bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 23
2 Chronicles 23
Lahu Bible Edited © Thailand Bible Society and Bible Society of Myanmar, 2010, 2020.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Hkaw‸ hkʼaw‸ ponˬ peuˬ hkʼaw‸ nawˉ, paw hkuˇ Yawˇyaˍdaˆ lehˬ kanˉ tanˬ te yanˇ gaˬ peuˬ ve hta‸ shiˍ la ve yoˬ. Hkʼe te leh, yawˇ lehˬ ma‸ poˍ lonˉ Yeˍhawˇranˍ ve yaˇ Aˍzaˍriˆ, Yeˍhawˇhaˍnanˍ ve yaˇ Iˉshaˍmeˍlaˆ, Awˇbehˆ ve yaˇ Aˍzaˍriˆ, Aˍdaˍyaˆ ve yaˇ Meˍseˍyaˆ, leh Ziˇhkaˍriˆ ve yaˇ Eˇliˇshaˍhpaˆ, ma‸ poˍ lonˉ chi ve ngaˇ gʼaˇ geh hkʼawˇ jehˬ da‸ ve yoˬ.
2
Yawˇ hui Yuˇda‸ mvuhˇmiˬ hkʼaˬ ti chi ti lo kʼai leh, Leˍviˆ chaw leh awˬ hoˉ awˬ naˬ hkʼa peu-eˬ ve hta‸ Yeˍruˆsaˍlehnˍ venˇ lo shiˍ laˬ ve yoˬ.
3
Yawˇ hui hkʼa peu-eˬ bon yehˬ lo kʼai leh, Yawˇshaˆ geh shaˉ caˆ caˇ ve yoˬ. Oˇ htaˇ, Yawˇyaˍ daˆ yawˇ hui hta‸ chi hkʼe kʼoˆ piˇ ve yoˬ. Yaˇ paˍ chi lehˬ, Aˍhaˍziˆ ve yaˇ hpeh‸ ve yoˬ. Gʼuiˬsha Daˍviˆ hta‸ ka ti‸ te taˍ peuˬve hkʼe, yawˇ lehˬ chi beu‸ ngaˬ hui ve jawˇmawˇ hpeh‸ la tuˬ yoˬ.
4
Ngaˬ hui chi hkʼe te tuˬ yoˬ. Shinˉ nyi htaˇ paw hkuˇ leh Leˍviˆ chaw teˇ hpaˍ bon yehˬ hkʼaw kanˉ ca te la tuˬ laˬ ve teˇ yanˇ, nawˬ hui shehˆ moˍ pehˬ leh, teˇ moˍ lehˬ bon yehˬ hta‸ shaw taˍ-o‸.
5
Teˇ moˍ lehˬ, hawˉ yehˬ hta‸ shaw leh, awˬ nu ve teˇ moˍ lehˬ, iˉ kaˆ gʼuiˬ tuˇ taˍ meu‸ hpe‸ hta‸ shaw taˍ-o‸. Chaw hkʼa peu-eˬ bon yehˬ hkʼaw hpawnˬ chehˇ taˍ-o‸.
6
Bon yehˬ kanˉ te tuˬ loˍ ve paw hkuˇ leh Leˍviˆ chaw maˇ heˆ kʼo, bon yehˬ hkʼaw chaw teˇ gʼaˇ ka‸ taˇ lo‸-e tcuh. Paw hkuˇ leh Leˍviˆ chaw teˇ hpaˍ lehˬ, a shu yawˇ awˬ to hta‸ da‸ kehˬ tuˬ te taˍ peuˬ ve pa taw, bon yehˬ hkʼaw lo‸-e hpeh‸ ve yoˬ. Ya‸ hkʼaˇ, awˬ nu ve chaw teˇ hpaˍ lehˬ, Gʼuiˬsha ve tawˇ hta‸ na yuˬ leh, awˬ baˬ hpawˇ lo ceh gʼa chehˇ taˍ ve yoˬ.
