bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 13
2 Chronicles 13
Lahu Bible Edited © Thailand Bible Society and Bible Society of Myanmar, 2010, 2020.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Iˉsaˍreˍlaˆ mvuhˇmiˬ hta‸ Yeˍyawˇbaoˍ uˉ peunˍ chehˇ ve teˇ chi hiˉ hkʼaw‸ teˇ hkʼaw‸ htaˇ, Yuˇda‸ mvuhˇmiˬ hta‸ Aˍbiˇyaˆ uˉ peunˍ ve yoˬ.
2
Yawˇ lehˬ, Yeˍruˆsaˍlehnˍ venˇ hta‸ shehˆ hkʼaw‸ gʼa uˉ peunˍ taˉ ve yoˬ Yawˇ ve awˬ e lehˬ, Giˇbaˍ venˇ hkʼaw chehˇ ve Awˇzeˍlaˆ ve yaˇ miˇ Maˍhkaˍ hpeh‸ ve yoˬ. Aˍbiˇyaˆ leh Yeˍyawˇbaoˍ ma‸ bawˆ da‸ ve yoˬ.
3
Aˍbiˇyaˆ lehˬ ma‸ yaˇ 400,000 cawˬ leh, Yeˍyawˇbaoˍ lehˬ 800,000 cawˬ ve yoˬ.
4
Yawˇ huiˉ maˬ Eˇhpaˍrenˍ hkʼaw hkʼoˆ lo hpuˇ da‸ ve yoˬ. Oˇ htaˇ, jawˇmawˇ Aˍbiˇyaˆ Zaˍmaˍrenˍ hkʼaw hkʼoˆ lo taˆ-e leh, Yeˍyawˇbaoˍ leh Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ. Ngaˬ ve tawˇ hta‸ na sheˍ.
5
Iˉsaˍreˍlaˆ ve jawˇmawˇ Gʼuiˬsha lehˬ, Daˍviˆ hta‸ co co taiˍ taiˍ yeˬ ve ka ti‸ te piˇ taˍ leh, yawˇ ve awˬ ceuˬ awˬ hkʼaˇ teˇ hpaˍ hta‸ teˇ co peuˬ teˇ co Iˉsaˍreˍlaˆ mvuhˇmiˬ hta‸ uˉ peunˍ tcuh tuˬ kʼoˆ piˇ taˍ ve hta‸ nawˬ hui maˇ shiˍ laˇ.
6
Neˍbaˆ ve yaˇ Yeˍyawˇbaoˍ lehˬ, yawˇ ve awˬ pa jawˇmawˇ Sawˉla‸monˍ hta‸ kʼaw‸ hpfuhˆ ve yoˬ.
7
Oˇ ve hkʼaw‸ nawˉ, yawˇ lehˬ chaw luˬ paˍ teˇ moˍ hta‸ shawˍ leh, te‸ chiˉ dawˇ hkʼaˇ maˇ cawˬ sheˍ ve Sawˉla‸monˍ ve yaˇ Yawˇbaoˍ hta‸ kʼaw‸ hpfuhˆ ve yoˬ.
8
Chi beu‸ nawˬ hui lehˬ, Daˍviˆ ve awˬ ceuˬ awˬ hkʼaˇ teˇ hpaˍ hta‸ Gʼuiˬsha piˇ taˍ ve aˉ yaˇ hta‸ bawˆ yuˬ tuˬ te chehˇ ve yoˬ. Nawˬ hui geh chaw maˇ jaˇ leh, Yeˍyawˇbaoˍ te taˍ ve shi nuˇ shaˉ ho‸ htawˇ nawˬ hui geh cawˬ taˍ ve yoˬ.
9
Nawˬ hui lehˬ, Aˍronˍ awˬ ceuˬ awˬ hkʼaˇ Gʼuiˬsha ve paw hkuˇ hta‸ gʼa‸ kʼoˬ leh, Leˍviˆ chaw hui hta‸ htawˇ gʼa‸ kʼoˬ piˇ taˍ ve yoˬ. Yawˇ hui awˬ tan, nawˬ hui lehˬ awˬ nu ve chaw ceuˬ teˇ hpaˍ hkʼa shuˍ, paw hkuˇ teˇ hpaˍ hta‸ leuˆ teh taˍ ve yoˬ. Nuˇ paˍ lonˉ teˇ hkeh, maˇ heˆ kʼo, yawˬ suhˍ hkeh sheh veu laˇ ve chaw hta‸ nawˬ hui ve gʼuiˬsha teˇ hpaˍ ve paw hkuˇ te tcuh taˍ ve yoˬ.
10
Ya‸ hkʼaˇ, ngaˬ hui lehˬ Gʼuiˬsha hta‸ ceh tiˉ oˉ kʼoˍ pui leh, yawˇ hta‸ maˇ chiˇ baˬ. Aˍronˍ awˬ ceuˬ awˬ hkʼaˇ paw hkuˇ teˇ hpaˍ lehˬ, a shu yawˇ ve kanˉ hta‸ hkʼa deh‸ te chehˇ leh, Leˍviˆ chaw teˇ hpaˍ yawˇ hui hta‸ ga piˇ chehˇ ve yoˬ.
