bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 51
Jeremiah 51
Kamba (Mbivilia) 1956
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Ũũ nĩw’o Yeova ũnũkwasya: Sisya, ngauutanĩthya Mbaviloni, na ala matwĩe Levi‐kamai, kĩseve kya kwananga.
2
Na ngatũma aeni Mbaviloni, ala makamĩũlũkya; na makatw’ĩkĩthya nthĩ yayo nthei; nũndũ mũthenya wa thĩna makamyũkĩa makĩmĩthyũlũlũka.
3
Mũkooti wa ũta mũathi namũkootee ũta wake, na ũla wenenevasya ekĩĩte kakoti kake ka iaa: na mũikatialye anake mayo; anangai vyũ nguthu yayo yonthe.
4
Na makavalũka me oae nthĩ ya Akalitei, matonyeetwe nzĩanĩ syake nene.
5
Nũndũ Isilaeli ndaaekwa, kana Yuta, nĩ Ngai wake, nĩ Yeova wa nguthu; o na kau nthĩ yoo nĩyusũĩte naĩ ila mamwĩkĩte Ũla Mũtheu wa Isilaeli.
6
Kĩai mume nthĩnĩ wa Mbaviloni, kĩla mũndũ natangĩĩe thayũ wake; mũĩkanangwe nĩ ũthũku wayo: nũndũ nĩ ĩvinda ya ũĩvanĩsyo wa Yeova; we akamĩĩva.
7
Mbaviloni yaĩ kĩkombe kya thaavu kw’okonĩ kwa Yeova, kĩla kyatoonisye nthĩ yonthe: mbaĩ nĩsyanywie mbinyu yayo; kwondũ wa ũu mbaĩ nikwatĩtwe nĩ ndũũka.
8
Mbaviloni nĩ mbalũku na kĩthũlũmũko na kwanangwa: mĩmeteei; mĩtwaĩei seli ũndũ wa kwalw’a kwayo, nokwĩthĩwa nĩtonya kũvoeka.
9
Nĩtwendaa kũvosya Mbaviloni, ĩndĩ ndĩnavoeka: mĩtiei, na tũithĩ kĩla mũndũ nthĩ yake mwene; nũndũ ũsilĩlo wayo nũvikĩte ĩtunĩ, na kũkĩlw’a o kũvika matunĩ.
10
Yeova nĩumĩlĩtye ũlũngalu wĩtũ: ũkai, tũtavan’ye Saioni wĩa wa Yeova Ngai waitũ.
11
Noai mauumu, kwatai mũlũmye ngao: Yeova nĩwũkĩlĩtye maveva ma asumbĩ ma Amitiani; nĩkwĩthĩwa ũsũanĩo wake wĩ ĩũlũ wa Mbaviloni, amyanange: nũndũ nĩ ũĩvanĩsyo wa Yeova, kũĩvanĩsya kwondũ wa ĩkalũ yake.
12
Ũngamĩsyai maũvai ma Mbaviloni kĩvevelo, mekĩei asũviĩ vinya, iai asyaĩĩsya, seũvyai kũla kwa kwoveesya; nũndũ Yeova nũsũanĩĩte na nĩwĩkĩte ũla wamaneenee ala matwĩe Mbaviloni.
13
We ũla wĩkalaa ĩũlũ wa manzĩ maingĩ, wĩ na ũthwii mwie mwingĩ, mũminũkĩlyo waku nĩ mũviku, kĩthimi kya ĩtomo yaku.
14
Yeova wa nguthu nĩwĩvĩtĩte nake mwene, akyasya, Vate ndĩi ngakusũsya na andũ, o ta mbandi; na makakũkĩlĩlya wasya mũnene.
15
Nũtw’ĩkĩthĩtye nthĩ kwondũ wa vinya wake, nũlũmĩtye nthĩ kwondũ wa ũĩ wake, na nũtambũũkĩtye matu kwondũ wa ũmanyi wake.
16
Yĩla waumya wasya wake ve kĩlitũko kya manzĩ matunĩ, na nũtumaa mũki kwambata kuma itulunĩ sya nthĩ; nũseũvĩasya mbua motisi, na kumya kĩseve ũthwiinĩ wake.
