bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 15
1 Samuel 15
Kamba (MBIVILIA ŨVOO MŨSEO)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
1
Samũeli nĩwaneenie na Saũlo amwĩa atĩĩ, “Mwĩai Ngai nĩwandũmie nũke ũkwĩtĩkĩsya mauta nĩ kana ũtw'ĩke mũsumbĩ wa andũ make ma Ĩsilaeli. Kwoou ĩthukĩĩsye ũtũmani kuma kwake.
2
Mwĩai Ngai Mwene Ũtonyi W'onthe easya kana nũkũkany'a Aamaleki nũndũ aaũmae moo nĩmasiĩĩie andũ ma Ĩsilaeli yĩla maumĩte nthĩ ya Misili.
3
Yu enda ũkavithũkĩe Aamaleki, na ũyananga syĩndũ syoo syonthe vyũ. Ndũkatialye kĩndũ; ũaa aũme na aka onthe, syana o na kũvika ila ikwonga, ng'ombe, malondu, ngamĩle na mang'oi.”
4
Saũlo nĩweetie asikalĩ make onthe na amatala me Telaimu. Vaĩ asikalĩ ma kũthi na maũũ ngili maana elĩ, na asikalĩ ngili ĩkũmi kuma mbaĩnĩ ya Yuta.
5
Saũlo e na asikalĩ make nĩmaendie ndũanĩ ya Aamaleki na meeteela mevithĩte vandũ ũsĩnĩ ũtaĩ kĩw'ũ.
6
Nĩwatũmanie kũla kwĩ Akeni makewe nĩmaume vala ve Aamaleki, na maithi nĩ kana ndakamoae na kũmaminanĩsya vamwe namo. Eeie Akeni ũu nũndũ nĩmeekĩte andũ ma Ĩsilaeli nesa yĩla mambatĩte maumĩte nthĩ ya Misili. Akeni nĩmaumie vala ve Aamaleki mathi.
7
Saũlo nĩwavithũkĩie Aamaleki kuma ndũanĩ ya Avila kũthi kũvika Suli, vakuvĩ na ngalĩko ya wumĩlonĩ wa syũa ya nthĩ ya Misili.
8
Nĩwakwatie Akaki mũsumbĩ wa Aamaleki e thayũ, na ooaa andũ ala angĩ onthe kaũnĩ ũsu.
9
Saũlo na asikalĩ make nĩmaleile kũaa Akaki, o vamwe na malondu na ng'ombe ila nzeo na tũsalũ tũla tũnou na tũtena twa malondu o vamwe na syĩndũ ila ingĩ nzeo. Maanangie syĩndũ ila syaĩ nthũku na ila ite vata.
10
Mwĩai Ngai nĩwaneenie na Samũeli amwĩa atĩĩ,
11
“Nĩna kyeva nũndũ nĩndw'ĩkĩthĩtye Saũlo mũsumbĩ. Saũlo nũleanĩte nakwa na akalea kũatĩĩa mĩao yakwa.” Samũeli nĩweewie woo na eesũva Mwĩai Ngai ũtukũ ũsu w'onthe.
12
Ũnĩ ũsu kwakya tene, Samũeli nĩwaendie akakomane na Saũlo. Nĩweeiwe kana Saũlo aendie ndũanĩ ya Kalimeli vala wĩyakĩie kĩtuĩ alilikanawe nakyo. Auma vau nũtheeie Ngilikali.
13
Samũeli nĩwambatie vala Saũlo waĩ nake amũkethya ayasya atĩĩ, “Samũeli, Mwĩai Ngai nĩakũathime. Nĩnĩatĩĩie mwĩao wa Mwĩai Ngai.”
14
Samũeli nĩwakũlilye atĩĩ, “Nĩkĩ ngwĩw'a malondu na ng'ombe iyany'a?”
15
Saũlo amũsũngĩa, “Asikalĩ makwa nĩmo mokie nasyo kuma kwa Aamaleki. Nĩmosie malondu na ng'ombe ila nzeo nĩ kana masyumisye Mwĩai Ngai, Ngai waku nthembo, ĩndĩ ila ingĩ nĩtũsyanangie vyũ.”
16
Nĩvo ĩndĩ Samũeli weeie Saũlo atĩĩ, “Vindya! Nĩngũũtavya ũndũ Mwĩai Ngai ũmbĩie ũtukũ.” Saũlo amwĩa, “Ndavye.”
17
Samũeli amwĩa atĩĩ, “O na vala vau mbeenĩ woonaa wĩ mũndũ ũte vata, nĩwatw'ĩkie mũtongoi wa mbaĩ sya andũ ma Ĩsilaeli. Mwĩai Ngai akwĩtĩkĩisye mauta ũtw'ĩke mũsumbĩ wa andũ ma Ĩsilaeli.
18
Yĩla wakũtũmie nĩwakwĩaĩe ayasya, ‘Enda ũkamine Aamaleki vyũ, ala nĩ andũ athũku; ũkita namo nginya ũmanine vyũ.’
