bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 23
Jeremiah 23
Kamba (Mbivilia) 1956
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 24 →
1
Woo nĩ wa aĩthi ala manangaa na kũnyaĩĩkasya malondu ma kĩsesi kyakwa! Easya ũu Yeova.
2
Kwondũ wa ũu Yeova, Ngai wa Isilaeli, ũnũũmaneenea aĩthi ala maĩthasya andũ makwa atĩĩ: Nĩmwanyaĩĩkisye ndĩthya yakwa, na kũmĩlũngya, na mũtyaaenda kũmĩsisya; sisya, ngamũetee ũthũku wa meko menyu, easya ũu Yeova.
3
Na ngoomban’ya ala matialile ma ndĩthya yakwa kũmaumya nthĩ syonthe vala namalũngĩlĩĩlye, na kũmaete ĩngĩ syengonĩ syoo; na makasyaana na kwingĩva.
4
Na ngamaiĩa aĩthi, ala makamaĩthya; na matikakĩa ĩngĩ, kana kũteva, o na vai ũmwe ũkanyivĩwa, easya ũu Yeova.
5
Sisya, mĩthenya nĩyũkĩte, easya Yeova, ĩla ngamũkĩlĩlya Ndaviti Ũvonge mũlũngalu, na akasumbĩka e mũsumbĩ na kwĩka na ũĩ, na akasila sila wa katĩ na mũlũngalu e ĩ nthĩ.
6
Mĩthenyanĩ yake Yuta akatangĩĩwa, na Isilaeli akekala ate na mũisyo; na syĩtwa yake yĩla ũketwa nĩ yĩĩ: Yeova ũlũngalu witũ.
7
Yeova easya atĩĩ, Kwondũ wa ũu, sisya, mĩthenya nĩyũkĩte ĩla matakasya ĩngĩ, O tondũ Yeova wĩ thayũ, ũla waumisye ana ma Isilaeli nthĩ ya Misili;
8
ĩndĩ, O tondũ Yeova wĩ thayũ, ũla waetie na kũtongoesya ũsyao wa nyũmba ya Isilaeli kuma nthĩ yĩ ngalĩ ya ĩũlũ, na kuma nthĩ syonthe ila namalũngĩlĩĩlye. Na makatũa nthĩ yoo ene.
9
Ũndũ wa athani. Ngoo yakwa nĩtũlĩkĩle nthĩnĩ wakwa, mavĩndĩ makwa onthe nĩmeũthingithanga; nĩilyĩ ta mũndũ ũnyw’ĩte, na ta mũndũ ũla ũmilĩtwe nĩ mbinyu, nũndũ wa Yeova, na nũndũ wa ndeto syake ntheu.
10
Nũndũ nthĩ nĩyusũĩte ilaalai; nĩkwĩthĩwa nũndũ wa kĩumo nthĩ nĩmetaa; isesi sya weũ nĩsyũmĩte. Nzĩa yoo nĩ nthũku, na ũtonyi woo ti wa w’o;
11
nũndũ mwathani na mũthembi me elĩ nĩ avuku; ĩĩ, nĩnonete ũthũku woo nyũmbanĩ yakwa, easya ũu Yeova.
12
Kwondũ wa ũu nzĩa yoo ĩkeethĩwa kwoo ta kũndũ kũtendeu kĩvindunĩ: makalũngĩlĩĩlwa, na kũvalũka o kw’o; nũndũ ngamaetee ũthũku, o mwaka wa kũsilĩlwa kwoo, easya ũu Yeova.
13
Nakwa nĩnonete ũtumanu athaninĩ ma Samalia; nĩmathanie na syĩtwa ya Mbaali, na kũmavĩtĩthya andũ makwa Isilaeli.
14
Na ĩngĩ nĩnonete ũndũ wa ũtĩsya mũno athaninĩ ma Yelusaleme: nĩmekaa ũlaalai, na kũendaa na movũngũ; na nĩmekĩaa vinya moko ma eki ma naĩ, ũkethĩa vai ũmwe ũsyoka kuma ũthũkunĩ wake: nao onthe nĩmatw’ĩkĩte kwakwa ta Sotomo, na ala matwĩe kw’o ta Ngomola.
15
Kwondũ wa ũu Yeova wa nguthu easya ũndũ wa athani: Sisya, ngamaathĩsya kĩndũ kĩ ũũ, na kũmanyw’ĩthya manzĩ me ũũ ta nyongo; nũndũ kũlea kũkĩa Ngai nĩkumĩte athaninĩ ma Yelusaleme, kũkathi nthĩ yonthe.
16
Ũũ nĩw’o Yeova wa nguthu ũnũkwasya, Mũtikethukĩĩsye ndeto sya athani ala mamwathanĩaa inyw’ĩ; nĩmamũmanyĩasya maũndũ ma mana; nĩmaneenaa woni wa ngoo syoo ene, na ti kuma kanyw’anĩ wa Yeova.
17
Mavinda onthe nĩmamatavasya ala mambũthasya, Yeova nũneenete atĩĩ, Mũkeethĩwa na mũuo; na kĩla mũndũ ũla ũendaa akĩatĩĩa ngũlũ sya ngoo yake mwene mamũtavasya, Vai ũthũku ũkakũkwata.
