bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 25
1 Samuel 25
Kamba (MBIVILIA ŨVOO MŨSEO)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Samũeli nĩwakwie na andũ onthe ma Ĩsilaeli moombana vamwe na meethĩwa na kyeva nũndũ wake. Nĩmamũthikie mũsyĩ kwake Lama. Nĩvo ĩndĩ Ndeviti watheeie weũnĩ wa Valani.
2
Kwaĩ mũndũ ũmwe ndũanĩ ya Maoni ũla ũthwii wake waĩ Kalimeli. Mũndũ ũsu aĩ mũthwii mũno. Aĩ na malondu ngili itatũ, na mbũi ngili ĩmwe. Atilĩlaa malondu make w'ĩa kũu Kalimeli.
3
Mũndũ ũsu eetawa Navali, nake mũka wake eetawa Avikaili. Mũka wake aĩ mũĩ na aĩ mwanake, ĩndĩ mũndũ ũsu aĩ mũtoonu na aĩ ngoo nthũku. Navali aĩ wa mũsyĩ wa Kalevu.
4
Ndeviti e weũnĩ nĩweewie kana Navali etila malondu make w'ĩa.
5
Nĩvo ĩndĩ watũmie anake ĩkũmi amea atĩĩ, “Ambatai Kalimeli kũla kwĩ Navali na mũimũnenga ngethi syakwa.
6
Neenai nake mũmwĩe atĩĩ, ‘Mũuo nĩwĩthĩwe naku, na andũ ma mũsyĩ waku o vamwe na syĩndũ syaku syonthe.
7
Nĩnĩwie kana nũũtila malondu maku w'ĩa, na nĩenda ũmanye kana tũnatwĩe na aĩthi maku na tũineemeka ũndũ mũthũku. Vai kĩndũ kyoo o na kĩmwe maneeasya ĩvindanĩ yonthe yĩla manaĩ Kalimeli.
8
Makũlye na nĩmeũkũtavya. Kwoou nĩũkũlya nĩ kana anake asu makwa mone ũseo methonĩ maku, nũndũ nĩ mũthenya wa mboka. Nĩngũkwĩsũva ũnenge athũkũmi asu maku, nakwa nyie Ndeviti mwana waku o kĩla wĩ nakyo.’ ”
9
Yĩla anake asu matũmĩtwe nĩ Ndeviti mavikie, nĩmatavisye Navali ũndũ matũmĩtwe, na ĩndĩ meeteela.
10
Navali nĩwakũlilye athũkũmi asu ma Ndeviti atĩĩ, “Ndeviti nũũ? Mwana wa Yese nũũ? Matukũ aa athũkũmi aingĩ nĩmekwĩvitha makatia anene moo.
11
Nditonya kwosa mĩkate na kĩw'ũ kyakwa, na o ta ũu ndyosa nyama ila nũaĩe andũ makwa ala mekũtila malondu w'ĩa, na ngĩnenga syĩndũ isu andũ matesĩkĩe kũla maumĩte.”
12
Anake asu matũmĩtwe nĩ Ndeviti nĩmasyokie vala ũĩ na mamũtavya maũndũ asu onthe.
13
Ndeviti nĩwaneenie namo amea atĩĩ, “Kĩla mũndũ nĩeyovee ũvyũ wake!” Kĩla ũmwe woo nĩweeyoveeie ũvyũ wake, na Ndeviti o nake eeyoveea ũvyũ wake. Andũ ta maana ana nĩmambatie maatĩĩe Ndeviti, na angĩ maana elĩ matiwa vala syĩndũ syaiĩtwe.
14
Ũmwe wa athũkũmi ma Navali nĩwaneenie na Avikaili mũka wa Navali amwĩa atĩĩ, “Ndeviti atũmie andũ kuma weũnĩ maetee mũnene waitũ ngethi syake, ĩndĩ nake amaumanga.
15
Andũ asu manatwĩkaa nesa mũno. Maineetũthĩny'a, na ĩvindanĩ yonthe yĩla tũnaĩ isesinĩ vakuvĩ namo tũineeasya kĩndũ.
16
Nĩmanatũsũvĩaa ũtukũ na mũthenya tũikone ũndũ ũthũku, ĩvindanĩ yonthe yĩla tũnaithasya malondu maitũ twĩ vakuvĩ namo.