17
Kĩla mũndũ nũtw’ĩkĩte ta nyamũ na nde na ũmanyi; kĩla mũtwii wa thaavu nũsonokaw’a nĩ mũvw’anano wake; nũndũ mũvw’anano wake ũla waseũvisye na syĩndũ ila watwekethisye nĩ wa ũvũngu, na vai veva nthĩnĩ wayo.
18
Nayo nĩ mana, wĩa wa ũkengani: ĩvinda ya kũsiw’a kwayo ĩkaaa.
19
Kĩanda kya Yakovo ti ta ĩsu; nũndũ nĩwe mũmbi wa syĩndũ syonthe; na Isilaeli nĩ mbaĩ ya ũtiĩwa wake: Yeova wa nguthu nĩ syĩtwa yake.
20
We nue ĩthoka yakwa ya kũkita nayo na mĩio ya kaũ: na ngũkwete ngaitilanga ilungu i mbaĩ; na ngũkwete ngaananga mosumbĩ;
21
na ngũkwete ngatilanga ilungu mbalasi na ũla ũmĩtũlĩte;
22
na ngũkwete ngatilanga ilungu ĩkasya na ũla ũkuĩtwe nĩyo; na ngũkwete ngatilanga ilungu mũndũ mũũme na mũndũ mũka; na ngũkwete ngatilanga ilungu mũtumĩa na ũla mũnini; na ngũkwete ngatilanga ilungu mwanake na mwĩĩtu mũtheu;
23
na ngũkwete ngatilanga ilungu mũĩthi na ndĩthya yake; na ngũkwete ngatilanga ilungu mũĩmi na kyove kyake kya ng’ombe; na ngũkwete ngatilanga ilungu makavana na amũli.
24
Ngaĩvĩa kwa Mbaviloni na kwa onthe ala matwĩe Kalitei ũthũku woo w’onthe ũla meekie Saioni, mwene na metho menyu, easya ũu Yeova.
25
Sisya, nĩ na ũndũ naku, we kĩĩma kĩla kyanangaa, kĩla kyanangaa nthĩ yonthe, easya ũu Yeova; na ngakũtambũũkĩsya kw’oko kwakwa, na ũkũvingilitya kuma mavianĩ, na ũkũtw’ĩkĩthya kĩĩma kĩvĩvye.
26
Na matikosa kwaku ĩvia ya kĩkotonĩ, kana ĩvia ya myambĩlĩlyo; ĩndĩ ũkeethĩwa ĩei tene na tene, easya ũu Yeova.
27
Ũngamyai kĩvevelo ĩ nthĩ, vuvai soo katĩ wa i mbaĩ, vathai mbaĩ sya kũkita nake, metei mosumbĩ ma Alalati, na Mini, na Asikenasi mamũmbanĩe vamwe: mwiĩei kavuteni; ambatyai mbalasĩ ta mbandi yĩ w’ĩa.
28
Vathai i mbaĩ sya kũkita nake, asumbĩ ma Ametia, makavana ma vo, na amũli ma vo, na nthĩ yonthe ya ũsumbĩko woo.
29
Na nthĩ nĩnĩũtetema na kwalw’a; nũndũ mosũanĩo ma Yeova ũndũ wa Mbaviloni nĩmaũngeme, atw’ĩkĩthye nthĩ ya Mbaviloni nthei, ĩte mũndũ ũmĩtũa.
30
Ngũmbaũ sya Mbaviloni nĩsyaleile kũkita, nĩsyĩkalaa ngomenĩ syasyo syĩ vinya; ũtonyi wasyo nĩ mũthelu; nĩsyatw’ĩkĩte ta aka: mawĩkalo mayo nĩmakanĩte mwaki; ivingi syayo nĩ ndũlĩku.
31
Mũsembi ũmwe akasemba akomane na ũngĩ, na mũtũmwa ũmwe kũkomana na ũngĩ, kũmwon’ya mũsumbĩ wa Mbaviloni ndũa yake nĩyosetwe kĩla ngalĩko:
32
na masyũko nĩ makwate, na nĩmavĩvĩtye mĩangi na mwaki, na andũ ma kaũ nĩmakwatĩtwe nĩ w’ĩa.
