bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
1 Samuel 12
1 Samuel 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
1
Samũeli nĩwaneenie na andũ onthe ma Ĩsilaeli amea atĩĩ, “Nĩnĩw'ĩte maũndũ onthe ala mũndavĩtye na nĩnĩmũnengete mũsumbĩ amũsũmbĩke.
2
Yu mwĩ na mũsumbĩ wa kũmũtongoesya. Nyie nĩ mũkũũ na nĩ na mbuĩ, na ana makwa me vamwe nenyu. Nĩnamũtongoeisye kuma nĩ mwanake kũka kũvika ũmũnthĩ.
3
Ninyioo vaa. Ethĩwa naaĩka ũndũ ũthũku, umyai ũkũsĩ wenyu ĩũlũ wakwa mbee wa Mwĩai Ngai, na mbee wa mũsumbĩ ũla ũnyuvĩte. Nyie naaosa ng'ombe kana ĩng'oi ya mũndũ? Nyie naakenga mũndũ kana ngathĩny'a mũndũ? Nyie naaĩtĩkĩla kũnengwa ĩtuvi nĩ kana nendeesye mũndũ? Ethĩwa naaĩka ũmwe wa maũndũ asu, nĩngũĩva kĩla noosie.”
4
Andũ nĩmasũngĩie mamwĩa atĩĩ, “Aiee, ndwaatũkenga kana ũkatũthĩny'a. Ndwĩ kĩndũ waaosa kuma mũndũnĩ o na wĩva.”
5
Samũeli nĩwameie atĩĩ, “Mwĩai Ngai na mũsumbĩ ũla ũminĩte kũnyuva nĩmo ngũsĩ ũmũnthĩ, kana mweethĩa nyie nde na ĩvĩtyo o na yĩmwe.” Namo masya, “Mwĩai Ngai nĩwe ngũsĩ yaitũ.”
6
Samũeli nĩwaendeeie kũneena amea atĩĩ, “Mwĩai Ngai nĩwe wanyuvie Mwose na Alũni, na nĩwe waumisye aaũmae menyu nthĩ ya Misili.
7
Yu ũngamai vala mũĩ nĩ kana Mwĩai Ngai atũsilany'e, na ngĩmũtavya maũndũ onthe ma wovosyo, ala Mwĩai Ngai weekie kwondũ wenyu na kwondũ wa aaũmae menyu.
8
Yĩla Yakovo na andũ ma mũsyĩ wake maendie nthĩ ya Misili na andũ ma nthĩ ĩsu mamathĩny'a, aaũmae menyu nĩmeekaĩlile Mwĩai Ngai amatethye. Mwĩai Ngai nĩwatũmie Mwose na Alũni, na maumya aaũmae menyu nthĩ ya Misili na mamaete matũe nthĩ ĩno.
9
Ĩndĩ aaũmae menyu nĩmoolilwe nĩ Mwĩai Ngai, Ngai woo, na kwoou Mwĩai Ngai atuma Sisela, mũnene wa asikalĩ ma kau ma ndũa ya Asoli amasinda. O ta ũu nĩwatumie Avilisiti na mũsumbĩ wa Moavi mokita namo na mamasinda.
10
Nĩvo ĩndĩ aaũmae menyu meekaĩlile Mwĩai Ngai mayasya, ‘Nĩtũvĩtĩtye, nĩtũtiĩte Mwĩai Ngai na tũkathaitha ngai sya mĩvw'anano sya Mbaali na Asetalothi. Ĩndĩ yu tũtangĩĩe kuma amaithanĩ maitũ na tũkakũthaithaa.’
11
Mwĩai Ngai nĩwatũmie Ngitioni, Mbalaki na Yevitha, na ĩtina andũma. Kĩla ũmwe waitũ nĩwamũtangĩĩie kuma amaithanĩ menyu na mwekala mwĩ ũsũvĩonĩ.
