bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Kings 2
2 Kings 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
1
Na kweethĩwa, yĩla Yeova wendie kũmwambatya Eliya ĩtunĩ na kĩlingi, kana Eliya athi na Elisa kuma Ngilikali.
2
Na Eliya amwĩa Elisa, Ĩkala vaa, ningũkwĩsũva; nũndũ Yeova nũndũmĩte nĩvike Mbethi‐eli. Na Elisa asya, O tondũ Yeova wĩ thayũ, na o tondũ kyuu kyaku kĩ thayũ, ndikũtia. Na ĩndĩ matheea mavika Mbethi‐eli.
3
Na ana ma athani ala maĩ Mbethi‐eli mamumaalĩla Elisa, na mamũkũlya, Nĩwĩsĩ kana Yeova nũkũveta vwana waku ũmũnthĩ ndakethĩwe ĩũlũ waku? Na asya, Ĩĩ, nĩnĩsĩ; vindyai.
4
Na Eliya amwĩa, Elisa, ĩkala vaa, nĩngũkwĩsũva; nũndũ Yeova nũndũmĩte Yeliko. Na asya, O tondũ Yeova wĩ thayũ, na o tondũ kyuu kyaku kĩ thayũ, ndikũtia. Na ĩndĩ mavika Yeliko.
5
Na ana ma athani ala maĩ Yeliko mamũthengeea Elisa, na mamũkũlya, Nĩwĩsĩ kana Yeova nũkũveta vwana waku ũmũnthĩ ndakethĩwe ĩũlũ waku? Na asũngĩa, Ĩĩ, nĩnĩsĩ; vindyai.
6
Na Eliya amwĩa, Ĩkala vaa, nĩngũkwĩsũva; nũndũ Yeova nũndũmĩte Yolotani. Na asya, O tondũ Yeova wĩ thayũ, na o tondũ kyuu kyaku kĩ thayũ, ndikũtia. Namo elĩ maendeea.
7
Na andũ mĩongo ĩtano ma ana ma athani maenda, na maũngama me kũasa mamelekele: namo elĩ maũngama ũtee wa Yolotani.
8
Na Eliya oosa suka wake, na ookũnza, akũna manzĩ, na maaanĩka ngalĩ ĩno na ĩno, na ĩndĩ me elĩ mainga makinyĩte nthĩ nyũmũ.
9
Na kweethĩwa, yĩla maminie kũinga, Eliya amwĩa Elisa, Ngũlya ũla ũkwenda ngwĩke, ndanamba kwoswa kuma vala ũĩ. Na Elisa asya, Nĩngũkwĩsũva, kĩanda kya veva waku kũndũ kwĩlĩ kĩthĩwe ĩũlũ wakwa.
10
Na asya, Nĩwakũlya ũndũ wĩ vĩnya: ĩndĩ, ethĩwa ũkambona ngyumw’a vala ũĩ, ũu ũkeethĩwa kwaku; ĩndĩ ethĩwa ti w’o, ũu ndwĩĩthĩwa.
11
Na kweethĩwa, yĩla maendangĩĩe, na makĩneenangan’ya, sisya, kwaumĩla ĩkasya ya mwaki na mbalasi sya mwaki, ila syamataanisye elĩ; na Eliya ambatw’a ĩtunĩ nĩ kĩlingi.
12
Na Elisa oona ũu, na ookĩlya wasya, Asa wakwa, asa wakwa, makasya ma Isilaeli na ala matũlaa mbalasi syamo! Na ndaamwona ĩngĩ: na akwata ngũa syake mwene, na aitembũan’ya ilungu ilĩ.
13
O na oosa suka wa Eliya ũla wavalũkile kuma kwake, na asyoka, na aũngama ngũkanĩ ya Yolotani.
14
Na oosa suka wa Eliya ũla wavalũkile kuma kwake, na akũna manzĩ, na asya, Yeova aĩva, Ngai wa Eliya? O na yĩla wakũnie manzĩ, maaanĩka ngalĩ ĩno na ĩno; na Elisa ainga.
15
Na yĩla ana ma athani ala maĩ Yeliko mamwelekele mamwonie, masya, Veva wa Eliya nĩwĩkalĩle Elisa. Na mooka makomane nake, na meekunamya nthĩ mbee wake.
16
Na mamwĩa, Sisya yu, ve andũ mĩongo ĩtano me vinya vamwe na athũkũmi maku; nĩtũũkwĩsũva, maende mamanthe vwana waku, Veva wa Yeova no ĩthĩwa amwambatisye, na kũmwĩkya kĩĩmanĩ kĩmwe, kana kyandanĩ kĩmwe. Na asya, Mũtikatũmane.
17
Na yĩla mamũingĩĩsye mũvaka eew’a nthoni, asya, Tũmanai. Kwondũ wa ũu matũma andũ mĩongo ĩtano; na mamantha mĩthenya ĩtatũ, ĩndĩ matyaamwona.
18
Na mamũsyokea, yĩla wekalĩte Yeliko; na amea, Ndineemũtavya, Mũtikathi?
19
Na andũ ma ndũa mamwĩa Elisa, Sisya, nĩtũũkwĩsũva, vandũ va ndũa ĩno nĩ va kwendeesya, o tondũ mwĩaĩi wakwa ũnũkwona: ĩndĩ manzĩ nĩ mathũku, na nthĩ nĩnĩkwĩtĩkya ũsyao wayo.
20
Na asya, Ndeteei sũva mweũ, na mũkĩkĩa mũnyũ nthĩnĩ waw’o. Na mamũetee.
21
Na aumaala aenda mbulutinĩ ya a manzĩ, na eekĩa mũnyũ nthĩnĩ wayo, na asya, Ũũ nĩw’o Yeova ũnũkwasya, Nĩnĩvoetye manzĩ aa; kuma yu kũikethĩwa kĩkw’ũ ĩngĩ kana kwĩtĩkya ũsyao.
22
Kwondũ wa ũu manzĩ mavow’a kũvika ũmũnthĩ, kwĩanana na ndeto ya Elisa ĩla waneenie.
23
Na ambata kuma vo kũvika Mbethi‐eli; na ambatĩte nzĩanĩ, kwauma imwana ndũanĩ, na syamũthekeea na kĩvũthya, na kũmwĩa, Ambata, we kĩvala; ambata, we kĩvala.
24
Na asisya ĩtina wake na asyona, na aiumanĩa syĩtwanĩ ya Yeova. Na kwauma mũtitũnĩ nduva nga ilĩ, na syatembũanga imwana mĩongo ĩna na ilĩ syasyo.
25
Na auma vo athi kĩĩmanĩ kya Kalimeli, na kuma kw’o asyoka Samalia.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25