bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 30
1 Samuel 30
Kamba (MBIVILIA ŨVOO MŨSEO)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Ndeviti na andũ make mavikie Nzikilaki mũthenyanĩ wa katatũ. Aamaleki maĩ manavithũkĩa ngalĩko ya ĩtheo ĩla yĩtawa Nengevu, vamwe na ndũa ya Nzikilaki. Maĩ manasinda ndũa ya Nzikilaki na makamĩvĩvya,
2
na makatava aka na andũ onthe ala maĩ ndũanĩ ĩsu; anini na anene. Mayaaũaa mũndũ o na ũmwe, ĩndĩ yĩla maumaa kũu mamakuie onthe.
3
Yĩla Ndeviti na andũ make mavikie Nzikilaki, nĩmeethĩie ndũa ĩsu yĩ mbĩvye ikavalũkanga, na iveti syoo na syana syoo ikatavwa.
4
Ndeviti na andũ make nĩmaĩie mũno nginya weethĩa mai na vinya wa kũendeea kũĩa.
5
Iveti sya Ndeviti syelĩ, Ainoamu kuma Yesileeli na Avikaili ũla waĩ mũka wa Navali kuma Kalimeli o namo maĩ atave.
6
Ndeviti aĩ thĩnanĩ mũnene mũno, nũndũ andũ make maĩ na woo mũnene ngoonĩ syoo nũndũ wa kwasya syana syoo, na nĩmamũtelemasya mayenda kũmũkimanga na mavia. Ĩndĩ Ndeviti nĩweethangaaisye kwa kũmwĩkwatya Mwĩai Ngai, Ngai wake.
7
Ndeviti nĩwaneenie na Mũthembi Aviathali mwana wa Aimeleki amwĩa atĩĩ, “Ndetee ĩla ngũa ya ĩũlũ yĩtawa evoti.” Aviathali nĩwamũeteie ngũa ĩsu.
8
Ndeviti nĩwakũlilye Mwĩai Ngai atĩĩ, “Nĩnaĩlĩte kũatĩĩa nguthu ĩsu yatava andũ? Nĩngũmĩkwata?” Nake Mwĩai Ngai amũsũngĩa amwĩa atĩĩ, “Maatĩĩe; nũũmakwata na ũitangĩĩa ala matavĩtwe.”
9
Kwoou Ndeviti e na ala andũ make maana thanthatũ nĩmambĩĩie kyalo na mathi mavika kalũsĩnĩ ketawa Mbesoli na amwe moo matiwa vau.
10
Ndeviti nĩwaendeeie na kyalo e na andũ maana ana; andũ ala angĩ maana elĩ nĩmanoete mũno ũkethĩa maitonya kũinga kalũsĩ kau, na kwoou matiwa ĩtina.
11
Andũ asu maĩ na Ndeviti nĩmeethĩie Mũmisili kĩsesinĩ na mamũete kũla kwĩ Ndeviti. Nĩmamũnengie lĩu aya na kĩw'ũ anyw'a.
12
Mamũnengie kĩlungu kya tũkũmbwa tũseũvĩtw'e na matunda momũ ma makũyũ, na itũngo ilĩ sya nzavivũ mbovu. Nĩwaĩe na akwata vinya ĩngĩ, nũndũ ndaĩte kĩndũ kana akanyw'a kĩw'ũ vandũ va mĩthenya ĩtatũ mĩima.
13
Ndeviti nĩwaneenie na Mũmisili ũsu amũkũlya atĩĩ, “Mũnene waku nũũ na wumĩte va?” Nĩwasũngĩie asya atĩĩ, “Nyie nĩ Mũmisili na nĩ ngombo ya mũndũ Mũamaleki. Mũnene wakwa anandiie ĩtina mĩthenya ĩtatũ mĩvĩtu nũndũ nĩnaĩ mũwau.
14
Nĩtũnavithũkĩie Nengevu vala Akelethi matũaa, vamwe na kĩsio kya nthĩ ya Yuta, na Nengevu ĩla yanengiwe Kalevu na twavĩvya ndũa ya Nzikilaki.”
15
Ndeviti amũkũlya, “Nũtonya kũndwaa vala ve nguthu ĩsu?” Nake amũsũngĩa amwĩa, “Ĩvĩte kũla nĩĩ mbee wa Ngai kana ndwĩmbũaa, kana ũndũnge kwa mũnene wakwa, na nĩngũũtwaa vala maĩ.”
