bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 7
1 Samuel 7
Kamba (MBIVILIA ŨVOO MŨSEO)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
1
Kwoou andũ ma Kiliathi-yealimu nĩmaendie moosa Ĩsandũkũ ya Ũtianĩo ya Mwĩai Ngai, na mayĩtwaa mũsyĩ kwa mũndũ weetawa Avinatavu ũla watwĩe kĩĩmanĩ. Nĩmavathie mwana wa Avinatavu ũla weetawa Eleasali asũvĩae Ĩsandũkũ yĩu.
2
Kuma mũthenyanĩ ũla Ĩsandũkũ ya Ũtianĩo yatwaiwe Kiliathi-yealimu, nĩyeethĩiwe vau vandũ va ĩvinda ĩasa, vakuvĩ myaka mĩongo ĩlĩ. Ĩvindanĩ yĩu yonthe andũ ma Ĩsilaeli nĩmamwĩkaĩlaa Mwĩai Ngai amatetheesye.
3
Samũeli nĩwaneenie na andũ ma Ĩsilaeli amea atĩĩ, “Ethĩwa nĩmũũsyokea Mwĩai Ngai na ngoo syenyu syonthe, no nginya mũekane na ngai ngeni, o vamwe na ngai ĩla yĩtawa Asetalothi. Ĩnenganei ene kũla kwĩ Mwĩai Ngai na mũimũthaitha e weka, nake nũkũmũtangĩĩa kuma ũtonyinĩ wa Avilisiti.”
4
Kwoou andũ ma Ĩsilaeli nĩmavetie mĩvw'anano ya ngai ya Mbaali na Asetalothi, na mathaitha Mwĩai Ngai e weka.
5
Nĩvo ĩndĩ Samũeli waisye atĩĩ, “Ũmbanĩsyai andũ onthe ma Ĩsilaeli Misiva, na nĩngũmũvoyea kũla kwĩ Mwĩai Ngai.”
6
Kwoou onthe nĩmoombanĩie vau Misiva. Nĩmatavie kĩw'ũ na makĩta nthĩ kĩthĩwe nthembo kwondũ wa Mwĩai Ngai. Nĩmatĩĩie kũya mũthenya ũsu w'onthe. Nĩmaneenie masya atĩĩ, “Nĩtũvĩtĩsye Mwĩai Ngai.” (Samũeli nĩwasilile makoani ma andũ ma Ĩsilaeli me vau Misiva.)
7
Yĩla Avilisiti meewie kana andũ ma Ĩsilaeli nĩmombanĩe Misiva, asumbĩ atano ma Avilisiti nĩmaendie kũmavithũkĩa. Andũ ma Ĩsilaeli meew'a ũu, nĩmakwatiwe nĩ w'ĩa nũndũ wa Avilisiti.
8
Andũ ma Ĩsilaeli nĩmaneenie na Samũeli mamwĩa atĩĩ, “Ndũkaeke kũtũvoyea kũla kwĩ Mwĩai Ngai, Ngai waitũ nĩ kana atwovosye kuma ũtonyinĩ wa Avilisiti.”
9
Samũeli nĩwooaie katena ka ĩlondu kekwonga akathembea Mwĩai Ngai, kethĩwe nthembo nima ya kũvĩvw'a. Nĩvo ĩndĩ wavoyie Mwĩai Ngai atetheesye andũ ma Ĩsilaeli. Mwĩai Ngai nĩweewie mboya yake.
10
Samũeli aendee kumya nthembo ya kũvĩvw'a, Avilisiti nĩmathengeeie mokite na andũ ma Ĩsilaeli. Ĩndĩ mũthenyanĩ ũsu, Mwĩai Ngai atundumĩa Avilisiti na kĩtundumo kĩnene. Nĩwamavũavũanisye na masemba makĩĩte andũ ma Ĩsilaeli.
11
Andũ ma Ĩsilaeli nĩmaumie Misiva malũngĩtye Avilisiti, na mamaatĩĩa makĩmoaĩa nzĩanĩ meew'a kũthi kũvika Mbethi-kali.
12
Samũeli nĩwoosie ĩvia na ayĩnzĩla katĩ wa Misiva na Seni na ayĩta Embenesa nũndũ aisye “Kũvika vau Mwĩai Ngai nũtũtethetye.”
13
Kwoou Avilisiti nĩmasindiwe na Mwĩai Ngai amasiĩĩa maikalike kĩsionĩ kya nthĩ ya andũ ma Ĩsilaeli ĩvindanĩ yonthe yĩla Samũeli waĩ thayũ.
14
Ndũa syonthe ila syĩ katĩ wa Ekeloni na Ngathi, ila Avilisiti moosete nĩsyatũngĩiwe andũ ma Ĩsilaeli. Kwa nzĩa ĩsu andũ ma Ĩsilaeli nĩmatũngĩiwe nĩ Avilisiti kĩsio kya nthĩ yoo kyonthe. O ta ũu nĩkweethĩiwe na mũuo katĩ wa andũ ma Ĩsilaeli na Aamoli.
15
Samũeli eethĩiwe e mũsili wa andũ ma Ĩsilaeli ĩvindanĩ ya thayũ wake w'onthe.
16
Kĩla mwaka nĩwaendaa akakomanĩsya ndũa sya Mbethi-eli, Ngilikali na Misiva. Nĩwasilaa makoani ma andũ ma Ĩsilaeli e ndũanĩ isu syonthe.
17
Ĩtina wa ũu, Samũeli nĩwenũkaa mũsyĩ kwake Lama, vala o ta ũu wasilĩlaa makoani. Nĩwaakĩie Mwĩai Ngai kĩthembeo vau Lama.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31