bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 50
Jeremiah 50
Kamba (Mbivilia) 1956
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
1
Ndeto ĩla Yeova waneenie ũndũ wa Mbaviloni, ũndũ wa nthĩ ya Akalitei, na kanyw’a wa mwathani Yelemia.
2
Tavan’yai katĩ wa mbaĩ na mũinyaĩĩkya, na kũũngamya kĩvevelo; nyaĩĩkyai na mũikavithe: asyai, Mbaviloni nĩ mbose, ĩla ngai Veli nĩsonoketw’e, Melotaki nĩtevete: mĩvw’anano yayo nĩnĩũsonokw’a, mĩvw’anano yayo nĩ myanangĩku.
3
Nũndũ kuma ngalĩ ya ĩũlũ mbaĩ nĩmyũkĩe, ĩla ĩkatw’ĩkĩthya nthĩ yayo nthei, na mũndũ o na wĩva ndakamĩtũa: nĩmakĩĩte, nĩmaendete, mũndũ vamwe na nyamũ.
4
Mĩthenya ĩsu, na ĩvinda yĩu, ana ma Isilaeli makooka, mo na ana ma Yuta vamwe, easya ũu Yeova; makathi nzĩanĩ yoo makĩĩa, na kũmantha Yeova Ngai woo.
5
Makakũlya ũndũ wa Saioni mothyũ moo melekele kw’o makyasya, Ũkai, mũkwatane na Yeova ũtianĩonĩ wa tene na tene ũla ũtakola.
6
Andũ makwa maĩ malondu mau: aĩthi moo nĩmamaĩtye: nĩmamalũlĩte maende iĩmanĩ; nĩmaendete kuma kĩĩmanĩ kũvika kalĩmanĩ; nĩmolĩtwe nĩ kũndũ kwoo kwa ũthũmũo.
7
Onthe ala mamonie nĩmamaĩte; na amaitha moo masya, Tũti avĩtan’ya, nĩkwĩthĩwa nĩmamũvĩtanĩsye Yeova, wĩkalo wa ũlũngalu, o Yeova, wĩkwatyo wa aaĩthe moo.
8
Kĩai mume katĩ wa Mbaviloni, na mũyuma nthĩ ya Akalitei, ĩthĩwaĩ ta nthenge mbee wa ndĩthya.
9
Nũndũ, sisya, ngookĩlya nguthu ya mbaĩ nene kuma nthĩ ya ngalĩ ya ĩũlũ nĩmyambatĩĩsye Mbaviloni: na ikeetaũsya syũkĩte nayo; ĩkooswa yume kw’o: mĩsyĩ yasyo ĩkeethĩwa ta ya ngũmbaũ mbũĩ; vati mũsyĩ ũkasyoka mana.
10
Na Kalitei ĩkeethĩwa mũtavo: onthe ala memĩtava makeanĩwa, easya ũu Yeova.
11
Nĩkwĩthĩwa mwĩ na mũyo, nĩkwĩthĩwa nĩmũtanaa, inyw’ĩ ala mũvutaa ũtiĩwa wakwa, nĩkwĩthĩwa nĩmũnoete ta moi ĩla ĩvũaa ngetha, na kwan’ya ta mbalasi syĩ vinya;
12
mwenyu akasonokw’a vyũ; ũla wakũsyaie akavũavũana: sisya, ĩkeethĩwa ĩla yĩ ĩtina katĩ wa mbaĩ syonthe, weũ, na nthĩ nyũmũ, na yalata.
13
Nũndũ wa ũthilĩku wa Yeova ndĩkatũwa nĩ andũ, ĩndĩ ĩkeethĩwa ĩei vyũ: kĩla mũndũ wĩvĩtĩla Mbaviloni akaseng’a na kũmĩtimba ũndũ wa mothĩn’yo mayo onthe.
14
Ĩtaũsyei mũkite na Mbaviloni mũkĩmĩthyũlũlũka ngalĩ syonthe, inyw’onthe ala mũkootaa ũta; mĩathei, mũikasũvĩe mĩsyĩ: nũndũ nĩyamũvĩtanĩsye Yeova.
15
Myũĩĩsyei ngemi ngalĩ syonthe: nĩyĩnenganĩte; ngome syayo nĩ mbalũku, maũvai mayo nĩmaomboetwe; nũndũ nĩ ũĩvanĩsyo wa Yeova: ĩĩvanĩsyei nayo; o ũndũ yekie mĩkei o w’o.