7
Leˍviˆ chaw teˇ hpaˍ lehˬ, a shu yawˇ ve aˉhtaw gʼawˬ tawˆ leh jawˇmawˇ hta‸ gʼa shaw taˍ ve yoˬ. Bon yehˬ hkʼaw lo‸ la tuˬ coˇ caˇ ve chaw hta‸ nawˬ hui gʼa tiˇ pehˍ ve yoˬ, teh‸ yawˇ hui hta‸ kʼoˆ piˇ ve yoˬ.
8
Shaw shehˍ hpaˇ awˬ hoˉ teˇ hpaˍ lehˬ, Yawˇyaˍdaˆ hkawˇ na leh, yawˇ hui ve ma‸ yaˇ teˇ hpaˍ hta‸ yawˇ geh shiˍ laˬ ve yoˬ.
9
Oˇ htaˇ, Yawˇyaˍdaˆ lehˬ bon yehˬ hkʼaw ha‸ shaˉ taˍ ve jawˇmawˇ Daˍviˆ ve gehˇ leh htanˬ tuˬ teˇ hpaˍ yawˇ hui hta‸ chiˇ a‸ piˇ ve yoˬ.
10
Peuˬ hkʼaw‸ nawˉ, jawˇmawˇ hta‸ ha‸ shaˉ piˇ tuˬ, yawˇ hui hta‸ bon yehˬ gʼuˇ suhˍ lo shaw tcuh taˍ ve yoˬ.
11
Oˇ hkʼe te peuˬ hkʼaw‸ nawˉ, Yawˇyaˍdaˆ lehˬ Yawˇshaˆ hta‸ shiˍ tawˆ la leh, yawˇ ve oˉ kʼoˍ hkʼoˆ lo shi uˉ tcuhˍ hkʼawˆ piˇ ve yoˬ. Awˬliˇtawˇhkawˇ li‸ daw teˇ kʼoˆ yawˇ hta‸ piˇ leh, naˍ manˇ pfuhˍ piˇ ve yoˬ. Oˇ kaˬ lo chehˇ taˍ ve chaw teˇ hpaˍ la‸ sheh hta leh, Jawˇmawˇ co zuhˬ ha zuhˬ cawˬ piˇ-oˆ, teh‸ kuˬ ve yoˬ.
12
Chaw yaˇ teˇ hpaˍ duiˆ-ehˍ shaˇ-ehˍ kuˬ chehˇ ve awˬ hkawˇ hta‸ jawˇmawˇ ma Aˍtaˍliˆ gʼa kaˇ ve teˇ yanˇ, yawˇ teˇ cawˬ haˉ bon yehˬ lo gʼuiˇ kʼai ve yoˬ.
13
Yawˇ oˇ kaˬ lo gaˬ la ve teˇ yanˇ, awˬ liˇ awˬ hkʼaˇ cawˬ ve hkʼe, jawˇmawˇ awˬ suhˉ teˇ gʼaˇ yehˬ hkuiˉ daw paˇ lo huˉ chehˇ taˍ laˇ ve hta‸ yawˇ gʼa mawˬ ve yoˬ. Yawˇ awˬ paˇ lo ma‸ poˍ teˇ hpaˍ, behˬ heh ma meuˆ paˍ teˇ hpaˍ leh chaw yaˇ teˇ hpaˍ ha lehˬ ha kʼa te chehˇ taˍ ve yoˬ. Oˇ htaˇ, Aˍtaˍliˆ dawˇ haˍ jaˇ ve hkʼaw yawˇ ve veu‸ kʼaˇ hta‸ tzuh‸ suhˍ leh, Chi hkʼe te ve lehˬ, ngaˬ hta‸ kʼaw‸ hpfuhˆ ve yoˬ, teh‸ kʼoˆ ve yoˬ.
