bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 16
1 Samuel 16
Kamba (MBIVILIA ŨVOO MŨSEO)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
1
Mwĩai Ngai nĩwaneenie na Samũeli amũkũlya atĩĩ, “Wĩendeea kwĩthĩwa na kyeva nũndũ wa Saũlo nginya ĩndĩĩ. Nĩnĩleete aiendeea kwĩthĩwa e mũsumbĩ wa andũ ma Ĩsilaeli. Ĩkĩa ũvya waku mauta wusũe na ũyambĩĩa kyalo. Nĩngũũtũma Mbetheleemu kwa mũndũ wĩtawa Yese nũndũ nĩnĩnyuvĩte ũmwe wa ana make atw'ĩke mũsumbĩ.”
2
Samũeli amũkũlya, “Ndonya kwĩka ũu ata? Saũlo eew'a ũu, nũkũmbũaa.” Nake Mwĩai Ngai amũsũngĩa, “Osa moi ũthi nayo na ũyasya ũendete kumĩsya Mwĩai Ngai nthembo.
3
Thokya Yese oke vala ũkumĩsya nthembo ĩsu na nĩngũũtavya ũndũ ũkwĩka. Mũndũ ũla ngũũtavya, nĩwe ũkũmwĩtĩkĩsya mauta atw'ĩke mũsumbĩ.”
4
Samũeli nĩweekie ũndũ Mwĩai Ngai wamwĩaĩĩte na athi Mbetheleemu. Yĩla wavikie atongoi ma ndũa ĩsu nĩmookie vala waĩ matetemete nĩ w'ĩa, na mamũkũlya atĩĩ, “Wooka kũũ na mũuo?”
5
Nake amasũngĩa, “Ĩĩ, nooka kũthembea Mwĩai Ngai. Ĩthesyei na mũyũka tũendany'e tũkathembe.” Samũeli o ta ũu nĩwatheisye Yese na ana make na amathokya makathembe.
6
Yĩla mavikie na Samũeli oona Eliavu mwana wa Yese, nĩwasũanĩie asya, “Kwa w'o, mwĩtĩkĩw'a mauta wa Mwĩai Ngai nĩwe ũũ ũũngamĩte mbee wake.”
7
Ĩndĩ Mwĩai Ngai amwĩa atĩĩ, “Ndũkasisye ũndũ wũmbĩtwe kana ũasa wake. Nyie nĩnamũlea. Nyie Mwĩai Ngai ndisiasya ũndũ andũ masiasya; andũ masiasya wũmbo, ĩndĩ nyie nĩsiasya ngoo ya mũndũ.”
8
Nĩvo ĩndĩ Yese weetie mwana wake Avinatavu ooka vala ve Samũeli, ĩndĩ Samũeli asya, “Mwĩai Ngai ndanyuvĩte ũũ.”
9
Yese nĩwaetie Samama. Nake Samũeli asya, “O na Mwĩai Ngai ndanyuvĩte ũũ.”
10
Kwa nzĩa ĩsu Yese nĩwaetie ana make me mũonza mbee wa Samũeli, ĩndĩ Samũeli amwĩa, “Mwĩai Ngai ndanyuvĩte aa.”
11
Nĩvo ĩndĩ Samũeli wamũkũlilye atĩĩ, “Aa nĩmo ana maku onthe?” Yese asũngĩa amwĩa, “Ve ũngĩ ũla mũnini ũtialĩte, ĩndĩ nake eĩthya malondu.” Samũeli amwĩa, “Tumana aketwe. Tũyĩĩkala nthĩ nginya avike.”
12
Kwoou Yese nĩwatũmanie mwanake ũsu aketwe, na aetwe. Aĩ mwĩĩ mũseo, metho manake, na aĩ wa kwendeesya kwa kũsiw'a. Mwĩai Ngai nĩweeie Samũeli atĩĩ, “Ũkĩla ũmwĩtĩkĩsye mauta; nĩwe ũsu!”
13
Samũeli nĩwoosie ũla ũvya waĩ mauta na etĩkĩsya Ndeviti mauta e mbee wa ana-a-inyia make. Kuma mũthenyanĩ ũsu Veva wa Mwĩai Ngai nĩwookie ĩũlũ wa Ndeviti na wamũtongoesya. Nĩvo ĩndĩ Samũeli waendie Lama.
14
Veva wa Mwĩai Ngai nĩwaumie vala ve Saũlo, na veva mũthũku waekwa nĩ Mwĩai Ngai ũmũthĩny'e.
15
Athũkũmi ma Saũlo nĩmaneenie nake mamwĩa atĩĩ, “Yu veva mũthũku nũeketwe nĩ Mwĩai Ngai ũkũthĩny'e.
16
Mũnene, twĩyĩaĩe ithyĩ athũkũmi maku tũmanthe mũndũ wĩ na ũmanyi wa kũkũna ngitaa nini, na ĩndĩ yĩla veva ũsu mũthũku wakũlika, mũndũ ũsu akakũnaa ngitaa nĩ kana wĩw'e nesa ĩngĩ.”
17
Saũlo nĩweeie athũkũmi make atĩĩ, “Manthĩei mũndũ ũtonya kũkũna ngitaa nesa na mũimũete vala nĩĩ.”
18
Mũthũkũmi ũmwe wa mũika nĩwaneenie asya atĩĩ, “Yese kuma ndũanĩ ya Mbetheleemu e mwana wĩsĩ kũkũna ngitaa mũno. Mwana ũsu nĩ ngũmbaũ na nĩ mũmbe nesa, nĩ mũsikalĩ mũseo na mũneeni mũseo, na Mwĩai Ngai e vamwe nake.”
19
Kwoou Saũlo nĩwatũmie andũ kwa Yese makamwĩe atĩĩ, “Tũma Ndeviti mwana waku ũla ũĩthasya malondu oke kũla nĩĩ.”
20
Yese nĩwatũmie Ndeviti kũla kwĩ Saũlo e na katena ka mbũi, ĩng'oi yĩkuĩte mĩkate na kĩkuu kĩseũvĩtw'e na kĩthuma kyusĩe ndivai.
21
Ndeviti nĩwaendie kwa Saũlo na ambĩĩa kũmũthũkũma. Saũlo nĩwendie Ndeviti mũno na amũnyuva ethĩwe mũndũ wa kũmũkuĩaa mĩio yake ya kaũ.
22
Nĩvo ĩndĩ Saũlo watũmanie kwa Yese ayasya atĩĩ, “Nenga Ndeviti mwanya aendee kũnthũkũma nũndũ nũmbendeeisye.”
23
Kuma ĩvindanĩ yĩu, yĩla ũla veva mũthũku waeketwe nĩ Ngai ũthĩnasye Saũlo wamũlika, Ndeviti nĩwoosaa ngitaa yake akamĩkũna. Veva ũsu mũthũku nĩwaumaa vala ve Saũlo, akavuũka na ayĩw'a nesa ĩngĩ.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31