bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 4
Jeremiah 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
1
Ethĩwa ũkasyoka, we Isilaeli, easya Yeova, ethĩwa ũkanzyokea, na ethĩwa ũkaveta mothatyo maku nĩeke ũmona; nĩvo ĩndĩ ndũkavetwa;
2
nĩvo ĩndĩ ũkevĩta na w’o, na sila wa katĩ, na ũlũngalu atĩĩ, O tondũ Yeova wĩ thayũ; na i mbaĩ ikeeathima nthĩnĩ wake, na nthĩnĩ wake ikeekathĩĩa.
3
Nũndũ ũũ nĩw’o Yeova ũnũũmea aũme ma Yuta na Yelusaleme, Ĩnzai maei menyu, na mũikavande mĩw’anĩ.
4
Ĩyaĩkei mwĩthĩwe ma Yeova, mumye ikonde sya ngoo syenyu, inyw’ĩ aũme ma Yuta na inyw’ĩ ala matwĩe Yelusaleme; ũthilĩku wakwa ndũkese kumĩla ta mwaki, na kwakana ũndũ mũndũ ũtatonya kũũvosya, nũndũ wa ũthũku wa meko menyu.
5
Tavan’yai nthĩ ya Yuta, na mũinyaĩĩkĩsya Yelusaleme; mũkyasya, Vuvai soo ĩũlũ wa nthĩ: ũkĩlyai wasya mũnene mũno, mũkyasya, Ũmbanai vamwe, na tũilika ndũanĩ mbiie.
6
Ũngamyai kĩvevelo kwelekela Saioni: kĩai mũvonoke, mũtiketeele; nũndũ ngaete ũthũku kuma ngalĩ ya ĩũlũ, na wanangĩko mũnene.
7
Mũnyambũ nĩwumĩte kĩthekanĩ kyaw’o, na mwanangi wa mbaĩ; e nzĩanĩ yake, nũminĩte kuma vandũ vake, atw’ĩkĩthye nthĩ yaku nthei, nĩ kana ndũa syaku syĩthĩwe maanzo, ite mũndũ witwĩe.
8
Kwondũ wa ũu ĩvotoe makunia, meta na kũkaya; nũndũ ũthatu mwai wa Yeova ndũnaalyũlwa wume kwitũ.
9
Na kũkethĩwa mũthenya ũsu, easya Yeova, kana ngoo ya mũsumbĩ ĩkakw’a, na ngoo sya anene me mbee ũsumbĩnĩ; na athembi makaseng’a, na athani makasaanĩw’a.
10
Nĩvo ĩndĩ naisye, A! Mwĩaĩi Yeova! Vate ndĩi nũmakengete mũno andũ aa na Yelusaleme, ũkĩmea, Mũkeethĩwa na mũno; ĩndĩ ũvyũ nũvikĩte thayũnĩ.
11
Ĩvinda yĩu andũ aa na Yelusaleme makatavw’a atĩĩ, Kĩseve kĩvyũ kuma kũndũ kũtũlu kũthei weũnĩ kwelekela mwĩĩtu wa andũ makwa, ti kya kũũlũkya. Kana kya kũthesya;
12
kĩseve kĩnene kuma kũndũ kũu kĩkooka kwondũ wakwa: yu ngamaumĩsya motw’ĩo.
13
Sisya, akookĩla ta mathweo, na makasya make ma kaũ makeethĩwa ta kĩlingi: mbalasi syake syĩ mĩtũkĩ kwĩ ndiũ. Woo nĩ witũ! Nũndũ nĩtwaanangwa.
14
We Yelusaleme, thambya ngoo yaku ũthũku wume, nĩ kana ũtangĩĩwe. Mosũanĩo maku mathũku makekala nthĩnĩ waku kũvika ĩndĩĩ?
15
Nũndũ wasya nũtavanasya kuma Ndani, na kũnyaĩĩkya ũthũku kuma tũlĩmanĩ twa Evalaimu.
