˇ kʼehˬ jaˇ ve mvuhˇ naw ma htawˇ, yawˇ hta‸ ca ha‸ yuˬ maˇ gʼa taˬ. Oˇ hkʼe hpeh‸ ve pa taw, yawˇ hta‸ sha hawnˉ tuˉ tanˇ kuiˬ bon yehˬ teˇ maˬ maˇ heˆ kʼo, hkʼaˬ hkʼe te leh ngaˬ yawˇ awˬ pon chehˇ kuiˬ yehˬ te piˇ gʼa tuˬ ve le.
7
Chi hta‸ pa taw, haˉ pui htawˆ puiˉ ve, hpu, shi, kuiˇ leh sho chi teˇ hpaˍ hta‸ yuˬ leh kanˉ te puiˉ ve leh hpa nyi, hpa naw leh nyi naˆ meuˉ lehˍ ve hpa te chiˇ puiˉ ve chaw teˇ gʼaˇ hta‸ ngaˬ geh peu laˇ-oˆ. Yawˇ lehˬ, Yuˇda‸ mvuhˇmiˬ leh Yeˍruˆsaˍlehnˍ venˇ hkʼaw chehˇ ve ngaˬ pa Daˍviˆ leuˆ yuˬ taˍ ve chaw hui geh teˇ geh kanˉ te piˇ lawˬ-o‸.
8
Nawˬ ve chaw teˇ hpaˍ lehˬ, suhˆ htu puiˉ jaˇ ve hta‸ htawˇ ngaˬ shiˍ taˍ ve yoˬ. Chi hta‸ pa taw, ngaˬ hta‸ Leˍbaˍnonˍ hkʼaw hkʼoˆ lo cawˬ ve keˍ daˍ suhˆ, yawnˉ suhˆ, leh maˉ kuˇ suhˆ teˇ hpaˍ hta‸ a ciˉca feu laˇ-oˆ.
9
Awˬ lawn kʼo, chi beu‸ ngaˬ te tuˬ ve bon yehˬ chi lehˬ, uiˍ jaˇ da‸ jaˇ ve bon yehˬ lonˉ hpeh‸ ve pa taw, suhˆ peuˬ maˇ tuˬ yoˬ. Ngaˬ ve chaw teˇ hpaˍ htawˇ, nawˬ ve chaw teˇ hpaˍ geh kanˉ te tuˬ ngaˬ peu laˇ tuˬ yoˬ.
10
Nawˬ ve chaw teˇ hpaˍ kanˉ te chehˇ htaˇ caˇ tuˬ ve caˬ hkʼa 20,000 taˆ, cho‸ shiˍ 20,000 taˆ, a pehˉ meuˇ gʼuiˬ 20,000 punˇ leh shaˍlonˍ chu 20,000 punˇ feu laˇ tuˬ yoˬ, teh‸ jawˇmawˇ Hiˆranˍ hta‸ li‸ bvuh‸ feu piˇ ve yoˬ.
11
Oˇ htaˇ, jawˇmawˇ Hiˆranˍ lehˬ Sawˉla‸monˍ hta‸ li‸ chi hkʼe kʼaw‸ bvuh‸ hkʼaw‸ feu piˇ ve yoˬ. Gʼuiˬsha lehˬ, yawˇ ve chaw teˇ hpaˍ hta‸ ha‸ jaˇ ve pa taw, nawˬ hta‸ jawˇmawˇ lonˉ te tcuh laˇ taˍ peuˬ ve yoˬ.
12
Miˬguiˬ mvuhˇ naw hta‸ te hpanˍ shehˍ hpaˇ, Iˉsaˍreˍlaˆ ve Gʼuiˬsha hta‸ chiˇ mvuh-o. Yawˇ lehˬ, jawˇmawˇ Daˍviˆ hta‸ cuˇ yiˍ uiˍ jaˇ ve yaˇ paˍ teˇ gʼaˇ piˇ taˍ peuˬ. Yawˇ lehˬ, chi beu‸ Gʼuiˬsha ve bon yehˬ leh yawˇ chehˇ tuˬ ve hawˉ yehˬ teˇ maˬ te tuˬ gu chehˇ taˍ ve yoˬ.