14
Yawˇyaˍdaˆ lehˬ, Aˍtaˍliˆ hta‸ bon yehˬ hkʼaw maˇ tiˇ pehˍ gaˇ. Chi hta‸ pa taw, yawˇ ve ma‸ yaˇ teˇ hpaˍ hta‸ kuˬ yuˬ leh, Yaˇ miˇ chi hta‸ shiˍ tawˆ-e loˬ. Yawˇ hta‸ htaiˍ hkʼaw‸ la ve chaw hta‸ tiˇ pehˍ piˇ-oˆ, teh‸ yawˇ hui hta‸ kʼoˆ piˇ ve yoˬ.
15
Hkʼe te leh, yawˇ hui yaˇ miˇ oˇ ve hta‸ hawˉ yehˬ lo shiˍ kʼai leh, Iˉ mvuhˇ taˍ meu‸ hpe‸ teh‸ kʼoˆ ve chehˇ kuiˬ lo gaˬ htaˇ yawˇ hta‸ tiˇ pehˍ piˇ ve yoˬ.
16
Paw hkuˇ Yawˇyaˍdaˆ lehˬ, jawˇmawˇ Yawˇshaˆ leh Yuˇda‸ chaw teˇ hpaˍ hta‸ Gʼuiˬsha ve chaw te tuˬ, ka ti‸ shaˉ caˆ te tcuh ve yoˬ.
17
Oˇ hkʼe te peuˬ hkʼaw‸ nawˉ, yawˇ hui hkʼa peu-eˬ Baˍlaˆ gʼuiˬsha ve bon yehˬ lo kʼai leh, bon yehˬ oˇ ve hta‸ te luˬ piˇ ve yoˬ. Shaˉ ho‸ teˇ hpaˍ hta‸ ka‸ dawˆ paˆ leh, Baˍlaˆ gʼuiˬsha ve paw hkuˇ Maˍtanˍ hta‸ htawˇ tiˇ pehˍ piˇ ve yoˬ.
18
Yawˇyaˍdaˆ lehˬ, bon yehˬ hkʼaw lo kanˉ te tuˬ ve paw hkuˇ Leˍviˆ chaw teˇ hpaˍ hta‸ leuˆ yuˬ ve yoˬ. Yawˇ hui lehˬ, jawˇmawˇ Daˍviˆ awˬ hkʼaˇ gu taˍ ve hkʼe, bon yehˬ hkʼaw ve kanˉ hkʼa peu-eˬ hta‸ gʼa te leh, Moˉseˍ ve awˬliˇtawˇhkawˇ li‸ daw hkʼaw bvuh‸ taˍ ve hkʼe, Gʼuiˬsha hta‸ gʼa tuˉ tanˇ piˇ ve yoˬ.
19
Yawˇyaˍdaˆ lehˬ, bon yehˬ hkʼaw maˇ da‸ kehˬ ve chaw maˇ gʼa lo‸ la tuˬ, bon yehˬ taˍ meu‸ hpe‸ lo shaw shehˍ hpaˇ teˇ hpaˍ hta‸ teh taˍ ve yoˬ.
20
Oˇ hkʼe te peuˬ hkʼaw‸ nawˉ, jawˇmawˇ hta‸ bon yehˬ hkʼaw shiˍ tawˆ la leh, hawˉ yehˬ lo shiˍ kʼai piˇ ve yoˬ. Ma‸ poˍ lonˉ teˇ hpaˍ, awˬ hoˉ awˬ naˬ teˇ hpaˍ leh oˇ kaˬ lo hpawnˬ chehˇ ve chaw hkʼa peu-eˬ, paw hkuˇ Yawˇyaˍdaˆ geh teˇ geh jawˇmawˇ hkʼaˇ suh gʼa‸ kʼai ve yoˬ. Yawˇ hui hkʼa peu-eˬ hawˉ yehˬ hkʼaw lo‸-e leh, jawˇmawˇ hta‸ kʼaw jaw hkʼoˆ mui tcuh ve yoˬ.
21
Aˍtaˍliˆ suh peuˬ ve pa taw, chi teˇ pawˆ mvuhˇmiˬ gawˬ lehˍ cawˬ leh, chaw yaˇ teˇ hpaˍ ha lehˬ jaˇ ve yoˬ.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36