bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Kings 4
2 Kings 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Na ĩndĩ mũndũ mũka ũmwe wa iveti sya ana ma athani amwĩkaĩla Elisa, akĩmwĩa, Mũthũkũmi waku mũemewa nũkw’ĩte; naku nĩwĩsĩ mũthũkũmi waku nĩwakĩaa Yeova: na ũla mũandũi nĩ mũku ose syana syakwa ilĩ syĩthĩwe ngombo.
2
Na Elisa amwĩa, Ngakwĩka ata? Ndavya; wĩ na kyaũ nyũmbanĩ? Nake asũngĩa, Mũthũkũmi waku mwĩĩtu nde kĩndũ nyũmbanĩ, ate o kavisũ ka mauta.
3
Nĩvo ĩndĩ waisye, Enda ũvoye mĩio ndee kwa atũi maku onthe, o mĩio mĩthei; ndũkavoye mĩvũthũ.
4
Na ũkalike nthĩnĩ, na ũkĩvingĩa we na ana maku nyũmba, nokyonosya mĩionĩ ĩsu yonthe; na ũkia ũtee, ũla wausũa.
5
Na ĩndĩ auma vala ũĩ, na eevingĩa mũomo we na ana make; nao mamũetee mĩio, nake oonoesya.
6
Na kweethĩwa, mĩio yausũa, amwĩa mwana wake, Ndetee o mũio. Nake amwĩa. Kũti mũio ũngĩ. Na mauta maeka.
7
Na ĩndĩ ooka na atavya ũ mũndũ wa Ngai. Nake amwĩa, Enda, ũthoosye mauta asu, ũĩve thiĩ waku, na ala meũtiala nĩ maku na ma ana maku.
8
Na kweethĩwa mũthenya ũmwe, Elisa aenda Sunemu, vala vaĩ mũndũ mũka wĩ nguma; na amũingĩĩsya aye lĩu. Na kwondũ wa ũu kweethĩawa, o yĩla wavĩtaa, aathũkĩlaa vo aye lĩu.
9
Na amwĩa mũũme, Sisya, yu, nĩngwona ũũ nĩ mũndũ mũtheu wa Ngai, ũla ũvĩtĩlaa kwitũ mavinda onthe.
10
Nĩngũkwĩsũva, tũseũvye kasũmba kanini wakonĩ; na tũmwiĩe vo ũkomo, na mesa, na kĩvĩla, na kĩndũ kĩla kĩkĩawa taa: na kũkeethĩawa, yĩla wĩũkaa kwitũ, akathũkĩlaa vo.
11
Na kweethĩwa mũthenya ũmwe, ooka vau, na aathũkĩla kasũmbanĩ na akoma vo.
12
Na amwĩa Ngeasi mũthũkũmi wake, Mwĩte ũla Mũsunami. Na amina ũmwĩta, aũngama mbee wake.
13
Na amwĩa, Yu mũtavye, Sisya, nũtũsũvĩĩte na ũsũvĩo ũũ w’onthe; ũla wĩĩkwa nata? Nũkwenda ũvoyewe ũndũ kwa mũsumbĩ, kana kwa kavuteni wa nguthu? Na asũngĩa, Nĩkalaa katĩ wa andũ makwa mwene.
14
Nake asya, Ĩndĩ eĩkwa ata? Na Ngeasi asũngĩa, Nĩ w’o, nde mwana, na mũũme wake nĩ mũkũũ.
15
Na asya, Mwĩte. Na yĩla wamwĩtie, aũngama mũomonĩ.
16
Na asya, Ĩvinda ta yĩĩ, kyathĩ kyavika, ũkeethĩwa ũkwete mwana. Nake asya, Aiee, mwĩaĩi wakwa, we mũndũ wa Ngai, ndũkatavye mũthũkũmi waku mwĩĩtu ũvũngũ.
17
Na mũndũ mũka ũsu aitava, na asyaa mwana ĩvinda yĩu, kyathĩ kyavika, o tondũ Elisa wamũtavisye.
18
Na yĩla mwana waĩ aneana, kweethĩwa mũthenya ũmwe, aumaala aenda vala ve ĩthe wake vala ve akethi.
19
Na amwĩa ĩthe, Mũtwe wakwa, mũtwe wakwa. Na amwĩa mũthũkũmi wake, Mũtwae vala ve inyia wake.
20
Na yĩla wamũtwaie, na amũvikya vala ve inyia wake, akĩkwa kũvika katambanga na ĩndĩ akw’a.
21
Nake ambata amũkomya ũkomonĩ wa ũ mũndũ wa Ngai, na amũvingĩa na mũomo, na aumaala.
22
Na amwanĩĩsya mũũme, na asya, Nĩngũkwĩsũva, ndũmĩa ũmwe wa athũkũmi, na yĩmwe ya mang’oi, nĩ kana nĩsembe vala ve ũla mũndũ wa Ngai, na ngĩsyoka.
23
Nake amũkũlya, Nũndũ wa kĩ ũũthi kwake ũmũnthĩ? Ti mũtiso wa mwei kana savato. Na asya, Kũkeethĩwa kũseo.
24
Nĩvo ĩndĩ watandĩkie ĩng’oi, na amwĩa mũthũkũmi wake, Tongosya, noiendeea; ndũkandindye nzĩanĩ, ndaũtavĩtye.
