bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 49
Jeremiah 49
Kamba (Mbivilia) 1956
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Ũvoo wa ana ma Amimoni. Ũũ nĩw’o Yeova ũnũkwasya: Isilaeli nde na ana? Nde na mũtiĩwa? Nũndũ wa kĩ ĩndĩ ĩla ngai Malikamu ĩnĩũtiĩwa Ngati, na andũ make matũaa ndũanĩ syayo?
2
Kwondũ wa ũu, sisya, mĩthenya nĩyũkĩte, easya Yeova, ĩla ngatuma mbu ya kaũ yĩw’ĩka ĩũlũ wa ndũa ya Lava ya ana ma Amimoni; na ĩkatw’ĩka kĩvumbu kĩthei, na eĩtu make makavĩvw’a na mwaki: nĩvo Isilaeli akamosa ala mamwosete, easya ũu Yeova.
3
Meta, we Esivoni, nũndũ Ai nĩtw’ĩkĩthĩtw’e ĩanzo; ĩai, inyw’ĩ eĩtu me Lava, ĩvotoei makunia: metai, noisemba kũũ na kũũ katĩ wa mbiio; nũndũ ĩla ngai Malikamu ĩkatwawa ĩ ndave, athembi mayo na anene mayo vamwe.
4
Nũndũ wa kĩ wĩkathĩĩa ũndũ wa myanda, mwanda waku ũla ũvĩtĩtye manzĩ, we mwĩĩtu ũla wasyokie na ĩtina? Ũla wekwatĩtye ũthwii wake mwie, akyasya, Nũũ ũla wĩmbũkĩa?
5
Sisya, ngakũetee w’ĩa, easya Mwĩaĩi, Yeova wa nguthu, kuma andũnĩ onthe ala makũthyũlũlũkĩte; na mũkalũngĩlĩĩlw’a kĩla mũndũ kũasa mũno, na vatikethĩwa mũndũ wa kũmban’ya akĩi.
6
Ĩndĩ ĩtina ngatũnga ana ma Amimoni maume kũtavwanĩ, easya ũu Yeova.
7
Ũvoo wa Etomu. Ũũ nĩw’o Yeova wa nguthu ũnũkwasya: Vati ũĩ ĩngĩ Temani? Ũtao nĩwaĩte kwa ala me kĩlĩko? Ũĩ woo nĩ mũthelu?
8
Kĩai, syokai, na mũyĩkala kũndũ kũliku mũno, inyw’ĩ ala mũtwĩe Ndetani; nũndũ ngamũetee wanangĩko wa Esau, ĩvinda yĩla ngamũsilĩla.
9
Ethĩwa atwi ma nzavivũ makakũkĩa maikatia nzavivũ sya kũthean’ya? Ethĩwa ing’ei ĩkakũkĩa ũtukũ, itikananga kũvika syavũna?
10
Ĩndĩ nĩnĩmũtw’ĩkĩthĩtye Esau mũthei, nĩnĩmũvũĩte kũndũ kwake kwa kĩmbithĩ, na ndakatonya kwĩvitha: ũsyao wake nĩ mwanangĩku, o na ana‐a‐ĩthe make, na atũi make; nake ndavaĩ.
11
Tia syana syaku ila syakw’ĩĩwe nĩ aaĩthe, nakwa ngaisũvĩa syĩkale thayũ; na aka maku ndiwa mandĩkĩĩe.
12
Nũndũ ũũ nĩw’o Yeova ũnũkwasya: Sisya, ala matatw’ĩĩwe kũnyw’a kĩkombe maitĩa kũnyw’a; na nue we ũla ũkatĩa ũkũnwa? Ndũkaekwa ũte mũkũne, ĩndĩ no mũvaka ũnyw’e.
13
Nũndũ nyie mwene nĩneevĩtie, easya Yeova, kana Mbosila ĩkatw’ĩka ũseng’yo, na ya kũvũthw’a, na ĩanzo, na kĩumo; na ndũa syonthe syayo ĩkeethĩwa maanzo ĩndĩ yonthe.
14
Nĩnĩw’ĩte maũvoo kuma kwa Yeova, na mũtũmwa nũtũmĩtwe katĩ wa mbaĩ, akyasya, Ĩyũmban’yei vamwe, mũmĩendee, ũkĩlai mũkite.
15
Nũndũ, sisya, nĩnĩkũtw’ĩkĩthĩtye mũnini katĩ wa mbaĩ, na kũvũthw’a katĩ wa andũ.
16
Ũvoonĩ wa ũtĩsyo waku mũnene, ngathĩĩo ya ngoo yaku nĩkũkengete, we ũla wĩkalaa mĩvatĩnĩ ya ĩvia, ũla ũkwete vandũ vatũlu va kĩĩma: o na ethĩwa ũkaaka ndala yaku ĩũlũ ta ndiũ, ngakũtheesya kuma vo, easya ũu Yeova.
17
Na Etomu ĩkatw’ĩka ũseng’yo: kĩla mũndũ wĩmĩvĩtĩla akaseng’a, na akamĩtĩmba ũndũ wa mothĩn’yo onthe mayo.
18
O tondũ kwailyĩ kũng’uthũlwanĩ kwa Sotomo na Ngomola na ndũa ila syaĩ vakuvĩ nasyo, now’o mũndũ o na wĩva ndakatũa kw’o, o na mwana wa mũndũ o na wĩva ndakekala ũeni kw’o, easya ũu Yeova.
