bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 23
1 Samuel 23
Kamba (MBIVILIA ŨVOO MŨSEO)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Ndeviti nĩweewie kana Avilisiti nĩmekũkita na andũ ma ndũa ya Keila, na nĩmekũya ngetha ya mbaa mbeke ĩla ĩnakethiwe mĩtũkĩ yĩ ivũĩonĩ.
2
Nĩwaneenie na Mwĩai Ngai amũkũlya atĩĩ, “Nĩnaĩlĩte kũthi kũkita na Avilisiti?” Mwĩai Ngai nĩwamũsũngĩie amwĩa, “Enda ũkamavithũkĩe na ũitangĩĩa ndũa ya Keila.”
3
Ĩndĩ andũ ala maĩ na Ndeviti nĩmaneenie nake mamwĩa atĩĩ, “Ethĩwa twĩ na w'ĩa twĩ vaa nthĩ ya Yuta, wĩona ta tũkwĩthĩwa na w'ĩa wĩana ata yĩla tũũthi Keila tũkokite asikalĩ ma Avilisiti?”
4
Ndeviti nĩwaneenie na Mwĩai Ngai ĩngĩ amũkũlya kana nĩwaĩlĩte kũthi, nake Mwĩai Ngai amũsũngĩa amwĩa, “Theea ũthi Keila nũndũ nĩngũũnenga ũtonyi wa kũsinda Avilisiti.”
5
Kwoou Ndeviti na andũ ala waĩ namo nĩmaendie Keila, mokita na Avilisiti na makua indo syoo. Nĩwatumie Avilisiti makwata wasyo mũnene na atangĩĩa andũ ma Keila.
6
Yĩla Aviathali mwana wa Aimeleki wakĩĩte akathi Keila kũla kwĩ Ndeviti nĩwakuĩte ĩla ngũa ya ĩũlũ yĩtawa evoti.
7
Saũlo nĩwataviw'e kana Ndeviti e Keila na aneena ayasya atĩĩ, “Ngai nĩwanengane Ndeviti ũtonyinĩ wakwa, nũndũ nĩweelikya mũteonĩ kwa kũthi kũlika ndũanĩ mbiĩĩe na yĩna mĩvĩa mĩlũlũmĩĩlye.”
8
Kwoou Saũlo nĩweetie asikalĩ make ma kaũ nĩ kana mathi makavithũkĩe ndũa ya Keila na maikwata Ndeviti o vamwe na andũ ala waĩ namo.
9
Yĩla Ndeviti weewie kana Saũlo e na mũvango wa kũmũvithũkĩa, nĩwaneenie na mũthembi Aviathali amwĩa atĩĩ, “Ete ngũa ya ĩũlũ ĩla yĩtawa evoti vaa.”
10
Nĩwasyokie asya, “Mwĩai Ngai, Ngai wa Ĩsilaeli, nyie mũthũkũmi waku nĩnĩminĩte kwĩw'a kana vate nzika Saũlo nũvangĩte kũka Keila, na ayananga ndũa ĩno nũndũ wakwa.
11
Andũ ma Keila nĩmekũnengane nyie kũla kwĩ Saũlo? Kwĩanana na ũndũ nĩw'ĩte, Saũlo nũkũtheea oke? Ame Mwĩai Ngai, Ngai wa Ĩsilaeli nĩngũkwĩsũva ũnzũngĩe!” Mwĩai Ngai nĩwasũngĩie Ndeviti amwĩa, “Saũlo nũkũka.”
12
Nake Ndeviti amũkũlya ĩngĩ atĩĩ, “Andũ ma Keila nĩmekũnengane kũla kwĩ Saũlo?” Mwĩai Ngai amũsũngĩa amwĩa, “Ĩĩ, nĩmeũkũnengane.”
13
Kwoou Ndeviti e na andũ ala waĩ namo, ala maĩ ta maana thanthatũ, nĩmaumie Keila kwa mĩtũkĩ na maendeea kũthi, kuma vandũ kũthi vangĩ. Yĩla Saũlo weewie kana Ndeviti nũkĩie auma Keila, nĩwaekanie na mũvango ũla waĩ naw'o.
