bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Kings 10
2 Kings 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 11 →
1
Na ĩndĩ Aavu aĩ na ana aũme mĩongo mũonza Samalia. Na Yeu aandĩka mavalũa, na amatwaa Samalia, kwa asumbĩki ma ku Yesileeli, o atumĩa, na kwa ala maeie ana ma Aavu, akĩmea,
2
Na yu o yĩla valũa ũũ wĩmũvikĩa, nũndũ ana ma vwana wenyu me vamwe nenyu, na mwĩ na makasya ma kaũ na mbalasi, o na ndũa mbiie, na mĩio ya kaũ;
3
manthai ũla mũseo mbee na mwaĩlu wa ana ma vwana wenyu, na mwiei kĩvĩlanĩ kya ũsumbĩ kya ĩthe wake, na mũkyũkitĩa nyũmba ya vwana wenyu.
4
Ĩndĩ meew’a w’ĩa mũno, na masya, Sisyai, asumbĩ asu elĩ matyaaũngama mbee wake: ithyĩ ĩndĩ tũkaũngama ata?
5
Na ũla waĩ mũsyaĩĩsya wa andũ ma nyũmba, na ũla waĩ mũnene wa ndũa, o na atumĩa nao, na ala maeie syana isu, matũmana kwa Yeu, makĩmwĩa, Twĩ athũkũmi maku, na tũkeeka w’onthe ũla wĩtwĩaĩa; tũtikatw’ĩkĩthya mũndũ o na wĩva mũsumbĩ: ĩka ũla wĩona wĩ ũseo.
6
Na ĩndĩ amaandĩkĩa valũa ĩvinda ya kelĩ, akĩmea, Ethĩwa mwĩ ngalĩ ĩla yakwa, na ethĩwa mũkeethukĩĩsya wasya wakwa, osai mĩtwe ya andũ, ana ma vwana wenyu, na mũimbũkĩa kũũ Yesileeli ũnĩ ĩvinda ta yĩĩ. Na ĩndĩ ana ma mũsumbĩ, andũ mĩongo mũonza, maĩ vamwe na andũ me nguma ma ndũa, ala mamaeie.
7
Na kweethĩwa, yĩla valũa wamavĩkĩe, moosa ana ma mũsumbĩ, na mamoaa, o andũ mĩongo mũonza, na meekĩa mĩtwe yoo ikavũnĩ, na mamĩtwaa Yesileeli.
8
Na kwooka mũtũmwa, na amũtavya, akyasya, Nĩmaetete mĩtwe ya ana ma mũsumbĩ. Na asya, Miei ivumbu ilĩ ũlikĩlonĩ mbingĩlonĩ kũvika kĩoko.
9
Na kweethĩwa kĩoko, aumaala, na aũngama, na amea andũ onthe, Mwĩ alũngalu inyw’ĩ: sisyai, nĩnĩnamũsamĩe vwana wakwa, na namũaa; ĩndĩ nũũ ũla wũaie aa onthe?
10
Manyai yu kũikavalũka nthĩ ndeto o na yĩva ya Yeova, ĩla Yeova waneenie ũndũ wa nyũmba ya Aavu: nũndũ Yeova nĩwĩkĩte ũla waneenie na kanyw’a wa mũthũkũmi wake Eliya.
11
Kwondũ wa ũu Yeu akũnĩa onthe ala matialĩte ma nyũmba ya Aavu ku Yesileeli, na andũ make onthe me nguma, na anyanyae make ala wesene nao, na athembi make, kũvika ndaamũtialya mũndũ o na ũmwe.
12
Na ookĩla na akũsya, na athi Samalia. Na yĩla waĩ nzĩanĩ vala ve nyũmba ya aĩthi ya kũtilĩla malondu maw’ĩa,
13
Yeu akomana na ana‐a‐ĩthe ma Aasia mũsumbĩ wa Yuta, na amakũlya, Mwĩ aaũ inyw’ĩ? Na masũngĩa, Ithyĩ twĩ ana‐a‐ĩthe ma Aasia: na nĩtũũtheea tũkethye ana ma mũsumbĩ na ana ma kĩveti kya mũsumbĩ.
14
Nake asya, Makwatei me thayũ. Na mamakwata me thayũ, na mamoaĩa ĩimanĩ ya nyũmba ya kũtilĩla malondu maw’ĩa, o andũ mĩongo ĩna na elĩ; o na ndaatialya ũmwe woo.
15
Na yĩla waĩ anauma kw’o, akomana na Yeonatavu mwana wa Lekavi okĩte kũmũthaũa; na amũkethya, na amũkũlya, Ngoo yaku nĩ ndũngalu, o tondũ ngoo yakwa ĩilyĩ na ngoo yaku? Na Yeonatavu asũngĩa, Nĩ ndũngalu. Ethĩwa ĩilyĩ ũu, nenga kw’oko kwaku. Na amũnenga kw’oko kwake; na amwambatya vala ũĩ ĩkasyanĩ.
16
Na amwĩa, Ũka tũendan’ye, wone kĩwĩu kyakwa kwondũ wa Yeova. Kwondũ wa ũu mamũkua e ĩkasyanĩ yake.