16
Manyĩthyai i mbaĩ; sisyai, tavanĩsyai Yelusaleme, kana asyaĩĩsya nĩmokĩte kuma nthĩ yĩ kũasa, na kumya wasya woo ĩũlũ wa ndũa sya Yuta.
17
O ta asyaĩĩsya ma mũũnda nĩmathyũlũlũkĩte ngalĩ syonthe, nĩkwĩthĩwa nĩwang’endee, easya ũu Yeova.
18
Nzĩa yaku na meko maku nĩmakũetee maũndũ aa; ũsu nĩw’o ũthũku waku; nũndũ wĩ ũũ, nũndũ nĩvikĩte ngoonĩ yaku.
19
Woo wakwa, woo wakwa! Nĩngwalw’a ngoonĩ yakwa nthĩnĩ; ngoo yakwa nĩkũmbũavũan’ya; nditonya kũvindya; nũndũ nĩwĩw’ĩte, we thayũ wakwa wasya wa soo, mbu ya kaũ.
20
Wanangĩko ĩũlũ wa wanangĩko nũtavanaw’a; nũndũ nthĩ yonthe nĩtw’ĩkĩthĩtw’e nthei: maeema makwa nĩmanangĩtwe na kĩthũlũmũko, na ngũa syakwa sya kũtũta kavinda o kau.
21
Ngoona kĩvevelo, na kwĩw’a wasya wa soo kũvika ĩndĩĩ?
22
Nũndũ andũ makwa nĩ atumanu, matimbĩsĩ; nĩ syana ndumanu, na iti na ũmanyi; syĩ na ũĩ wa kwĩka ũthũku, ĩndĩ iti na ũmanyi wa kwĩka ũseo.
23
Nasisya nthĩ, na, kaĩ, yaĩ nthei na ndĩaĩ kĩndũ; na nasisya matu, na matyaĩ na kyeni.
24
Nasisya iĩma, na, kaĩ, syatetema, na tũlĩma tw’onthe twathingithanga kũũ na kũũ.
25
Nasisya, na, kaĩ, vatyaĩ mũndũ, na nyũnyi syonthe sya yayaya nĩsyakĩie.
26
Nasisya, na, kaĩ, mũũnda ũla waĩ na ũsyao watw’ĩkĩte ĩei, na ndũa syonthe syaw’o nĩsyaomboetwe mbee wa ũthyũ wa Yeova, na mbee wa ũthatu wake mwai.
27
Nũndũ ũũ nĩw’o Yeova ũnũkwasya, Nthĩ yonthe ĩkeethĩwa nthei; ĩndĩ ndikamamina vyũ.
28
Kwondũ wa ũu nthĩ ĩkameta, na matu ĩũlũ makeethĩwa maiũ; nĩkwĩthĩwa nĩneenete ũu, nĩtw’ĩte ũu, na ndinelila, o na ndikethyũũa na kũeka ũndũ ũsu.
29
Kĩla ndũa nĩkĩaa kwondũ wa kĩlonzo kya andũ matũlĩte mbalasi, na andũ me na mata; malikaa ithekanĩ, na kwambata ĩũlũ wa mavia: kĩla ndũa nĩ ndie, na vai mũndũ ũtwĩe nthĩnĩ wayo.
30
Naku, yĩla wĩtw’ĩkĩthw’a ĩei, ũkeeka ata? O na ethĩwa wĩĩvw’ĩka ngũa ndune mũno, o na ethĩwa wĩĩseũvya na mawanake ma thaavu, o na ethĩwa wĩnenevya metho maku na langi, nũkwĩseũvya mana; endwa maku nĩmeũkũvũthya, nĩmeũmantha thayũ waku.
31
Nũndũ nĩneewie wasya ũilyĩ wa mũndũ mũka akyaũnya, woo ũilyĩ wa ũla ũsyaa kana kake ka mbee, wasya wa mwĩĩtu wa Saioni, ũla ũvevũũkaa, na kũtambũũkya moko make, akyasya, Woo nĩ wakwa yu! Nũndũ thayũ wakwa nũũthelekelela mbee wa oaani.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52