16
Vetai mũvũĩi aume Mbaviloni, na ũla ũkwataa kavyũ ke ngoto ĩvinda ya ngetha: makeethyũũa kĩla mũndũ aende andũnĩ make nũndũ wa kũkĩa ũvyũ ũla ũthĩnasya, na makakĩa na kũthi kĩla mũndũ nthĩ yake mwene.
17
Isilaeli nĩ ĩlondu yĩnyaĩĩkĩtw’e; mĩnyambũ nĩmũlũngĩtye: mbee, mũsumbĩ wa Asuli amũya; na yu mũminũkĩlyo Nevukatilesa mũsumbĩ wa Mbaviloni nũtũlĩte mavĩndĩ make.
18
Kwondũ wa ũu Yeova wa nguthu, Ngai wa Isilaeli, easya: Sisya, ngakũna mũsumbĩ wa Mbaviloni na nthĩ yake, o tondũ namũkũnie mũsumbĩ wa Asuli.
19
Na ngaete Isilaeli ĩngĩ kĩsesinĩ kyake, nake akaĩthw’a iĩmanĩ sya Kalimeli na Mbasani, na thayũ wake ũkavũnĩw’a iĩmanĩ sya Evalaimu na Ngileati.
20
Mĩthenya ĩsu, na ĩvinda yĩu, easya Yeova, ũthũku wa Isilaeli ũkamanthwa, ĩndĩ ndũkethĩwa vo; na naĩ sya Yuta ikamanthwa, ĩndĩ itikoneka: nũndũ ngamaekea ala nĩtialya methĩwe ũtialo.
21
Ambata ũkite na nthĩ ya Melathaimu, ũkite nayo, na ala matwĩe Vekoti: ũaa nokyananga vyũ ũsyao woo, na kwĩka kwĩanana na w’onthe ũla nakwĩaĩe, easya ũu Yeova.
22
Kĩtuu kya kaũ na kya wanangĩko mũnene kĩ ĩ nthĩ.
23
Kĩiva kya nthĩ nima ko nĩkyatũĩtwe na kũtũlwa! Mbaviloni ko nĩtw’ĩkĩte ĩei katĩ wa mbaĩ!
24
Nyie nĩngũteete, naku nũkwatĩtw’e, we Mbaviloni, na ndwaamanya: nĩwonekete, o na kũkwatw’a, nĩkwĩthĩwa nũkĩlanĩtye vinya na Yeova.
25
Yeova nũvingũĩte vandũ vake va kwia mĩio ya kaũ, na kumya mĩio ya ũthatu wake; nũndũ Mwĩaĩi, Yeova wa nguthu, e na wĩa wa kwĩka nthĩ ya Akalitei.
26
Mĩendeei kuma mũvaka wĩ mũminũkĩlyonĩ; vingũai makũmbĩ mayo; myũmban’yei ta ivumbu, na kũmyananga vyũ, mũikamĩtialye kĩndũ.
27
Ũaai tũsalũ twayo tw’onthe twa mũew’a: tũtheee kĩthĩnzĩonĩ: woo nĩ woo! Nũndũ mũthenya woo nĩ mũku, ĩvinda yoo ya kũsilĩlwa.
28
Wasya wa ala makĩaa na kũvonoka kuma nthĩ ya Mbaviloni, wa kũtavan’ya Saioni ũĩvanĩsyo wa Yeova Ngai waitũ, kũĩvanĩsya ũndũ wa ĩkalũ yake.
29
Mũmbanĩsyei Mbaviloni andũ ma mata, onthe ala makootaa ũta; ambai maeema menyu mũmũthyũlũlũkĩte; mũtikaeke ũmwe woo avonoke: mũĩvei kwĩanana na wĩa wake; kwĩanana na w’onthe ũla wekie, mwĩkei o w’o; nũndũ nĩwekathĩĩe kwĩthĩwa mũnene kwĩ Yeova, Ũla Mũtheu wa Isilaeli.
30
Kwondũ wa ũu anake make makavalũka nzĩanĩ syake nene, na andũ make onthe ma kaũ makavindĩthw’a mũthenya ũsu, easya ũu Yeova.
31
Sisya, nĩ na ũndũ naku, we mwĩkathĩĩi, easya ũu Mwĩaĩi, Yeova wa nguthu: nũndũ mũthenya waku nĩ mũku, ĩvinda yĩla ngaũsilĩla.
