bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Proverbs 23
Proverbs 23
Ilonggo (Maayong Balita nga Biblia (2012))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Kon magpungko ikaw sa pagkaon upod sa gamhanan nga tawo, dapat mo kilalahon kon sin-o sia.
2
Kon palakaon ka, punggi ang imo gana.
3
Indi ka magdinalok sang manamit nga pagkaon nga iya ginaamuma, kay basi ginadakupdakop ka lang niya.
4
Gamita ang ulo mo kag indi ka magpataypatay sa pagtinguha nga magmanggaranon.
5
Ang imo kwarta madula sa isa lamang ka pamisok, nga daw tinuboan sang mga pakpak kag naglupad kaangay sang agila.
6
Indi ka magkaon sa lamisa sang kuripot nga tawo, ukon magdinalok sang manamit nga pagkaon nga ginaamuma niya.
7
Nagasiling sia, “Sigi, dugangi nga kaon,” pero indi matuod ang ginasiling niya. Kaangay sia sang bukog sa imo tutonlan, kag
8
isuka nimo ang kinaon mo, kag ang tanan mo nga pagdayawdayaw manginwala sing pulos.
9
Indi ka maghambal sing may kaalam sa buangbuang, kay wala man lang sing pulos ina sa iya.
10
Indi mo paghalinon ang daan nga muhon, ukon agawon ang duta sang mga ilo.
11
Ang Ginoo amo ang ila gamhanan nga mananabang, kag sia magatabang sang ila kaso batok sa imo.
12
Magpamati ka sing maayo sa imo manunodlo kag magtuon sang tanan nga masarangan mo.
13
Indi ka magpabaya sa pagdisiplina sang bata. Ang nagakaigo nga paghanot indi makapatay sa iya.
14
Kon sa bagay, makaluwas ini sang iya kabuhi.
15
Anak, kon magmaalam ka, magamalipayon gid ako.
16
Ipabugal ko ikaw kon mabatian ko nga nagahambal ikaw sang mga pulong nga may kaalam.
17
Indi ka magkahisa sa makasasala nga mga tawo. Pasidunggi ang Ginoo sa gihapon.
18
Kon ginahimo mo ini, may maayo ikaw nga palaabuton.
19
Anak, magpamati ka kag magmaalam. Panghunahunai sing maayo ang imo pagkabuhi.
20
Indi ka mag-upod-upod sa mga tawo nga palainom sang bino, ukon palakaon sing karne.
21
Ang mga palahubog kag ang mga palakaon magaimol. Kon ang opisyo mo kaon kag tulog lang, sa indi madugay magabayu ka sing lapat.
22
Magpamati ka sa imo amay, kay kon wala sia wala ikaw matawo. Kon tigulang na ang imo iloy, ipakita sa iya ang imo pagpalangga.
23
Ang kamatuoran, ang kaalam, ang tinun-an, kag ang maayo nga panimuot nagakabagay nga angkunon, kag indi mo ini pag-ibaligya kay labi ini ka malahalon.
24
Ang amay sang matarong nga tawo may rason nga magkalipay. Sarang mapabugal ang anak nga maalam.
25
Tinguhai nga mapabugal ikaw sang imo amay kag iloy. Hatagi ang imo iloy sini nga kalipay.
26
Toto, magpamati ka sing maayo, kag sunda ang akon pagkabuhi.
27
Ang malain nga mga babayi kag maluib nga mga asawa makamamatay nga siod.
28
Kaangay sila sang mga makawat nga nagahulat sa imo, kag sila ang kabangdanan sang pagluib sang mga bana sa ila mga asawa.
29
Ipakita sa akon ang tawo nga palainom kag nagatilaw sang nanarisari nga mga ilimnon, kag ipakita ko sa imo ang makaluluoy kag talamayon nga tawo nga pirme lang nagatuga sang kagamo kag nagareklamo. Ang iya mata nagapalamula kag may mga pilas sia nga sarang kuntani malikawan.
31
Indi ka magpaganyat sa bino, bisan nga mapula ini, kag nagaidlak sa kupa, kag marimis imnon.
32
Pagkaaga daw binuntog ka sang dalitan nga man-og.
33
Ang panulok mo nagaduloble, kag indi ka makapanghunahuna ukon makahambal sing maathag.
34
Magabatyag ka nga daw didto ka sa tunga sang lawod, ginadagat ka kag daw nagahabyughabyog ka sa palo sang ginasalyasalya nga bapor.
35
Magasiling ka, “Siguro naigo ako. Siguro ginlampusan ako, pero indi ako makadumdom. Ngaa indi ako makamata? Mainom pa ako.”
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31