bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 48
Jeremiah 48
Kamba (Mbivilia) 1956
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
1
Ũvoo wa Moavi. Ũũ nĩw’o Yeova wa nguthu, Ngai wa Isilaeli, ũnũkwasya: Woo nĩ wa Nevo! Nũndũ nĩtw’ĩkĩthĩtw’e ĩanzo; Kiliathaimu nĩkũsonokw’a, nĩ ngwate; Misikavu nĩkũsonokw’a na kũombowa.
2
Ndaĩa ya Moavi vatiĩ, nthĩnĩ wa Esivoni nĩmasũanĩĩte kũmĩka ũthũku: Ũkai, tũmĩvete ndĩkethĩwe mbaĩ. O naku, we Matimeni, ũkavindĩthw’a; ũvyũ ũkakũatĩĩa.
3
Wasya wa kĩĩo kuma Olonaimu, wau na wanangĩko mũnene!
4
Moavi nĩ mbanangĩku; twana twayo tũnini nĩtwatumie kĩĩo kĩw’ĩka.
5
Nũndũ makambata kyambatonĩ kya Luithi makĩĩa mavinda onthe; nũndũ kĩtheeonĩ kya Olonaimu nĩmew’ĩte thĩna wa kĩĩo ũndũ wa wanangĩko.
6
Kĩai, tangĩĩai mathayũ menyu, na mũyĩthĩwa ta mũtĩ weũnĩ mwĩtĩku matũ.
7
Ĩndĩ, nĩkwĩthĩwa nĩweekwatisye mawĩa maku na ũthwii waku mwie, we naku ũkakwatwa: na ĩla ngai Kemosi ĩkatwawa ĩ ndave, athembi mayo na anene mayo vamwe.
8
Na mwanangi akamyũkĩa kĩla ndũa, na ndũa o na ĩmwe ndĩkavonoka; mwanda naw’o ũkaanangĩka, na ũiĩ ũkaanangwa; o tondũ Yeova ũneenete.
9
Nenga Moavi nthwau, nĩ kana aũlũke na kũthi kũasa: na ndũa syake ikatw’ĩka maanzo, ite mũndũ wa kwitũa.
10
Naumanĩwe ũla ũtethasya wĩa wa Yeova ate na kĩthito; na naumanĩwe ũla ũsiĩĩa ũvyũ wake ndũkethĩwe na nthakame.
11
Moavi nũthũmũĩte kuma wana wake, nĩwĩkalĩte kĩmongoyonĩ kyake, ndaakelwa kuma kĩndũnĩ kĩmwe kwĩkĩwa kĩndũnĩ kĩngĩ, o na ndaaenda e mũtave: kwondũ wa ũu ũsamo wake nĩwĩkalĩte nthĩnĩ wake, na mũuke wake ti mũalyũku.
12
Kwondũ wa ũu, sisya, mĩthenya nĩyũkĩte, easya Yeova, ĩla ngatũma kwake ala makelaa, na makamũkela; nao makatulũla mĩio yake, na kũaa masũva moo ilungu.
13
Na Moavi akasonoka nũndũ wa Kemosi, o tondũ nyũmba ya Isilaeli yasonokie ũndũ wa Mbethi‐eli, wĩkwatyo woo.
14
Mwĩasya ata, Ithyĩ twĩ andũ me ũtonyi na ngũmbaũ kwondũ wa kaũ?
15
Moavi nĩtw’ĩkĩthĩtw’e ĩei, na nĩmambatĩte ndũanĩ syake, na anake make anyuve nĩmatheeete kũawa, easya Mũsumbĩ, ũla syĩtwa yake nĩ Yeova wa nguthu.
16
Wanangĩko wa Moavi ũkĩlilye kũka, na ũnyamao wake nĩwĩkalaatĩte mũno.
17
Inyw’onthe ala mũmũthyũlũlũkĩte mũmeteei, na inyw’onthe ala mwĩsĩ syĩtwa yake; asyai, Ndata yĩ vinya ko nĩyatũlĩkaa, ndata nzeo mũno!
18
We mwĩĩtu ũla ũtwĩe Ndivoni, theea kuma ũnenenĩ waku, noiĩkala na waũni; nũndũ mwanangi wa Moavi nũkũkĩe, nĩwanangĩte ngome syaku syĩ vinya.
19
We ũla ũtwĩe Aloeli, ũngama ũtee wa nzĩa, noisyaĩĩsya: kũlya mũndũ mũũme ũla ũnũũsemba, na mũndũ mũka ũla ũnũũvonoka; asya, Kwĩkĩkie ata?
20
Moavi nĩkũsonoka; nũndũ nĩomboetwe: kayai na kũĩa; tavan’yai ku ũtee wa ũsĩ wa Alinoni, atĩ Moavi nĩyanangĩtwe.
21
Na ũsilĩlo nĩ mũku ĩũlũ wa nthĩ yĩ ũiĩ, ĩũlũ wa Oloni, na Yasa, na Mevaathi,
22
na Ndivoni, na Nevo, na Mbethindivilathaimu,
23
na Kiliathaimu, na Mbethi‐ngamuli, na Mbethi‐meoni,
24
na Keliothi, na Mbosila, na ndũa syonthe sya nthĩ ya Moavi, ila syĩ kũasa na ila syĩ vakuvĩ.
25
Ũvya wa Moavi nĩ mũtile, na kw’oko kwake nĩ kũtilĩku, easya ũu Yeova.