16
Nĩwatongoeisye Ndeviti vala maĩ. Nĩmeethĩie nguthu ĩsu ĩnyaĩĩkĩe kĩla vandũ, maiya, kũnyw'a na kũtana nũndũ wa syĩndũ mbingĩ ila matavĩte kuma nthĩ ya Avilisiti na ya Yuta.
17
Mũthenyanĩ ũla waatĩĩe, Ndeviti nĩwokitie namo kuma kwakya nginya ĩa mawĩoo. Vai ũmwe woo waavonoka ate o anake ma mũika maana ana ala maendie makuĩtwe nĩ ngamĩle makĩĩte.
18
Ndeviti nĩwatũngie syĩndũ syonthe ila Aamaleki moosete, o vamwe na iveti syake syelĩ.
19
Vai kĩndũ kĩtaaoneka; kĩnene kana kĩnini, ana na eĩtu, syĩndũ ila matavĩte kana kĩndũ o na kĩva kĩla moosete. Ndeviti nĩwatũngie syĩndũ syonthe.
20
Nĩwoosie indo syonthe, na andũ make mainga me mbee wake mayasya atĩĩ, “Ii nĩ sya Ndeviti!”
21
Nĩvo ĩndĩ Ndeviti wasyokie vala vaĩ ala andũ maana elĩ, ala maĩ onzu ũkethĩa maitonya kũendany'a nake, na kwoou matiwa vakuvĩ na kalũsĩ ka Mbesoli. Nĩmaendie mathaũĩte Ndeviti e vamwe na andũ ala angĩ make. Ndeviti nĩwamakomanie, na amakethya na ũtanu.
22
Ĩndĩ andũ onthe athũku na ala maetae kĩthokoo, ala maĩ katĩ wa aatĩĩi ma Ndeviti nĩmaneenie mayasya atĩĩ, “Nũndũ mainaaendany'a naitũ, tũiĩtĩkĩla kũaana namo syĩndũ ila inatavĩtwe, ila twasyoka nasyo; ateo kĩla mũndũ nĩose mũka wake na syana syake na ayĩyĩendea.”
23
Ndeviti nĩwasũngĩie amea atĩĩ, “Aiee Ana-a-asa, mũitonya kwĩka ũu na syĩndũ ila Mwĩai Ngai ũtũnengete! Mwĩai Ngai nũnatũsũvĩie na atũnenga ũtonyi wa kũsinda nguthu ĩla ĩnatũvithũkĩĩte.
24
Nũũ ũtonya kwĩthukĩĩsya ũu mũkwasya? Mũndũ ũla ũendaa kaũnĩ na ũla ũtiawa aisũvĩa mĩio, manengawe o ilungu syĩanene; onthe maaĩawa ũndũ ũmwe.”
25
Ndeviti nĩwatw'ĩkĩthisye ũndũ ũsu mwĩao na ũtw'ĩo kwa andũ ma Ĩsilaeli, kuma mũthenya ũsu kũvika ũmũnthĩ.
26
Yĩla Ndeviti wavikie Nzikilaki, nĩwanenganie syĩndũ imwe katĩ wa ila syatavĩtwe itwaĩwe atongoi ma mbaĩ ya Yuta ala maĩ anyanyae make ayasya atĩĩ, “Kwatai mũthĩnzĩo ũũ kuma syĩndũnĩ ila nĩnatavie kwa amaitha ma Mwĩai Ngai.”
27
Anenganie mũthĩnzĩo ũsu kwa andũ ma Mbethi-eli, andũ ma Lama, ala matwĩe ngalĩko ya ĩtheo ĩla yĩtawa Nengevu, Yuta, na kwa andũ ma ndũa sya Yatili,
28
Aloeli, Sivimothi, Esitemoa
29
na Lakali, ndũanĩ sya Yelameeli na sya Akeni.
30
O ta ũu nĩwanenganie kwa ala maĩ ndũanĩ ya Olima, Mbolasani, Athaki,
31
na Eviloni. Nĩwanenganie mũthĩnzĩo ũsu kũndũ kw'onthe kũla we na andũ make mesĩlaa.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31