bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Kings 20
2 Kings 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 21 →
1
Mĩthenya ĩsu Esekia aĩ mũwau akathengeea kũkw’a. Na mwathani Isaia, mwana wa Amosu, amũkĩa, na amwĩa, Ũũ nĩw’o Yeova ũnũkwasya, Ĩae ũndũ wa nyũmba yaku; nũndũ nũũkw’a, ndwĩĩkala thayũ.
2
Nĩvo ĩndĩ wethyũũie na eelekelya ũthyũ wake wakonĩ, na amũvoya Yeova, akĩmwĩa,
3
Lilikana yu, ame Yeova, nĩngũkwĩsũva, ũndũ nĩendete mbee waku nthĩnĩ wa w’o na ngoo mbĩanĩu, na nĩnĩkĩte ũla wonaa wĩ ũseo. Na Esekia aĩa mũno.
4
Na kweethĩwa, Isaia atanamba kũvika ndũanĩ katĩ, ndeto ya Yeova yamũkĩa, ĩkĩmwĩa.
5
Syoka, ũmwĩe Esekia mũnene wĩ mbee ũsumbĩnĩ wa andũ makwa, Ũũ nĩw’o Yeova, Ngai wa Ndaviti ĩthe waku, ũnũkwasya, Nĩnĩw’ĩte mboya yaku, nĩnonete methoi maku: sisya, nĩngũũvosya; mũthenya wa katatũ ũkambata nyũmbanĩ ya Yeova.
6
Na ngongela mĩthenya yaku myaka ĩkũmi na ĩtano; na ngakũvonokya we na ndũa ĩno kuma kw’okonĩ kwa mũsumbĩ wa Asuli; na ngamĩsesea ndũa ĩno kwondũ wakwa mwene, na kwondũ wa mũthũkũmi wakwa Ndaviti.
7
Na Isaia asya, Osa kakũmbwa ka makũyũ. Na moosa na makailĩĩla mũimũnĩ, na avoa.
8
Na Esekia akũlya Isaia, Wonan’yo ũkeethĩwa mwaũ atĩ Yeova akambosya, na ngambata nyũmbanĩ ya Yeova mũthenya wa katatũ?
9
Na Isaia asya, Ũũ nĩw’o wĩĩthĩwa wonan’yo kwaku kuma kwa Yeova, atĩ Yeova akeeka ũla ũneenete: muunyĩ ũkaenda mbee matambya ĩkũmi kana kũsyoka ĩtina matambya ĩkũmi?
10
Na Esekia asũngĩa, Nĩ ũndũ ũvũthũ muunyĩ kũtheea matambya ĩkũmi; aiee, ĩndĩ muunyĩ ũsyoke ĩtina matambya ĩkũmi.
11
Na mwathani Isaia amwĩkaĩla Yeova; na atũnga muunyĩ ĩtina matambya ĩkũmi, ũla watheee saa wa syũa wa Aasu.
12
Ĩvinda yĩu Melotaki‐mbalatani mwana wa Mbalatani, mũsumbĩ wa Mbaviloni, amũtwaĩa Esekia mavalũa na mũthĩnzĩo; nũndũ nĩwewie atĩ Esekia anaĩ mũwau.
13
Na Esekia amethukĩĩsya, na amon’ya nyũmba yonthe yĩ na syĩndũ syake syĩ vata mũno, vetha, na thaavu, na mĩtĩ ĩla ĩnyungaa nesa, na mauta me vata mũno, na nyũmba yĩ mĩio yake ya kaũ, na kyonthe kĩla kyoonekie mothwiinĩ maie make: vatyaĩ kĩndũ nyũmbanĩ yake, kana ũsumbĩkonĩ wake, kĩla Esekia ũtaamon’ya.
14
Nĩvo ĩndĩ mwathani Isaia wamũendeie mũsumbĩ Esekia, na amũkũlya, Andũ aa maisye ata? Na makyũka kwaku maumie va? Na Esekia asya, Nĩmokĩte kuma nthĩ yĩ kũasa, o kuma Mbaviloni.
15
Na akũlya, Moonie kyaũ nyũmbanĩ yaku? Na Esekia asũngĩa, Kyonthe kĩla kĩ nyũmbanĩ yakwa nĩmonete: vati kĩndũ mothwiinĩ maie makwa kĩla ndaamon’ya.
16
Na Isaia amwĩa Esekia, Ĩthukĩĩsye ndeto ya Yeova.
17
Sisya, mĩthenya nĩyũkĩte, yĩla kyonthe kĩ nyũmbanĩ yaku, na kĩla aaĩthe maku maiĩte kũvika ũmũnthĩ, kĩkatwawa Mbaviloni: vati kĩndũ kĩkatiala, easya ũu Yeova.
18
Na amwe ma ana maku ala makauma nthĩnĩ waku, ala ũkasyaa, makamatwaa; na makeethĩwa me avakũe nyũmbanĩ nene mbanakavye ya mũsumbĩ wa Mbaviloni.
19
Nĩvo ĩndĩ Esekia wamwĩie Isaia, Ndeto ya Yeova ĩla waneena nĩ nzeo. Na ĩngĩ asya, Ti ũseo, ethĩwa mũuo na w’o ikeethĩwa mĩthenyanĩ yakwa?
20
Na ĩndĩ meko ala angĩ ma Esekia, na vinya wake w’onthe mũnene, na ũndũ waseũvisye ĩla ndia, na mũtaũ, na aete manzĩ ndũanĩ, ti maandĩke ĩvukunĩ ya maũndũ ma mavinda ma asumbĩ ma Yuta?
21
Na Esekia akoma na aaĩthe make; na Manase mwana wake asumbĩka vandũ vake.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25