17
Na yĩla wavikie Samalia, akũna onthe ala matialĩlw’e Aavu ku Samalia, kũvika amũmina, kwĩanana na ndeto ya Yeova, ĩla wamũtavisye Eliya.
18
Na Yeu oomban’ya andũ onthe vamwe, na amea, Aavu athũkũmie Mbaali kavola; ĩndĩ Yeu akamũthũkũma mũno.
19
Yu kwondũ wa ũu metei moke vala nĩĩ athani onthe ma Mbaali, na athaithi make onthe, na athembi make onthe; kũtikethĩwe ũmwe ũte vo: nũndũ nĩ na nthembo nene ya kũmũthembea Mbaali; o ũla ũteĩthĩwa vo, ndakekala thayũ. Ĩndĩ Yeu eekie ũu na ũseleke, nĩ kana anange athaithi ma Mbaali.
20
Na Yeu asya, Tw’ai ũmbano ũkilĩtye kwondũ wa Mbaali. Na mootw’a.
21
Na Yeu atũmana ku Isilaeli kw’onthe: na athaithi onthe ma Mbaali mooka, na kũtyaĩ mũndũ o na ũmwe waatiala ũla ũtaaũka. Na malika nyũmbanĩ ya Mbaali; na nyũmba ya Mbaali yausũa ki kuma mũthya ũmwe kũvika ũla ũngĩ.
22
Na amwĩa mũsyaĩĩsya wa kasũmba kala kaiawa ngũa sya ũthaithi, Ete ngũa sya ũthaithi kwondũ wa athaithi onthe ma Mbaali. Na amaetee ngũa sya ũthaithi.
23
Na Yeu, e na Yeonatavu mwana wa Lekavi, malika nyũmbanĩ ya Mbaali; na amea athaithi ma Mbaali, Manthai, na mũisisya nĩ kana vatikethĩwe vaa vamwe nenyu o na ũmwe wa athũkũmi ma Yeova, ate o athaithi ma Mbaali oka.
24
Na malika mathembe nthembo sya kũtonywa na nthembo sya kũvĩvw’a. Na ĩndĩ Yeu nĩwaiĩte andũ mĩongo nyanya ũtee, na amea, Ethĩwa mũndũ o na wĩva ũla nĩete mokonĩ menyu akavonoka, ũla wĩmũlekya athi, thayũ wake ũkeethĩwa vandũ va thayũ wa ũsu.
25
Na kweethĩwa, o amina kũthemba nthembo sya kũvĩvw’a, Yeu amea nguthu ya asũvĩi na makavuteni, Likai, mũmoae; mũtikaeke ũmwe aumaale. Na mamakũna kwa kũmatemanga na ũvyũ; na asũvĩi na makavuteni mamekya nza, na mathi ndũanĩ yĩ nyũmba ya Mbaali.
26
Na maumaalya ituĩ ila syaĩ nyũmbanĩ ya Mbaali, na maivĩvya.
27
Na matũlanga kĩtuĩ kya Mbaali, na maomboa nyũmba ya Mbaali, na mamĩtw’ĩkĩthya ũtũnda, kũvika ũmũnthĩ.
28
Ũu nĩw’o Yeu waminie Mbaali nthĩnĩ wa Isilaeli.
29
Ĩndĩ Yeu ndaaeka kũatĩĩa naĩ sya Yelovoamu mwana wa Nevati, ila wamavĩtĩthisye Isilaeli nasyo, nasyo nĩ ii, tũsaũ twa thaavu tũla twaĩ Mbethi‐eli, na Ndani.
30
Na Yeova amwĩa Yeu, Nĩkwĩthĩwa nĩwĩkĩte nesa ũkĩka ũla nonaa wĩ ũseo, na nũmĩkĩte nyũmba ya Aavu kwĩanana na w’onthe ũla waĩ ngoonĩ yakwa, ana maku ma nzyawa ya kana makekala kĩvĩlanĩ kya ũsumbĩ kya Isilaeli.
31
Ĩndĩ Yeu ndaaĩsũvĩa aende mĩaonĩ ya Yeova, Ngai wa Isilaeli, na ngoo yake yonthe: ndaatia naĩ sya Yelovoamu, ila wavĩtĩthisye Isilaeli nasyo.
32
Mĩthenya ĩsu Yeova nĩwambĩlĩlye kũmaola Isilaeli: na Aasaeli amakũnĩa mĩvakanĩ yonthe ya Isilaeli;
33
kuma Yolotani kũthi ngalĩ ya wumĩlonĩ wa syũa, nthĩ yonthe ya Ngileati, Angati, na Aleuveni, na Amanase, kuma Aloeli, ĩla yĩ vakuvĩ na mwanda wa Alinoni, o Ngileati na Mbasani.
34
Na ĩndĩ meko ala angĩ ma Yeu, na w’onthe ũla wekaa, na vinya wake w’onthe mũnene, ti maandĩke ĩvukunĩ ya maũndũ ma mavinda ma asumbĩ ma Isilaeli?
35
Na Yeu akoma na aaĩthe make; na mamũthika Samalia. Na Yeoaasi mwana wake asumbĩka vandũ vake.
36
Na ĩvinda yĩla Yeu wasumbĩkie Isilaeli ku Samalia yaĩ myaka mĩongo ĩlĩ na nyanya.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25