33
Nũndũ ũũ nĩw’o Yeova wa nguthu, Ngai wa Isilaeli, ũnũkwasya: Mwĩĩtu wa Mbaviloni ailyĩ kĩvũĩo ĩvinda yĩla kĩũkinyangwa; no kavinda kanini, na ĩvinda ya ngetha yĩkamũkĩa.
34
Nevukatilesa mũsumbĩ wa Mbaviloni nũndĩte, nũnganyangĩte, nũndw’ĩkĩthĩtye mũio mũthei, nũmeletye nyie ta mũkũnga, nĩwusũĩtye ĩvu yake na syĩndũ syakwa syĩ mũyo; nũmbĩkĩtye nza.
35
Ũla ũtwĩe Saioni akasya, Ũthũku ũla neekiwe na weekwa mwĩĩ wakwa wĩthĩwe ĩũlũ wa Mbaviloni; na Yelusaleme ĩkasya, Nthakame yakwa yĩthĩwe ĩũlũ wa ala matwĩe Kalitei.
36
Kwondũ wa ũu Yeova easya: Sisya, ngakũtetea, na kũĩvanĩsya kwondũ waku; na ngang’alya ũkanga wake, na kũng’alya nthongo yake.
37
Na Mbaviloni ĩkatw’ĩka ivumbu, wĩkalo wa mbĩwa, na ũseng’yo, na ya kũtimbwa, ĩte mũndũ ũmĩtũa.
38
Makaluma vamwe ta mĩnyambũ ya mũika; makang’olota ta maswii ma mĩnyambũ.
39
Yĩla me na muutĩa ngamavokea mboka, na ngamatoonethya nĩ kana matane, na kũkoma too mavinda onthe, na kũlea kũamũka, easya ũu Yeova.
40
Ngamatheesya kĩthĩnzĩonĩ ta tũtena twa malondu, ta ndũũme vamwe na nthenge.
41
A! Sesaki nĩ mbose! Na ndaĩa ya nthĩ yonthe nĩ ngwate! Mbaviloni nĩtw’ĩkĩte ũseng’yo katĩ wa mbaĩ!
42
Ũkanga nĩwũkĩlĩte ĩũlũ wa Mbaviloni; nĩvw’ĩkĩtwe na wingĩ wa itulumo syaw’o.
43
Ndũa syayo nitw’ĩkĩte maanzo, nthĩ nyũmũ, na yalata, nthĩ ĩteũtũwa nĩ mũndũ, o na mwana wa mũndũ o na wĩva ndeũvĩtĩla kw’o.
44
Na ngasĩlĩla ĩla ngai Veli ku Mbaviloni, na ngaumya kanyw’anĩ wayo kĩla ĩmeletye; na mbaĩ itikamĩendea ĩngĩ; ĩĩ, ũvai wa Mbaviloni ũkavalũka.
45
Andũ makwa, umai katĩ wayo, mwĩtangĩĩe kĩla mũndũ kuma ũthatunĩ mwai wa Yeova.
46
Ngoo syenyu itikaleele, na mũikakĩe ũndũ wa maũvoo ala makew’ĩka ĩ nthĩ; nũndũ maũvoo makoka mwaka ũmwe, na ĩtina wa ũu mwaka ũngĩ, vakoka maũvoo, na ũng’endu ĩ nthĩ, mũsumbĩki akookĩlĩanĩla na mũsumbĩki.
47
Kwondũ wa ũu, sisya, mĩthenya nĩyũkĩte, ĩla ngasilĩla mĩvw’anano myasũvye ya Mbaviloni; na nthĩ yayo nima ĩkathokoanw’a; na oawa mayo onthe makavalũka katĩ wayo.
48
Nĩvo ĩndĩ matu na nthĩ, na syonthe ila syĩ nthĩnĩ wasyo, ikaina na ũtanu ĩũlũ wa Mbaviloni; nũndũ anangi makamyũkĩa kuma ngalĩ ya ĩũlũ, easya ũu Yeova.