18
Nũndũ nũũ ũla waũngamie nzamanĩ ya Yeova, amanye na kwĩw’a ndeto yake? Nũũ ũla wasũvĩie ndeto yakwa, na kũmĩthukĩĩsya?
19
Sisya, kĩuutani kya Yeova, nĩkyo ũthilĩku wake, nĩkyumĩte, ĩĩ, kĩuutani kya kĩlingi: kĩkatolekela mĩtwenĩ ya ala athũku.
20
Ũthatu wa Yeova ndũkasyoka, mũvaka amina kwĩka, na mũvaka amina kwĩanĩsya kwenda kwa ngoo yake: mĩthenya ya mũminũkĩlyo mũkamanya vyũ.
21
Ndyaatũma athani aa, ĩndĩ nĩmasembie: ndyaaneena nao, ĩndĩ nĩmathanie.
22
Ĩndĩ kethĩwa nĩmaũngamie nzamanĩ yakwa, nĩvo ĩndĩ methĩwa mamew’ĩthisye andũ makwa ndeto syakwa, na kũmaalyũla matie mũendele woo mũthũku, na ũthũku wa meko moo.
23
Yeova easya atĩĩ, Nyie nĩ Ngai wĩ vakuvĩ, na ti Ngai wĩ kũasa?
24
Mũndũ nũtonya kwĩvitha mawĩvithonĩ ũndũ ndamwona? Easya ũu Yeova. Nyie ndyusũĩte ĩtu na nthĩ? Easya ũu Yeova.
25
Nĩnĩw’ĩte ũndũ athani maneenete, ala mathanaa movũngũ syĩtwanĩ yakwa, makyasya, Nĩnĩotete ndoto, nĩnĩotete ndoto.
26
Ũũ ũkethĩwa ngoonĩ sya athani ala mathanaa movũngũ, o athani ma ũkengani wa ngoo syoo ene kũvika ĩndĩĩ?
27
Ala masũanĩaa kũlĩthya andũ makwa syĩtwa yakwa kwondũ wa ndoto syoo ila matavasya kĩla mũndũ mũtũi wake, o tondũ aaĩthe moo moolilwe nĩ syĩtwa yakwa kwondũ wa Mbaali.
28
Mwathani ũla wĩ na ndoto, natavan’ye ndoto; na ũla wĩ na ndeto yakwa, naneene ndeto yakwa na kĩthito. Ũa nĩ kĩndũ kyaũ vala ve nganũ? Ekũlya ũu Yeova.
29
Ndeto yakwa ndĩilyĩ ta mwaki? Ekũlya ũu Yeova; na ta kĩiva kĩla kĩkanyangaa ĩvia ilungu?
30
Kwondũ wa ũu, sisya, nĩ na ũndũ na athani ala moyaa ndeto syakwa kĩla ũmwe kwa mũtũi wake, easya ũu Yeova.
31
Sisya, nĩ na ũndũ na athani, easya Yeova, ala maneenaa na nĩmĩ syoo, na kwasya, We nũnũkwasya.
32
Sisya, nĩ na ũndũ na ala mathanaa wathani wa ndoto sya ũvũngũ, easya Yeova, na kwitavan’ya, na kũvĩtĩthya andũ makwa kwondũ wa movũngũ moo, na kwĩkathĩĩa kwoo kwa mana: ĩndĩ ndyaamatũma, kana kũmeaĩa; o nao matimaunaa andũ aa nongi, easya ũu Yeova.
33
Na yĩla andũ aa, kana mwathani, kana mũthembi, mekũkũlya, makyasya Mũio wa Yeova nĩ mwaũ? Nĩvo ĩndĩ wĩmea, Mũio wĩva! Ngamũveta vyũ, easya ũu Yeova.
34
Na ũndũ wa mwathani, na mũthembi, na andũ ala makasya, Mũio wa Yeova, ngasilĩla mũndũ ũsu vamwe na nyũmba yake.
35
Ũũ nĩw’o mũkaneena kĩla ũmwe na mũtũi wake, na kĩla ũmwe na mwana‐a‐ĩthe, Yeova asũngĩĩte ata? Na, Yeova, aneenete ata?
36
Na mũikawete mũio wa Yeova ĩngĩ: nũndũ ndeto ya kĩla mũndũ mwene ĩkeethĩwa mũio wake; nĩmwelelũkĩtye ndeto sya Ngai ũla wĩ thayũ, sya Yeova wa nguthu Ngai waitũ.
37
Ũũ nĩw’o wĩkũlya mwathani, Yeova akũsũngĩĩte ata? Na, Yeova aneenete ata?
38
Ĩndĩ ethĩwa mwĩasya, Mũio wa Yeova; kwondũ wa ũu Yeova easya atĩĩ: Nũndũ nĩmũneenaa ndeto ĩno, Mũio wa Yeova; nakwa nĩnĩtũmanĩte kwenyu, ngyasya, Mũtikaneene, Mũio wa Yeova;
39
kwondũ wa ũu, sisya, ngoolwa nĩ inyw’ĩ vyũ, na ngamũveta, vamwe na ndũa ĩla namũnengie inyw’ĩ na aaĩthe menyu, mume mbee wakwa:
40
na ngamũetee kũvũthw’a kwa tene na tene, na nthoni sya mavinda onthe, ĩla itakola.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52