26
Mũtoonethyei; nũndũ nĩwenenevesye Yeova: na Moavi akeeyalalya matavĩkanĩ make, nake akathekeewa.
27
Nũndũ Isilaeli ndaĩ ntheko kwaku? Nĩwonekie katĩ wa ing’ei? Nũndũ o yĩla ũũmũweta, nũthingithasya mũtwe.
28
Inyw’ĩ ala mũtwĩe Moavi, umai ndũanĩ, mũtũe ĩvianĩ; ĩthĩwai ta ĩvũĩ yĩla yakaa ndala yayo ngũkanĩ ya ĩtw’ĩku.
29
Nĩtwĩw’ĩte ũvoo wa ngathĩĩo ya Moavi, atĩ e na ngathĩĩo mũno; kwĩyũkĩlya kwake, na ngathĩĩo yake, na wĩnenevyo wake, na wĩng’athĩlĩlyo wa ngoo yake.
30
Nĩnĩsĩ ũthilĩku wake, easya Yeova, kana ti kĩndũ; mĩtũlyo yake ndĩkĩte ũndũ nongi.
31
Kwondũ wa ũu ngametea Moavi; ĩĩ, ngaĩa ũndũ wa Moavi onthe: makametea andũ ma Kili‐elesi.
32
Ngakũĩĩa na kĩĩo kĩvĩtũkĩte kĩĩo kya Yaseli, we mũsavivũ wa Sivima: mbonge syaku nikĩlĩte ũkanga, syavika o ũkanganĩ wa Yaseli: mwanangi nũmavalũkĩle mosyao maku ma ĩvinda ya syũa na ngetha yaku ya nzavivũ.
33
Ũtanu na mũyo nĩsyumĩtw’e mũũndanĩ wĩ na ũsyao, o na nthĩ ya Moavi; na nĩnaekethya mbinyu iangionĩ sya nzavivũ; vai ũmwe ũkakinyanga na wasya mũnene; wasya mũnene ndũkethĩwa wĩ wasya mũnene.
34
Nĩmaumĩtye wasya woo kuma kĩĩonĩ kya Esivoni o kũvika Eleale, o kũvĩka Yaasa, kuma Nzoali kũvika Olonaimu, kũvika Ekilathi‐selisiya: nũndũ manzĩ namo ma Nimilimu makeethĩwa mang’alĩte.
35
Na ĩngĩ, easya Yeova, Ngamũekethya nthĩnĩ wa Moavi, ũla ũthembeaa kũndũ kũtũlu, na ũla ũtoeeasya ngai syake ũvani.
36
Kwondũ wa ũu ngoo yakwa nĩnĩkumya wasya ta mĩtũlilũ kwondũ wa Moavi, na ngoo yakwa nĩnĩkumya wasya ta mĩtũlilũ ũndũ wa andũ ma Kili‐elesi: kwondũ wa ũu wingĩ ũla weyũmbanĩsye nĩ mwau.
37
Nũndũ kĩla mũtwe wĩ ũvaa, na kĩla kĩng’ew’a nĩ kĩtile: na moko onthe nĩmatw’ĩtwe nthoo, na inyunyu nivotoetwe makunia.
38
Ĩũlũ wa nyũmba syonthe sya Moavi na nzĩanĩ nene syayo ve kĩĩo kĩla vandũ; nũndũ nĩnũaĩte Moavi ta mũio ũtatanĩwa nĩ mũndũ, easya ũu Yeova.
39
Ko nĩomboetwe! Ko nĩmekũmeta! Moavi ko nĩyonanĩtye mũongo nĩ nthoni! O ta ũu Moavi akatw’ĩka ntheko na ũtĩsyo kwa onthe ala mamĩthyũlũlũkĩte.
40
Nũndũ ũu nĩw’o Yeova ũnũkwasya: Sisya, akaũlũka ta ndiũ, na kũtambũũkĩsya Moavi nthwau syake.
41
Keliothi nĩ mbose, na ngome syĩ vinya nikwatĩtwe, na mũthenya ũsu ngoo sya ngũmbaũ sya Moavi ikethĩwa ta ngoo ya mũndũ mũka akyaũnya.
42
Na Moavi akaanangwa ndakethĩwe ũko wa andũ, nĩkwĩthĩwa nĩwamwĩnenevesye Yeova.
43
W’ĩa, na ĩima, na kĩtei, nĩkũkwatĩte, we ũla ũtwĩe Moavi, easya ũu Yeova.
44
Ũla ũsembaa akĩĩte w’ĩa ũsu akavalũka ĩimanĩ; na ũla wĩyumya ĩimanĩ akakwatw’a nĩ kĩtei: nũndũ ngamũetee, o Moavi, mwaka wa kũsilĩlwa kwoo, easya ũu Yeova.
45
Ala makĩie nĩmaũngeme mate vinya muunyĩnĩ wa Esivoni; nũndũ mwaki nĩwumĩte Esivoni, na ũlĩlĩnzĩ kuma Sioni katĩ, na nĩwanangĩte kĩkoto kya Moavi, na lolotya wa mũtwe wa ala meũlonzan’ya.
46
Woo nĩ waku, we Moavi! Andũ ma Kemosi nĩmaĩte; nũndũ ana maku nĩmatwaiwe me atave, o na eĩtu maku me o atave.
47
Ĩndĩ ngatũnga Moavi aume kũtavwanĩ mĩthenya ya mũminũkĩlyo, easya ũu Yeova. Kũvika vau nĩ ũsilĩlo wa Moavi.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52