bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Jeremiah 31
Jeremiah 31
Kamba (Mbivilia) 1956
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
1
Yeova easya, Ĩvinda yĩu ngeethĩwa Ngai wa mĩvĩa yonthe ya Isilaeli, nao makeethĩwa andũ makwa.
2
Ũũ nĩw’o Yeova ũnũkwasya, Andũ ala matialilw’e nĩ ũvyũ nĩmoonee tei weũnĩ; O Isilaeli, yĩla naendie kũmũthũmũsya.
3
Yeova anumĩlĩle tene, akĩmbĩa, Ĩĩ, nĩnakwendie na wendo ũtakathela: kwondũ wa ũu nĩnaũkusisye na ũseo wĩ wendo.
4
Ngakwaka ĩngĩ, naku ũkaakĩka, we mwĩĩtu mũtheu wa Isilaeli: na ũkeeyanakavya ĩngĩ na tũthembe twaku, na kũenda mbathinĩ sya ala matanaa.
5
Ũkavanda mĩũnda ya mĩsavivũ ĩngĩ iĩmanĩ sya Samalia; avandi makavanda, na makatanĩa ũsyao wayo.
6
Nũndũ kũkeethĩwa mũthenya, ũla asyaĩĩsya me iĩmanĩ sya Evalaimu makokĩlya wasya na kwasya, Ukĩlai, twambate Saioni vala ve Yeova Ngai waitũ.
7
Nũndũ ũũ nĩw’o Yeova ũnũkwasya: Mwinĩei Yakovo na ũtanu, na mũkĩlĩlyei mũnene wa mbaĩ wasya mũnene: tavan’yai, taĩai, na kwasya, Ame Yeova, tangĩĩa andũ maku, ũtialo wa Isilaeli.
8
Sisya, ngamaete kuma nthĩ yĩ ngalĩ ya ĩũlũ, na kũmomban’ya kuma itulu sya nthĩ, na vamwe nao ililinda na ala mathuaa, mũndũ mũka ũla wĩ ĩvu na ũla ũnũkwaũnya vamwe: makasyoka vaa me nguthu nene.
9
Makooka makĩĩa; na ngamatongoesya makĩngaĩla: ngamakinyĩlya ũtee wa mbũsĩ sya manzi, nzĩanĩ ndũngalu ĩla matakalulutĩkĩla; nũndũ nyie nĩ ĩthe wa Isilaeli, na Evalaimu nĩ ĩkithathi yakwa.
10
Inyw’ĩ mbaĩ, ĩthukĩĩsyei ndeto ya Yeova, mũmĩtavan’ye ithamanĩ ila syĩ kũasa; na kwasya, Ũla wanyaĩĩkisye Isilaeli akamũmban’ya, na kũmũsũvĩa, o tondũ mũĩthi ũsũvĩaa ndĩthya yake.
11
Nũndũ Yeova nĩumĩtye mbovosya ũndũ wa Yakovo, na kũmwovosya kũmumya kw’okonĩ kwa ũla waĩ vinya kwĩ we.
12
Na makooka na kwinĩa vandũ vatũlu va Saioni, na makaatĩanĩa vamwe makĩendea ũseo wa Yeova, lĩu wa mbaa ngetha, na mbinyu mbĩthĩ, na mauta, na tũtena twa mbũi na malondu na tũsaũ twa ng’ombe: na ngoo yoo ĩkethĩwa ta mũũnda mũnyithye; na matikethĩwa na kĩmako ĩngĩ nongi.
13
Nĩvo ĩndĩ mwĩĩtu mũtheu akatana wathinĩ, na anake na atumĩa vamwe; nũndũ ngaalyũla kũmeta kwoo kwĩthĩwe ũtanu, na kũmakiakisya, na kũmatanĩthya maeke kĩmako kyoo.
14
Na ngavũnĩthya mathayũ ma athembi na ũnou, na andũ makwa makavũnw’a na ũseo wakwa, easya ũu Yeova.
15
Ũũ nĩw’o Yeova ũnũkwasya: Wasya nũkwĩw’ĩka Lama, kĩĩo na kĩmeto kĩ woo, Lakeli akĩĩĩa syana syake; na ndakiakiĩka ũndũ wa syana syake, nĩkwĩthĩwa iti vaĩ.
16
Ũũ nĩw’o Yeova ũnũkwasya: Siĩĩa wasya waku ndũkaĩe, na metho maku matiketĩkye methoi; nũndũ wĩa waku ũkootuvĩwa, easya ũu Yeova; na makooka ĩngĩ kuma nthĩ ya mũmaitha.
17
Na ve wĩkwatyo mũminũkĩlyonĩ waku, easya ũu Yeova; na syana syaku ikooka ĩngĩ mũvakanĩ wasyo.
18
Nĩ w’o nĩnĩw’ĩte Evalaimu akĩmetea mwene, akyasya, Nĩwangũnie, nakwa nĩnakũnĩkie, ta kasaũ katamanyĩte ĩsoki: nthyũũa, nakwa ngathyũũĩka; nũndũ nue Yeova Ngai wakwa.
19
Nĩ w’o ĩtina wa kũalyũlwa kwakwa, nĩneelilile; na ĩtina wa kũmanyĩw’a, nakũna nthũnũ yakwa: nasonoka, ĩĩ, o na kũsoomana, nikwĩthĩwa nĩnakuie kũvũthw’a kwa wana wakwa.
20
Evalaimu nĩ mwana wakwa mwendwa? Nĩ mwana wendeeasya? Nũndũ o yĩla ngũmũneenea ndeto, nĩmũlilikanaa mũno: kwondũ wa ũu ngoo yakwa yĩ na mea nake: nditĩa kũmwĩw’ĩa tei, easya ũu Yeova.