19
Sisya, akookĩa wĩkalo wĩ vinya ta mũnyambũ ũindũkĩte kũvinganĩ kwa Yolotani: nũndũ ngamasembya kuma vo na kĩthũlũmũko; na ũla mũnyuve, nĩwe ngaia ĩũlũ wa vo: nũndũ nũũ ũilyĩ takwa? Na nũũ wĩndw’ĩĩa ĩvinda? Na mũĩthi nũũ ũla ũkaũngama mbee wakwa?
20
Kwondũ wa ũu ĩthukĩĩsyei ũtw’ĩo wa Yeova, ũla watw’ĩĩe Etomu; na mosũanĩo make ala ũsũanĩĩte kũmeka ala matwĩe Temani: Vate ndĩi makamaumya mamakusĩtye, o na anini ma ndĩthya; vate ndĩi akatw’ĩkĩthya wĩkalo woo ĩanzo vamwe nao.
21
Nthĩ nĩnĩkũtetema ũndũ wa kĩlonzo kya kũvalũka kwoo; ve kĩĩo, na kĩlonzo kyakyo nĩkĩkwĩw’ĩka Ũkanganĩ Mũtune.
22
Sisya, akambata na kũũlũka ta ndiũ, na kũtambũũkĩsya Mbosila nthwau syake; na mũthenya ũsu ngoo sya ngũmbaũ sya Etomu ikethĩwa ta ngoo ya mũndũ mũka akyaũnya.
23
Ũvoo wa Ndamasiku. Amathi nĩnĩũvũavũana, o na Alĩvati; nũndũ nĩsyĩw’ĩte maũvoo mathũku, nitwekete: ve kyeva ũkanganĩ; ndũtonya kũvindya.
24
Ndamasiku nĩyaĩte vinya, nĩnĩkwĩthyũũa ĩkĩe, na ĩkwatĩtwe nĩ kũtetema: woo na kyeva nimĩkwatĩte ta mũndũ mũka akyaũnya.
25
Ũũ nata ndũa ya ndaĩa ndĩaaekwa, ndũa ya ũtanu wakwa?
26
Kwondũ wa ũu anake mayo makavalũka nzĩanĩ syayo nene, na andũ onthe ma kaũ makavindĩthw’a mũthenya ũsu, easya ũu Yeova wa nguthu.
27
Nakwa ngakan’ya mwaki ũvainĩ wa Ndamasiku, na ũkavĩvya nyũmba mbanakavye sya Mbene‐aatati.
28
Ũvoo wa Ketali, na mosumbi ma Asoli, ala Nevukatilesa mũsumbĩ wa Mbaviloni wakũnie. Ũũ nĩw’o Yeova ũnũkwasya: Ũkĩlai, mwambate Ketali, na kwananga ana ma ngalĩ ya wumĩlonĩ wa syũa.
29
Makoosa maeema moo na ndĩthya syoo sya mbũi na malondu; makakua kwondũ woo ene ngũa syoo sya kũtũta, na mĩio yoo yonthe, na ngamĩle syoo; na makaneena na wasya mũnene, makĩmea, Ũtĩsyo ngalĩ syonthe!
30
Kĩai, na mũyanganga kũasa, na kwĩkala kũndũ kũliku, inyw’ĩ ala mũtwĩe Asoli, easya ũu Yeova; nũndũ Nevukatilesa mũsumbĩ wa Mbaviloni nũmũsamĩe, na nũmũsũanĩĩte ũndũ.
31
Ũkĩlai, mwambate vala ve mbaĩ ĩthũmũĩte, ĩla yĩkalaa ĩte na wĩmakĩo, easya ũu Yeova; ĩla ĩte na mbingĩlo kana ivingi, ila yĩkalaa yĩ yoka.
32
Na ngamĩle syoo ikeethĩwa mũtavo, na ĩndo syoo nyingĩ mũtavo: na ngamanyaĩĩkya isevenĩ syonthe ala menzetwe ithũkũ; na ngaete wanangĩko woo kuma ngalĩ syoo syonthe, easya ũu Yeova.
33
Na Asoli ĩkeethĩwa wĩkalo wa mbĩwa, ĩanzo tene na tene: mũndũ o na wĩva ndakatũa vo, o na mwana wa mũndũ o na wĩva ndakekala ũeni kw’o.
34
Ndeto ya Yeova ĩla yamũkĩe mwathani Yelemia ũndũ wa Elamu, wambĩlĩlyonĩ wa kũsumbĩka kwa Nzetekia mũsumbĩ wa Yuta, ĩkyasya,
35
Ũũ nĩw’o Yeova wa nguthu ũnũkwasya: Sisya, ngatũla ũta wa Elamu, mũnene wa vinya woo.
36
Na ngaetee Elamu iseve inya kuma ikotonĩ inya sya ĩtu, na ngamanyaĩĩkya melekele iseve isu syonthe; na vatikethĩwa mbaĩ o na yĩva ĩla alũngw’a ma Elamu matakathi kwayo.
37
Na ngatuma Aelamu mateva mbee wa amaitha moo, na mbee wa ala mamanthaa mathayũ moo; na ngamaetee ũthũku, o ũthatu wakwa mwai, easya ũu Yeova; na ngatũma ũvyũ ĩtina woo, kũvika nĩmamine vyũ:
38
na ngaũngamya kĩvĩla kyakwa kya ũsumbĩ ku Elamu, na ngamanangĩa kw’o asumbĩ na anene me mbee ũsumbĩnĩ, easya ũu Yeova.
39
Ĩndĩ kũkeethĩwa mĩthenya ya mũminũkĩlyo, ngatũnga Elamu aume kũtavwanĩ kwake, easya ũu Yeova.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52