bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 19
1 Samuel 19
Kamba (MBIVILIA ŨVOO MŨSEO)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
Saũlo nĩwaeleisye Yonathani mwana wake, na anini make ĩũlũ wa mũvango wake wa kũaa Ndeviti. Ĩndĩ Yonathani nĩwendete Ndeviti mũno.
2
Yonathani nĩwaneenie na Ndeviti amwĩa atĩĩ, “Ĩthe wakwa nũkũmantha ũndũ ũtonya ũkũaa, kwoou ũnĩ kwakya, wĩĩthĩwa wĩsũvĩĩte. Enda wĩvithe vandũ na ũyĩkala vo.
3
Ngathi nĩ na ĩthe wakwa na ngĩũngama vakuvĩ nake kĩsesinĩ kĩla wĩvithĩte. Twĩ vau nganeena nake ĩũlũ waku, na namanya ũndũ o na wĩva ĩũlũ waku ngĩũtavya.”
4
Yonathani nĩwaneenie maũndũ maseo ĩũlũ wa Ndeviti kũla kwĩ ĩthe wake Saũlo ayasya atĩĩ, “Mũsumbĩ, ndũkatate kwĩka mũthũkũmi waku Ndeviti ũndũ mũthũku. Ndeviti ndaakwĩka ũndũ mũthũku o na ũmwe, ĩndĩ maũndũ onthe ala Ndeviti wĩkĩte methĩĩtwe me ma ũtethyo mũnene kwaku.
5
Nĩwalikilye thayũ wake mũisyonĩ yĩla wooaie Ngoliathi ũla Mũvilisiti. Kwoou Mwĩai Ngai nĩwaeteie andũ ma Ĩsilaeli ũsindi mũnene nawe nĩwoonie ũu na watana. Nĩ kyaũ kĩtuma wĩka naĩ kwa kũaa mũndũ ũte ĩvĩtyo ta Ndeviti vate kĩtumi?”
6
Saũlo nĩweetĩkĩlanile na ndeto sya Yonathani, na ĩndĩ eevĩta ayasya atĩĩ, “Nĩngwĩvĩta ĩsyĩtwanĩ ya Mwĩai Ngai ũla wĩ thayũ kana Ndeviti ndeũawa.”
7
Kwoou Yonathani nĩweetie Ndeviti na amũtavya maũndũ onthe. Nĩvo ĩndĩ wamũtwaie kũla kwĩ Saũlo, na Ndeviti aendeea kũthũkũma mũsumbĩ o tondũ weekaa vau mbeenĩ.
8
Nĩkweethĩiwe na kaũ ĩngĩ katĩ wa Avilisiti na andũ ma Ĩsilaeli. Ndeviti nĩwaendie kũkita na Avilisiti. Nĩwamokitie na ũtonyi mwingĩ nginya masemba makĩa.
9
Ĩvindanĩ yĩmwe Mwĩai Ngai nĩwaekie veva mũthũku walika Saũlo. Saũlo ailyĩ nthĩ nyũmba kwake akwete ĩtumo yake. Ndeviti aendee kũkũna ngitaa.
10
Saũlo nĩwatatie kũmũtonyanĩsya na ũkũta na ĩtumo yake, ĩndĩ Ndeviti ayathũkĩa yathi kũtonya ũkũta yalũma. Ndeviti nĩwasembie na avonoka.
11
Ũtukũ o ũsu, Saũlo nĩwatũmie andũ nyũmba kwa Ndeviti makamwovye nĩ kana mamũae ũnĩ ũsu kwakya. Mikali mũka wa Ndeviti nĩwatavisye mũũme wake amwĩa atĩĩ, “Walea kũsemba ũmũnthĩ ũtukũ ũkĩe, ũnĩ ũkooawa.”
12
Kwoou Mikali nĩwatheeleilye Ndeviti ndĩlĩsyanĩ, na Ndeviti asemba akĩa.
13
Nĩvo ĩndĩ Mikali woosie ĩvisa ya ngai ya mũvw'anano yĩtawa Telavimu aũkomya ũkomonĩ na ailĩĩla kamũto kaseũvĩtw'e na w'ĩa wa mbũi mũtwenĩ waw'o, na aũvw'ĩka.
14
Yĩla andũ ala matũmĩtwe nĩ Saũlo maendie kũkwata Ndeviti, Mikali nĩwameie kana Ndeviti nĩ mũwau.
15
Ĩndĩ Saũlo nĩwamatũmie ĩngĩ kwa Ndeviti na amea atĩĩ, “Endai mũkamũkue e ũkomonĩ wake mũmũete nĩ kana nĩmũae.”
16
Yĩla aũme asu maendie nĩmeethĩie ĩla ngai ya mũvw'anano ĩkometw'e ũkomonĩ na mũtwenĩ wayo vakaiwa kamũto kaseũvĩtw'e na w'ĩa wa mbũi.
17
Saũlo nĩwakũlilye Mikali atĩĩ, “Ũngengie ũu nĩkĩ na waekana na mũmaitha wakwa athi akevithe?” Mikali nĩwamũsũngĩie amwĩa, “Aisye nũkũmbũaa nalea kũmũtetheesya athi akevithe.”
18
Yĩla Ndeviti wakĩie na avonoka, nĩwaendie Lama kũla kwĩ Samũeli na amũtavya maũndũ onthe ala Saũlo wamwĩkĩte. Nĩvo ĩndĩ Ndeviti na Samũeli maendie vandũ vetawa Naiothi na mekala vo.
19
Saũlo nĩwataviw'e kana Ndeviti e Naiothi ndũanĩ ya Lama,
20
na kwoou atũma andũ mathi makamũkwate. Nĩmoonie nguthu ya athani ĩyathana na Samũeli e vau ta mũtongoi woo. Nĩvo ĩndĩ Veva wa Ngai walikile andũnĩ asu matumĩtwe nĩ Saũlo, namo o ta ũu mambĩĩa kwathana.
21
Yĩla Saũlo wataviw'e ũndũ ũsu nĩwatũmie andũ angĩ, namo o ta ũu mambĩĩa kwathana. Nĩwatũmie andũ ĩvinda ya katatũ, namo meeka o ta ala angĩ.
22
Ĩtina wa ũu, Saũlo mwene nĩwambĩĩie kyalo kya kũthi Lama. Yĩla wavikie vala ve kĩthima kĩnene kĩla kĩ Seku, nĩwakũlilye atĩĩ, “Samũeli na Ndeviti maĩva?” Nĩwasũngĩiwe eewa kana me Naiothi ndũanĩ ya Lama.
23
Saũlo nĩwaendie nginya Lama. Avika Lama Veva wa Ngai nĩwamũlikile, nake o ta ũu ambĩĩa kũthi akyathana nginya athi kũvika Naiothi.
24
Nĩwaumisye ngũa syake na ambĩĩa kwathana e mbee wa Samũeli. Nĩwakomie e mũthei mũthenya ũsu w'onthe na ũtukũ w'onthe. Kĩu nĩkyo kĩtumaa andũ masya, “Saũlo o nake ko ũtw'ĩkĩte mwathani?”
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31