14
Ndeviti nĩwekalile wĩvithonĩ nthĩ yĩ iĩma weũnĩ wa Nzivu. Saũlo nĩwaendeeie kũmantha Ndeviti, ĩndĩ Mwĩai Ngai ndaanengane Ndeviti kũla kwĩ Saũlo.
15
Ndeviti e Olesi weũnĩ wa Nzivu nĩwamanyie kana Saũlo okĩte kũmũaa.
16
Yonathani mwana wa Saũlo nĩwaendie Olesi kũla kwĩ Ndeviti na amũthangaasya akĩmwatha kana Ngai nũkũmũsũvĩa.
17
Nĩwamwĩie atĩĩ, “Ndũkakĩe, ĩthe wakwa Saũlo ndekwĩka ũndũ mũthũku. We ũkatw'ĩka mũsumbĩ wa Ĩsilaeli nakwa ndyĩthĩwa nĩ wa kelĩ ũsumbĩnĩ waku, o na Saũlo ĩthe wakwa nĩwĩsĩ kana ũu nĩw'o.”
18
Nĩvo ĩndĩ Ndeviti na Yonathani maseũvisye ũtianĩo me mbee wa Mwĩai Ngai. Ndeviti nĩwatiiwe Olesi, nake Yonathani enũka.
19
Andũ amwe kuma Nzivu nĩmaendie Ngivea kũla kwĩ Saũlo na mamwĩa atĩĩ, “Ndeviti e kĩsionĩ kya nthĩ yaitũ, evithĩte Olesi Kĩĩmanĩ kya Akila, kĩla kĩ ngalĩko ya ĩtheo ya weũ wa Yuta.
20
Yu mũsumbĩ, ĩvinda o na yĩva yĩla ũkwenda kũtheea wũke, ũka; ithyĩ wĩa witũ wĩĩthĩwa wĩ kũmũnengane ũtonyinĩ waku we mũsumbĩ.”
21
Saũlo nĩwasũngĩie asya atĩĩ, “Mwĩai Ngai nĩamũathime nũndũ nĩmwambĩw'ĩa tei!
22
Endai ĩngĩ mũkamanye nesa; manyai nesa vala ũĩ na nũũ ũla wamwona vo. Nĩnĩtavĩtw'e kana e mawũĩ mũno.
23
Manyai nesa vyũ kũndũ kũla wĩvithaa, na mũyũka vala nĩĩ mũndavye ũvoo wa w'o. Nĩvo ĩndĩ nyie ngũendany'a nenyu na ethĩwa e kĩsionĩ kĩu nĩngũmũmantha, o na ethĩwa nĩmũmantha nthĩ ĩsu yonthe ya Yuta.”
24
Kwoou andũ asu nĩmambĩĩie kyalo kya kũsyoka Nzivu me mbee wa Saũlo. Ndeviti na andũ make maĩ weũnĩ wa Maoni, Mwandanĩ wa Yolotani, ngalĩko ya ĩtheo ya weũ wa Yuta.
25
Saũlo na andũ make nĩmambĩĩie kũmantha Ndeviti. Yĩla Ndeviti wataviw'e nĩwatheeie vandũ ve kĩĩma kĩ ĩvia weũnĩ wa Maoni na ekala vau. Saũlo eew'a ũu, nĩwamũatĩĩie nginya weũnĩ ũsu.
26
Saũlo na andũ make maendie ngalĩko ĩmwe ya kĩĩma, nake Ndeviti e na andũ make mathi ngalĩko ĩla ĩngĩ. Ndeviti eekalaatĩte aume vakuvĩ na Saũlo, nake Saũlo e na andũ make maendee kũmavinganĩsya nthĩnĩ nĩ kana mamakwate.
27
Kavindanĩ o kau mũndũ ũmwe waĩ mũtũme nĩwavikie na eea Saũlo atĩĩ, “Ĩkalaate wũke! Avilisiti nĩmaendee kũvithũkĩa nthĩ yaitũ!”
28
Saũlo nĩwaekie kũatĩĩa Ndeviti na asyoka akokite na Avilisiti. Kĩu nĩkyo kĩtumi vandũ vau vetawa Sela Amalekothi.
29
Ndeviti nĩwaumie vau na athi kĩsionĩ kya nthĩ ya Eni-ngeti vala wekalile evithĩte.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31