17
Yu sũanĩa ĩũlũ wa ũndũ ũsu na ũimantha ũtonya kwĩka ata, nũndũ mũnene waitũ na andũ ma mũsyĩ wake nĩmatonya kũkwatwa nĩ ũndũ mũthũku mĩtũkĩ. Mũnene waitũ nĩ mũthũku mũno na vai mũndũ ũtonya kũneena nake!”
18
Kwa mĩtũkĩ Avikaili nĩwoosie mĩkate maana elĩ, ikuu ilĩ iseũvĩtw'e na kĩthuma syusĩe ndivai, nyama sya malondu atano mbĩvye nesa, kĩlo ĩkũmi na mũonza sya ngetha ya mbaa mbeke mbĩvye, itũngo ĩana sya nzavivũ mbovu, na tũkũmbwa maana elĩ tũseũvĩtw'e na matunda momũ ma makũyũ. Nĩwailĩĩile syĩndũ isu syonthe mang'oinĩ.
19
Nĩvo ĩndĩ weeie athũkũmi make atĩĩ, “Tongosyai na nĩngũmũatĩĩa.” Ndaatavya mũũme wake Navali ũndũ ũsu.
20
Yĩla Avikaili watũlĩte ĩng'oinĩ yake esĩlĩte nguumo wa kĩĩma, nĩwakomanie na Ndeviti e na andũ make matheete melekele vala ũĩ.
21
Ndeviti nĩwasũanĩaa ayasya, “Kwa w'o ũnaĩ o wĩa wa mana kũsũvĩa ũthwii wa mũndũ ũũ yĩla ũnaĩ weũnĩ nĩ kana ndakasye kĩndũ kyake o na kĩmwe. Yu nũndĩvĩte ũthũku vandũ va ũseo ũsu.
22
Ngai nĩangũne nĩkw'e nalea kũaa aũme ma Navali onthe kũvika ũla wa ĩtina tũivika ũnĩ kĩoko!”
23
Yĩla Avikaili woonie Ndeviti, nĩwaumie ĩng'oinĩ yake mĩtũkĩ na akumana atina nthĩ na ũthyũ e mbee wa Ndeviti.
24
Nĩwakomie nthĩ na ĩvu vakuvĩ na maũũ ma Ndeviti na amwĩa atĩĩ, “Mũnene wakwa, ĩvĩtyo yĩu nĩyĩthĩwe yakwa nyie nĩ nyioka. Nĩngũkwĩsũva, eka nyie mũthũkũmi waku nĩneene naku na ũimbĩthukĩĩsya.
25
Mũnene wakwa ndũkaatĩĩe maũndũ ma Navali mũndũ ũsu mũthũku, nũndũ o ũndũ ĩsyĩtwa yake yĩilyĩ now'o nake ũilyĩ. Etawa Navali, na ausĩwe nĩ ũtumanu. Ĩndĩ ngalĩkonĩ ĩla yakwa nyie mũthũkũmi waku, ndineeona anake maku ala ũnatũmĩte.
26
Mwĩai Ngai nĩwe ũkũsiĩĩe ndũkeyĩĩvanĩsye na kũaa amaitha maku. Nĩngwĩvĩta ĩsyĩtwanĩ ya Mwĩai Ngai ũla wĩ thayũ na ĩsyĩtwanĩ yaku, kana amaitha maku na andũ onthe ala mekwenda ũkwĩka naĩ, nĩmekanw'a nĩ Mwĩai Ngai o tondũ Navali ũkũkanw'a.
27
Mũnene, nĩngũkwĩsũva, ĩtĩkĩla mĩthĩnzĩo ĩno nakũetee na ũimĩnenga anake maku ala wĩthĩawa namo.
28
Mwa ndekea naĩ ĩla nĩthĩwa ngũvĩtĩsye; Mwĩai Ngai akakũtw'ĩkĩthya mũsumbĩ na akatw'ĩkĩthya nzyawa syaku asumbĩ ĩvinda yonthe nũndũ we nĩwũkitaa makaũnĩ ma Mwĩai Ngai. Ĩvindanĩ yonthe yĩla wĩ thayũ ndũkaaĩke ũndũ mũthũku.
29
Ethĩwa mũndũ o na wĩva akakũvithũkĩa na ayenda ũkũaa, Mwĩai Ngai, Ngai waku akakũsũvĩa o tondũ mũndũ ũsũvĩaa kĩndũ kya vata kiĩtwe. Mwĩai Ngai, akekya amaitha maku ĩtheka o ũndũ mũndũ ũvyũlasya ĩvia na kĩkũtha akayĩkya.
