bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Chronicles 21
2 Chronicles 21
Lahu Bible Edited © Thailand Bible Society and Bible Society of Myanmar, 2010, 2020.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Yawˇshaˍhpaˆ suh-e leh, shu yawˇ hta‸ Daˍviˆ ve venˇ hkʼaw tuˍ piˇ ve yoˬ. Hkʼe te leh, yawˇ ve yaˇ paˍ Yeˍhawˇranˍ yawˇ awˬ tan jawˇmawˇ kʼaw‸ te ve yoˬ.
2
Jawˇmawˇ Yawˇshaˍhpaˆ ve yaˇ Yeˍhawˇranˍ lehˬ, awˬ nyi paˍ hkaw‸ gʼaˇ cawˬ ve yoˬ. Yawˇ hui lehˬ, Aˍzaˍriˆ, Yeˍheˍlaˆ, Zaˍhkaˍriˆ, Aˍzaˍriˆhuˆ, Miˆhkeˍlaˆ leh Sheˍhpaˍtiˆ hui hpeh‸ ve yoˬ.
3
Yawˇ hui ve awˬ pa lehˬ, yawˇ hui hta‸ hpu shi mawˇ jeˬ maˇ maˇ piˇ leh, Yuˇda‸ mvuhˇmiˬ hkʼaw cawˬ ve venˇ teˇ gʼaˇ teˇ venˇ uˉ peunˍ tcuh ve yoˬ. Ya‸ hkʼaˇ, Yeˍhawˇranˍ lehˬ yaˇ paˍ uiˍ hpeh‸ ve pa taw, Yawˇshaˍhpaˆ yawˇ hta‸ yawˇ awˬ tan jawˇmawˇ te tcuh ve yoˬ.
4
Yeˍhawˇranˍ jawˇmawˇ hpeh‸ la peuˬ ve teˇ yanˇ, yawˇ lehˬ awˬ nyi paˍ hkʼa peu-eˬ leh ma‸ poˍ lonˉ teˇ hpaˍ hpaˍ hta‸ tiˇ pehˍ tcuh ve yoˬ.
5
Yeˍhawˇranˍ jawˇmawˇ tanˬ te htaˇ, yawˇ ve a sha‸ 32 hkʼaw‸ gaˬ peuˬ leh, Yeˍruˆsaˍlehnˍ venˇ hta‸ hiˉ hkʼaw‸ uˉ peunˍ ve yoˬ.
6
Yawˇ lehˬ, Aˍhaˆ ve yaˇ miˇ teˇ gʼaˇ hta‸ heuˆ taˍ ve pa taw, jawˇmawˇ Aˍhaˆ leh awˬ nu ve Iˉsaˍreˍlaˆ jawˇmawˇ teˇ hpaˍ hkʼa shuˍ, cha‸ chiˆ ve kanˉ hta‸ tiˉ te leh, Gʼuiˬsha hta‸ te ya‸ jaˇ ve yoˬ.
7
Ya‸ hkʼaˇ, Gʼuiˬsha lehˬ Daˍviˆ ve awˬ ceuˬ awˬ hkʼaˇ hta‸ maˇ te luˬ gaˇ. Awˬ lawn kʼo, yawˇ ve awˬ ceuˬ awˬ hkʼaˇ teˇ gʼaˇ peuˬ teˇ gʼaˇ jawˇmawˇ gʼa te tuˬ yoˬ, teh‸ Gʼuiˬsha Daˍviˆ hta‸ ka ti‸ te piˇ taˍ peuˬ ve pa taw yoˬ.
8
Yeˍhawˇranˍ jawˇmawˇ te chehˇ htaˇ, Eˇdonˍ chaw hui Yuˇda‸ chaw hta‸ kʼaw‸ hpfuhˆ leh, a shu yawˇ mvuhˇmiˬ yawˇ uˉ peunˍ kʼai ve yoˬ.
9
Hkʼe te leh, Yeˍhawˇranˍ lehˬ Zaˍiˇraˆ venˇ hta‸ ca bawˆ yuˬ tuˬ, yawˇ ve iˉ mvuhˇ lawˬ teˇ hpaˍ hta‸ shiˍ kʼai ve yoˬ. Oˇ kaˬ lo Eˇdonˍ chaw teˇ hpaˍ yawˇ hta‸ caw hoˆ taˍ ve yoˬ. Ya‸ hkʼaˇ, tanˇ hkuinˇ htaˇ yawˇ hui hpaw tawˆ-e ve yoˬ.
10
Oˇ ve teˇ nyi hta‸ te leh, Eˇdonˍ chaw hui lehˬ, a shu yawˇ mvuhˇmiˬ yawˇ uˉ peunˍ kʼai ve yoˬ. Awˬ yanˇ oˇ ve hkʼaw, Liˇbaˍnaˆ mvuhˇmiˬ htawˇ Yuˇda‸ mvuhˇmiˬ hta‸ kʼaw‸ hpfuhˆ ve yoˬ. Awˬ lawn kʼo, Yeˍhawˇranˍ Gʼuiˬsha hta‸ baˬ taˉ ve pa taw yoˬ.
