bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Kings 13
2 Kings 13
Kamba (Mbivilia) 1956
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 14 →
1
Mwaka wa mĩongo ĩlĩ na ĩtatũ wa kũsumbĩka kwa Yoasi mwana wa Aasia, mũsumbĩ wa Yuta, Yeoaasi mwana wa Yeu ambĩlĩlya kũsumbĩka Isilaeli ku Samalia, na asumbĩka myaka ĩkũmi na mũonza.
2
Na eekaa ũla Yeova wonaa wĩ ũthũku, na aatĩĩa naĩ sya Yelovoamu mwana wa Nevati, ila wavĩtĩthisye Isilaeli nasyo; ndaaitia.
3
Na ũthatu wa Yeova wamakanĩa Isilaeli, na amanengane kw’okonĩ kwa Aasaeli mũsumbĩ wa Silia, na kw’okonĩ kwa Mbeni‐aatati mwana wa Aasaeli, mavinda onthe.
4
Na Yeoaasi amwĩsũva Yeova, na Yeova amwĩthukĩĩsya; nũndũ nĩwonie thĩna wa Isilaeli, ũndũ mũsumbĩ wa Silia wamathĩnasya.
5
(Na Yeova anenga Isilaeli mũtangĩĩi, na ĩndĩ mauma kw’okonĩ kwa Asilia; na ana ma Isilaeli mekala maeemanĩ moo o ta tene.
6
Ĩndĩ vamwe na ũu matyaatia naĩ sya nyũmba ya Yelovoamu, ila wavĩtĩthisye Isilaeli nasyo, ĩndĩ maendaa nthĩnĩ wasyo: o na kwatialw’a Asela ku Samalia.)
7
Nũndũ ndaamũtialĩlya Yeoaasi andũ ate o andũ mĩongo ĩtano ala matũlaa mbalasi, na makasya ma kaũ ĩkũmi, na andũ ngili ĩkũmi ala maendaa na maũũ; nũndũ mũsumbĩ wa Silia nĩwamanangie, na amatw’ĩkĩthya ta kĩtoo yĩla kũũvũwa.
8
Na ĩndĩ meko ala angĩ ma Yeoaasi, na w’onthe ũla wekaa, na vinya wake mũnene, ti maandĩke ĩvukunĩ ya maũndũ ma mavinda ma asumbĩ ma Isilaeli?
9
Na Yeoaasi akoma na aaĩthe make; na mamũthika Samalia: na Yoasi mwana wake asumbĩka vandũ vake.
10
Mwaka wa mĩongo ĩtatũ na mũonza wa kũsumbĩka kwa Yoasi mũsumbĩ wa Yuta, Yeoasi mwana wa Yeoaasi ambĩlĩlya kũsumbĩka Isilaeli ku Samalia, na asumbĩka myaka ĩkũmi na thanthatũ.
11
Na eekaa ũla Yeova wonaa wĩ ũthũku; ndaatia naĩ syonthe sya Yelovoamu mwana wa Nevati, ila wavĩtĩthisye Isilaeli nasyo; ĩndĩ aendaa nthĩnĩ wasyo.
12
Na ĩndĩ meko ala angĩ ma Yoasi, na w’onthe ũla wekaa, na vinya wake mũnene ũla wokitie Amasia mũsumbĩ wa Yuta naw’o, ti maandĩke ĩvukunĩ ya maũndũ ma mavinda ma asumbĩ ma Isilaeli?
13
Na Yoasi akoma na aaĩthe make: na Yelovoamu ekalĩla kĩvĩla kyake kya ũsumbĩ: na Yoasi athikwa Samalia vamwe na asumbĩ ma Isilaeli.
14
Na ĩndĩ Elisa aĩ mũwau ũwau wake ũla wamũaie: na Yoasi mũsumbĩ wa Isilaeli atheea vala ũĩ, na amũĩĩa, na asya, Asa wakwa, asa wakwa, makasya ma Isilaeli na mbalasi syamo!
15
Na Elisa amwĩa, Osa ũta na mĩsyĩ; nake oosa ũta na mĩsyĩ.
16
Na amwĩa mũsumbĩ wa Isilaeli, Koota ũta na kw’oko kwaku; na ookoota na kw’oko kwake. Na Elisa ailĩĩla moko make ĩũlũ wa moko ma mũsumbĩ.
17
Na asya, Vingũa mbũthi ĩla yelekele wumĩlonĩ wa syũa; na amĩvingũa. Na ĩndĩ Elisa asya, Atha; na aatha. Na asya, Mũsyĩ wa Yeova wa kũkĩlya vinya, o mũsyĩ wa kũkĩlya Silia vinya; nũndũ ũkakũnĩa Asilia ku Aveki, kũvika wamamina vyũ.
18
Na asya, Osa mĩsyĩ; na amyosa. Na amwĩa mũsumbĩ wa Isilaeli, Atha nthĩ; na aatha katatũ, na aeka.
19
Na ũ mũndũ wa Ngai amũthatĩa, na amwĩa, Nĩwĩaĩlĩte kũatha mavinda atano kana thanthatũ: nĩvo ĩndĩ wĩĩthĩwa ũmĩkũna Silia kũvika wamĩmina vyũ; kwondũ wa ũu yu ũkakũna Silia o katatũ.
20
Na Elisa akw’a, na mamũthika. Na nguthu sya Amoavi syalika nthĩ ĩsu, mwaka ũkyambĩlĩlya.
21
Na kweethĩwa, yĩla mathikaa mũndũ, sisya, mesa kwona nguthu; na mamwĩkya ũ mũndũ ngunganĩ ya Elisa vala vathikawa akw’ũ: na mũndũ ũsu o akiita mavĩndĩ ma Elisa, athayũũka, na aũngama na maũũ make.
22
Na Aasaeli mũsumbĩ wa Silia athĩn’ya Isilaeli mĩthenya yonthe ya Yeoaasi.
23
Ĩndĩ Yeova aĩ mũseo kwoo, na amew’ĩa tei, na amelekela, nũndũ wa ũtianĩo wake na Avalaamu, na Isaka, na Yakovo, na ndaaĩtĩkĩla kũmananga, o na ndaamekya maume vala ũĩ kũvika yĩu.
24
Na Aasaeli mũsumbĩ wa Silia akw’a; na Mbeni‐aatati mwana wake asumbĩka vandũ vake.
25
Na Yeoasi mwana wa Yeoaasi aumya ĩngĩ kw’okonĩ kwa Mbeni‐aatati mwana wa Aasaeli ndũa ila waĩ anaumya kw’okonĩ kwa Yeoaasi ĩthe wake na kaũ. Yoasi amũkũna mavinda atatũ, na atũnga ndũa sya Isilaeli.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25