bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 2
Jeremiah 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
1
Na ndeto ya Yeova yambũkĩa, ĩkĩmbĩa,
2
Enda, ũneene na wasya mũnene matũnĩ ma Yelusaleme, ũkyasya, Ũũ nĩw’o Yeova ũnũkwasya, Nĩngũlilikana ũndũ waku ũseo wa wana waku, wendo wa kwĩvaw’a kwaku; ũndũ wangatĩĩie weũnĩ, nthĩ ĩla ĩtaĩ mbande.
3
Isilaeli aĩ mũtheu kwa Yeova, mosyao ma mbee ma wingĩvo wake: onthe ala makamũya makatalwa avĩtan’ya; ũthũku ũkamokĩa, easya ũu Yeova.
4
Ĩw’ai ndeto ya Yeova, inyw’ĩ nyũmba ya Yakovo, na mĩvĩa yonthe ya nyũmba ya Isilaeli:
5
Ũũ nĩw’o Yeova ũnũkwasya, Nĩ ũndũ wĩva ũla ũte ũlũngalu aaĩthe menyu moonie nthĩnĩ wakwa, ũndũ maendie kũasa nakwa, na kũatĩĩa maũndũ ma mana, na matw’ĩkĩte mate kĩĩĩ?
6
O na matyaakũlya, Aĩva Yeova ũla watumisye nthĩ ya Misili, ũla watũtongoesye weũnĩ, nthĩ yĩ malata na maima, nthĩ yĩ mũnyao na kyuu kya kĩkw’ũ, nthĩ ĩla ĩtavĩtĩlwa nĩ mũndũ, na ĩla ĩtatũwa nĩ andũ?
7
Nakwa namũete nthĩ yĩ lĩu mwingĩ, mũye ũsyao wayo na ũseo wayo; ĩndĩ yĩla mwalikile, mwamĩthũkya nthĩ yakwa, na mwatw’ĩkĩthya ũtiĩwa wakwa ũthatyo.
8
Athembi matyaakũlya, Yeova aĩva? Na ala mekalaa na ĩla mĩao matyambĩsĩ: na asumbĩki nao mambĩtanĩsya, na athani mathana na syĩtwa ya Mbaali, na maatĩĩa maũndũ ala mataunaa.
9
Kwondũ wa ũu ngatetan’ya nenyu, easya Yeova, na ngatetan’ya na esũkũũu.
10
Ĩndĩ ingai mũende ithama sya Kitimu, mwone; na tũmanai Ketali, mũkĩsũanĩa mũno; mũmanye ethĩwa kwaĩ ũndũ wailyĩ ũu.
11
Kwĩ mbaĩ yaakũan’ya ngai syayo, o na kaũ ti ngai? Ĩndĩ andũ makwa nĩmakũanisye ũtheu woo na kĩla kĩtauna.
12
Seng’ai, inyw’ĩ matu, kwondũ wa ũndũ ũsu, na kĩai mũno, valaanĩkai, easya ũu Yeova.
13
Nũndũ andũ makwa nĩmekĩte mothũku elĩ: nĩmandiĩte nyie, nthongo ya manzĩ ma thayũ, na nĩmeyakĩĩte ithima, ithima mbatũku, ĩla itatonya kwĩkalya manzĩ.
14
Isilaeli nĩ mũthũkũmi? Nĩ ngombo ĩla yasyaĩwe kwoo? Atw’ĩkĩte mũtavo nĩkĩ?
15
Mĩnyambũ ya mũika nĩyamũtundumĩe, na kĩlumo kĩnene; na nĩyanangĩte nthĩ yake: ndũa syake nĩ mbĩvye, iti mũndũ.
16
O na andũ ma ndũa sya Memivisi na Tavanesi nĩmakũnĩte lolotya wa mũtwe waku.
17
Tuue weeyĩkie ũndũ ũsu, nũndũ nĩwatiie Yeova Ngai waku, yĩla wakũtongoesye nzĩanĩ?
18
Na yu wĩĩka ata nzĩanĩ ĩsu yĩendete Misili, kũnyw’a manzĩ ma Sioli? Kana wĩĩka ata nzĩanĩ yĩendete Asuli, kũnyw’a manzĩ ma ũla Ũsĩ?
19
Ũthũku waku ũkakũsilĩla, na kũsyoka na ĩtina kwaku kũkakũkan’ya: manya ĩndĩ wone nĩ ũndũ ũthũku na wĩ ũũ, ũmũtiĩte Yeova Ngai waku, na kũngĩa kũi nthĩnĩ waku, easya ũu Mwĩaĩi, Yeova wa nguthu.