25
Na ĩndĩ athi, na avika kwa mũndũ wa Ngai kĩĩmanĩ kya Kalimeli. Na kweethĩwa, yĩla mũndũ wa Ngai wamwonie e kũasa, amwĩa mũthũkũmi wake Ngeasi, Sisya, kũya nĩ ũla Mũsunami:
26
nĩngũkwĩsũva, semba oyu ũmũthaũe noimũkũlya, Wĩ mũseo? Na mũemeu nĩ mũeso? Na mwana nĩ mũseo? Na asũngĩa, Nĩ kũseo.
27
Na yĩla wavikie vala ve mũndũ wa Ngai kĩĩmanĩ, amũkwata maũũ. Na Ngeasi athengeea amũvete; ĩndĩ ũ mũndũ wa Ngai amwĩa, Ekana nake: nũndũ thayũ wake nũkwĩw’a woo nthĩnĩ wake; na Yeova nũmbithĩte, na ndaandavya.
28
Nĩvo ĩndĩ waisye, Nyie naamwĩtya mwĩaĩi wakwa mwana? Ndyaaneena, Ndũkangenge?
29
Nĩvo ĩndĩ wamwĩie Ngeasi, Ĩvotoe kĩnyunyu kyaku, nokyosa ndata yakwa kw’okonĩ kwaku, noienda: ethĩwa ũkakomana na mũndũ o na wĩva, ndũkamũkethye; na ethĩwa mũndũ o na wĩva akakũkethya, ndũkamũketheke: na ũkaie ndata yakwa ũthyũnĩ wa kala kana.
30
Na inyia wa kala kana asya, O tondũ Yeova wĩ thayũ, na tondũ kyuu kyaku kĩ thayũ, ndikũtia. Na ookĩla, na amũvikĩla.
31
Na Ngeasi atongosya mbee woo, na aia ndata ũthyũnĩ wa kana; ĩndĩ vatyaĩ wasya, kana kwĩw’a. Kwondũ wa ũu asyoka amũthaũe, na amũtavya, akĩmwĩa, Kana katinaamũka.
32
Na yĩla Elisa walikile nyũmbanĩ, sisya, kana kaĩ kakw’ũ, na kaiĩtwe ũkomonĩ wake.
33
Kwondũ wa ũu alika, na eevingia mũomo e nako ma elĩ, na amũvoya Yeova.
34
Na alĩsa, na eekomya ĩũlũ wa kana, na eekĩa kanyw’a wake ĩũlũ wa kanyw’a wako, na metho make ĩũlũ wa metho mako, na moko make ĩũlũ wa moko mako: na eekomya etambũũkĩtye ĩũlũ wako; na mwĩĩ wa kana wakwata muutĩa.
35
Na ĩndĩ asyoka, na atũũanga kũũ na kũũ ĩvinda yĩmwe nyũmbanĩ; na alĩsa, na eekomya etambũũkĩtye ĩũlũ wako: na kana kaathimũa mathimũa mũonza, na kana kasalukya metho mako.
36
Na amwĩta Ngeasi, na amwĩa, Mwĩte Mũsunami. Na ĩndĩ amwĩta. Na yĩla walikile vala waĩ, amwĩa, Osa mwana waku.
37
Nĩvo ĩndĩ walikile, na eevalũkya nthĩ maũũnĩ make, na eekunamya kũvika nthĩ; na oosa mwana wake, na aumaala.
38
Na Elisa ooka ĩngĩ Ngilikali. Na kwaĩ yũa nthĩ ĩsu; na ana ma athani mekalĩte mbee wake; na amwĩa mũthũkũmi wake, Ĩkĩa kĩteve, noiuĩa ana ma athani ũsũũ.
39
Na ũmwe aumaala athi kĩsesinĩ ove nyũnyi, na oona ũthaana wa kĩthekanĩ, na atw’a ikuu sya kĩthekanĩ syaw’o ngũa yake yausũa, na ooka na atũangĩa kĩtevenĩ kya ũsũũ; nũndũ matyasyĩsĩ.
40
Na ĩndĩ mamevũĩa andũ asu maye. Na kweethĩwa, makĩya ũla ũsũũ, mookĩlya mawasya, na masya, We mũndũ wa Ngai, kwĩ kĩkw’ũ kĩtevenĩ. Na matyaatonya kũya.
41
Ĩndĩ nake asya, Ete mũtu ĩndĩ. Na awĩkya kĩtevenĩ; na asya, Mevũĩei andũ, maye. Na kũtyaĩ ũndũ ũthũku kĩtevenĩ.
42
Na kwooka mũndũ kuma Mbaalisalisa, na amũetee mũndũ wa Ngai kĩmũtũ kya ũsyao wa mbee, imũtũ mĩongo ĩlĩ sya mbaale, na iia sya nganũ ĩkunianĩ yake. Na asya, Nenga andũ, maye.
43
Na mũthũkũmi wake asya, Asi, nĩnaĩle kwia lĩu ũũ mbee wa andũ ĩana? Ĩndĩ asya, Nenga andũ, maye; nũndũ ũũ nĩw’o Yeova ũnũkwasya, Makaya, na makatialya.
44
Kwondũ wa ũu awia mbee woo, na maya, na matialya, kwĩanana na ndeto ya Yeova.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25