49
O tondũ Mbaviloni wavalũkilye kwa kũaa ala ma Isilaeli, now’o ku Mbaviloni kũkavalũkw’a ala meũawa ma ĩ nthĩ yonthe.
50
Inyw’ĩ ala mwavonokete ũvyũ, endai, mũikaũngame: lilikanai Yeova mwĩ kũasa, na Yelusaleme nĩlike kĩlilikanonĩ kyenyu.
51
Nĩtũthokoanĩte, nĩkwĩthĩwa nĩtwĩw’ĩte kĩvũthyo; kĩthokoan’yo nĩkĩvw’ĩkĩte mothyũ maitũ: nũndũ aeni nĩmalikĩte kũndũ kũtheu kwa nyũmba ya Yeova.
52
Kwondũ wa ũu, sisya, mĩthenya nĩyũkĩte, easya Yeova, ĩla ngasilĩla mĩvw’anano yayo myasũvye; na nthĩ yayo yonthe ala okite makaluma.
53
O na ethĩwa Mbaviloni ĩkambata ĩtunĩ, na ethĩwa ĩkaiia vandũ vatũlu va vinya wayo, no mũvaka anangi mamĩendee kuma kwakwa, easya ũu Yeova.
54
Wasya wa kĩĩo kuma Mbaviloni, na wa wanangĩko mũnene kuma nthĩ ya Akalitei!
55
Nũndũ Yeova nũnũũtw’ĩkĩthya Mbaviloni nthei, na kwananga wasya mũnene nthĩnĩ wayo; na itulumo syoo nilitũkaa ta manzĩ maingĩ; kĩlonzo kya wasya woo nĩkyumĩtw’e:
56
nũndũ mwanangi nũmĩvikĩe, o Mbaviloni, na ngũmbaũ syayo nĩ ngwate, mata masyo nĩ matũlĩku ilungu; nũndũ Yeova nĩ Ngai wa kũĩva, ndatĩa kũĩvanĩsya.
57
Na ngatoonethya anene mayo me mbee ũsumbĩnĩ na andũ mayo oĩ, makavana mayo na amũli mayo, na ngũmbaũ syayo; na makakoma too wa mavinda onthe, na matikaamũka, easya ũu Mũsumbĩ, syĩtwa yake nĩ Yeova wa nguthu.
58
Ũũ nĩw’o Yeova wa nguthu ũnũkwasya: Maũvai mathanthau ma Mbaviloni makaombowa vyũ, na mbingĩlo syayo ndũlu ikavĩvw’a na mwaki; na ngo sya andũ ikathĩnĩa wĩa mana, na mbaĩ ikathĩn’ya wĩa kwondũ wa mwaki; na makanoa.
59
Ndeto ĩla mwathani Yelemia wamwĩaĩe Selaia mwana wa Nelia, mwana wa Maaseia, yĩla waendie Mbaviloni na Nzetekĩa mũsumbĩ wa Yuta mwaka wa kana wa kũsumbĩka kwake. Na Selaia aĩ mũsũvĩi mũnene.
60
Na Yelemia aandĩka ĩvukunĩ ũthũku w’onthe ũla wĩũka Mbaviloni, o ndeto ii syonthe ila iandĩkĩtwe ũndũ wa Mbaviloni.
61
Na Yelemia amwĩa Selaia, Yĩla wĩũka Mbaviloni, na kwona, na kũsoma ndeto ii syonthe,
62
nĩvo ĩndĩ ũkasya, Ame Yeova, nũneenete ũndũ wa vandũ vaa, kũvaveta, vaikethĩwa ũla ũtũa vo, mũndũ kana nyamũ, ĩndĩ vakeethĩwa vathei tene na tene.
63
Na kũkeethĩwa, wamina kũsoma ĩvuku yĩu, ũkayoveea ĩvia, na kũyĩkya ũsĩnĩ wa Euvalati katĩ:
64
na ũkasya, O ta ũu Mbaviloni ĩkathelekelya, na ndĩkokĩla ĩngĩ nũndũ wa ũthũku ũla ngamĩetee; nao makanoa. Ndeto sya Yelemia syavika vu.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52