21
Ĩũngamĩsye movano ma mĩtĩ nzĩanĩ, ĩseũvĩsye mbwaũ sya ũkwon’ya nzĩa; elekelya ngoo yaku lelũ, o lelũ ũla waendie naw’o: ĩthyũũe, we mwĩĩtu mũtheu wa Isilaeli, ĩthyũũĩe ndũa ii syaku.
22
Ũkaenda kũũ na kũũ kũvika ĩndĩĩ, we mwĩĩtu ũla ũsyokete na ĩtina? Nũndũ Yeova nĩwũmbĩte ũndũ mweũ kũũ nthĩ: mũndũ mũka akamwĩlingĩla mũndũ mũũme.
23
Ũũ nĩw’o Yeova wa nguthu, Ngai wa Isilaeli, ũnũkwasya, Makaneenea kĩneeno kĩĩ ĩngĩ me nthĩ ya Yuta na ndũanĩ syayo, yĩla ngamatũnga maume kũtavwanĩ kwoo: Yeova nakũathime, we wĩkalo wa ũlũngalu, we kĩĩma kya ũtheu.
24
Na Yuta na ndũa syonthe syake makekala vo vamwe, aĩmi, na ala mangangaa na ndĩthya sya mbũi na malondu.
25
Nũndũ nĩnĩvũnĩthĩtye ngoo ĩla yĩ na mĩnoo, na kĩla ngoo yĩ na kĩmako nĩnĩmyusũĩtye.
26
Na ĩndĩ naamũka, na noona; na too wakwa waĩ mũyo kwakwa.
27
Sisya, mĩthenya nĩyũkĩte, easya Yeova, ĩla ngavanda nyũmba ya Isilaeli na nyũmba ya Yuta ũsyao wa mũndũ na ũsyao wa nyamũ.
28
Na kũkeethĩwa atĩ o tondũ namasyaĩĩsye nĩ kana nĩkũe na kũomboa na kũng’uthũla na kwananga na kũthĩn’ya, now’o ngamasyaĩĩsya nĩ kana nake na kũvanda, easya ũu Yeova.
29
Mĩthenya ĩsu matikaneena ĩngĩ, Aaĩthe nĩmaĩe nzavivũ syĩ ngaati, na maeo ma syana maya nthithi.
30
Ĩndĩ kĩla mũndũ akakw’a ũndũ wa ũthũku wake mwene: kĩla mũndũ ũla ũĩsaa nzavivũ syĩ ngaati, maeo make makaya nthithi.
31
Sisya, mĩthenya nĩyũkĩte, easya Yeova, ĩla ngatianĩa ũtianĩo mweũ na nyũmba ya Isilaeli, na nyũmba ya Yuta:
32
ndũkethĩwa ũilyĩ ta ũtianĩo ũla natianĩe na aaĩthe moo mũthenya ũla namakwatie moko kũmaumya nthĩ ya Misili; ũtianĩo wakwa ũla maanangie, o na kau naĩ mwĩaĩi woo, easya ũu Yeova.
33
Indĩ ũũ nĩw’o ũtianĩo ũla ngatianĩa na nyũmba ya Isilaeli ĩtina wa mĩthenya ĩsu, easya ũu Yeova: Ngeekĩa mĩao yakwa nthĩnĩ woo, na ngamĩandĩka ngoonĩ syoo; na ngeethĩwa Ngai woo, nao makeethĩwa andũ makwa.
34
Na matikamanyĩan’ya ĩngĩ kĩla mũndũ na mũtũi wake, na kĩla mũndũ na mwana‐a‐inyia, makyasya, Mũmanye Yeova; nũndũ onthe makamanya nyie, kuma ũla mũnini woo kũvika ũla mũnene woo, easya ũu Yeova: nũndũ ngaekea ũthũku woo, na naĩ yoo ndikamĩlilikana ĩngĩ.
35
Ũũ nĩw’o Yeova ũnũkwasya, we ũla ũnenganae syũa yĩthĩwe kyeni kya mũthenya, na motw’ĩo ma mwei na ma ndata syĩthĩwe kyeni kya ũtukũ, ũla wũkĩlasya ũkanga, ũndũ itulumo syaw’o ilitũkaa; Yeova wa nguthu nĩ syĩtwa yake:
36
Ethĩwa motw’ĩo asu makauma mbee wakwa, easya Yeova, nĩvo ĩndĩ ũsyao wa Isilaeli naw’o ũkaeka kwĩthĩwa mbaĩ mbee wakwa tene na tene.
37
Ũũ nĩw’o Yeova ũnũkwasya: Ethĩwa ĩtu ĩũlũ nĩyĩtonya kũthimwa, na myambĩlĩlyo ya nthĩ kũmanthwa ĩtheo, nĩvo ĩndĩ ngekya kũasa ũsyao w’onthe naw’o wa Isilaeli nũndũ wa maũndũ onthe ala meekie, easya ũu Yeova.
38
Sisya, mĩthenya nĩyũkĩte, easya Yeova, ĩla ĩ ndũa ĩkakĩwa Yeova kuma mwako mũtũlu wa mũnyoolo wa Ananeli kũvika mbingĩlo yĩ kĩkotonĩ.
39
Na ĩkanda ya kũthima yĩkakootwa yĩlũngalĩte kũvika kĩĩma kya Ngalevu, na yĩkeelingĩla kũvika Ngoa.
40
Na mwanda w’onthe wĩ simba na mũu, na isesi syonthe kũvika kalũsĩ ka Kitiloni, kũvika kĩkoto kya mbingĩlo ya mbalasi kwelekela wumĩlonĩ wa syũa, ũkeethĩwa mũtheu kwa Yeova; ndĩkakũwa, kana kũng’uthũlwa ĩngĩ tene na tene.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52