11
Yawˇ lehˬ, Yuˇda‸ mvuhˇmiˬ hkʼaw lo htawˇ, buiˇshaˆaˉnaˆ chaw hui ve tuˉ tanˇ kuiˬ teˇ hpaˍ hta‸ te teh taˍ leh, Yuˇda‸ chaw hui hta‸ ya‸ kʼaw‸ sheh ya‸ piˇ ve yoˬ.
12
Oˇ htaˇ, tcuh kaˍ paˍ Eˇliˇya‸ Yeˍhawˇranˍ geh li‸ chi hkʼe bvuh‸ feu piˇ ve yoˬ. Nawˬ lehˬ, nawˬ pa jawˇmawˇ Yawˇshaˍhpaˆ leh nawˬ puˍ jawˇmawˇ Aˍsaˍ hui ve hkui ha hta‸ maˇ gʼa‸ ve pa taw, nawˬ puˍ lonˉ Daˍviˆ ve Gʼuiˬsha nawˬ hta‸ ciˍ yanˍ laˇ tuˬ yoˬ.
13
Aˍhaˆ leh awˬ nu ve jawˇmawˇ teˇ hpaˍ, Iˉsaˍreˍlaˆchaw hui hta‸ ya‸ kʼaw sheh ya‸ piˇ ve hkʼe, nawˬ htawˇ yawˇ hui hta‸ henˇ yuˬ leh Yuˇda‸ chaw hui hta‸ ya‸ kʼaw sheh ya‸ piˇ chehˇ ve yoˬ. Nawˬ lehˬ, nawˬ a‸ kehˉ da‸ ve nawˬ nyi paˍ teˇ hpaˍ hta‸ htawˇ tiˇ pehˍ piˇ ve yoˬ.
14
Nawˬ chi hkʼe te ve pa taw, Gʼuiˬsha lehˬ nawˬ ve chaw, nawˬ ve yaˇ teˇ hpaˍ, nawˬ miˇ ma teˇ hpaˍ leh nawˬ ve mawˇ jeˬ teˇ hpaˍ hta‸ te luˬ te sheˆ laˇ tuˬ yoˬ.
15
Nawˬ awˬ to htawˇ gʼoˇ peˬ hkʼaw naˬve a naˍ hta‸ gʼa hkanˍ leh, a naˍ oˇ ve shaˬ te shaˬ jaˇ la tuˬ yoˬ, teh‸ yawˇ hta‸ li‸ bvuh‸ feu piˇ ve yoˬ.
16
Hpiˇliˇtiˆ chaw leh Aˍraˆ chaw teˇ hpaˍ lehˬ, laˇ tsuhˇ gʼuiˬ pfuhˍ lo chehˇ ve Suˍdanˍ chaw hui paˇ lo chehˇ taˍ ve yoˬ. Gʼuiˬsha lehˬ, chaw oˇ ve teˇ hpaˍ ve nyi ma hta‸ gu piˇ leh, Yeˍhawˇranˍ hta‸ ca bawˆ tcuh ve yoˬ.
17
Hkʼe te leh, yawˇ hui Yuˇda‸ mvuhˇmiˬ hta‸ ca bawˆ la leh, hawˉ yehˬ hkʼaw cawˬ ve hpu shi mawˇ jeˬ teˇ hpaˍ, jawˇmawˇ ve awˬ miˇ ma teˇ hpaˍ, leh jawˇmawˇ ve yaˇ teˇ hpaˍ hta‸ yuˬ kʼai ve yoˬ. Yeˍhawˇranˍ ve yaˇ paˍ leh Aˍhkaˍziˆ teˇ gʼaˇ hta‸ ceh tiˉ teh taˉ piˇ ve yoˬ.
18
Oˇ ve hkʼaw‸ nawˉ, Gʼuiˬsha lehˬ jawˇmawˇ hta‸ gʼoˇ peˬ hkʼaw naˬ ve a naˍ cawˬ la piˇ ve yoˬ.
19
Nyiˇ hkʼaw‸ hkʼa gaˬ a naˍ oˇ ve shaˬ te shaˬ jaˇ la leh, awˬ leh meuˇ yawˇ suh-e ve yoˬ. Yawˇ ve a ma‸ lonˉ teˇ hpaˍ lehˬ, yawˇ suh-e ve hta‸ paˆ hawˬ piˇ tuˬ ve aˬ miˍ buiˬ hpfuh lonˉ maˇ te piˇ.
20
Yeˍhawˇranˍ jawˇmawˇ tanˬ te htaˇ, yawˇ ve a sha‸ 32 hkʼaw‸ gʼaˬ peuˬ leh, Yeˍruˆsaˍlehnˍ venˇ hta‸ 8 hkʼaw‸ uˉ peunˍ taˉ ve yoˬ. Yawˇ suh ve hta‸ chaw teˇ gʼaˇ ka‸ maˇ paˆ hawˬ piˇ. Yawˇ hui yawˇ hta‸ Daˍviˆ ve venˇ hkʼaw tuˍ piˇ ve yoˬ. Ya‸ hkʼaˇ, yawˇ hta‸ jawˇmawˇ teˇ hpaˍ tuˍ kuiˬ lo maˇ tuˍ piˇ.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36