11
Teˇ shawˉ teˇ haˉ le, yawˇ hui lehˬ Gʼuiˬsha hta‸ sha hawnˉ leh to nuˇ to shaˆ teˇ hpaˍ tuˉ tanˇ piˇ chehˇ ve yoˬ. Yawˇ hui lehˬ, da‸ kehˬ ve hpui lawˇ hkʼoˆ lo hkaoˍmonˇ tanˇ piˇ chehˇ leh, teˇ haˉ le le kawˆ faiˇ hta‸ aˬ miˍ tuˉ chehˇ ve yoˬ. Ngaˬ hui lehˬ, Gʼuiˬsha kʼoˆ taˍ ve hkʼe, hkʼa deh‸ gʼa‸ te chehˇ ve yoˬ. Ya‸ hkʼaˇ, nawˬ hui lehˬ yawˇ hta‸ baˬ taˉ peuˬ.
12
Gʼuiˬsha lehˬ ngaˬ hui ve awˬ hoˉ hpeh‸ leh, yawˇ ve paw hkuˇ teˇ hpaˍ lehˬ choˬ kaˬ ngaˬ hui geh chehˇ taˍ leh, ngaˬ hui hta‸ ma‸ bawˆ kuiˬ lo kʼai tuˬ behˬ heh ma meuˆ laˇ tuˬ law chehˇ taˍ ve yoˬ. Iˉsaˍreˍlaˆ chaw teˇ hpaˍ-oˬ, nawˬ hui ve awˬ puˍ awˬ pi hui ve Gʼuiˬsha hta‸ taˇ ca bawˆ la-o. Nawˬ hui maˇ gʼaˇ taˬ, teh‸ Iˉsaˍreˍlaˆ chaw hui hta‸ kʼoˆ piˇ ve yoˬ.
13
Awˬ yanˇ oˇ ve awˬ hkʼaw lo Yeˍyawˇbaoˍ lehˬ, yawˇ ve ma‸ yaˇ teˇ hpaˍ hpaˍ hta‸ Yuˇda‸ chaw hui deh chehˇ taˍ kuiˬ awˬ hkʼaw‸ nawˉ hpawˇ lo caw hoˆ tcuh leh lo‸ bawˆ piˇ ve yoˬ.
14
Yuˇda‸ chaw teˇ hpaˍ chiˇ nyi leh, canˇ paˍ teˇ hpaˍ yawˇ hui hta‸ caw hoˆ taˍ peuˬ ve hta‸ gʼa mawˬ ve teˇ yanˇ, yawˇ hui Gʼuiˬsha hta‸ kuˬ ve yoˬ. Paw hkuˇ teˇ hpaˍ htawˇ behˬ heh ma meuˆ ve yoˬ.
15
Oˇ htaˇ, Yuˇda‸ chaw teˇ hpaˍ gʼaˇ hte‸ kuˬ leh, ma‸ bawˆ kuiˬ lo gʼuiˇ lo‸-e ve yoˬ. Gʼuiˬsha lehˬ Yeˍyawˇbaoˍ leh Iˉsaˍreˍlaˆ chaw hui hta‸ shonˇ kʼai piˇ lawˬ ve yoˬ.
16
Hkʼe te leh, Iˉsaˍreˍlaˆ chaw teˇ hpaˍ gʼuiˇ hpaw-e ve yoˬ. Gʼuiˬsha lehˬ, Yuˇda‸ chaw hui hta‸ awˬ gʼaˇ uiˍ la piˇ ve yoˬ.
17
Aˍbiˇyaˆ leh yawˇ ve chaw teˇ hpaˍ, Iˉsaˍreˍlaˆ chaw hui hta‸ gʼa‸ bawˆ leh, cheuˬ jaˇ ve Iˉsaˍreˍlaˆ chaw 500,000 gʼaˇ hta‸ tiˇ pehˍ piˇ ve yoˬ.
18
Hkʼe te leh, Yuˇda‸ chaw hui Iˉsaˍreˍlaˆ chaw hta‸ ma‸ bawˆ gʼaˇ ve yoˬ. Awˬ lawn kʼo, yawˇ hui lehˬ yawˇ hui ve awˬ puˍ awˬ pi hui ve Gʼuiˬsha hta‸ gʼaˇ va chehˇ ve pa taw yoˬ.
19
Aˍbiˇyaˆ lehˬ, Yeˍyawˇbaoˍ ve ma‸ yaˇ teˇ hpaˍ hkʼaˇ suh gʼa‸ yuˬ kʼai leh, Beˍteˍlaˆ venˇ, Yeˍshaˍnaˆ venˇ, Eˇhpaˍronˍ venˇ leh awˬ nu ve hkʼaˆ teˇ hpaˍ hta‸ bawˆ gʼa ve yoˬ.
20
Yeˍyawˇbaoˍ lehˬ, Aˍbiˇyaˆ uˉ peunˍ chehˇ ve awˬ yanˇ awˬ hkʼaw lo, kʼaw‸ uiˍ la maˇ gʼa ve yoˬ. Awˬ leh meuˇ gaˬ htaˇ, Gʼuiˬsha yawˇ hta‸ ciˍ yanˍ piˇ leh suh-e ve yoˬ.
21
Ya‸ hkʼaˇ, Aˍbiˇyaˆ lehˬ shaˬ te shaˬ awˬ gʼaˇ uiˍ la ve yoˬ. Yawˇ lehˬ, awˬ miˇ ma 14 gʼaˇ cawˬ leh, yaˇ paˍ 22 gʼaˇ, yaˇ miˇ 16 gʼaˇ cawˬ ve yoˬ.
22
Aˍbiˇyaˆ hkʼa kʼoˆ hkʼa te ve kanˉ hkʼa peu-eˬ tcuh kaˍ paˍ Iˉdoˍ ve li‸ daw hkʼaw bvuh‸ keu taˍ ve yoˬ.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36