bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Kings 6
2 Kings 6
Kamba (Mbivilia) 1956
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
1
Na ana ma athani mamwĩa Elisa, Sisya yu, vandũ vala twĩkalaa mbee waku vatiũtwĩanĩa.
2
Nĩtũũkwĩsũva, tũende ũsĩnĩ wa Yolotani, na kĩla mũndũ akyumya mũtĩ vo, na tũkĩyakĩa vandũ vo, vala tũtonya kũtũa. Na amasũngĩa, Endai inyw’ĩ.
3
Na ũmwe asya, Edeew’a nĩngũkwĩsũva, nĩ kũendan’ya na athũkũmi maku. Na asũngĩa, Nĩngũthĩ.
4
Kwondũ wa ũu aendan’ya nao. Na yĩla mavikie Yolotani, matema mĩtĩ.
5
Ĩndĩ yĩla ũmwe wavalũkasya mũtĩ, ĩthoka yasingĩla yavota manzĩnĩ; na akaya, na asya, Ĩiaa, vwana wakwa! Nũndũ nĩ ya mboya.
6
Na ũ mũndũ wa Ngai akũlya, Yavotela va? Na amwon’ya vala vandũ. Na atema kamũtĩ, na akekya vo, na kũtuma kĩaa kĩthambĩa.
7
Na asya, Yose. Na ĩndĩ atambũũkya kw’oko kwake, na akyosa.
8
Na ĩndĩ mũsumbĩ wa Silia nĩwakwatĩtye kaũ na Isilaeli; na asũanĩa na athũkũmi make, akyasya, Mwako wakwa wa maeema ũkeethĩwa vana.
9
Na ũla mũndũ wa Ngai atũmana kwa mũsumbĩ wa Isilaeli, akĩmwĩa, Ĩsũvĩe ndũkavĩtĩle vandũ vana; nũndũ Asilia nĩmatheeete vo.
10
Na mũsumbĩ wa Isilaeli atũmana vandũ vala mũndũ wa Ngai wamũtavisye na wamũtaie ũndũ wa vo; na eetangĩĩa vo, ti ĩmwe kana kelĩ.
11
Na ngoo ya mũsumbĩ wa Silia yathĩnw’a mũno nũndũ wa ũndũ ũsu; na ameta athũkũmi make, na amea, Mũtiũmbon’ya nĩ wĩva waitũ ũla wĩ ngalĩ ya mũsumbĩ wa Isilaeli?
12
Na ũmwe wa athũkũmi make amwĩa, Aiee, mwĩaĩi wakwa, ame mũsumbĩ; ĩndĩ Elisa, mwathani ũla wĩ nthĩnĩ wa Isilaeli, nũtavasya mũsumbĩ wa Isilaeli ndeto ila ũneeneaa kasũmbanĩ kaku ka ũkoma.
13
Na amea, Endai mũsisye vala ũĩ, nĩ kana nĩtũmane na kũmũete. Na atavw’a, kũkyaw’a, Sisya e Ndothani.
14
Kwondũ wa ũu atũma mbalasi, na makasya, na nguthu nene kw’o: na mooka ũtukũ, na mathyũlũlũka ndũa.
15
Na yĩla mũthũkũmi wa mũndũ wa Ngai wokĩlile kĩoko tene, na aumaala, sisya, nguthu yĩ na mbalasi na makasya yathyũlũlũkĩte ndũa. Na mũthũkũmi wake amwĩa, Ĩiaa, vwana wakwa! Tũkeeka ata?
16
Na asũngĩa, Ndũkakĩe; nũndũ ala me vamwe naitũ nĩ aingĩ kwĩ ala me na asu.
17
Na Elisa avoya, na asya, Yeova, nĩngũkũvoya, salukya metho make, one. Na Yeova asalukya metho ma mwanake ũsu; na oona: na, sisya, kĩĩma kyusũĩte mbalasi na makasya ma mwaki mathyũlũlũkĩte Elisa.
18
Na yĩla matheeie vala ũĩ, Elisa amũvoya Yeova, na asya, Nĩngũkũvoya, kũna andũ aa na mbindu. Na amakũna na mbindu kwĩanana na ndeto ya Elisa.
