bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Proverbs 18
Proverbs 18
Ilonggo (Maayong Balita nga Biblia (2012))
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
Ang tawo nga maiyaiyahon wala nagapakigbuylog sa iban nga mga tawo. Nagapamatok sia sa nahibal-an sang iban nga matarong.
2
Wala sa buot sang buangbuang kon makahangop sia ukon indi, kundi ang iya lamang luyag amo ang pagpakita sang iya kaugalingon nga abilidad.
3
Ang sala kag kahuloy-an nagaupdanay. Kon madula na ang imo kadungganan magaabot ang kahuloy-an.
4
Ang hambal sang tawo sarang makuhaan sang kaalam, madalom kaangay sang kadagatan, kag mabugnaw kaangay sang nagailig nga sapa.
5
Indi matarong nga apinan ang nakasala kag indi paghatagan sing hustisya ang matarong.
6
Kon ang buangbuang magsugod sa pagbais, nagapangita sia sing kasakitan.
7
Kon ang buangbuang maghambal, ginahalitan niya ang iya kaugalingon, kay sia man lang ang madakpan sang iya kaugalingon nga mga pulong.
8
Ang kutsokutso manamit, kag naluyag gid kita magtulon sini!
9
Ang matamad nga tawo pareho kalain sang tawo nga nagaguba sang mga pagkabutang.
10
Ang ngalan sang Ginoo kaangay sang mabakod nga tore, sa diin ang matarong nga tawo makadangop agod indi maano.
11
Ang manggaranon nga mga tawo nagahunahuna nga ang ila manggad makaapin sa ila kaangay sang mataas nga mga pader sa palibot sang isa ka mabakod nga siudad.
12
Wala sing tawo nga ginatahod kon indi sia magpaubos. Ang bugalon nga tawo nagapadulong sa kalaglagan.
13
Magpamati ka sing maayo sa wala pa ikaw makasabat. Kon indi ka magpamati, nagapakita nga buangbuang ka kag nagainsulto.
14
Ang daku nga handom sang tawo sa pagkabuhi makapabakod sa iya kon nagamasakit sia, pero kon madulaan sia sing handom sa pagkabuhi, wala na sia sing paglaom.
15
Ang maalam nga mga tawo handa kag maluyagon sa gihapon sa pagtuon.
16
Gusto ka bala magpakigkita sa isa ka gamhanan nga tawo? Dalhi sia sing regalo kag manginmahapos ang pagpakigkita mo sa iya.
17
Ang tawo nga una maghambal sa korte daw husto gid tubtob ang iya kasumpong magsugod sa pagpamangkot sa iya.
18
Kon ang duha ka gamhanan nga mga tawo nagakasuhay sa korte, ang pagabutgabot sarang makahusay sang asunto.
19
Buligi ang imo abyan kag apinan ka niya kaangay sang isa ka mabakod nga pader sang siudad, pero kon awayon mo sia indi ka niya pagpasudlon sa iya balay.
20
Ang tawo nagaani sang bunga sang tanan nga iya ginahambal.
21
Ang ginasiling mo makatipig ukon makalaglag sang kabuhi. Gani dapat mo batunon ang bunga sang imo mga pulong.
22
Pangita ka sang asawa kag makakita ka sing kaayuhan. Nagapakita ini nga ang Ginoo maayo sa imo.
23
Ang imol nagapakitluoy kon maghambal, pero ang manggaranon matigdas kon magsabat.
24
May pag-amiguhay nga wala nagadugay, pero may mga abyan nga mas mainunongon pa sang sa mga utod.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31