19
Yu ĩndĩ ũnaleile kũatĩĩa ũndũ Mwĩai Ngai ũnakwĩie nĩkĩ? Ũnasembie kwosa syĩndũ syoo nĩkĩ na kwa nzĩa ĩsu weeka ũndũ ũla ũtamwendeeasya Mwĩai Ngai?”
20
Saũlo nĩwasũngĩie amwĩa, “Nĩnĩatĩĩie ũndũ Mwĩai Ngai ũnandavisye. Nĩnĩnaendie wĩanĩ ũla Mwĩai Ngai ũnandũmie ngathũkũme. Nĩnĩnaetie Akaki mũsumbĩ wa Aamaleki na nĩnĩminie Aamaleki onthe vyũ.
21
Ĩndĩ kuma syũndũnĩ ila syĩĩvathĩtwe syanangwe, asikalĩ nĩmosie malondu na ng'ombe ila nzeo vyũ, nĩ kana maithembee Mwĩai Ngai, Ngai waku me Ngilikali.”
22
Nake Samũeli amũkũlya, “Mwĩai Ngai endeeaw'a nĩ kyaũ: Nĩ nthembo sya kũvĩvw'a na nthembo ingĩ, kana nĩ wĩwi? Kwĩw'a Mwĩai Ngai nĩ kũseo kũte kũmumĩsya nthembo; kũmwĩthukĩĩsya nĩ kũseo kũte kũmũthembea mathunya ma ndũũme.
23
Ũng'endu nĩ ũndũ ũmwe na naĩ ya kũaũsya, na wũmũ wa ngoo nĩ ũndũ ũmwe na naĩ ya kũthaitha mĩvw'anano. Nũndũ nũleanĩte na ũndũ Mwĩai Ngai waĩtye, nake nũkũleete ũiendeea kwĩthĩwa wĩ mũsumbĩ.”
24
Nĩvo ĩndĩ Saũlo weeie Samũeli, “Nĩnĩvĩtĩtye; nĩnĩnaleile kũatĩĩa mĩao ya Mwĩai Ngai na ndeto syaku. Nĩnĩnakĩie andũ na kwoou neetĩkĩla ũndũ mekwenda.
25
Ĩndĩ yu nĩngũkwĩsũva, ndekea naĩ yakwa na tũisyokany'a nĩ kana nĩtonye kũthaitha Mwĩai Ngai.”
26
Samũeli nĩwamũsũngĩie amwĩa atĩĩ, “Ndisyokany'a naku. Nũnaleanile na Mwĩao wa Mwĩai Ngai, nake nũkũleete ndũkaendee kwĩthĩwa wĩ mũsumbĩ wa andũ ma Ĩsilaeli.”
27
Samũeli aivĩndũka athi, Saũlo nĩwakwatie mũthya wa ngũa ndaasa ya Samũeli na yatembũka.
28
Samũeli nĩwamwĩie atĩĩ, “Ũmũnthĩ Mwĩai Ngai nĩwakũvena ũsumbĩ wa Ĩsilaeli na aũnenga mũtũi waku ũla mũseo mbee waku.
29
Mwĩai Ngai ũla nĩwe ũkumyo wa Ĩsilaeli ndakenganaa na ndaalyũlaa mosũanĩo make, nũndũ ti mũndũ ũndũ ũalyũlaa mosũanĩo make.”
30
Saũlo asũngĩa amwĩa, “Nĩnĩvĩtĩtye ĩndĩ nĩngũkwĩsũva ũtume nĩnengwa ndaĩa nĩ atongoi ma andũ makwa, na nĩ andũ ma Ĩsilaeli. Nĩtũsyokany'e nĩ kana ngathaithe Mwĩai Ngai, Ngai waku.”
31
Kwoou Samũeli nĩwasyokanisye na Saũlo, na Saũlo athaitha Mwĩai Ngai.
32
Nĩvo ĩndĩ Samũeli waisye atĩĩ, “Ndeteei Akaki mũsumbĩ wa Aamaleki vaa.” Akaki nĩwaendie vala ve Samũeli e na ũkũmbaũ. Nĩwasũanĩaa ayasya, “Vate ndĩi woo wa kĩkw'ũ nĩ mũvĩtũku!”
33
Samũeli nĩwamwĩie atĩĩ, “Nũndũ ũvyũ waku nũtumĩte aka aingĩ matiwa mate na syana, inyia waku o nake nũkũtiwa ate na mwana ta aka ala angĩ.” Samũeli nĩwatilangile Akaki ilungu e mbee wa kĩthembeo kĩla kĩ Ngilikali.
34
Samũeli nĩwaendie Lama nake Mũsumbĩ Saũlo athi mũsyĩ kwake Ngivea.
35
Kuma ĩvindanĩ yĩu nginya kũkw'a kwake, Samũeli ndaaona Saũlo ĩngĩ, ĩndĩ aĩ na kyeva nũndũ wake. Mwĩai Ngai nĩweelilile nũndũ wa kwĩthĩwa nĩwatw'ĩkĩthĩtye Saũlo mũsumbĩ wa andũ ma Ĩsilaeli.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31