20
Nũndũ kuma tene nĩwatũlile ĩsoki yaku, na kũtw’a syĩndũ syaku sya kwovwa nasyo; na wasya, Ndikathũkũma; nũndũ kĩla kalĩmanĩ katũlu na ĩtina wa kĩla mũtĩ mwĩũ nĩweekunamisye, ũkĩka ũmalwaya.
21
Ĩndĩ nyie nakũvandie mũsavivũ mũseo, mbeũ ya w’o ki: ũalyũkĩte ata ĩndĩ ũtw’ĩke kwakwa mbonge ite nzeo sya mũsavivũ wa kũngĩ?
22
Nũndũ o na ethĩwa wĩthamba na ĩati, na kwosa savuni mwingĩ, ũthũku waku nũandĩkĩtwe mbee wakwa, easya ũu Mwĩaĩi Yeova.
23
Ũtonya ata kwasya, Ndivukĩtw’e, ndyaaatĩĩa Mbaalimu? Sisya nzĩa yaku mwandanĩ, ũmanye ũndũ wĩkĩte: wĩ ngamĩle ya mũika ĩendaa mĩtũkĩ ĩkĩenda nzĩanĩ syayo;
24
ĩng’oi ya kĩthekanĩ yĩsĩ weũ, ĩla yĩvũngaa kĩseve yĩla yĩ na mũmeo; ĩvinda yayo nũũ ũtonya kũyĩsiĩĩa? Onthe ala mayĩmanthaa maikenosya; mweinĩ wayo makayona.
25
Siĩĩa kũũ kwaku kũikalee kwĩthĩwa na kĩatũ, na mũmeo waku ndũkethĩwe na waũnĩ. Ĩndĩ we waisye, Nĩ mana; aiee, nũndũ nĩnĩmendete aeni, na ngamaatĩĩaa.
26
O tondũ kĩng’ei kĩsonokaa kyakwatwa, now’o nyũmba ya Isilaeli ĩsonokaa; mo, asumbĩ moo, anene moo me mbee ũsumbĩnĩ, na athembi moo, na athani moo;
27
ala matavasya kĩtina kya mũtĩ, Nue nau wakwa; na ĩvia, Nue wanzyaie: nũndũ nĩmambonetye mĩongo, na ti ũthyũ; ĩndĩ ĩvinda ya thĩna woo makasya, Ũkĩla, ũtũtangĩĩe.
28
Ĩndĩ ngai syaku ila weeseũvĩsye iĩva? Syũkĩle, ethĩwa nitonya ũkũtangĩĩa ĩvinda ya thĩna waku: nũndũ ngai syaku syĩanene na ũtalo wa ndũa syaku, we Yuta.
29
Mwĩtetan’ya nakwa nĩkĩ? Mũmbĩtanĩĩtye inyw’onthe, easya ũu Yeova.
30
Nĩkũnĩte syana syenyu mana; nũndũ ityaaĩtĩkĩla kũkanw’a: ũvyũ wenyu nũminĩte athani menyu, o tondũ mũnyambũ wanangaa.
31
We nzyawa, sisya ndeto ya Yeova. Nyie naĩ weũ kwa Isilaeli? Kana naĩ nthĩ yĩ kĩvindu kya ngokomi? Nũndũ wa kĩ andũ makwa mekwasya, Nĩtwatw’a mĩkwa; tũikakũsyokea ĩngĩ?
32
Mwĩitu mũtheu nũtonya kũlwa nĩ mawanake make, kana mũtwawa nĩ ngũa syake? Ĩndĩ andũ makwa nĩmolĩtwe ninyie mĩthenya ĩtatalĩka.
33
Ko nũseũvasya mũendele waku ũmanthe wendo! Kwondũ wa ũu o na aka athũku nũmamanyĩthĩtye mĩendele yaku.
34
O na ngũanĩ syaku nĩkwonekete nthakame ya andũ ngya mate na ĩvĩtyo: ndinamyona ũndũ wa kũmantha mũno; ĩndĩ o ĩũlũ wa ii syonthe.
35
Ĩndĩ naku wasya, Ndi na ĩvĩtyo; nĩ w’o ũthatu wake nũalyũlĩtwe kuma kwakwa. Sisya, ngakwatya sila naku, nũndũ nũkwasya, Ndinavĩtya.
36
Ũendaa kũũ na kũũ ũalyũle nzĩa yaku nĩkĩ? Ũkasonoka ũndũ wa Misili nayo, o tondũ wasonokie ũndũ wa Asuli.
37
Kuma kw’o ũkauma, wilĩĩle moko maku mũtwe: nũndũ Yeova nũleete ala wĩkwatasya, na ndũkaathimĩka wĩ namo.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52