bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 1
1 Samuel 1
Kamba (MBIVILIA ŨVOO MŨSEO)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Kwaĩ mũndũ ũmwe weetawa Elikana wa mbaĩ ya Evalaimu. Elikana atwĩe ndũanĩ ya Lama ĩla yĩ nthĩ yĩ iĩma ya Evalaimu. Aĩ mwana wa Yeloamu na mwĩsũkũũe wa Eliu. Eliu aĩ mwana wa Tou na mwĩsũkũũe wa Nzuve.
2
Elikana aĩ na iveti ilĩ; kĩmwe kyeetawa Ana na kĩla kĩngĩ kyeetawa Venina. Venina aĩ na syana ĩndĩ Ana ndaĩ syana.
3
Kĩla mwaka, Elikana nĩwambataa kuma Lama ndũanĩ yake akathi Silo kũthaitha na kumĩsya Mwĩai Ngai Mwene Ũtonyi W'onthe nthembo. Ovini na Vineasi, ana elĩ ma Eli nĩmo maĩ athembi ma Mwĩai Ngai kũu Silo.
4
Kĩla ĩvinda Elikana athi kumya nthembo, nĩwanengae Venina na syana syake ilungu sya nyama.
5
Ĩndĩ nũndũ Elikana nĩwendete Ana mũno, amũnengae kũndũ kwĩlĩ. Mwĩai Ngai ndanengete Ana syana.
6
Venina nthũ ya Ana nĩwamũthĩnasya na kũmũthatya, nũndũ Mwĩai Ngai nĩwaleete kũnenga Ana syana.
7
Maũndũ asu nĩmaendeeie kwĩkĩka kĩla mwaka. Kĩla ĩvinda mathi nyũmbanĩ ya Mwĩai Ngai, Venina nĩwathĩnasya Ana mũno akaĩa na kũtuma alea kũya kĩndũ o na kĩmwe.
8
Elikana mũũme wake nĩwamũkũlasya atĩĩ, “Ana, wĩĩw'a nĩ kyaũ? Wĩlea kũya nĩkĩ? Ũtindaa ũthatĩtw'e nĩ kyaũ? Nũndũ nyie nde mũseo kũla ũĩ o na mbee wa syana sya anake ĩkũmi?”
9
Mũthenya ũmwe, yĩla maĩ manamina kũya na kũnyw'a me nyũmbanĩ ya Mwĩai Ngai kũu Silo, Ana nĩwaũngamie. Ĩvindanĩ yĩu, Mũthembi Eli ekalĩte kĩvĩlanĩ vakuvĩ na mũomo wa nyũmba ya Mwĩai Ngai.
10
Ana aĩ na woo mwingĩ ngoonĩ na nĩwaĩĩte mũno, na aendee na kũvoya Mwĩai Ngai.
11
Ana nĩweevĩtie kũla kwĩ Ngai asya atĩĩ, “Ame Mwĩai Ngai Mwene Ũtonyi W'onthe, nzisye nyie mũthũkũmi waku! Sisya thĩna wakwa na ũindilikana! Ndũkolwe ninyie! Ethĩwa ũkanenga kavĩsĩ, nĩngũkwatha kana ngakavatha kethĩwe kaku ĩvindanĩ yonthe yĩla keĩthĩwa thayũ. Kana kau kaikenzwa nzw'ĩĩ yako.”
12
Ana nĩwaendeeie kũvoya Mwĩai Ngai vandũ va ĩvinda ĩasa, nake Eli nĩwasyaĩĩsye ilomo syake.
13
Ana avoyaa ngoonĩ yake na ilomo syake nĩsyoonekaa ta ũkũneena ĩndĩ wasya wake ndweew'ĩkaa. Eli oonaa Ana ta mũmile,
14
na kwoou amwĩa atĩĩ, “Wĩendeea kwĩthĩwa wĩ mũnywi nginya ĩndĩĩ? Ekana na ũnywi!”
15
Ana nĩwasũngĩie Eli amwĩa atĩĩ, “Aiee mũnene, nyie ndimũmile. Nyie nĩ mũndũ mũka wĩna thĩna mwingĩ mũno, na nĩngũvoyaa ngĩnenga Mwĩai Ngai mathĩna ala me ngoonĩ yakwa onthe.
16
Ndũkasũanĩe kana nyie nĩ mũndũ mũka mũthũku. Nĩĩendee na kũvoya ũu nũndũ nĩ na mathĩna maingĩ mũno.”
17
Eli nĩweeie Ana atĩĩ, “Enda na mũuo na Ngai wa Ĩsilaeli nĩakũnenge kĩla wamwĩtya.”
18
Ana nĩwasũngĩie amwĩa atĩĩ, “Nyie mũthũkũmi waku nĩngũvoya none ũseo mbee waku.” Nĩvo ĩndĩ Ana waendie, aya lĩu na aeka kwĩw'a woo.
19
Ũnĩ ũsu kwakya, Elikana na andũ ma mũsyĩ wake nĩmaamũkie kĩoko tene, na mamina kũthaitha Mwĩai Ngai menũka mũsyĩ Lama. Elikana nĩwamanyanie kĩ-mwĩĩ na Ana mũka wake, nake Mwĩai Ngai asũngĩa mboya ya Ana.
20
Kwoou ĩvindanĩ yĩu Ana nĩwaitavie na asyaa kavĩsĩ. Nĩweetie kana kau Samũeli, na asya, “Namwĩtisye kuma kwa Mwĩai Ngai.”
21
Ĩvinda yavika, Elikana na andũ ma mũsyĩ wake nĩmaendie Silo ĩngĩ makaumĩsye Mwĩai Ngai nthembo ĩla yaumaw'a kĩla mwaka na ayĩanĩsya wĩvĩto wake.
22
Ana nĩwaleile kũthi. Nĩweeie Elikana mũũme wake atĩĩ, “Yĩla kavĩsĩ kaa kakaeka kwonga, ngakatwaa nyũmbanĩ ya Mwĩai Ngai vala kakekala matukũ onthe ma thayũ wako.”
23
Elikana nĩwasũngĩie Ana amwĩa atĩĩ, “Ĩka ũndũ ũkwona waĩlĩte. Ĩkala kũũ nginya yĩla kana kakaeke kwonga. Mwĩai Ngai nĩeanĩsye ũndũ wakwathie.” Kwoou Ana nĩwatiiwe mũsyĩ na aendeea kũea kana kake, nginya kaeka kwonga.
24
Kana kaeka kwonga, Ana nĩwakosie na athi nako Silo kaninĩvĩte ũu. O ta ũu nĩwoosie kasalũ kena ũkũũ wa myaka ĩtatũ, kĩlo ĩkũmi sya mũtu na kĩkuu kya kĩthuma kyusĩe ndivai. Nĩwatwaie Samũeli nyũmbanĩ ya Mwĩai Ngai kũu Silo.
25
Mamina kũaa kala kasalũ, nĩmatwaie kavĩsĩ Samũeli kũla kwĩ Eli.
26
Ana nĩwaneenie na Eli amwĩa atĩĩ, “Mũnene wakwa, nũkũndilikana? Ninyie ũla mũndũ mũka woonie aũngamĩte vaa aivoya Mwĩai Ngai.
27
Nĩnamũvoyie anenge kana na anenga kĩla namũvoyie.
28
Nũndũ wa kĩtumi kĩu, nyie nĩngũnenga Mwĩai Ngai kana kaa. Ĩvindanĩ yonthe ya thayũ wako kakeethĩawa ke ka Mwĩai Ngai.” Ĩtina wa ũu nĩmathaithĩie Mwĩai Ngai vau.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31