19
Na Elisa amea, Ĩno ti nzĩa, o na ĩno tiyo ndũa: mbikĩlai, na ngamũvikya vala ve mũndũ ũla mũmamthaa. Na amatongoesya mavika Samalia.
20
Na kweethĩwa, yĩla malikile Samalia, Elisa asya, Yeova, salukya metho ma andũ aa, mone. Na Yeova asalukya metho moo, na moona; na, sisya, maĩ Samalia katĩ.
21
Na mũsumbĩ wa Isilaeli amwĩa Elisa, yĩla wamonie, Asa wakwa, nĩngũmakũna? Nĩngũmakũna?
22
Na asũngĩa, Ndũkamakũne: nũkwenda kũkũna ala watavie na ũvyũ waku na ũta waku? Ia lĩu na manzĩ mbee woo, nĩ kana maye na manyw’e, na kũsyoka kwa vwana woo.
23
Na aseũvya lĩu mwingĩ kwondũ woo; na yĩla maminie kũya na kũnyw’a, amaeka mathi, na mathi kwa vwana woo. Na nguthu sya Silia ityaaũka ĩngĩ nthĩ ya Isilaeli.
24
Na kweethĩwa ĩtina wa ũu, Mbeni‐aatati mũsumbĩ wa Silia oomban’ya ngũthu yake yonthe, na ambata, na athyũlũlũka Samalia amĩtw’ĩkanĩsya.
25
Na kwaĩ yũa ĩnene Samalia: na, sisya, mamĩtw’ĩkanĩsya, kũvika mũtwe wa ĩng’oi wathooiw’e ilungu mĩongo nyanya sya vetha, na kĩlungu kya kana kya kavu kya mai ma mavũĩ, ilungu itano sya vetha.
26
Na mũsumbĩ wa Isilaeli akĩvĩtĩla ũvainĩ, mũndũ mũka amwĩkaĩla, akĩmwĩa, Ndethya, mwĩaĩi wakwa, ame mũsumbĩ.
27
Na asya, Ethĩwa Yeova ndeũkũtethya, nyie ngakũtethya na ũtethyo wumĩte va? Kuma kĩvũĩonĩ, kana kuma kĩangĩonĩ kya nzavivũ?
28
Na mũsumbĩ amũkũlya, Wĩ na ũndũ mwaũ. Na asũngĩa, Mũndũ mũka ũũ anambĩie, Umya mwana waku, tũmũye ũmũnthĩ, na tũkaya mwana wakwa ũnĩ.
29
Na ĩndĩ tũnaua mwana wakwa, na tũnamũya: na namwĩa ũnĩ ũsu, Umya mwana waku, tũmũye; na nũvithĩte mwana wake.
30
Na kweethĩwa, yĩla mũsumbĩ wewie ndeto sya ũ mũndũ mũka, atembũanga ngũa syake (na nĩwavĩtĩle ĩũlũ wa ũvai); na andũ moona, na, sisya, aĩ na ĩkunia nthĩnĩ mwĩĩnĩ wake.
31
Nĩvo ĩndĩ waisye, Ngai nambĩke ũu, o na mbee, ethĩwa mũtwe wa Elisa mwana wa Savati ũkekala ĩũlũ wake ũmũnthĩ.
32
Ĩndĩ Elisa ekalĩte nyũmbanĩ yake, na atumĩa mekalĩte nake; na mũsumbĩ atũma mũndũ kuma vala ũĩ: ĩndĩ mũtũmwa atanamba ũvika vala ũĩ, atavya atumĩa, Nĩmũkwona ũndũ mwana ũũ wa mũaani ũtũmĩte mũndũ avete mũtwe wakwa? Sisyai, yĩla mũtũmwa ũnũũka, vingai mũomo, na mũilũmya mũomo ndakalike: matuu ma maũũ ma vwana wake matiĩ ĩtina wake?
33
Na o akĩneena nao, sisya, mũtũmwa atheea vala ũĩ: na asya, Sisya, ũthũku ũũ wumĩte kwa Yeova; nĩmweteelela Yeova ĩvinda yĩasanga kĩ?
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25