32
Na mwĩkathĩĩi akalulutĩka na kũvalũka, na vaikethĩwa wa ũmũkĩlya; na ngakan’ya mwaki ndũanĩ syake, naw’o ũkamina onthe ala mamũthyũlũlũkĩte.
33
Ũũ nĩw’o Yeova wa nguthu ũnũkwasya: Ana ma Isilaeli na ana ma Yuta nĩmeũthĩnw’a vamwe; na onthe ala mamatwaie me atave nĩmamalũmĩtye mũno; nĩmeũlea kũmalekya.
34
Mwovosya woo e vinya; Yeova wa nguthu nĩ syĩtwa yake: akamatetea mũno, nĩ kana amĩthũmũsye nthĩ, na kũmaũũyĩthya ala matwĩe Mbaviloni.
35
Ũvyũ nũmokĩe Akalitei, na ala matwĩe Mbaviloni, na anene make me mbee ũsumbĩnĩ, na andũ make oĩ, easya ũu Yeova.
36
Ũvyũ nũmokĩe ala mekathĩĩaa, na makatw’ĩka ndia; ũvyũ nũsyũkĩe ngũmbaũ syake, na ũkaitevya.
37
Ũvyũ nĩwũkĩe mbalasi syoo, na makasya moo ma kaũ, na andũ onthe ala mevulanĩtye me nthĩnĩ wake; na makatw’ĩka ta aka: ũvyũ nũmokĩe mothwii make maie, na makoswa.
38
Mũnyao nĩwũkĩe manzĩ make, na makang’ala; nũndũ nĩ nthĩ ya mĩvw’anano myasũvye, na nĩmakwatĩtwe nĩ ndũũka ũndũ wa mĩvw’anano.
39
Kwondũ wa ũu nyamũ mbai sya weũ vamwe na nzũi ikekala kw’o, na nyaa ikekala kw’o: na ndĩkatũwa ĩngĩ tene na tene; o na ndĩkekalwa nĩ mũndũ kuma nzyawa na nzyawa.
40
O ta yĩla Ngai wang’uthũlile Sotomo na Ngomola na ndũa ila syaĩ vakuvĩ nasyo, now’o mũndũ o na wĩva ndakatũa kw’o, kana mwana wa mũndũ o na wĩva ndakekala ũeni kw’o, easya ũu Yeova.
41
Sisya, ũko wa andũ nĩwũkĩte kuma ngalĩ ya ĩũlũ; na mbaĩ nene na asumbĩ aingĩ makookĩlw’a kuma itulunĩ sya nthĩ.
42
Nĩmakwete mata na matumo; nao nĩ ai, na mati na tei; wasya woo nũũlitũka ta ũkanga; na matũlĩte mbalasi, kĩla ũmwe nĩwĩtaũĩtye ta mũndũ wa kaũ, we mwĩĩtu wa Mbaviloni.
43
Mũsumbĩ wa Mbaviloni nĩwĩw’ĩte maũvoo moo, na moko moo nĩmekũleela: thĩna nũmũkwatĩte, na woo ta wa mũndũ mũka akyaũnya.
44
Sisya, mũmaitha akookĩa wĩkalo wĩ vinya wa mũnyambũ ũindũkĩte kũvinganĩ kwa Yolotani: nũndũ ngamasembya kuma vo na kĩthũlũmũko; na ũla mũnyuve, nĩwe ngaia ĩũlũ wa vo: nũndũ nũũ ũilyĩ takwa? Na nũũ wĩndw’ĩĩa ĩvinda? Na mũĩthi nũũ ũla ũtonya kũũngama mbee wakwa?
45
Kwondũ wa ũu ĩthukĩĩsyei ũtw’ĩo wa Yeova, ũla watw’ĩĩe Mbaviloni; na mosũanĩo make, ala ũsũanĩĩte kũmĩka nthĩ ya Akalitei: Vate ndĩi makamaumya mamakusĩtye, o anini ma ndĩthya; vate ndĩi akatw’ĩkĩthya wĩkalo woo ĩanzo o vamwe nao.
46
Nthĩ nĩnĩkũtetema ũndũ wa kĩlonzo kya kũkwata Mbaviloni, na kĩĩo nĩkĩkwĩw’ĩka katĩ wa i mbaĩ.
← Chapter 49
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 51 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52