12
Ĩndĩ inyw'ĩ yĩla mwoonie kana Mũsumbĩ Naasu wa Aamimoni nũkilĩlye kũmũvithũkĩa nĩmwaleile Mwĩai Ngai ndakethĩwe mũsumbĩ wenyu, na mwambĩa atĩĩ, ‘Twĩenda mũsumbĩ atũsumbĩke.’
13
Yu ĩndĩ mũsumbĩ ũla mweenyuvĩie nũyũ. Nĩmwakũlilye mũnengwe mũsumbĩ, nayu Mwĩai Ngai nĩwamũnenga we.
14
Ethĩwa nĩmũũnenga Mwĩai Ngai, Ngai wenyu ndaĩa, mũmũthũkũmae, mũmwĩthukĩĩasye na mũyĩatĩĩaa mĩao yake, na eethĩwa inyw'ĩ vamwe na mũsumbĩ wenyu mũkamũatĩĩaa, maũndũ menyu onthe makeethĩawa me maseo.
15
Ĩndĩ mwalea kũmwĩthukĩĩsya Mwĩai Ngai na mũilea kũatĩĩa mĩao yake, Mwĩai Ngai akamwĩka naĩ vamwe na mũsumbĩ wenyu.
16
Kwoou ĩndĩ ũngamai o vau mũĩ, mwone ũndũ ũũ mũnene Mwĩai Ngai ũkilĩlye kwĩka mũsyaĩĩsye.
17
“Yu nĩ ĩvinda ya kũketha nganũ, kana ti w'o? Nĩngũvoya Mwĩai Ngai nĩ kana aete kĩtundumo na mbua. Ũndũ ũsu wamina kwĩkĩka, nĩmũũmanya kana nĩmũneekie ũndũ ũthũku mũno mbee wa Mwĩai Ngai, yĩla mũnamũkũlilye amũnenge mũsumbĩ.”
18
Kwoou Samũeli nĩwavoyie Mwĩai Ngai, nake aete kĩtundumo na mbua mũthenya ũsu. Nĩvo ĩndĩ andũ onthe mambĩĩie kũkĩa Mwĩai Ngai na Samũeli.
19
Nĩmeeie Samũeli atĩĩ, “Mwa mũnene voya Mwĩai Ngai, Ngai waku kwondũ witũ nĩ kana tũikakw'e. Yu nĩtwamanya kana, o na eka mavĩtyo ala angĩ maitũ onthe, nĩtũvĩtĩtye kwa kũkũlya tũnengwe mũsumbĩ.”
20
Samũeli nĩwamasũngĩie amea atĩĩ, “Ekai kũkĩa. O na vala nĩmwĩkĩte ũthũku ũũ, mũikaeke kũmũatĩĩa Mwĩai Ngai; mũthũkũmei na ngoo syenyu syonthe.
21
Mũikatate kũatĩĩa ngai sya mana sya mĩvw'anano. Vai ũseo itonya kũmwĩka, o na iitonya kũmũtangĩĩa nũndũ nĩ sya mana.
22
Nũndũ wa ũnene wa ĩsyĩtwa yake, Mwĩai Ngai ndatonya kwĩkya andũ make ĩtheka, nũndũ nĩwoonie wĩ ũndũ ũseo kũmũtw'a andũ make.
23
Ngalĩkonĩ ĩla yakwa, ndikavĩtĩsya Mwĩai Ngai kwa kũeka kũmũvoyea. Nĩngũendeea na kũmwony'a inyw'ĩ nzĩa ĩla nzeo na ya w'o.
24
Kwoou mũkĩei Mwĩai Ngai, na mũimũthũkũma kwa ũĩkĩĩku na ngoo syenyu syonthe. Lilikanai maũndũ manene ala ũmwĩkĩte.
25
Ĩndĩ mwaendeea kwĩka naĩ, Mwĩai Ngai akamũmina inyw'ĩ vamwe na mũsumbĩ wenyu.”
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31