13
Chi beu‸ ngaˬ nawˬ geh lo Huˆranˍ teh‸ kʼoˆ ve puiˉ jaˇ ve la‸shaˉmaˉ teˇ gʼaˇ peu laˇ taˍ ve yoˬ.
14
Yawˇ ve awˬ e lehˬ, Danˍ awˬ ceuˬ awˬ hkʼaˇ hpeh‸ leh, yawˇ ve awˬ pa lehˬ, Tuˇruˆ venˇ yaˇ hpeh‸ ve yoˬ. Yawˇ lehˬ, hpu, shi, kuiˇ, sho, haˉ pui leh suhˆ teˇ hpaˍ hta‸ laiˉ ceuˬ awˬ hkʼaˇ gu leh htawˆ puiˉ te puiˉ jaˇ ve chaw hpeh‸ ve yoˬ. Chi hkʼoˆ ka‸, yawˇ lehˬ hpa nyi, hpa naw leh nyi naˆ meuˉ lehˍ ve hpa teˇ hpaˍ hta‸ htawˇ te chiˇ puiˉ ve yoˬ. Yawˇ lehˬ, shu kʼoˆ piˇ ve hkʼe, kanˉ laiˉ ceuˬ hta‸ hkʼa deh‸ te puiˉ ve chaw hpeh‸ ve yoˬ. Yawˇ hta‸ nawˬ ve chaw leh nawˬ pa Daˍviˆ ve chaw hui geh teˇ geh kanˉ te tcuh-o.
15
Chi beu‸ nawˬ piˇ laˇ tuˬ ka ti‸ te taˍ peuˬ ve caˬ hkʼa, cho‸ shiˍ, a pehˉ meuˇ gʼuiˬ leh shaˍlonˍ chu teˇ hpaˍ feu laˇ-oˆ.
16
Nawˬ loˍ ve suhˆ teˇ hpaˍ hta‸ ngaˬ hui Leˍbaˍnonˍ hkʼaw hkʼoˆ lo ca htu yuˬ leh hpeh‸ tsuh‸ da‸ peuˬ hkʼaw‸ nawˉ, Yuˇpeˍ venˇ lo shi ya‸ peu laˇ tuˬ yoˬ. Nawˬ oˇ kaˬ lo ca kʼaw‸ law yuˬ-o‸, teh‸ Sawˉla‸monˍ hta‸ li‸ kʼaw‸ bvuh‸ hkʼaw‸ feu piˇ ve yoˬ.
17
Jawˇmawˇ Sawˉla‸monˍ lehˬ, yawˇ awˬ pa Daˍviˆ te ve hkʼe, Iˉsaˍreˍlaˆ mvuhˇmiˬ hkʼaw chehˇ taˍ ve awˬ nu ve chaw ceuˬ teˇ hpaˍ ve awˬ shenˍ hta‸ gʼawˆ yuˬ ve yoˬ. Oˇ kaˬ lo chehˇ taˍ ve awˬ nu ve chaw ceuˬ, 153,600 gʼaˇ cawˬ ve yoˬ.
18
Yawˇ lehˬ, chaw oˇ ve teˇ hpaˍ awˬ hkʼaw lo, 700,000 gʼaˇ hta‸ suhˆ gʼawˬ tcuh leh, 80,000 gʼaˇ hta‸ hkʼaw hkʼoˆ lo haˉ pui ca htawˆ taˆ tcuh ve yoˬ. Kanˉ nyi paˍ awˬ hoˉ 3,600 gʼaˇ hta‸ htawˇ leuˆ teh taˍ ve yoˬ.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36