30
Mwĩai Ngai amina kwĩka maũndũ onthe maseo ala ũkwathĩte, na aikũtw'ĩkĩthya mũsumbĩ wa Ĩsilaeli,
31
ndũkaaĩlila kana kũthĩnw'a nĩ wasya wa ngoo nũndũ wa kũaa vate kĩtumi kana nũndũ wa kwĩyĩĩvanĩsya. Mwa mũnene, Mwĩai Ngai amina ũkũathima, ndũkaaũlwe ninyie mũthũkũmi waku.”
32
Ndeviti nĩwaneenie na Avikaili amwĩa atĩĩ, “Nĩataĩwe Mwĩai Ngai, Ngai wa Ĩsilaeli ũla ũkũtũmie wũke kũkomana nakwa ũmũnthĩ.
33
Athimwa nũndũ wa kũsũanĩa kwaku kũseo, na nũndũ wa ũndũ ũla weeka ũmũnthĩ wa kũnziĩĩa ndikeke ĩvĩtyo ya kũaa andũ na ya kwĩyĩĩvanĩsya.
34
Mwĩai Ngai nĩwanziĩĩa ndikakwĩke ũndũ mũthũku. Ĩndĩ nĩngwĩvĩta ĩsyĩtwanĩ ya Ngai wa Ĩsilaeli ũla wĩ thayũ, kana kethĩwa ndũnekalaata ũkoka kũkomana nakwa, aũme onthe ma Navali methĩwa makw'a mbee wa kũtanamba kũkya!”
35
Nĩvo ĩndĩ Ndeviti weetĩkĩlile syĩndũ ila Avikaili wamũeteete na amwĩa atĩĩ, “Ĩnũka na mũuo. Nĩneew'a ũndũ ũkwenda na nĩngũwĩanĩsya.”
36
Avikaili nĩwasyokie kũla kwĩ Navali ũla waĩ mũsyĩ na waseũvĩtye mboka nene ĩilyĩ ta ya mũsumbĩ. Navali aĩ na ũtanu ngoonĩ nũndũ aĩ mũmile mũno, kwoou Avikaili ndaamũtavya kĩndũ nginya ũnĩ ũsu kwakya.
37
Kwakya Navali amina kũmilũkwa, mũka wake nĩwamũtavisye maũndũ asu onthe. Navali nĩwakũniwe nĩ ngoo na ooma ta ĩvia.
38
Ĩtina wa mĩthenya ĩkũmi, Mwĩai Ngai nĩwakũnie Navali na akw'a.
39
Yĩla Ndeviti weewie kana Navali nũkwie, nĩwaneenie asya atĩĩ, “Mwĩai Ngai nĩataĩwe! Nĩwandĩvanĩsya kũla kwĩ Navali nũndũ nũnanumie. Mwĩai Ngai nũnanziĩĩie nyie mũthũkũmi wake ndakeke naĩ. Nũnakanisye Navali nũndũ wa ũthũku wake.”
40
Nĩvo ĩndĩ Ndeviti watũmanie kũla kwĩ Avikaili amũkũlĩtye atw'ĩke mũka wake. Athũkũmi ma Ndeviti nĩmaendie Kalimeli kũla kwĩ Avikaili na mamwĩa atĩĩ, “Ndeviti atũtũma kũla ũĩ tũkwĩsĩe ũkatw'ĩke mũka wake.”
41
Avikaili nĩwakumanie atina nthĩ na ũthyũ na asya atĩĩ, “Nyie nĩ mũthũkũmi wake; nĩnĩyũmbanĩtye kũthambya maũũ ma athũkũmi make.”
42
Nĩwookĩlile mĩtũkĩ na ailĩĩla mĩio yake mang'oinĩ. Nĩwaendanisye na athũkũmi make atano ma eĩtu o vamwe na athũkũmi ma Ndeviti na atw'ĩka mũka wake.
43
Ndeviti nĩwatwaĩte Ainoamu kuma Yesileeli, na kwoou Ainoamu na Avikaili matw'ĩka iveti syake.
44
Saũlo nĩwanenganĩte mwĩĩtu wake Mikali ũla waĩ mũka wa Ndeviti akatwawa nĩ Valiti mwana wa Laisi ũla waĩ wa ndũa ya Ngalimu.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31